عروسة متمردة سولييه نصار

الجزء الخامس شكرا على تفاعلكم السكر بقلم سولييه نصار
دموعي فضلت تنزل وانا بشوف الفيديو …بعدين اديت التليفون لبابا وجريت على اوضتي وانا بعيط …قفلت عليا الباب وفضلت اعيط جامد …قعدت على الأرض وانا بعيط …مكنتش مصدقة انه برضه عايز يأذ يني ..هو اللي عمله مش كفاية …ليه يعا قبني على غلطة أنا ندمت عليها ودفعت تمنها كتير …عايز ايه تاني مني عايز يموزتني !!!
كانت دموعي بتنزل من غير توقف على وشي لحد ما حسيت عيوني و جعتني من كتر العياط ….
طلعت تليفوني واتصلت بيه وانا بعيط …كنت ناوية افش غلب الزمن فيه …
-الو
كان صوته باين عليه انه نايم …وللمرة الأولى متأثرش بصوته …لأول مرة محسش بلهفة وانا بسمع صوته …وكأن اللي عمله قدر يمو ت الحب اللي جوايا ليه!!!
-انت احـ قر انسان أنا شوفته في حياتي !!!
صرخت في التليفون جامد ودموعي بتنزل …
-آية …
كان صوته مصدوم دلوقتي فصرخت تاني :
-ايوة آية …آية اللي انت د مرت حياتها عشان غلطة عملتها …حسبي الله ونعم الوكيل فيك مش كفاية سيبتني.يوم فرحنا وفضـ حتني ومسحت بيا الأرض عايز ايه تاني ليه تنزل فيديو وانت بتهز قني وتفضـ.حني تاني …حرام عليك يا أدهم حرام عليك كنت تسيبني في حالي …
-فيديو ايه أنا مش فاهم حاجة …
اتعصبت وقولت:
-ايوة استهبل عليا استهبل …الفيديو بتاع يوم كتب كتابنا وانت بتهز قني نزلته على النت عشان تذ لني حسبي الله ونعم الوكيل فيك …ربنا ينتقم منك يا شيخ …أنا عمري ما هسامحك عمري !!
وبعدين قفلت السكة في وشه ورميت التليفون جمبي وانا بعيط
……
كان أدهم قاعد على سريره وهو مش فاهم حاجة …امتى هو نشر الفيديو ده …اصلا من أول ما خطب سميحة وهو مسح آية من عقله ومبقاش يفكر فيها ولا بقا يحبها …
خرج تليفونه وفتح الفيس ولقى الفيديو الترند في وشه …ولما بعض على اسم اللي نشره وشه اتغير…مش مصدق انها عملت كده!!
………
في الكافية
كان قاعدة مستنيها بفروغ الصبر …كان متعصب وعلى اخره …دخلت سميحة الكافيه وهي مبتمسة وقربت منه وقالت؛
-ازيك يا بيبي وحشتني .
-اقعدي ..
قالها ببرود فقعدت وهي مستغربة …
طلع تليفونه وقال:
-الفيديو ده انتي اللي نشرتيه صح.؟!كان منشور من الاكونت بتاعك !!!
بلعت سميحة ريقها وقالت:
-ممكن بس تسمعني ؟!
-ليه عملتي كده؟!!!
زعق بصوت عالي …
اتنفضت بخوف وقالت:
-انا أنا …
-انطقي يا سميحة أنا طلعت آية من حياتي فليه دخلتيها تاني …ليه نشرتي الفيديو ده وجبتيه من فين !!!
بلعت سميحة ريقها وهو بتبكي بخوف …كان باين عليها الندم …شتـ مت نفسها لانها اتصرفت بالطريقة دي ..بس هي كانت غيرانة من آية عايزة تأذ يها ومفكرتش ان الفيديو هيطلع تريند … لما واحدة من زمايل آية صورت الفيديو وبعتته ليها شيطا نها خلاها تتصرف بالشر ده يمكن تهدي من غيرتها بس الموضوع اتقلب عليها!!
-كنت غيرانة ..غيرانة منها …
قالتها سميحة وهي بتبكي وكملت:
-كنت بشوف نفسي دايما بديل ليها رغم أنك عمرك ما قللت مني بس الشعور ده مسابنيش ..سامحني يا أدهم ..أنا مكنش قصدي الموضوع ينتشر بالشكل ده ويبقى تريند .. مكانش قصدي أعمل كده …سامحني
-علاقتنا انتهت يا سميحة …خلاص انتي من النهاردة برا حياتي !!!
يتبع
#عروس_متمردة
#سولييه_نصار
الجزء السادس شكرا على تفاعلكم السكر بقلم سولييه نصار
كنت قافلة على نفسي اوضتي وانا بعيط …مش قادرة أواجه حد …حاسة اني اتمسح بكرامتي الأرض …قلبي وا جعني اووي …غلطة واحدة بس اتعا قبت عليها كتير …ازاي هطلع واوري وشي لعيلتي…ازاي …اكيد دلوقتي بيحمدوا ربهم أن انكشفت ليهم قبل ما يتورطوا ويجوزوا ابنهم لواحدة زيي…اكيد بيقولوا عليا واحدة معندهاش اخلاق!!
عيطت اكتر وقلبي و اجعني يارب انا تعبت …تعبت اووي …
الباب خبط فاتنفضت ..قومت وانا بقرب للباب وقولت بصوت مخنوق :
-مين ؟!
رد ابويا وقال:
-انا يا بنتي افتحي …
منعت دموعي بالعافية ومسحت وشي كويس …يمكن اكتر حد صعبان عليا في القصة دي هو بابا …بابا ميستاهلش مني كده أبداً …
فتحت الباب وانا ببصله وفجأة انفـ جرت في العياط…قرب مني وحض*ني وقال:
-بس بس خلاص يا بنتي …
-أنا اسفة يا بابا…اسفة سامحني …
.-أنا مش زعلان منك يا بنتي ..أنا زعلان عليكي …
قالها بابا وهو بيطبطب عليا فبكيت اكتر وقولت:
-انا انسانة و حشة مستاهلش تعبك عليا ولا حبك ليا …يارب امو ت وارتاح ..يارب امو ت عشان اريحك مني انت متستاهلش كده يا بابا …متستاهلش تتها ن عشاني …
-طيب بس بس متدعيش على نفسك خلاص ايه اللي حصل يعني …انتي غلطتي وعرفتي.غلطك الدنيا مش خر بت وهو واحد مش كويس والحمدلله ربنا كشفهولك اهو اكتر عشان تعرفي أنه مينفعكيش وتبصي لحياتك…
سكت بابا واتنهد وقال:
-أنا غلطت غلطة كمان اني اجبرتك عشان تتجوزي منذر اقدر اقولك دلوقتي أن ده هيكون قرارك يا آية …أنا مش هجبرك على حاجة اللي عايزة تعمليه اعمليه …مفيش خطوبة الا بإرادتك …
بصيت لبابا بذهول …ورغم أن كان مفروض تكون عايزة كده بس من جوايا اتضايقت بس محاولتش أبين …
-شكرا يا بابا ..
قولتها بهدوء وحض*نته تاني …
خرجني أبويا عشان أفطر وكان واضح أن الكل عرف أن موضوع الخطوبة اتلغى …بصيت لمنذر ولقيته متضايق ..اكيد دلوقتي بيكر هني …