صعيدى علمنى الحب ١٣ حنين عادل
والعربيه متبهدله بعد ماخبطتها في الشجره..
وواقفه بتبصله بتحدي…
يونس بيقرب منها…
يونس بابتسامه: فداكي الف عربيه يا روح النمر…
بيشتالها يونس علي كتفه
روح بعصبيه: نزلنيييي …نزلني يا يونس
يونس: نمر…بتطلع منك زي العسل …
روح: نزلني يولا …
يونس: يولا …هههههه
بيدخل يونس الڤيلا وروح عماله بتحرك في رجليها في الهوا وبتضرب فيه ..
بينزلها يونس…
يونس بيمسك ضهره : ااااه ..
روح بخضه: في ..ايه ..انت كويس
يونس بابتسامه : يعني ما كرهتنيش زي ما قولتي اهو
روح بعصبيه: اطلع بره ..يلا
يونس بيقعد علي الكنبه وبيرفع رجليه
روح: اطلع بره وورقه طلاقي توصلني
يونس: مش مطلق
روح: هاتطلق ورجلك فوق رقبتك يانمر
يونس: فوق رقبتي …ازاي ده
بيحاول يونس يطلع رجله فوق رقبته وهوا بيضحك..
روح بعصبيه: ماشي يا يونس انا هاوريك
يونس: بجد
روح: بجد ايه؟!
يونس بغمزه: هاتوريني
روح بعصبيه: يابارد…
………………………..
بتخلص بسمه محاضراتها وبترجع علي البيت…
بتتفاجئ بوجود جمال
بسمه بصتله وفي دماغها مية سؤال
_ تعالي يا بسمه
بسمه: نعم…
جمال: اذيك يا عروسه
بسمه: عروسه ؟!
جمال: انتي بقيتي مراتي رسمي
بسمه بصدمه: انت بتقول ايه
………………………
بتدخل ميرا الشارع بتلاقي ناس متجمعه…
ميرا: فيه ايه
..اخوكي تعب ووقع في الشارع والاسعاف اجي ياخده
ميرا بصدمه: ايه…طب راح انهي مستشفي
..مستشفي******
ميرا بتركب تاكسي بسرعه وهيا قلقانه وخايفه ..
……………………….
بتطلع روح ببندقيه الصيد بتاعت ابوها.
يونس بيبصلها بصدمه…
يونس: بتعملي ايه يا مجنونه
روح من غير كلام بتصوب عليه وهوا قاعد يستخبي ورا الكنب والكراسي
يونس: انت اتجننتي
روح: زيك …ولا ناسي لما كنت بتجري ورايا بالمسدس
يونس وهوا بيجري: بس ماكنتش عاوز ائذيكي
روح: انا بقي عاوزة ائذيك يا نمر
يونس : ااااااه…قلبي
بيمسك يونس قلبه بايده ..
بترمي روح البندقيه وبتروح ناحيته…
يونس : اااه….خلي بالك من نفسك ومن ابننا واوعي تنسيني..
روح : لا ماتموتش والنبي
يونس: لا لازم اموت
روح: لا ….
يونس : اااااه …ليه كده
روح كبت فوقه ازازة ميه
روح: تمثيلك فاشل
يونس: بس ما تنكريش انك بتخافي عليا يا قطتي
روح: يابني اطلع بره حياتي وسبني في حالي بقا
