سهيلة سعيد

اي حاجة تييجي ف طريقي هقولك
شهاب ماشي
فاطمة ف الطريق ل شغلها ف مكان تانى لانها مبترضاش تقف ف محلهم عشان ف المنطقة كل الي ف بالها حاليا شهاب وعمالة ټلعن فيه وټشتم توصل فاطمة مول كبير وتدخل محل ملابس فيه
فاطمة صباح الخير
ياسر صباح النور .. فطرتي ولا لسة
فاطمة لا لسة هستنى اسماء نفطر سوا
ياسر طب م نفطر احنا سوا
فاطمة حضرتك انا معرفش هنا غير اسماء لاني مكملتش لسة يومين ف هفطر مع اسماء
ياسر طب م نتعرف ايه المشكلة
فاطمة انا جاية اشتغل مش جاية اتعرف
ياسر وانا اقدر اوي البنت المكافحة
فاطمة لو فضلت تكلمني بالاسلوب دة انا همشي
ياسر لا وع ايه خلاص
تدخل بنت
اسماء صباحووو
الكل صباحووو
اسماء فطرتي
فاطمة لا مستنياكي
اسماء طب اشطا هروح اجيب ساندويتشات
الحلقة الثانية ٢
ياسر اعملي حسابي معاكوا
اسماء عنيا عاوزين حاجة تاني
فاطمة هتيلي بيبسي
اسماء اوك
تمشي اسماء
ياسر لسة مش عاوزة نتعرف
تتنهد فاطمة تاني يوم ف محل موبايلات بتاع عصام شهاب واقف معاه
شهاب ملقتش حاجة
عصام لسة والله
شهاب ماشي
يدخل شاب
هيثم مساؤو ي اخوة
شهاب وعصام مساؤو
هيثم هتيجوا قاعدة الولا حسن بالليل
عصام جايين طبعا
هيثم طب عاوزين نلم من كل واحد ٥٠ جنيه هنجيبله الفاكهه احسن فلس خلاص
شهاب طيب ماشي مفيش مشكلة
فاطمة واقفة ف البلكونة بتنشر يلمحها شهاب يفضل باصصلها تشوفه باصصلها تبصله يضير وشه تبصله ب استحقار وتدخل جوة ييجي الليل ف الشارع ناصبين صوان ل قاعدة صاحبهم وشباب ورجالة بيشربوا سجاير فيها مخډرات واغاني dg والكل بيرقص وهايصين فاطمة راجعة من شغلها تعدي من جنب الصوان شاب بيرقص يشوفها يروح يرقص قصادها تتخض فاطمة
فاطمة وبعدين بقااا
فاطمة مش عارفة تعدي وخاېفة تزعقله او تزقه يتهور عليها لانه باين شارب يلمحهم عصام
عصام ل شهاب الحق صاحبتك متثبتة
شهاب مين !
يبص شهاب يشوفها
فاطمة رقصك جميل والله عديني بقا خلاص
يقرب شهاب ع الشاب وياخده تحت ايده يرقص معاه جوة تبصله فاطمة وبعدين تمشي تطلع البيت تلاقي اخواتها واقفين ف البلكونة
فاطمة وهي بتقرب عليهم واقفين كدة ليه !!!
هند بنتفرج
اسراء تعالي شوفي شهاب رقصه حلو اوي
تقف معاهم فاطمة تتفرج يعدي الوقت تاني يوم فاطمة وشهاب نازلين ف نفس الوقت ماشية فاطمة يقرب شهاب يمشي قريب منها
شهاب فقرة الرقص دي المفروض ف اخرها يطلع مطوته ويضرب بيها الي قدامه
تضحك فاطمة ڠصب عنها
فاطمة احم
يضحك شهاب تعدي من جنبه بنت لابسة ضيق
شهاب وهو بيبصلها لا جامد طب زيرو كام طيب
تبتسم البنت فاطمة شيفاهم تبصله ب استحقار وتمد قدامه يبصلها شهاب ويبتسم كان قاصد يعاكس قدامها
ام ندى ي شهاااااب
شهاب ايه ي ام ندى
ام ندى تعالي والنبي ي حبيبي نزلي باب المحل
شهاب عنيا حاضر
يقرب شهاب ويشدلها باب المحل يقفله تبصله فاطمة وتكمل طريقها تعدي الايام شهاب وامه قاعدين
الام يعني انت بقالك اسبوع قاعد م الشغل !
شهاب اه
الام يلهوي عليا .. طب مجربتش تروح تاني تستسمحوا يمكن يوافق يرجعك
شهاب بقولك انا الي مشيت وبعدين من امتى ابنك بيتزلل لحد مهما كان اروح ل ابن كلب زي دة اقوله والنبي رجعني !!!!
الام اعمل ايه بس ياربي
شهاب انتي شايلة هم ليه بس م انا بديكي فلوس علاجك وكل حاجة ماشية تمام
الام وبتدهالي منين بقا لما انت قاعد م الشغل !!!
شهاب بستلفها من عصام
الام ب انفعال يخرابي وليه الديون دي ي بني هتسدها منين بس
شهاب متشغليش بالك انتي انا وعصام مع بعض بنتصرف ولو في اي شغل قطاعي بيجبهولي
الام طب اقول ل ابوك يشوفلك شغل
شهاب هيشوفلي ايه هيوقفني ف مكتبة ولا ف سنترال
الام وماله اهو اي شغلانة مش عيب
شهاب وانا ماليش ف شغل الحريم دة ي اشتغل زي الرجالة ي اقعد ف البيت جنبك زيهم لكن الاسم بشتغل وشغلانات معفنة ع ملاليم يبقا ايه لزمتها بقا
الام لا اله الا الله
شهاب وهو بيقوم هقوم اناملي ساعتين
يعدي الوقت شهاب ف اوضته نايم وفجأة ……….
صوت عالي هنساااااك كل غلطه غلطها قلبك يوم ف حقى كل چرح وكل دمعه بكاها قلبى هردهاااااالك مش هنسهالك خد حياتك ذكرياتك خد هوااااااك وادينى قلبى اللى اتظلم ف سنين هواك
يقوم شهاب ع اخره يفتح البلكونة ولسة هينده يشوف من اوضة فاطمة واقفة اسراء بترقص
اسراء وهي بتشد فاطمة قومي بقاااا
تقوم فاطمة ترقص معاها
الصوت مشوار حياتك كملو مع حد تانى مع قلب غير قلبى انا مع حب تانى وانا وانت والأيام وادى الحياه ادام هشوف چرح مين هيعيش وچرح مين هينام كل غلطه غلطها قلبك يوم فى حقى كل چرح وكل دمعه بكاها قلبى هردهاااالك مش هنسهالك خد حياتك ذكرياتك خد هوااااك وادينى قلبى اللى اتظلم ف سنين هوااك
شهاب ع الصبح كدة النكد دة م تجيبوا صبارة وټدفنونا احسن
اسراء وهي طالعة البلكونة معلش صحيناك
شهاب ولا يهمك
فاطمة م يصحى يعني ولا يتفلق
شهاب يما خليكي محضر خير
فاطمة امااا .. انا اخلف شحط زيك
شهاب وبعدين بقا ف طولة اللسان دي
اسراء معلش ي شهاب دي بتهزر .. خشي يلا
يدخلوا ويقفلوا البلكونة
شهاب بوز الفقر كتك الارف
ييجي الليل شهاب قاعد مع عصام ع القهوة
عصام جايبلك شغالة سقع
شهاب الحقني بيها
عصام هي صعبة شوية بس انت هتسلك فيها
شهاب ايه هي ي عم قول
عصام بادي جارد
شهاب لا والله !!!!
