عيون لا تنام

لا يمتلك إلا التحسر علي ما مضى من حياته يشعر بالڠضب والقهر لكل من حوله أصبح عصبي المزاج كلماته بل صرخاته عڼيفه في كل من حوله حتي بات مكروه من الجميع
تقف أمام النافذة تري الزهور بأشكال متنوعه وألوان مختلفة كثيرة جاء من خلفها متحدثا _ بحبك
همست _ اموت واعرف بتعرف مكاني ازاي يا عيسى!
ضحك هامسا _ بعرفه بقلبي
_ عيسي قولي الله يخليك بتعرف أنا فين أزاي متضحكش عليا
_ والله زي ما بقولك قلبي بيعرف انت فين لوحده
_ كنت سرحانه في إيه بقي
_ بشوف الورد يا عيسى شكله بيعطيني طاقة رهيبه أنت لو شفته هتعرف
ثم صمتت معتذرة _ أنا اسفه يا عيسي مقصدش والله
_ لو هشوفه اكيد هشوفه اوصفيلي اللي انت شيفاه أنا عاوز اشوفه بعنيك أنت
_ يااااه يا عيسى منظر جميل اوي الجنينة واسعة الاشجار بتغطيها من بعيد بشكل جميل والأرض الخضراء زي اللي لبست فستان من الزهور بكل الالوان متدرجة كانها قوس قزح والعصافير في الاقفاص واللي بارة بتطير وبتغرد سامع صوتها مش كده
_ ايوه سامعه
_ بتطير كانها فنان بيرسم لوحته من علي شجرة لشجرة بفن ومرجيحه بعيدة بين الشجرتين عارفها طبعا شفت المنظر حلو ازاي
_ ودايما بلاقيك الفارس بتاعي وسط الشجر مادد لي ايده وبيستناني
_ انا الفارس بتاعك
ثم اتبع في ضحكة قصيرة لكنها مغلفة بالالم _ فارس مبيشوفش للاسف!
_ عمري ما حسيت بالكمال إلا معاك يا عيسي أنت الوحيد اللي بتكملني
_ اقولك حاجة انا عمري ما شفت الجنينه بعيني حلو كده زي عينك يا ضى يمكن فقدت بصري بس ربنا اعطاني عيونك انت اشوف بيها الدنيا أحلي وأجمل من ما كنت شايفها زمان أنا اتغيرت كتير يا ضى
_ عارف يا عيسي انت كنت دعوتي اللي بيني وبين ربي وحققها لي
_ يارتني قابلتك من زماااان يا ضي
_ لا يا عيسى مكنتش هتحبني زي دلوقتي
_ كنت هحبك بقلبي وعيني أنت تتحبي في كل الأوقات ياضى
ضمته هي الآخري بقوة تتمني أن يديم الله محبتها في قلبه مدي الحياة
تمت بحمد الله