عروسة متمردة سولييه نصار

الجزء التاني شكرا على تفاعلكم السكر بقلم سولييه نصار،
-انت بتقول ايه يا بابا؟!
قولتها بصدمة ودموعي تنزل بس هو كان ملامحه باردة متأثرش بدموعي خالص …
-بابا أنا عارفة اني غلـ طت ..عارفة والله وبعتذر منك …
-كويس أنك عارفة غلـ طك بس أكيد مش عارفة ان اللي اكتشفته ده كـ سرني قد ايه ..مكسوفة من أبوكي يا آية …أنا بشتغل ليل نهار عشان بس اكفيكي …عشان محدش يكون احسن منك و ده جزاتي مكسوفة مني ومن شغلتي يا آية..خلتينا فرجة للي يسوى واللي ميسواش …
عيطت بصوت أعلى وقولت :
-انا اسفة …اسفة يا بابا ..
اتنفضت لما زعق فيا جامد وقال:
-وانا أعمل بأسفك ايه …أعمل بأسفك ايه انطقي!!!!
رجعت لورا من الخوف فمسكني من ذراعي وقال :
-انطقي يا آية اصرف اسفك من فين ؟!انسى ازاي اني اتهـ نت من واحد قد عيالي …وبقيت في وسط هدومي قدام الناس …مبقتش قادر ابص في وش الناس في الشارع الكل بيتريق عليا بيقولي اني معرفتش اربي بنتي …الكل شمتان فيه يا آيه …
صوته اتخنق وعينيه دمعة فوقعت على الأرض وانا ببوس رجله وبقول:
-انا اسفة والله اسفة ياريتني مـ ت قبل ما أعمل كده …سامحني يا بابا …
بعد شوية وبصلي وهو بيمسح دموعه اللي نزلت وقال:
-خلاص يا آيه انتهى الموضوع انتي هتتجوزي منذر ابن عمك …..لو عايزاني اسامحك فعلا اتجوزيه من غير أي نقاش …
بصتله بصدمة وانا بعيط فكمل :
-وكمان خلاص ملناش عيشة في البلد دي .. بعد اللي حصل أنا مش هقدر اوري وشى للناس …
-بس أنا مشوفتش منذر ده خالص وبعدين أنا بحب أدهم يا بابا أنا …
-اسكتي يا آية خلاص انسي أدهم خالص لو كان بيحبك مكانش فضـ حك قدام الكل…اللي بيحب بجد عمره ما يعمل في اللي بيحبه كده …عمره ما يأ ذيه بالشكل ده ادهم محبكيش ومظنش ان ليكم فرصة بعد اللي حصل …لا هو هينسى أنك كد بتي عليه ولا انتي هتنسى انه فضـ حك …مفيش فرصة ليكم اسمعي الكلام وجهزي نفسك نرجع البلد وبعد الخطوبة هصفي كل شغلي هنا ونرجع البلد كده كده بعد ما أمك الله يرحمها ما تت مبقتش حابب العيشة هنا انا كنت عايش هنا عشان خاطرها وهي راحت وبعد اللي حصل ده احسن حل…هنرجع ونعيش في البلد ..يالا
…..
من جوايا كنت رافضة الموضوع بس مقدرتش اعارض وخاصة بعد ما كـ سرت قلب بابا باللي عملته …
………
بالفعل كنا بالليل في الاتوبيس ورايحين البلد…
كنت ماسكة موبايلي ويتصفح فيه لما قررت ادخل اكونت ادهم اللي اكتشفت انه لغى الصداقة ما بيننا بس معملش بلوك الحمدلله وقررت اكلمه يمكن ترجع المياه لمجاريها ويسامحني ونتجوز بس فجأة اتجمدت وانا ببص في صفحته …كان متصور مع واحدة حلوة ولابس دبلة وكاتب انه خطب!!!!
يتبع
#عروس_متمردة
#سولييه_نصار
الجزء التالت شكرا على تفاعلكم السكر بقلم سولييه نصار
دموعي نزلت وقولت بصوت ضعيف :
-خطب …أدهم خطب …
بابا بصلي بحيرة وبعدين سحب الموبايل مني …بس على الصورة ووشه اتجمد وقال بسخ*رية:
-اومال انني فاكرة ايه يا آية ؟!خلاص هو باللي عمله كتب النهاية ليكم …معقول كان عندك أمل …
هزيت راسي وانا بعيط وقولت بإ نهيار؛
-انا كنت بحبه…بحبه!!!
-وهو محبكيش يبقى خلاص انسي الموضوع ومتعذ.بيش نفسك اكتر من كده …
بصيت لبابا ودموعي مالية وشي كنت حاسة قلبي بيتعـ صر من الأ لم وقولت:
-مش هقدر انساه يا بابا أنا بحبه…أنا عارفة اني غلطت لما كد بت عليه بس أنا عملت كده عشان بحبه…خوفت يبعد عني ولما حسيت انه بيحبني بجد قولتله الحقيقة وهو قال انه سامحني وهيتقدملي بس مكنتش أعرف انه لسه زعلان مني وعمل اللي عمله وفضـ حني بس متخيلتش يخطب بالسرعة دي يا بابا…أنا مقهو رة …مقهو رة ان لسه بحبه ..عارفة اني غلطت في حقه بس ده عقا ب صعب ..
-ليه مش قادرة تفهمي انه محبكيش يا آية …ده فضـ .حك قدام الكل ..قالك انه مسامح وبعدين استغل الفرصة وقلل منك ومني …ازاي لحد دلوقتي عايزة يكون ليكم فرصة ازاي …حتى لو هو حب يرجع أنا مش هوافق…عمري ما هوافق اصلا !!