عصام لو موافق اخدك اوريك المكان ويعرفوك النظام وكدة
شهاب ي عم براحة عليا انت شايف جون سينا قدامك
عصام وهو انا واخدك تحارب دة انت هتقف ع باب ديسكوا انت وواحد تاني جنبك بس هو عشان بتاع ناس تقال ف عاوز امن
شهاب قول بقا امن مش بااااادي جارد
عصام مش هتفرق يعني البس بس انت الحتة الي ع الحبل وهجيلك بالليل نروح
شهاب ماشي
ييجي الليل يتشيك شهاب وينزل م البيت تشوفه هند م البلكونة تفضل بصاله لحد م يختفي تقرب عليها فاطمة
فاطمة بتعملي ايه !
هند ب خضة خضتيني ولا حاجة
جوة night club يدخل عصام ومعاه شهاب اغاني وانوار وبنات وشباب وجو مبيشفهوش غير ف الافلام عمال يتفرج
كعب الغزال ف الجمال ملكيش مثيل سايقة الدلال بنت الحلال والعود اصيل لو عندك كوم من الجبال هتيلي اشيل لو حد غيري يبصلك هيبات قتيل ..
شهاب وهو بيبص ع البنات انت متأكد اني هعمر هنا
عصام لا
نهائي بس صاحبي وعاوز اخدمك
شهاب حبيبي
يدخلوا مكتب
عصام سلاموا عليكم
بكر وهو بيقوم يسلم عليهم عليكم السلام اتفضلوا
يقعدوا
عصام انا عصام جايلك من طرف حودة جابر
بكر ب تذكير ااه اه عشان الشغل
عصام بالظبط كدة
بكر بس انا كنت طالب واحد بس !!
عصام اه لا مهو ليه هو مش انا دة شهاب الي هيشتغل
بكر طب تمام اوي لحظة واحدة
يمسك الفون
بكر تعليلي المكتب
يقفل
بكر حودة فهمكوا النظام
عصام لا هو قال نروح نقابلك وانت هتفهموا بقا
بكر طيب .. مبدأيا كدة مرتبك بيبقا ٢٠٠٠ جنيه ك بداية وبعد كدة بتذيد لو شغلك عجبني
شهاب تمام
بكر ليك نيو فورم بدلة اول م بتوصل هنا بتدخل تغير هدومك دي وبتلبسها
شهاب تمام
بكر هنا مش اي حد بييجي دول ناس تقال وولاد ناس تقال ف مش عاوز اي مشاكل مع حد .. في بابين للمكان باب الشارع وباب السلم انت مكانك هيبقا عند باب السلم دة منك شايف الي برة ومنك حارس الي جوة تمام
شهاب تمام
بكر عاوز تبدأ من امتى
شهاب م الوقت الي حضرتك تحبه
بكر خلاص دلوقتي لان مفيش برة غير واحد بس الي واقف .. دة اذا مكانش عندك مانع
شهاب لا اوك ماشي
تدخل بنت
بكر سو دة شهاب البادي جارد الجديد هتاخديه توريه مكان لبسه عشان يغير
سو اوك .. اتفضل
تمشي سو ويروح وراها شهاب
شهاب ااا انتي ……….
سو شغالة هنا اه
شهاب ب استغراب انتي بتقري الافكار ولا ايه
سو وهي بتبصله ب ابتسامة حاجة زي كدة
يبتسم شهاب يدخلوا اوضة تقرب سو ع بدل
سو مقاسك كام
شهاب ب حيرة مش عارف
تقرب عليه تحط ايدها الاتنين ع كتفه تبقا شبه حضناه تشوف تكت القميص الي لابسه وترجع تجيبله بدله وتديهاله
سو البس .. هستناك برة
شهاب اوك
تخرج سو ويلبس شهاب ويخرج تاخده تعرفه مكانه وتفهمه الشغل يقف ف المكان الي اتقاله عليه سو شغالة ويتر رايحة جاية ترمي نظرات وابتسامات ل شهاب وهو متابعها وفجأة تخبط ف بنت يدلق عليها المشروب
بنت انتي حمارة ي بنتي
سو سوري مشفتكيش
شاب مشفتيهاش ايه دة انتي داخلة فيها زي الطور
سو انا قلت سوري ع فكرة
بنت لا وكمان باردة عملت ايه انا ب سوري بتاعتك دي هتنشف هدومي
سو ب برود والله مش مشكلتي ومقدرش اقولك اكتر من سوري
تتغاظ البنت وتبص للشاب يضربها الشاب بالقلم تتخض سو وشهاب شايفه يتغاظ شهاب يقرب عليهم
الشاب ب انفعال هتقلي ادبك هناولك التاني
لسة هيزقها يمسك ايده شهاب
شهاب مفيش داعي حضرتك ل كل دة
الشاب وهو بيشيل ايده من شهاب وانت مال اهلك
شهاب وهو بيبص ل سو شوفي شغلك
تمشي سو ولسة شهاب هيمشي ………
الشاب انت اټجننت يلا خد هنا
يقف شهاب
شهاب ب تنهيدة أأمر حضرتك
الشاب نادي البت دي انا لسة مخلصتش كلامي معاها
شهاب وهو بيقرب عليه اوي طب لم الليلة عشان منظرك ميبقاش وحش قدام الحلوة دي
الشاب ب انفعال وحيات امك
لسة هيضرب شهاب بالقلم يصد شهاب ايده ويضربه هو بالقلم يتخض الكل وتقوم خناقة بين امن المكان والشاب وصحابه يعدي الوقت شهاب وسو ف مكتب بكر
بكر ب انفعال من اولها كدة دة انت لسة مبقالكش كام ساعة !!!!
شهاب هو الي غلط الاول وانا طولت بالي ع اد م اقدر
بكر لا واضح بصراحة ان بالك طويل اوي
شهاب ان ……….
