سكريبت-بقلم سولييه نصار -طليقتك متقدملها عريس يا أحمد ! قالها بابا بخبـ ث …وشي اتغير وقومت من علي السرير وانا بزعق : -نعم عريس …ليه هو أنا رجل كرسي في حياة الهانم عشان يتقدملها عريس ..ماشي يا هاجر والله ل….. -ما هي حرة يا بني مش طلقتها !! -بابا لو سمحت خلاص مش كل شوية تقطم فيا المهم هنعمل ايه في المصـ يبة دي … بصلي بابا وقال: -مصـ يبة ايه يا بني بالعكس دي حاجة كويسة البنت اخيرا هتعيش حياتها وتتجوز…عقبالك يا ابو حميد … -نعم!!!تعيش ايه؟!ايه يا حاج اللي بتقوله ده !!!انت عارف اني بحبها وعايز ارجعلها … -ولما انت بتحبها طلقتها ليه ؟! نفخت بضيق وقولت بعصبية ؛ -عشان حما ر …متخـ لف مبفهمش …مخـ تل عقليا وعندي جينات عـ بط… ضحك بابا وقال : -انت فعلا عبيـ ط مكدبتش يا بني..المهم دلوقتي هتعمل ايه هتسيب هاجر تضيع من بين ايديك .. هزيت راسي وعينيا لمعت بتصميم وقولت : -مستحيل يا بابا ..هاجر من هتضيع مني ابدا …مستحيل حد ياخدها مني …أنا هعمل المستحيل عشان الجوازة دي متمش.. (بقلم سولييه نصار ) ………. كنت واقف في الشارع ببص علي بيت هاجر مراتي …صحيح هي طليقتي بس انا مش متقبل الواقع رغم أن أنا اللي طلقتها ..فعلا الإنسان عبيط …كنت مستني عريس الغفلة عشان اند مه علي اليوم اللي فكر يبص علي هاجر فيه … فجأة اتحفزت وانا شايف عربية بتقف جمبنا وواحد لابس بدلة خارج منها هو وأمه … شاورت لأصحابي وقربوا مني عشان يتكلموا .. قال عمر : -الله مش ده اللي اتقدم لهاجر …مسـ كين والله صغير … كمل صاحبي توفيق: – صعبان عليا امه المسـ كينة هتخسر ابنها للأبد … وقفت ام الولد وبصت لتوفيق بخوف وقالت وهي بتتلجلج: -قصدك ايه هخـ سر ابني …قصدك ايه أنطق…. قربت وقولت : -لا يا طنط مش قصدهم حاجة …..بس يا جماعة محدش يقول حاجة عايزين نفرح ببنت حارتنا … -ماما هو فيه ايه؟! … قالها الشاب وكان باين عليه الخوف …ننوس عين أمه كان نفسه اخـ بطه بضهر ايدي وأوقع صف أسنانه كلها….الولد ده بيحاول يسر ق البنت اللي بحبها !!!أنا هوريه !! -ما تنطقوا فيه ايه …انتي مخو فيني ليه.. بلع عمر ريقه بتمثيل وقال: -بصراحة يا طنط يعني هاجر بنت مفيش منها. ..بس حظها قليل في الحياة .. -عشان اتطلقت يعني …ما ابني برضه مطلق مرتين رغم انه مكملش.لسه تلاتين سنة عادي يعني….. هز عمر راسه وقال : -لا يا طنط أنا أقصد ان اللي هيحاول يتجوز هاجر ممكن يمو ت … لطمت الست وقالت: -يا ساتر يا رب ليه كده…هي منحوسة ولا حاجة … مسكت ضحكتي بالعافية فتوفيق اتدخل وقال: -لا يا حاجة مش منحوسة بالعكس بنت كويسة والف مين يتمناها بس محدش يقدر يهوب ناحيتها … -يبقى ملبوسة …عليها جـ ن عاشق … قالتها الست وبعدين ضر بت ابنها على كتفه وقالت؛ -أنت متعرفش ابدا تحط عينيك على حد عدل…منك لله… هز عمر راسه وقال: -يا حاجة اسمعي بس …مش منحو سة ولا ملبو.