دموعي نزلت اكتر وقولت بصوت ضعيف .:
-انت عندك حق هو عمره ما حبني ..عمره …
-امسحي دموعك وسيطري على نفسك واعملي حظر واقفلي الصفحة دي من حياتك …
هزيت راسي بتعب وعملتله بلوك وبعدين سندت راسي على كتف بابا وبدأت ابكي …
…..
بعد ساعتين كنت ببص من شباك الاتوبيس وانا بفكر في حياتي بعد كده …أكيد لما اتجوز منذر ده حياتي هتبقى جحـ يم معاه …أكيد هو واحد مش متعلم وبيشتغل في الزراعة أكيد فلاح وهيعذ بني معاه في الغيط …حطيت ايدي على وشي وانا بفكر اني هقنع ابويا ميجوزنيش ليه …ابويا طيب وأكيد مش هيسمح أن حياتي تتد مر بالطريقة دي
وبعدين غمضت عيوني ونمت …
……..
لما وصلنا كان النهار.طلع …نزلنا موقف الاتوبيسات ولقينا عم علي مستنينا بعربيته الصغيرة …
قرب على وحض*ن بابا وقال:
-كارم وحشتني يا راجل …أخيرا عقلت وقررت تستقر.هنى
وبعدين بصلي وقرب مني وباس راسي وقال:
-بنت اخويا الغالي نورتي الصعيد كلها….بقيتي زي البدر ما شاء الله …
ابتسمت ليه وقولت :
-شكرا يا عمي …
-يالا يا بت اخوي الجم*اعة مستنينك في البيت ..يالا ..
وبعدين ركبت العربية ومشينا …كنت ببص على البلد …افتكر آخر مرة جيت هنا لما كان عمري سبع سنين تقريباً …كان ساعتها منذر عنده خمستاشر سنة ورغم أننا قرايب بس هو مكانش بيطيقني كان شايفني متدلعة اووي ..من بعدها مشوفتهوش تاني …حتى لما جه عزا في امي من خمس سنين مشوفتهوش كنت وقتها قافلة على نفسي ورافضة اقابل حد …بس يا ترى هو بقا ازاي دلوقتي …أكيد واحد مبهدل في نفسه لابس جلابية وكلها طين من الأرض …
…..
وصلنا لبيت جدي الواسع ….
نزلنا وجم شوية شباب اخدوا الشنط ودخلوها البيت …
دخلت بتوتر وانا ماسكة ايد بابا …قربت مرات عمي مني وهي بتبتسم وقالت:
-يا دي النور يا دي النور ازيك يا آية …ايه العسل ده بقيتي عروسة .
وبعدين حض*نتني وجم باقي بنات عمي وعمتي وسلموا عليا …كنت مصدومة وانا بشوف شكلهم المرتب …هدومهم الشيك حتى ان كلامهم مفهوم وعادي زينا …أنا كان عندي تصور تاني عن الصعيد غير اللي انا شايفاه ده …
-اومال منذر فين يا حاجة.
سألها عمي فقالت:
-راح عند الحاج اسماعيل تعب تاني يا حاج ربنا يشفيه ..
-يارب…
وبعدين بصلي وقال:
-منذر خطيبك يا آية دكتور قد الدنيا هو اللي طلع الأول على الثانوية العامة ودخل كلية طب …
كنت ببصله وانا مصدومة …أنا مكنتش أعرف كده…ابويا كان كل اما يقولي اخبار عيلتنا مكنتش بهتم…
-اهو منذر جه اهو…
قالتها مرات عمي فبصيت بسرعة وحسيت ان قلبي وقف لثانية وانا بشوف شاب وسيم وشيك بيقرب مني ..عيون عسلي وغمازات وبشرة سمرا …كان طويل كمان …
-عمي كارم ..
قالها منذر وقرب من بابا وحض*نه وقال :
-مبسوط أنك قررت تستقر هنا اخيراً ..
بعد شوية وبعدين اتدخل عمي وقال:
-ودي ايه يا ولدي بنت عمك ..
بصلي ببرود وقال :
-اهلا بيكي ..
وبعدين كمل كلام مع ابويا …عضيت شفايفي بغيظ وقولت في سري:
-ماله ده شايف نفسه على ايه ؟!
…….
بعد ما اتغدينا وارتاحنا شوية كان الليل جه وبابا قالي اني هقعد مع منذر شوية عشان نعرف بعض عشان خطوبتنا اللي قربت ..
…
كنت قاعدة بالفعل مع منذر اللي كان ماسك كتاب وبيقرأ فيه ومتجاهلني خالص …
-هما قالولي مفروض نتكلم بس حضرتك في وادي تاني خالص لو مش حابب نتكلم قول اقوم …
قفل الكتاب وبصلي وقال:
-بصراحة يا آنسة ابويا قالي اني هقعد معاكي ولو عجبتيني نكمل …
رجعت شعري لورا بغرور وانا متأكدة اني عجبته ..هو أكيد مشافش حد اجمل مني. .بس هو كمل وقال:
-المشكلة أنك.مش حلوة وشكلك مش عاجبني فأنا عايز ارفضك بس بشكل شيك ..
-نعم
صرخت بصدمة فقال ببراءة:
-ايه رأيك انتي اللي ترفضيني !!!
يتبع
#عروس_متمردة
#سولييه_نصار