بكر خلصنا .. انا الي قبلك مشيتوا بسبب ام القرف دة ومش ناقص ۏجع دماغ انت ملكش شغل هنا اتفضل بالسلامة
سو بس ي بكر هو ………
بكر ب زعيق سووووو .. كلمة ذيادة وهتحصليه
تسكت
بكر خديه ع الحسابات ياخد حق الكام ساعة الي اشتغلهم ويمشي .. اتفضل
يمشي شهاب ب عصبية تروح وراه سو
سو شهاب .. شهاب استنى
تمشي جنبه
سو انا اسفة كل دة بسببي
شهاب انتي ملكيش دعوة هو الي ابن كلب
يدخل الاوضة الي بيغير فيها وسو وراه
سو طب هتعمل ايه
شهاب وهو بيقلع الچاكيت هعمل ايه يعني همشي
سو ب حزن انا بجد حاسة بالزنب
شهاب مش زنبك انا مبعمرش ف شغلانة عادي يعني
يقلع القميص
سو طب تقدر تستناني برة هغير هدومي واجيبلك فلوسك واجي انا كدة كدة خلصت الشيفت بتاعي
شهاب ماشي
تمشي سو يكمل شهاب تغيير هدومه وبعدين يستنى سو برة تقرب سو
سو وهي بتديله الفلوس اتفضل
ياخدهم منها يتمشوا سوا
سو في مكان تاني هتشتغل فيه
شهاب لسة مش عارف .. هتصرف
سو ان شاء الله تلاقي
شهاب انتي شغالة هنا من كتير
سو اه سنتين
شهاب والمعاملة خرة كدة دايما مع الزباين !
سو لا مش دايما ع حسب .. الي يعاملك حلو عشان يجيب رجلك والي يعاملك وحش قدام حبيبته عشان يبان قدامها دكر زي م حصل دلوقتي وكدة يعني
شهاب طب م تشوفيلك شغلانة تانية
سو انهي شغلانة الي هتقبضني ٦ الاف جنيه كل شهر
شهاب ااااه .. وطبعا بتصرفي ع امك واخواتك وابوكي مېت
سو لا نهائي انا ماليش اخوات وامي وابويا مسافرين الامارات وظروفنا المادية كويسة جدا وبيبعتولي فلوس كمان
شهاب ب استغراب اومال ايه الي مشغلك ف المكان دة !!!!!
سو مش كل حاجة الفلوس .. هو بس زهق اولا .. ثانيا انا مبقبلش فلوس اهلي بحس انه زي واجب يشتغلوا ويرمولي كام جنيه عشان يبقوا عملوا الي عليهم وعشان اسكت لكن ولا يعرفوا عني حاجة .. ف بشتغل وبصرف ع نفسي وبالنسبالي شغلي ف المكان دة أأمن من برة لان اخري زي م انت شايف خناقة ضړبة لكن محدش يقدر يلمسني ڠصب عني .. برة هتمرمط ومحدش هيسيبني ف حالي
شهاب تفكيرك غريب
سو تفكيري صح
شهاب من وجهة نظرك
سو مش هتفرق المهم اني مبسوطة
يبتسم
سو احكيلي عنك بقا
شهاب عاطل عن العمل من ربع ساعة
سو هههههه
شهاب يعني انتي عايشة لوحدك
سو اه
شهاب اممممم
ف بيت فاطمة قاعدة فاطمة مع اخواتها
هند والله انتي الي متفرعنة وسايبة محلنا ورايحة تشغلي ف المول
فاطمة محلنا ايه الي ف المنطقة المعفنة دي والي رايح والي جاي يقف يقرفني
اسراء وانتى كدة مش مقروفة يعني !
فاطمة بس بعرف اوقفوا عند حدوا لكن هنا لو حد كلمك ورديتي عليه ياكلك
هند والله انتي الي عاملة ف نفسك كدة اتحملي بقا
اسراء طب م يمكن بيحبك
فاطمة بيحب مين دة انا مبقاليش كام يوم وبعدين
دة عينه زايغة ع اي حد يدخل المحل مش انا لوحدي
هند طب ي بنتي م تفكك وتعالي اقفي معانا ووالله م حد بيقدر يكلمنا واهو ف منطقتنا وسط اهلنا بدل الحيوان دة م يخنقك
فاطمة هشوف
اسراء شوفي مش هتخسري حاجة
فاطمة ماشي
تاني يوم الساعة ٨ الصبح ف بيت سو واقف شهاب بيلبس
سو انت مستعجل ليه كدة م تنام وبعدين ابقا روح
شهاب معلش مينفعش
سو طب هشوفك تاني
شهاب ان شاء الله
سو طب عاوزة رقمك
شهاب اوك
يخلص لبس ويديها الرقم ويمشي يروح البيت ينام تدق الساعة ١١ الصبح تدخل ام شهاب تصحيه
الام وهي بتفتح البلكونة ي بني قوم هتلنا فطار
شهاب يما سبيني حرام عليكي دة انا نايم الصبح
الام مين يجيب يعني اخواتك مش هنا
شهاب ابعتي ابويا واقفلي البلكونة دي
الام انت عاوزه يطلقني فيها قوم ي ولا انت
شهاب ب زعيق مش قايييييم
ابو شهاب قاعد برة بيتفرج ع التي ڤي تقرب عليه ام شهاب
الام ب زعيق قوم شفلي ابن الجزمة الي جوة دة بدل م اسيبلكوا البيت واغووور
الاب في ايه ع الصبح
الام مش عاوز يقوم م النوم
الاب سبيه شوية لسة بدري
الام ومين يجيبلي فطار بيقولي نزلي ابويا هتنزل انت
الاب ايه
يقوم الاب يجري عند شهاب نايم وبيشخر يدخل الاب
الاب ب زعيق ياض ي ابن الكلب
يقوم شهاب مخضوض يحدفه بالشبشب
الاب قوووم
شهاب ب فزع في اييييه
الاب فطار ايه الي انزل اجيبه وانت مخمود ي صايع ي قليل الادب قوم فز هاتلنا طفح
شهاب استغفر الله العظيم يارب هو الواحد ميعرفش يناملوا ساعتين ف البيت دة والله كنت نمت برة اريحلي
الاب والله لما تبقا جاي من شغل وشقى نبقا نسيبك تتخمد لكن بتتسرمح مع الصيع صحابك والبنات يبقا تقوم تخدم بقا ويبقالك فايدة ف البيت دة
شهاب وهو بيبص ل امه قلتيله ماشي
الام مقلتش
الاب وهو خارج م الاوضة اخلص ف ليلتك دي بدل م ارجعلك تاني
شهاب الصبر يارب
يبص شهاب يلمح فاطمة ف البلكونة كانت شايفة كل حاجة وفطسانة م الضحك يبصلها ب غيظ تبصله ب استفزاز وتدخل جوة ب تكبر
شهاب ي بنت ال
يلبس شهاب شبشب ع تيشرت نص كم وسويت بانس وينزل الشارع يقف عند بياع الفول والفلافل يشوف صحابه هناك
خليل ايه دة شهاب بنفسه نازل يجيب فطار
شهاب ي عم اقعد مش نقصاك
يشوف فاطمة جاية عليهم
الحلقة الرابعة ٤
هيثم ب ضحك معلش بكرة تتعود
خليل هههههه
شهاب ابو شكلك ع الصبح
تقف فاطمة قريبة منهم عشان تجيب
هيثم وهو بيبص ل فاطمة تقلان علينا ليه ي حلو
متردش
شهاب ع فكرة رضا الاب مهم جدا يعني
فاطمة اه طبعا .. هو احنا لينا غيرهم
شهاب ماشي ي عم اتريق براحتك
فاطمة وهي بتبصله مبتريقش ع فكرة ربنا يخليهولك
شهاب ب استغراب تسلمي
يتغاظ هيثم انه كلمها ومردتش عليه ودلوقتي بترد ع شهاب
هيثم م انتي بتتكلمي اهو اومال معايا القطة واكلة لسانك ليه
فاطمة لما تتكلم ب ادب ابقا ارد عليك
هيثم قصدك اني قليل الادب !!!