سة …بس طليقها واحد بلطـ جي وشما م واي حد بيقرب منها بيأ ذيه ومحدش قادر عليه حتى الحكومة … وأخيرا اتدخلت أنا وقولت بتحدي: -فاحسنلك يا حاجة خدي ابنك بدل ما طليقها يقــ.طعه يحطه في شوايل ويرميه لكلا ب السكك… -لا لا …ابني لا …تعالى يا موكوس …مالها بنت عمتك زي العسل …أنا رايحة ابوس ايدين عمتك عشان ترضى تجوزك بنتها… -بالسلامة يا حاجة .. قولتها وأنا بضحك لما شوفتهم بيبعدوا بالعربية بتاعتهم …. …… -هو العريس اتأخر كده ليه ؟؟ قالتها أم هاجر لأبو هاجر ..فهز ابوها راسه وهو مش فاهم برضه ..فجأة رن جرس البيت فقال بإبتسامة : -أهو جه ! راح وفتح الباب لقيني في وشه… -حمايا حبيب قلبي … -احمد قالها بحيرة فدخلت وقولت : -ازيك يا حماتي .. -حماتي في عينيك يا قليل الأ دب …أنا مبقتش حماتك واتفضل أمشي من هنا..بنتي جايلها عريس مش عايزة اشوف وشك … رفعت عيني ولقيت هاجر واقفة ورا أمها بتبصلي بغضب …ابتسمت ليها وقولت لحماتي وانا ببص على هاجر: -هو أنتوا متعرفوش انا طفشتلكم العريس!! يتبع #أنت_لي_فقط #سولييه_نصار تفاعل حلو عشان نكمله النهاردة/الجزء الثاني شكرا على تفاعلكم السكر بقلم سولييه نصار -نعم يا اخويا. .. صرخت حماتي في وشي فقولتلها : -براحة على نفسك يا حماتي لأحسن يحصلك حاجة …عايزينك تشيلي أول ابن لينا أنا وهاجر … حسيت حماتي هتجيلها جلطة بسببي فابتسمت صحيح بعزها بس هي كانت سبب في طلاقي لبنتها …صحيح أنا السبب الرئيسي بس هي تتحمل شوية من المسئولية قربت هاجر مني وصر خت : -أنت ايه معندكش د م ..معندكش احساس …حماتك ايه ومراتك ايه فوق يا حبيبي احنا اتطلقنا… غمضت عينيا وقولت: -يااااه كلمة حبيبي طالعة من بوقك زي العسل. قوليها تاني كده ..ولا استني … خرجت موبايلي وقدام وشها المصدوم قولت: -بصي هسجل صوتك في الموبايل وأنتي بتقوليها عشان اسمعها قبل ما انام وأحلم احلام حلوة … اتعصبت هاجر وصرخت وهي بتضر ب رجليها على الأرض وقالت: -أنت انسان مستفز بارد …أنا مش عارفة أنا ليه اتجوزتك ..؟! هزيت كتفي وقولت: -عشان حبتيني…أنتي قولتي كده بنفسك … وشها احمر من الغضب والكسوف …صحيح شفقت عليها شوية بس لا هاجر ملكي أنا …ولازم ارجعها ليه …مش بيقولوا في الحرب والحب كل شئ متاح …وانا هستخدم أي وسيلة سواء أخلاقية أو لا المهم ترجعلي …أنا مصمم لاني عرفت من زمان اني بحبها …وعرفت أني مقدرش أعيش من غيرها …بس للأسف بعد ما ضيـ عتها من ايدي ….بس ما سابت حياتي وطلقتها عرفت أني من غيرها ولا حاجة. ..هي بتكملني … رفعت هاجر رأسها وقالت: -كنت …كنت بحبك يا احمد …أنا دلوقتي بكر.هك …بكر هك … -انا مش مصدقك.بصراحة … ابتسمت بسخرية وقالت: -هتصدق إن شاء الله لما ارتبط بغيرك …أنت فاكر اني هغلب ومش هتجوز مثلا ؟!لا يا حبيبي هتشوف اني هتجوز ….وهعزمك على فرحي كمان … حسيت بالغيرة والغـ ضب من كلامها فابتسمت هي ومشيت على اوضتها فعليت صوتي وقولت: -مش هتتجوزي غيري يا هاجر …وأي عريس هيجي هنا هطفشه ولو قدرتي توصلي للكوشة هخطـ فك من عليها …على فكرة أنا مجنو ن واعملها… -طيب يا عم المجنو ن ممكن تمشي من هنا …يالا ورينا عرض كتافك …كانت جوازة منـ يلة بستين نيـ.