صعيدى علمنى الحب ٧ج٢ حنين عادل

#صعيدي_علمني_الأدب2 #البارت_السابع بتحضنه بالجامد ... بدر: وحشتيني يا بنت الايه بيحوش النضارة... روح : انت كويس ؟! بدر: الحمد لله تمام روح: يارب دايما يا حبيبي .. بدر: اتبسطتي .. روح: جدا ..جدا بيجي يونس بعد ما وقف العربيه وشال كام شنطه .. يونس: عمي...وحشتني بدر: بقا كده يا بكاش يونس: ايوه طبعا .. بدر: ههههه المهم اتبسطتوا يونس: اه ..اومال بدر: اكيد طلعت عينك يونس: ابدا ..دي نسمه .. بدر: اه هاتقولي ههههه .. روح: طيب هاروح اخد شاور وراجعه بدر: روحوا ارتاحوا شويه انتوا جايين من سفر.. روح: لا انا هاخد شاور وهاجيلك لاني عندي كلام كتير مش هايخلص وعايزة اقعد معاك كتير .. بدر: هههههه طيب يلا .. بتطلع روح تجري علي جوا.. يونس بيقعد علي الكرسي اللي جمب بدر يونس: ايه يا عمي شكلك تعبان بدر: انا كويس يا يونس يونس: انا مش فاهم ليه ساكت ومش بتدور علي نفسك ؟! بدر: ساكت ايه اكيد حاولت كتير وروحت لدكاترة كتير كنت بحاول مش عشان الحياة غاليه لأ عشان روح مش عايزها تحزن.. ..احزن ؟! ليه ؟! بدر بيبص وراه ويونس وهما متوترين.. روح: احزن ليه ..في ايه يا بابا انا قلبي مش مطمن.. بدر: مافيش حاجه يا حبيبتي.. يونس: اصل ابويا تعبان شويه يا روح وعمي بيقول انك لو عرفتي هتزعلي يعني روح: تعبان ماله ! يونس: تعبان يا روح ادعيله ربنا يقومه بالسلامه انتي كنتي جايه ليه روح: نسيت اخد الهدوم يونس: طيب.. روح بتاخد الهدوم وبتمشي .. بدر بعد ماشافها مشت: يونس يونس: ايوه يا عمي بدر: اوعي يا يونس تقول لروح حاجه يونس : ماتخافش يا عمي .. بدر: كنت متأكد انك اكتر واحد استأمنه علي بنتي لانك هاتصونها وهاتحميها اما حكايه تحبها فانا واثق ان بنتي هاتخليك تعشقها .. يونس: فعلا انا عشقتها يا عمي بدر: حافظ عليها يا يونس واتحمل جنانها وعصبيتها وعنادها هيا عمرها مابتيجي غير باللين والحنيه عاوز امو*ت وانا مطمن يونس: ربنا يديك طولت العمر ياعمي ان شاء الله هاتشيل عيالها وتجوزهم .. بدر بص للبحر بشرود...ويونس . يونس بيقوم من جمبه وبيدخل الشاليه بيفضل يفتح الاوض يدور علي روح.. بيفتح اوضه وبيلاقي روح فيها وروح لابسه بكيني روح: يا فضحتي يونس بغمزة : العب يلا .......................... في بيت متوسط .. بتدخل البنت اللي اتشاكلت مع مصطفي. بيكون قاعد راجل كبير في السن. بسمه بتروح عليه وبتبوس ايده.. بسمه: اذيك ياچدي اتوحشتك الجد: للمغربيه في الجامعه دي جامعه ايه دي بسمه: كان عندي محضرات كتير يا جدي الجد: الوضع ده مابقاش عاجبني بسمه: ليه يا جدي انا الحمد لله الكل بيشهد باخلاقي واني متفوقه في الكليه وماحدش يقدر يقول نص كلمه غير اكده الجد: انا چاي النهاردة عشان اخبرك انك هاتتجوزي بسمه: هاتجوز ؟! الچد: ولد عمك وهدان من وانتي صغيرة وانتي ليه وهوا مستعچل علي الچواز .. بسمه: بس انا ماعوزهوش دي بتاع بنات الچد: الراچل مايعبهوش غير جيبه بسمه: لاه يا جدي الراجل مايعبهوش جيبه الراچل يعيبه اخلاقه لو مش محترم يعيبه دينه لو مش قريب من ربنا يعيبه قلبه لو مليان كره وحقد وكبر عمر الفقر وقله الفلوس ما كانوا عيب .. الچد: علمتك وكبرتك عشان تيجي علي اخر الزمن وتعلميني كيف اتحددت.. بسمه: العفو يا چدي انت عالعين والرأس وكلمتك لايمكن اكسرها حتي لو علي م*وتي بس انا بعتبرك ابوي واخوي وسندي وضهري ودنيتي كلها بعد ربنا اخلص الجامعه ونفتح الموضوع وعاعمل اللي يعجبك بس ارجوك يا جدي راجع نفسك تاني انا حبيبتك بسمه اللي اتربيت علي يدك من وانا صغيرة .. الچد بيبصلها : انتي عارفه غلاوتك عندي قد ايه بس خليكي خابرة يا بسمه ان احنا هواره يعني مابندوش بناتنا لحد غريب كملي جامعتك بس خليكي خابرة انك في الأخر لولد عمك .. بتبصله بسمه بحزن ...