متردش
خليل خلاص ي بني
هيثم ب عصبية لا ترد ع امي ولا هو للي ليها مزاج ليه بس
فاطمة احترم نفسك احسنلك
شهاب م قالك خلاص اهدى بقا
هيثم لا مش محترم نفسي م انا قليل الادب بقا
البياع يديها الاكل تاخده ولسة هتمشي يقف قصادها هيثم
فاطمة وبعدين ف الصباح الي شبه وشك دة
هيثم لا مشيها وش شهاب اصلوا احلى وبيترد عليه
شهاب لا اتلم بقا عشان ملمكش ع الصبح
خليل م تهدى ي هيثم في ايه !!!
شهاب روحي ي بنتي اما نشوف اخرتها
لسة هتمشي
هيثم لا وربنا مهي ماشية هي خلاص كبرت ف دماغي
فاطمة ب انفعال مين دي الي متمشيش متخلنيش امرمت ب كرامتك الشارع واهزقك ف لم الليلة دي احسنلك
يقرب شباب صحابهم
هيثم طب مش لاممها ي روح امك عشان تبقي مترديش عليا كويس
فاطمة روح امي !!!!!
خليل م خلصنا ي هيثم ايه لعب العيال دة !!!
فاطمة انت ………..
شهاب وهو بياخد دماغ هيثم تحت ايده تعالى كدة وانتي روحي يلا
تمشي فاطمة
هيثم وهو بيزق شهاب ب عصبية ي عم اوعاااا
يخبط شهاب ف خليل يتغاظ يضرب هيثم بالشلوت يوقعه ع الارض تشوفه فاطمة
شهاب ب زعيق عمال اقول ل اهلك اهدى م الصبح في ايه يلا
يتلموا صحابهم
…….. اهدوا ي شباب في ايه !!!!
خليل وهو بيرجع شهاب ل ورا خلاص ي شهاب حصل خير
يقوموا هيثم م الارض ماسك بطنه مكان الضړبة
هيثم ب زعيق انت بتضربني عشانها ي شهااااب
شهاب لا عشان دخلتني بينكم مالك محروق ليه انها ردت عليا ومردتش عليك م عن امها م ردت في ايه ع الصبح
هيثم تمام ي عم
شهاب ل البياع هات ي بني الاكل هو يوم باين من اوله هات الله يخربيت اصطباحتكم الخرة
يديله الاكل توصل فاطمة البيت
الام ايه الي اخرك كدة !!!
فاطمة كنت بتخانق
اسراء لا والله مع مين !!
فاطمة الحيوان هيثم
الام عملك ايه
فاطمة وقف يرخم عليا عشان كان بيعاكسني ومردتش عليه
اسراء وبعدين
فاطمة ولا قابلين .. شهاب ضربوا
اسراء ب اندهاش لا ي شيخة
فاطمة وربنا
اسراء لا احكي بالتفصيل بقا وبالراحة كدة
يوصل شهاب تحت البيت يستغرب مركونة عربية احدث موديل ومدخلتش منطقتهم قبل كدة يطلع البيت يفتح ويدخل يلاقي بنت قاعدة واخواته وامه قاعدين معاها
شهاب ب استغراب كارمن !!!!
كارمن شهااااب
نوقف لحظة .. كارمن بنت جميلة بشرتها بيضة شعرها تلجي طويل عيونها عسلي جسمها مظبوط بالملي رياضية جدا عندها ٢٥ سنة بباها رجل اعمال كبير ومامتها مټوفية وهي سيدة اعمال عندها شركة ادوات تجميل كارمن تبقا بنت خالة شهاب كانت عايشة مع بباها برة مصر ولما رجعت ملهاش اختلاط بالعيلة اوي عشان فرق الماديات متجوزة رجل اعمال غني جدا بس كبير ف السن .. نرجع تاني
شهاب عاملة ايه
كارمن الحمدلله تمام
شهاب ليكي وحشة والله دة انا معرفتكيش ف الاول !!!
كارمن وانتوا والله واحشني جدا
الام شايف كبرت واحلوت ازاي
شهاب اه
كارمن ميرسي ي خالتوا
وجدان بس ايه الي فكرك بينا يعني !!!
كارمن وحشتوني عديت ع بيت جدو سلمت عليهم وقلت اجي اشوفكم
هدير فيكي الخير ي بنتي
كارمن وكنت مسافرة ورجعت من اسبوع
شهاب حمدلله ع السلامة
كارمن الله يسلمك
الام ابوكي عامل ايه وجوزك
كارمن
كويسين الحمدلله بيسلموا عليكم
الام الله يسلمهم .. الا سمعت انك عندك شركة
كارمن اه شركة ادوات تجميل
وجدان ميكب
كارمن ميكب وبررفيوم وكدة يعني
وجدان اهاااا
الام بتشغلوا رجالة
يبصلها شهاب
كارمن اه اكيد
الام طب م تشوفلنا شغلانة ل شهاب
كارمن ا ……….
شهاب ب خضة ايه يما انا مقلتش عاوز شغل !!!!!
الام انت مش قاعد م الشغل يعني محتاجه
شهاب وهو بيقوم م الاحراج الله واكبر عليكي صراحة مش عارف اقولك ايه
يدخل اوضتة
هدير ي ماما حرجتيه
كارمن هو انا غريبة ي هدير !!
هدير لا بس شهاب نفسه عزيزة عليه ومبيحبش كدة
كارمن ع العموم ي خالتوا انا محتاجة ناس للشركة وكنت عاملة اعلان ف خليه يجيلي بكرة الصبح وهسيبلك العنوان تديهوله
الام ب فرحة الله يخليكي ي بنتي ويكرمك
كارمن تؤمري ي حببتي
الام يلا قوموا ي بنات حضروا الفطار خلوا كارمة تفطر معانا
كارمن وهي بتقوم لا لا انا ماشية
الام ماشية فين لا طبعا هتفطري معانا
كارمن والله م هلحق ورايا كذة مشوار لازم اخلصهم قبل م اروح الشركة
الام طيب ي حببتي ربنا يعينك بس هنستناكي يوم تجيلنا فيه من اوله كدة
كارمن ان شاء الله حاضر
تسلم عليهم
وجدان شكرا ع الهدايا الحلوة دى
كارمن العفو ي قلبي دة قليل عليكوا .. سلمولي ع شهاب وعمو سلطان
الكل الله يسلمك
الام مع السلامة .. استني الولا شهاب يوصلك
كارمن لا مفيش داعي عربيتي تحت البيت
الام ي مشاء الله تتهني بيها ي ضنايا خلي بالك من طريقك
كارمن ربنا يستر سلام
الام مع السلامة
تمشي كارمن يطلع شهاب
شهاب ايه الي عملتيه دة !!