لة يخربيتك طفيت البت وجبتلها اكتئاب … كان ده صوت حماتي المتعصب فبصيت ليها وابتسمت وقولت: -بس ايه الجمال ده يا حماتي طالعة زي القمر النهاردة …ايه اللي حطاه.ده روج؟!الله يرحم يوم قراية فاتحتي على بنتك لبستيلي اسود وسو دتي عيشتي … -أمشي اطلع برا يا قليل الاد ب … هزيت راسي وطلعت وانا طالع ميلت على حمايا وقولت بصوت واطي : -مش هوصيك اي عريس يجي … قاطعني هو بصوت واطي وقال : -ششش يخربيتك هيعرفوا اني أنا اللي بفتن عليهم وبقولك على العرسان اللي هتيجي …متقلقش لو فيه عريس هبلغ أبوك وانت اتصرف… -بتتوشوشوا بتقولوا ايه ؟!! قالتها حماتي بغضب فابتسمت في وشها وقولت : -بقول ربنا يصبرك على ما بلا ك يا حمايا … وبعدين مشيت… …….. مرت الايام والوضع هادي وقررت أن احاول اكلم هاجر …كنت ناوي فعلا أكلمها لو ابويا جه صحاني من النوم بطريقة خلتني قطـ عت الخلف وقال: -الحق الحق …خطوبة هاجر النهاردة!!! يتبع #أنتِ_لي_فقط #سولييه_نصار تفاعل حلو بقا عشان نكمل …الجزء التالت ♥️شكرا علي تفاعلكم السكر♥️بقلم سولييه نصار ♥️ -نعم خطوبتها …خطوبتها على مين إن شاء الله ده انا هوديكوا في ستين د اهية !!! زعقت وأنا بنط من السرير وخرجت من البيت وانا لابس بيجامتي الكحلي ولابس فردة من شبشبي وفردة من شبشب ابويا … روحت على بيت هاجر وخبطت على الباب جامد … فتح ابوها وهو مخضوض وقال: -فيه ايه يا بني ؟! -هاجر هتتخطب …هاجر هتتخطب معقول …يا هاجر …يا هاجر … قعدت اصرخ بصوت عالي زي المجنو ن … -استني يا بني انت …استني يا مجنو ن …مين ده اللي اتخطبت …واد يا أحمد اقف شوية … كان حمايا بيتكلم وهو ماسك إيديا …طلعت حماتي وهاجر مخضوضين ….قربت من هاجر وقولت : -هتتخطبي يا هاجر …عايزة تتجوزي غيري …تخليني أحبك وبعدين تروحي لغيري …ايه الخيا نة دي .. كانت بتبصلي بذهول وصدمة …اتدخلت حماتي وقالت: -مين ده اللي هيتخطب …وبعدين أنت مالك أنت…مش.طلقتها خلاص ملكش حاجة عندنا …أنا اصلا مكنتش عايزة الجوازة دي الحمدلله ربنا خلصنا منك يا معتو ه انت … -انا معتو ه يا حماتي … -هو أنت مش شايف نفسك معتو ه يا حبيبي . هزيت كتفي وقولت : -يعني احيانا بحس نفسي كده …بس قربت.منها وعينيا بدأت تلمع بشـ ر …بعدت بخوف وقالت: -ولا مالك هي الحالة جاتلك ولا ايه ؟! قربت. اكتر وقولت: -أنتي السبب يا حماتي …أنتي السبب -مالك ياض سبب ايه .. -أنتي اللي لعبتي في دماغ بنتك عشان تطلب الطلاق مني …انتي … بس فجأة هاجر صرخت في وشي وقربت مني وهي بتقول : -انت بتعلق فشـ لك وغلطك على ماما …انت السبب في خر اب حياتنا يا أحمد. -عارف …عارف اني السبب .