القدر بيفرض علينا اختيارات صعبه اختيارات تحس انها غير قابله للتغيير وتحس ان مهما عملت في حياتك مرجوعك للصفر تاني قليل اوي اللي بيقدر يغير مصيره ويتحدي الظروف يارب اجعلنا منهم ..بقلم حنين عادل .......................... في اوضه روح.. يونس قاعد وروح فوق رجله.. روح بتضحك بصوت عالي.. يونس: فضحتينا يخربيتك .. روح: انا قبل الجواز كنت بتحرج وكده ويمكن ايدي ماكنتش بخليك تمسكها بس كنت ناويه لما اتجوزك اقفل عليك الباب ما اطلعكش الا وعندنا 3 عيال الله بحبك يا نمر .. يونس: ليه ؟! روح: بحبك ليه ! يونس: ايوه روح: بص يا سيدي اكتشفت حاجه غريبه اوي هههه يونس بضحك: ايه هيا ؟! روح: ان الحب اللى بجد مش هو الحب الأول…!! يونس: ازاي؟! روح: الحب اللى بجد هو الحب الأخير ، حب الشخص اللى قدر يلملم جروحك و يرجعلك ثقتك بنفسك ، الشخص اللى كان لك العوض بعد الوجع و الخيبة و فقدان الأمل الشخص اللى شال معاك همومك و حاول يصلح اللى اتكسر جواك… الشخص اللى شاف فيك الحلو فى الوقت اللى أنت كنت شايف فيه الدنيا كلها وحشة … الشخص اللى حبك وأنت مستهلك و مستنزف الشخص اللى اتمسك بيك بالرغم من كل الظروف مش اللى سابك فى أول محطة وانت الشخص ده يا نمر ... يونس: ايه الكلام الجامد ده؟! روح: عشان من القلب للقلب واللي بيطلع من القلب ما فيش احلي منه ! يونس: احنا الاتنين شبه بعض اوي متشابهين جدا حتي في الظروف انتي اتربيتي من غير امك وانا كذلك روح: ايوه ..بس ربنا عوضنا.. بابا مافيش احن منه وعمي شاكر ربنا يخليهولك .....يخربيتك نسيتني بقالنا ساعتين قاعدين اروح اقوله ايه اودي وشي منه فين! يونس: ايه هوا انا شاقطك انتي مراتي روح: اروح اقوله كان بيستفرد بيا! يونس بضحك: دا انا برده ههه روح: الله هوا انا شاقطاك مش جوزي حلالي بلالي يونس بيضحك عليه بتقوم تعدل شعرها وبتطلع .. .............................. في اوضه كريمه... في مكالمه تليفون كريمه قاعده علي السرير.. كرم: عاوز افهم ليه حاسك متغيرة كريمه: مافيش يا كرم كرم: احكي يا كريمه ماتبنيش مابينا سد دا انتي عندي اهم من اي حد كريمه: مش انا اللي متغيره يا كرم ! كرم: اومال مين خالتك كريمه: يا ظريف كرم: يا لطيفه كريمه: ياخفيف كرم: يا زرافه مش هانخلص بقا خبريني ! كريمه: ما هيا دي المشكله! كرم: هيا ايه ؟! كريمه: المشكله انك مش عارف المشكله كرم: يا سلام فعلا مشكله كبيرة قوي بردك كريمه:اتمقلت عليا ما ده بردك من ضمن المشكله يا كرم كرم: استهدي بالله كريمه: لا اله الا الله كرم: صلي علي النبي كريمه: اللهم صلي وسلم وزد وبارك علي سيدنا محمد كرم: اذكري الله كريمه: جري ايه يا كرم انا مسلمه واللهي كرم: احكي بقا كل اللي مضايقك مش عاوزين تراكمات في العلاقه التراكمات بتهد اي علاقه بس انا مستغرب من حاجه قوي كريمه: ايه هيا ؟! كرم: مستغرب انك زعلانه ومتضايقه من حد قمه في اللذاذة والجمال زيي. . كريمه: غشيمه بقا ..سلام كرم: خلاص ..خلاص ..ماتزوقيش عاد .. كريمه: بص يا كرم انا ...........................انا .............ممكن تشوفني هايفه في الحديت اللي عاقوله او دا چلع بنات بس لاه ..انا........................ متضايقه لانك محسسني علطول اني ...اني.............اني يعني.................. مش خابرة كيف اوصلهالك ! كرم: خخخخخخخ كريمه: كرم ! كرم ! ...انت نمت يا حزين ...تصبح علي خير يا ..قلب كريمه! ........................ في الساحل.. بتطلع روح تبص في الشقه علي ابوها في الشقه مش بتلاقيه .. روح: معقول كل ده لسه قاعد علي البحر اه عارفه ابويا راجل رومانسي ! بتمشي روح لحد ما بتطلع علي الشط بتلاقيه قاعد علي الكرسي... بتقعد روح علي الكرسي جمبه .. روح: ايه يابدر ايه كل دي قعده عارفاك رومانسي بتحب البحر والسما وكده وعارفه انك كنت بتكتب اشعار وكده ياعم الشاعر والنبي امي لو ربنا كان طول في عمرها لكانت هاتدلع اخر دلع والحياة هاتبقي اخر لذاذة ذا ذه ... بابا...بابا ..في ايه ! بتقوم روح بقلق بتحوش الطاقيه وبتقلعه النضارة.. روح: بابا...بابا مالك اصحي ..بابا بتبدأ روح عينيها تنزل دموع.. روح: بابا..انت بتهزر صح انت عامل فيا مقلب زي المقالب اللي كنت بعملها فيك بس مش حلو خالص ارجوك اتكلم بتحضنه روح وهيا بتعيط.. روح: طب بص انا قعدت علي رجلك اهو يلا العب لي في شعري زي ما كنت بتعمل وقولي حبيبتي المجنونه اللي جننتني. يلا فتح عينيك بقا ... بتنام علي صدره . روح ببكاء: بابا ..ليه دقات قلبك مش زي دقات قلبي فاكر وانا صغيرة لما كنت بقولك ان قلبك شبه قلبي ..بابا...بدر ..يا نمر !... بتبدأ تزيد في العياط. بتقوم وبتحاول تفوق فيه بتجيب شويه ميه من البحر وبترشها علي وشه . فجأة بتقع علي الأرض وهيا بتصرخ بأعلي صوت : باااااابااااااا بااااابااااا ليه يا بابا انا ماليش غيرك هاتسيبني ... بيجي يونس يجري بعد ماسمع صوتها.. يونس: ايه في ايه بيقرب من بدر وبيحط ايده علي قلبه وعلي النفس .. يونس: عمي بدر لا اله الا الله ان لله وانا اليه راجعون. روح: لااااااا هوا عايش هوا ماماتش مش هايسبني مش هايسيب روحه مش هايسيب حبيبته المجنونه .. بتقوم تجري عليه وتحاول تفوق فيه روح: اصحي ارجوك يلا يا نمر بسرعه بسرعه نوديه للدكتور هوا عايش بس عنده السكر فااااااايي.يمكن غيبوبه يلا يا نمر يلا بسرعه .. يونس بصلها بألم وطلع تليفونه رن علي الاسعاف .. روح بتقرب من بدر... روح بدموع: بابا اوعي تسيبني يا بابا اح..نا هانروح المستشفي وهاتبقي تمام.....بتزيد شهقاتها ...بس اوعي تسيبني.. بيجي الاسعاف وروح بتركب ويونس بيحاول يهديها .. روح وهيا قاعده في الاسعاف بتبكي: ما تخافش يا حبيبي ..ان.انت هاتبقي كويس وهاترجعلي احسن من الاول انا بحبك اوي .انت مش هاتسبني ..صح ..عشان انت بتحبني . بيوصلوا المستشفي .... الدكتور: البقاء لله ! روح: لااااا بابا عايش دا مين ده اكيد قصده حد تاني بيحصل غلطات شوف يا نمر .. يونس: روح .. روح: لاا بابا عايش بس هوا تعبان بس هوا عايش . يونس: روح ...هاتعترضي علي قضاء ربنا ؟ روح: لأ ..ربنا عادل ومش هايحرمني منهم هما الاتنين يونس: روح اهدي... روح بدأت تترعش وتقول كلمات مش مفهومه ووقعت علي الأرض.. يونس بصدمه: روح.......يتبع... ولسه اللي جاي تقيل مع كاتبه الجيل 😎 بجد عيطت وانا بكتب البارت يارب ماتكتبش علينا الصدمه دي واجعل يومي قبل يومهم لأنه من غيرهم الدنيا سودة .... استنوا مفاجات البارت الجاي😭💥 حسيت ان الكلام بجد طالع من قلبي وعيطت لما اتخيلت الموقف يارب خليلي والدي ووالدتي واديهم الصحه والعافيه وماتورنيش فيهم وحش 💖 تفاعلوا بقا كفايه وجع القلب ده 😒 #صعيدي_علمني_الحب❤️ #بقلم_حنين_عادل #كاتبه_الجيل😎