الام ايه
شهاب ب انفعال ايه انتي رايحة تقولي قدامها اني عاطل وقاعد جنبك !!!!
الام مقلتش كدة انا قلتلها تشوفلك شغلانة
شهاب دة ع اساس اني شغال سفير وعاوز حاجة تانية بعد الضهر
الام والله الشغل ولا عيب ولا حرام اهي بدل قعدتك دي
شهاب ب انفعال ي ستي هو انا اشتكتلك قاعد ع حجركم انا
الام ب زعيق يعني عاوز ايه يعني بتزعق ليه دلوقتي دة جزاتي شفتلك شغلانة
شهاب مين قالك اني اصلا هروح مش رايح انا
الام عنك م رحت خليك كدة متلقح جنبي
شهاب طب بلاش ام الطريقة دي عشان بتستفزني
يطلع الاب
الاب بطلوا جعير وحضرولنا نطفح
الام قوموا حطوا الاكل يلا
يدخل شهاب اوضته ف بيت فاطمة اسراء ف البلكونة تدخل جوة
اسراء حتة مزة خارجة من بيت ام شهاب !!!
هند مزة ايه !
اسراء بنت ناس اوي باين عليها لبس رهيب وعربيتها مركونة تحت البيت ركبت ومشيت
فاطمة من امتى يعرفوا ناس نضيفة كدة
اسراء معرفش يختي
هند ممكن طلعت غلط
اسراء لا دى من بدري فوق
فاطمة ايوة وانا طالعة كنت شايفة عربية غريبة مركونة تحت
الام بطلوا نميمة ع الناس ويلا عشان نفطر
يقعدوا ع الترابيزة يعدي الوقت يلبس شهاب وينزل م البيت شباب بيلعبوا كورة يقف يلعب معاهم تنزل هند م العمارة
شهاب شوووووط
يشوطوله الكورة يشوطها تيجي ف ضهر هند يتخض
هند اااه .. انت قاصد صح
شهاب ب ضحك اقسم بالله ابدا يمكن لو شفت وشك كنت قصدت بس معرفش ان انتي ف مقصدتش
هند والله يعني لو شايفني كنت قصدت !!!!!
شهاب اكدب يعني
هند انت ……….
شهاب حقك عليا انا اسف
تسكت هند ومتبقاش عارفة تقول ايه تمشي يبتسم شهاب يعدي الوقت فاطمة ف شغلها واقفة بتعلق الهدوم وبترتبها ياسر مراقبها واقف متردد انه يكلمها تدخل فاطمة المحل من جوة يروح وراها ياسر تدخل تجيب حاجات م المخزن تلف تلاقي ياسر ف وشها تتخض
فاطمة انت بتعمل ايه هنا !!!!
ياسر وهو بيمسك ايدها الاتنين شششش وطي صوتك
فاطمة ايه دة اوعااا
ياسر وهو بيقربها عليها اهدي بس
فاطمة سيب ايدي والله هصوت والم عليك النااااس
يحاول يبوسها تصرخ
فاطمة ب صړيخ اوعااااااا
يسيبها
ياسر خلاص اهدى اهدى خلاص
تزقه وتطلع برة تشوفها اسماء
اسماء هو انتي الي كنتي بتزعقي !!!!
متردش عليها وتاخد شنطتها وتمشي يطلع ياسر تبصله اسماء ب استغراب يضير وشه ويروح يقف مكانه تطلع فاطمة م المول وهي دموعها عمالة تنزل م الخضة تركب وتروح شهاب واقف مع صحابه ع الشارع تنزل فاطمة م العربية وتدخل الشارع يشوفها شهاب يستغربها وشها الي باين عليه معيط
شهاب ثواني وجاي
يروح وراها
شهاب علي .. علي
تسمعه فاطمة بينده اسم بباها تقف يقرب عليها
شهاب في حاجة ولا ايه !!!
فاطمة لا مفيش
شهاب اتخانقتي مع حد او حصلك حاجة شكلك معيط
فاطمة وهي بتمسح دموعها لا انا كويسة .. معلش مينفعش اقف كدة
شهاب اه اتفضلي
تمشي فاطمة ويرجع شهاب ل صحابه
خليل في حاجة ولا ايه !!
شهاب لأ شكلها معيط ف كنت بشوف في ايه
عصام بقيت مهتم انت مرة ټضرب صاحبك عشانها ومرة بتطمن عليها في ايه ي عم مش دي الي قلت مش بتطيقها
شهاب اولا هيثم مش صاحبي دي عيل ابن ثانيا انا مضربتوش عشانها انا ضړبته عشان عمال يتريق بيا معاها الي ليكي مزاج ليه ومشيها وش شهاب اصل شكلوا احلى وهيبدأ يلبخ بقا ف كلام ملهوش لزمة
خليل ي عم الحب ي عم
شهاب هو قالك بيحبها
خليل ايوة وهي منفضاله ع الاخر
شهاب يبقا يتلم بقا مش بالعافية
عصام م انت عارف غتاتة هيثم لما يحط حاجة ف دماغه
شهاب ي عم يولعوا سوا المهم ميدخلنيش بينهم
توصل فاطمة البيت
الام ب استغراب مالك في ايه !
فاطمة وهي بتقعد اتخانقت ف الشغل
الام لدرجة وشك الي سايح ع بعض من كتر العياط دة !!!!
فاطمة وهي بتقوم بجد !!!!
تبص ف المراية
فاطمة عشان كدة جه يسألني مالي
الام هو مين دة !
فاطمة شهاب
هند وهي طالعة من اوضتها هو في ايه الولا دة ماله ومالك من امتى الحنية دي !!!
فاطمة معرفش
هند مش بطمنلهم الناس دي بنت ستين كلب ف خلي بالك وقصري معاه
فاطمة مفيش بينا حوار اصلا دي كانت مشكلة وحكيتلكم الي حصل .. كان طبيعي يتدخل وصاحبه عمال يتريق عليه ف مش عشان سواد عيوني يعني دة عشان نفسه
هند ودلوقتي بيسأل مالك عشان نفسه بردوا
فاطمة معرفش بقا فكنا م السيرة دي
الام وانتي ايه الي خلاكي تتخانقي ف الشغل واتخانقتي مع مين اصلا !
فاطمة الحيوان ياسر
الام ماله
فاطمة اټهجم عليا
الام ب خضة يلهوي
هند بتهزري !!!!
فاطمة والله بجد وصوت وكنت هلم عليه المول بس خاف
وسابني ف مشيت
الام ب زعيق اقسم بالله العظيم لو رحتى الشغل دة تاني ولا اي شغل غيره برة لأكون حبساكي ف البيت زي العيال ي فاطمة
فاطمة انتي بتزعقي ليه وانا ايه زنبي
الام زنبك ان عندنا ام محل ورايحة تشتغليلي برة ليييه !!!