ايوة أنا ليا أيد في الموضوع …بس مامتك برضه… -ماما نصحتني بالصح…نصحتني ابعد عنك لأنك مكنتش شايفني أصلا …كنت غرقان مع نفسك …زعلان على حب حياتك اللي ضاع منك ومفكرتش فيا أنا …مفكرتش تهتم بيا أنا اللي كنت مبسيبش حاجة تفرحك الا وأعملها وانت مش مهتم بيا …اتحملت كل حاجة منك …برود وتجاهل بس خلاص فاض بيا يا احمد…أنا برضه عايزة اتحب…من حقي اتحب مش اشحت منك الحب …من حقي اتجوز راجل بيحبني … -انا بحبك ..أنا اهو وبحبك ومستعد اصلح اللي عملته.. هزت راسها بأسف وقالت: -مبقاش ينفع يا احمد …صدقني مبقاش ينفع … بلعت ريقي وانا ببصلها…صحيح أنا السبب …أنا كنت زعلان علي ايناس …حب حياتي اللي ضاع مني … كملت هاجر بلوم… -انا كنت بحبك يا أحمد. .من أيام الكلية لما كنت بتجري ورا ايناس …قلبي اتكـ سر لما ارتبطت بيها …بس اتكـ سر اكتر لما هي خا نتك وأتجوزت صاحبك …كنت بمو ت زيك وانا شايفة حزنك عليها …شايفة انهيا رك …ورغم انه كان أكبر غلط مني اني اتدخل حياتك وأكون البديلة.بس وافقت عليك وأتجوزتك واديتك.كل حبي ولما ملقيتش مقابل قررت اتطلق منك ..قولت يمكن فرصة وتتمسك بيا بس انت ما صدقت لقيت الفرصة وطلقتني فخلاص سيبني في حالي يا أحمد ….سيبني الأقي اللي بيحبني …لو سمحت لاني عمري ما هرجعلك…عمري !! يتبع. #أنتِ_لي_فقط #سولييه_نصارالجزء الأخير♥️شكرا على تفاعلكم السكر♥️بقلم سولييه نصار♥️ -طيب اديني فرصة …لو حبتيني في يوم اديني فرصة أحاول …عشان خاطري يا هاجر … قولتها وأنا بترجاها بس هي كانت خلاص قفلت مني …وعندها حق مقدرش الومها…بس أنا بحبها …بحبها اووي …اكتر ما هي تتخيل … هزت راسها وقالت: -مستحيل …مستحيل …خلاص اللي بيننا انتهى يا أحمد …ربنا يسعدك مع غيري ويسعدني مع غيرك !! اتدخلت حماتي وقالت: -سمعت يا حيلتها اهي البت مش عايزاك …يالا بقا ورينا جمال خطوتك يا بيضة وروح من هنا …هي أه صحيح متخطبتش بس قريب هتتخطب وتتجوز سيد سيدك!!…يالا يا حبيبي روح … بصيتلها بغضب فرجعت شوية وقالت : -ولا هتعمل ايه ؟!وليه بتبصلي كده .. قربت أنا منها وقولت: -بصي بقا يا حماتي …أنا بحب بنتك وهي مش هتتخطب لغيري ولا هتتجوز غيري …هي هتتجوزني أنا وبس ….. وبعدين بصيت لهاجر وقولت: -وانا هعمل المستحيل عشان ترجعيلي يا هاجر وهتشوفي . بصتلي هاجر ببرود فطلعت برا البيت … …. -كده برضه يا حاج تعملها فيا قطـ عت خلفي.. قولتها بغيظ وانا بدخل البيت …ضحك ابويا وقعد جمبي وقال: -لو مكنتش عملت كده مكنتش هتتحرك … -طيب ما أنا بحاول .. -بس مش كفاية يا بني …أنت مش عندك اصراري بصراحة …انت عارف امك الله يرحمها اتقدمتلها عشر مرات وكانت بترفض بس أنا صممت عليها لحد ما اتجوزتها …عايز اقولك ان أمك لحد آخر يوم في حياتها كانت بتحبني … صوت ابويا اترعش شوية وقال: -وما تت بين إيديا وهي بتقول انها بتحبني … -صلي على النبي يا حاج…ربنا يرحمها .. قولتها بحزن وأنا بحضنه …فبعد ومسح دموعه وقال: -وعشان بحبها عمري ما فكرت أتجوز تاني …خليك زيي يا أحمد مضيعش حبك من إيديك لأنك أنت اللي هتندم في الآخر …فاهمني يا بني.. ابتسمت وهزيت راسي وانا بقرر أعمل المستحيل عشان ترجعلي……