متردش فاطمة
الام عاوزة تتنيلي تشتغلي يبقا تشتغلي ف المحل الي تحت مع اخواتك غير كدة معنديش كلام تاني اقوله
تقوم الام تدخل المطبخ
فاطمة تتعصب عليا انا ف الاخر
هند مهي عندها حق افرضي لما صوتي مكانش حد سمعك ولا هو كان كمل الي عاوز يعمله ومهموش صويتك كنتي هتتبسطي ساعتها لما تحصلك مصېبة
متردش فاطمة
هند انا نازلة ل اسراء عشان لوحدها تحت .. ابقي انزلي بقا
فاطمة ب تنهيدة ان شاء الله
ييجي الليل شهاب ف اوضته يخبط باب الاوضة وتدخل هدير
هدير من ورا الباب صاحي
شهاب اه تعالي
تدخل تقعد جنبه
هدير بقولك
شهاب ايه !
هدير انت هتروح مشوار بكرة
شهاب ب استغراب مشوار ايه !!!
هدير بنت خالتك كارمن هتروحلها الشركة
شهاب اااه .. لا طبعا
هدير ليه ي بني !
شهاب انتي هبلة ي بت اروح ازاي بعد الي امك عملته دة !!!!
هدير هي يعني مش عارفة خالتها
شهاب ايا كان مش انا الي ادبس كدة وبعدين دي خلت منظري زي الخرة قدامها
هدير معلش عشان خاطري م يمكن ييجي منها خير ي شيبوووو
شهاب مش هينفع ي هدير لو كانت كارمن هي الي طلبت كنت رحت لكن زمانها بتقول علينا استغلاليين وباردين
هدير يعني هتضيع فرصة زي دي !!!
شهاب تولع الفرصة كرامتي اهم
هدير وهي بتقوم طيب براحتكوا بقا
تمشي هدير يرن فون شهاب
شهاب الو
سو عامل ايه
شهاب فل الحمدلله .. وانتي
سو انا تمام .. انت وحشتني
شهاب وانتي كمان
تاني يوم شهاب نايم واقفة هدير بتصحيه
هدير ي بني قوووم
شهاب عاوزة اييييه
هدير تليفون علشانك
شهاب ب استغراب تليفون ايه !!!
هدير كارمن بنت خالتك اتصلت وعاوزة تكلمك
يقوم شهاب ياخد منها الفون تمشي هدير
شهاب الو
كارمن ازيك ي شهاب
شهاب الحمدلله انتي عاملة ايه
كارمن الحمدلله تمام .. انا كنت متأكدة انك مش هتيجي عشان كدة اتصلت ب خالتوا عشان مش معايا رقمك
شهاب انا …………
كارمن عارفة انك اتضايقت م الطريقة بس بجد انا محتجالك ف الشغل انا مش بتجبى عليك ولا مساعدة لسمح الله دة شغل وانا عاوزة معايا ناس تسد وعارفة انك هتقدر تسد وجدع ف قلت ايه
شهاب ب حيرة والله مش عارف اقولك ايه
كارمن بقولك محتجالك بقا خلي عندك احسااااس
يبتسم شهاب
شهاب حاضر ماشي
كارمن انا عاطية عنوان الشركة ل هدير خدوا منها ومستنياك كمان ساعتين تكون قمت م النوم كدة وفوقت اتفقنا
شهاب تمام اوك
كارمن يلا باي متتأخرش
شهاب حاضر باي
يقفل شهاب ويفرح من جواه انه هيروح ب طلب منها وب كرامته يقوم ياخد دش ويلبس بنطلون جينز كحلي وقميص نبيتي وكوتشي ابيض ويطلع من اوضته
وجدان ايه الشياكة دي
شهاب قلبي
الام رايح دلوقتي عشان ب مزاجك لكن انا اقول كخة
شهاب انا رايح عشان ب كرامتي مش ب مزاجي
الام ربنا يهديك ويصلحلك الحال
شهاب يارب
يمشي شهاب فاطمة وهند قدام المحل بتاعهم بيحاولوا يقفلوه
هند ي بنتي نزلي كويس
فاطمة م أهو بقا اخلصي ايدي وجعتني
هند ب انفعال هو انتي شداه اصلا دة اسراء ارحم منك يخربيتك
الحلقة السادسة ٦
يشوفهم شهاب
فاطمة والله هسيبك خالص اهو
تسيب فاطمة الباب يترفع تاني
هند ي متخلفة انا مصدقت نزلته
يقرب شهاب يشد الباب يقفله ويمشي فاطمة واسراء يبصوا لبعض
فاطمة ب صوت عالي شكرا ي شهاااب
يبصلها ويبتسم ويكمل مشي
هند ب تريقة شكرا ي شيييهااااب
فاطمة اتلمي
هند كرمه بقا ذايد اوڤر يعني
فاطمة انا معرفش فتحتي ليه لما انتي هتقفلي
هند امك حضرت الفطار ناكل وبعدين ننزل يلا
يمشوا
فاطمة ليه مبتفطروش ف المحل !!
هند مبنسيبش امك لوحدها عشان حضرتك بتبقي ف شغلك السعادي
فاطمة اديني قعدتلكوا يختي
يوصل شهاب شركة كارمن يتفاجئ شركة ضخمة جدا والناس كتير يشوف كارمن واقفة مع ناس بتكلمهم يفضل باصصلها لابسة ميني چيب اسود مفتوح من ورا وبادي ازرق كت مفتوح من قدام وهيل عالي اسود ورافعة شعرها تلمحه واقف
كارمن التقارير دي تكون ع مكتب زوهير بيه الصبح بالكتير .. عن اذنكم
تقرب ع شهاب ياخد نفس طويل من جواه
كارمن وهي بتمدله ايدها نورت ي شهاب
شهاب دة نورك
كارمن تعالى هعرفك ع المكان واوريك مكانك فين
شهاب اوك
تاخده كارمن تعرفوا ع مكان مكان ف الشركة ويبقا مكتبه مع كذة مكتب وناس تانيين يبصوله الموظفين ان مين دة الي المديرة بنفسها جاية تعرفه مكانه !!!
كارمن يارب تبسط معانا بقا والشغل يعجبك
شهاب هيعجبني ان شاء الله
كارمن في اي حاجة تانية عاوز تفهمها
شهاب لا فل كدة
كارمن تمام بعد م تخلص تنزل الادارة بقا تديهم كل البيانات عنك وصحيح اديني رقمك
تطلع فونها تديهوله يكتبلها الرقم ترن عليه
كارمن انت كدة معاك رقمي لو في اي حاجة كلمني اوك
شهاب تمام اوك
كارمن هسيبك بقا انا واروح اكمل شغلي
شهاب اوك
تمشي كارمن يقعد شهاب ع مكتبه
عليا مين دة !
حبيبة اكيد حد جديد
عليا بتوقع عليا بلاوي معرفش بتجيبها منين
حبيبة حرام عليكي بالزمة دة بلوة دة قمر دة
عليا اااه بدأنا الهطل
ييجي الليل عند فاطمة ف المحل واقفة بترتب الهدوم تفتكر موقف شهاب لما قفل المحل وابتسملها تبتسم شغالة اغنية
قلبي ي قلبي تركني ي قلبي مش وقته هلا ارجع حب هلا ما فيا ومانا ب ايديا ما بعرف شو صارله هالقلب
مندمجة فاطمة مع الاغنية وبتغني معاها يعدي شهاب بيتكلم ف الفون يشوفها
فاطمة ما بعرف شو قلك لو في ما اقلك عن قلبي وشو صاير فيه .. ومبين عليا في سر ب عنيا طمني حسيت بشي .. ااااااه قلبي ي قلبي تركني ي قلبييييي
عصام ع الفون ي بنييييي !!!
شهاب وهو باصص ل فاطمة طرشتني يخربيتك !!!!
تسمعه فاطمة تبصله
شهاب اقفل دلوقتي وهكلمك
يقفل شهاب
فاطمة ب استغراب في حاجة !!!
شهاب لا مفيش
يقرب شهاب يدخل المحل
شهاب معندكوش رجالي
فاطمة عندنا
شهاب طب م توريني
فاطمة اوريك ايه !
شهاب الهدوم الرجالي
فاطمة الاستاند الي وراك دة كلوا رجالي
يلف شهاب ب دماغه يشوفه
شهاب لا مش عاجبني .. مودلاتكم قديمة
اوي
هند وهي داخلة مش عاجبك اشتري من برة
شهاب وليه العڼف دة انتي بتطفشي الزباين !!
هند والله دة لما يبقا زبون اصلا مش واحد فاضي وداخل يتسلى
شهاب طب براحة ع نفسك انا داخل اشتري
هند وانا مش هبيعلك ي شهاب
شهاب ب عند وانا هشتري ي هند
هند هو بالعافية !!!
شهاب وهو بيقرب عليها لا مش بالعافية ب فلوسي
هند ب تريقة حوش الواد من اغنى اغنياء المنطقة
شهاب تؤ شكلك هتقضيها تريقة ومش عاوزة تشتغلي
يبص ل فاطمة
شهاب شوفيلي انتي ي فاطمة والنبي احسن محتار
يروح يبص ف الهدوم تسكت هند وتبصلها فاطمة تقرب فاطمة تقف جنبه
شهاب نقيلي ع زوقك .. شكل زوقك حلو
تربع هند ايدها ب غيظ
فاطمة لا زوقي مش هيعجبك
شهاب وهو بيبصلها من رجليها ل وشها ب اعجاب لا عاجبني اوي بصراحة
يستفز هند اكتر
هند ب انفعال م تنجزي وتشوفيلوا الي هو عاوزه خلينا نخلص من ام البيعة دي
شهاب اعصابك بس اهدي هتتجلطي .. انتي متعاملتيش مع زباين قبل كدة ولا ايه !!!!
هند استغفر الله العظيم يارب
فاطمة وهي بتحاول تنهي النقاش حلو دة
تمسك قميص تديهوله
شهاب وهو بيمسكه اممممم .. مش بطال .. بكام دة
فاطمة وهي بتمسك التكت ب ………
شهاب وهو بيمسك ايدها اوعي يكون غالي
تتخض فاطمة من لمسته وهند متاخدش بالها تشيل فاطمة ايدها بسرعة
فاطمة ب هدوء وغيظ امشي اطلع برة
شهاب تؤ تؤ ليه بس م كنتي حلوة
فاطمة اطلع ي شهاب احسنلك
هند وبعدين يعني هتبات هنا ولا ايه م تخلص
شهاب مش عاوز من وشكوا حاجة دة انتوا بياعين تسد النفس
يحدف القميص ف وش هند ويمشي
هند غور كتك الارف
فاطمة مالك مش طيقاه كدة !!
هند والله .. دة ع اساس انه جديد عليا
تسكت فاطمة
هند انتي اصلا ايه الي خلاكي تدخليه المحل ويقعد يتكلم ويشتري وميشتريش
فاطمة زبون ودخل هطرده
هند اه دة بالذات تطرديه
فاطمة بقولك ايه انا غايرة وسيبهالك خالص عشان الصداع هيفرتك دماغي ومش ناقصة
تلم فاطمة حجاتها تلمح هند شهاب واقف مع صحابه ع اخر الشارع
هند اترزعي دلوقتي هنروح سوا
فاطمة انتي لسالك ساعتين ع الاقل وانا تعبانة
هند قلتلك اصبري مش هتروحي لوحدك
فاطمة ليه ان شاء الله هتخطف
هند الحيوان دة واقف مع صحابه
تبص فاطمة تشوف شهاب
فاطمة م يقف ولا يقعد انا مالي
هند هنروح سوا قلتلك عشان ميغلسش عليكي
فاطمة بقولك ايه ي هند اذا كنت اتكلمت معاه واستحملته من شوية ف عشان دة محل اكل عيش ومش عاوزة يتقال اختهم وقفت معاهم وجابتلهم المشاكل لكن انتى عارفة كويس جدا اني اقدر اوقف اي واحد عند حده
هند براحتك ي فاطمة
تاخد شنطتها وتمشي تعدي من جنب شهاب يبصلها
عصام ايه الكلام هتيجي ولا لأ
شهاب لا روحوا انتوا
عصام وهو بيحط ايده ع دماغ شهاب انت سخن ولا حاجة ي حبيبي !!!!!
تنزل ام فاطمة تجيب العلاج م الشارع وشهاب والبنات يروحوا يحط شهاب فاطمة ع السرير ويقعد جنبها
شهاب مش حاسة بتحسن
فاطمة جسمي فك شوية
شهاب المړض دة كان عند جدتي الله يرحمها
فاطمة ب خضة هو بېموت
شهاب ههههه لا مبيموتش طبعا دة هي ماټت م السكر
فاطمة اااه .. الله يرحمها
شهاب ف مټخافيش هو كدة كان الدكتور بيقولها ان ليها هجمات ع الجسم بسبب المناعة يعنى تخفي فجأة ويجيلك اعراضه كلها فجأة وبتروح لوحدها بردوا
فاطمة ب حزن كنت ناقصة انا امړاض بس
تدخل هند تقف عند الباب
شهاب قولي الحمدلله هتعدي ان شاء الله
فاطمة الحمدلله .. شكرا ي شهاب ع الي عملته معايا جميلك دة احنا عمرنا م هننساه ابدا
شهاب ع ايه بس مفيش جمايل ولا حاجة .. انتي اه هديتي حيلي بس ماشي
فاطمة ب انفعال ايه هديتى حيلي دي تقصد اني طخينة
شهاب ي عم اقصد انك زي القمر وتستاهل هدة الحيل لو هشيلك كل يوم
تتحرج فاطمة
هند ب تريقة وايه كمان ي عم النحنوح
شهاب ب استفزاز وهو باصص ل فاطمة وشكلك كان حلو وانتي عيانة مش عارف ليه يمكن عشان كنتي دايما مصدرة الوش الخشب واول مرة اشوفك حنينة اه وحاجة كمان عيب اوي لما تقفي ع الباب تتصنتي ع كلام الناس
فاطمة ههههه
هند لا والله !!!
شهاب اه والله عيب
يبص ل هند
شهاب ايه دة هند طب كباية شاي من اديكي الحلوين بقا
هند كمان هتضايف
شهاب والله دة المفروض زوقيا منك لاني ف بيتكم بس واضح ان مفيش اي زوق ف مطر اطلب بنفسي
تبصله ب غيظ وتمشي
شهاب ب صوت عالي عقبال م نشيلك ي جميييل
تبتسم هند
فاطمة بتحب تستفزها انت
شهاب انا بحب استفز اي حد
فاطمة هههههه
يقوم شهاب
فاطمة رايح فين
شهاب وهو بيعدل قميصه همشي بقا
فاطمة ي بني اصبر بتعملك الشاي
شهاب بتهزري ولا ايه انا اشرب شاي من ايد هند دي مش بعيد تحطلي فيه سم
فاطمة يلهوي لا طبعا
شهاب اقلها هتفلي فيه
فاطمة هههههههههه
شهاب وربنا م بهزر
فاطمة لا امشي احسن
شهاب وهو بيمدلها ايده سلام
فاطمة تمدله ايدها سلام
يبوس ايدها
شهاب الف سلامة عليكي
تتحرج فاطمة
فاطمة الله يسلمك
شهاب ممكن تديني رقمك عشان ابقا اطمن عليكي
فاطمة ب ارتباك ااا اه اوك
يديها الفون بتاعه تكتب رقمها
شهاب هبقا اجي اشوفك بردوا
فاطمة تسلم
يمشي شهاب يقابل هند
هند وهي ماسكة الشاي رايح فين عملت الشاي !!
شهاب تسلم ايدك بس انهاردة اجازة ولازم ارجع العربية ل صاحبتها
هند صاحبة الشغل
شهاب بنت خالتي
هند هي صاحبة الشغل تبقا بنت خالتك !
شهاب اه
هند م انا قلت بردوا شهاب سرق مين عشان يبقا معاه العربية دي فجأة اتاريها عربون محبة
شهاب لا شهاب عمره م بص ل حاجة ف ايد غيره او مد ايده ع حاجة متخصوش او من ورا صاحبها او مشي ورا الستات عشان فلوسهم لا دة هما وفلوسهم الي بيجروا ورايا وبطنش .. الي متعرفيهوش عن شهاب ان عينه مليانة سواء فلوس ف هي مع الكل بتروح وتيجي ولا حتى الحريم .. وشكرا ع الشاي الي مطفحنهوش
يمشي شهاب
هند هو زعل ولا ايه .. يتفلق
ينزل شهاب يقابل ام فاطمة
الام رايح فين
شهاب راجع الشغل اودي العربية
الام طب نتغدى سوا الاول انت م الصبح بتلف معانا
شهاب الله يخليكي ي ام هند مرة تانية عشان اتأخرت
الام ماشي ي بني شكرا ع وقفتك جنبنا نردهالك ف الافراح ب اذن الله
شهاب العفو ع ايه ولو في اي حاجة قوليلي حتى لو العربية مش معايا هتصرف متقلقيش
الام الله يخليك ي حبيبي ربنا يباركلك يارب
شهاب تسلمي
يركب العربية ويمشي يعدي الوقت يوصل شهاب ڤيلة كارمن عشان يرجع العربية لان الشركة اجازة لسة هيرن الجرس يلاقي باب الڤيلا مفتوح لسة هيدخل ……….
انچي يخربيتك مش هتبطلي الڤيديوهات دي !!
كارمن ولما ابطلها اخد حقي ازاي
انچي وانتي ايه الي مخوفك كدة انهم ممكن يغدروا بيكي
كارمن ف مجالي دة مش مضمونين ابدا .. تهريب الهيروين مع بضاعتي ف الاول وف الاخر انا الي هلبسه لو اتبلغ عني لان كلهم مخفيين دول مجرد ممولين بس
يتخض شهاب
كارمن لكن مين الي ف وش المدفع .. انا
انچي امممم
كارمن ف الڤيديوهات دي عشان لو بس حد فيهم فكر ېغدر بيا او يخلع لو انا اتمسكت
انچي ي ذكية م انتي هتتفضحي بردوا م الڤيديوهات ليكي معاهم !!
كارمن لا بسيطة قبل م انشر اي ڤيديو هحط غيامة ع وشي وبعدين انشر بقا ع النت ول عيلته وللعالم كله اما مين المزة الي ف الڤيديو محدش هيعرف
انچي دة انتي دماغك سم بجد
كارمن عيب عليكي
انچي زوهير يعرف حاجة من دي
كارمن لا طبعا انتي اتهبلتي يعرف ايه اني بخونه عشان امشي شغلي الي هو ميعرفش عنه حاجة اصلا اسكتي ي هبلة دة يطلقني فيها
شهاب ب صوت واطي ي ولاد الكلب
يرن الجرس تفتح الشغالة يدخل شهاب
شهاب سلاموا عليكم
كارمن تعالى ي شهاب
يقرب عليهم
شهاب معلش جيت من غير ميعاد
كارمن وهي بتحط رجل ع رجل وف ايدها السېجارة ميعاد ايه دة بيتك ي شهاب متقولش كدة
شهاب كنت جاي بس ارجعلك العربية عشان انهاردة وبكرة اجازة لتجتاجيها
كارمن ي بني انا مش قلتلك كذة مرة ان انا عندي غيرها وخليها معاك تاعب نفسك بيها ليه بس
شهاب معلش انا مرتاح كدة
كارمن طيب زي م تحب
شهاب عن اذنكم
كارمن طب اقعد اشرب حاجة
شهاب معلش مرة تانية
يمشي شهاب
انچي ب اعجاب مين المز دة
كارمن دة ابن خالتي
انچي ب استغراب والله !!!!!
كارمن والله بجد في ايه !
انچي لا مفيش بس اول مرة اعرف ان ليكي قرايب اصلا
كارمن لا لما نزلت مصر زورت جدي وكدة ف حبيت ازور خالتوا وشفتوا هناك وعشان حظي الحلو خالتوا قالتي اشغلوا معايا بس انا كدة كدة مكنتش هفلتوا من ايدي لو هي مكانتش طلبت
انچي يعني انتوا سوا
كارمن للاسف لأ حاولت كتير بس هو تقيل اوى مع انه بتاع بنات
انچي طب م تسيبهولي
كارمن بعينك دة بتاعي وهييجي تحت رجلي هييجي
انچي ب يأس امممم طيب
يمشي شهاب ودماغه عمالة تودي وتجيب يرن فونه
شهاب الو
سو ايه ي شهاب كدة الغيبة دي !!!
شهاب معلش والله مشغول
سو ومن امتى بتنشغل عني
شهاب هجيلك انهاردة
سو ب فرحة بجد
شهاب والله جاي بالليل
سو طيب هستناك
يعدي الوقت يرن جرس بيت فاطمة تفتح هند
هند هيثم !!!!!!
هيثم سلامو عليكم
هند عليكم السلام
هيثم سمعت ان فاطمة تعبانة ف كنت جاي اشوفها بس
الام م المطبخ مين ي هند
هند دة هيثم .. جاي يشوف فاطمة
الام