رواية قصيرة بقلم ماء البحر
ودايما بحفظ في كتاب الله وقبل ما نام بقولك سمعلي، وأنا بشجعك إنك تقرأ بعد الفجر وقبل النوم، إزاي بس عقلك قدر يخيلك إن ممكن حاجة بش.عة زي دي، بعد سنة جواز وعشرة قدرت تشك فيا لأ دا أنت كمان متأكد من كلامك إني عملت كدا وصدقت فيديو مافكرتش تشوف هو حقيقي ولا مز.يف لو كنت شاكك فيا لكن أنت اتها.مك ليا كان دليل إنك متأكد إني عملت كدا
والبيت بيني وبين بيت أختك مسافة عشر دقايق هل من يوم ما اتجو.زتني لقيتني نزلت الصبح بدري زي ما باين في الفيد.يو كدا، وأنا كل يوم بكون صاحية معك من قبل الفجر لحد الساعة تمانية ونص الصبح يعني بتكون الشمس طلعت من زمان حتى لو عندي ظروف بقعد بذكر الله وبقرأ قرآن من عالموبايل وبكون قدام عينك دايما قولي هنزل امتى عشان أروح أعمل اللي ظاهر في الفيديو اللي معك
كان عمرو بيسمع لكل كلمة وبيفتكر فعلا عمرها ما نزلت في وقت زي دا دايما بيكونوا مع بعض بيذكروا الله، إزاي قدر إنه يفكر إنها ممكن تعمل كدا؟
كملت نادره وقالت: اها قولي كدا لقيت الازازة اللي بتقول عليها دي يوم إيه؟
عمرو: يوم الإتنين
بقلم ماء البحر
نادره: تمام عالعموم دا اليوم اللي أختك كانت عندنا فيه ويوم لما قابلتك على باب المطبخ وأنا متوترة دا عشان يومها العباية وقع عليها الشاي وأنا بصبه وكنت رايحة أغيرها بسرعة عشان مش أتأخر
وعلى فكرة كنت حاطة يومها كاميرا في المطبخ عشان أوثق اليوم دا إني طبخت وعملت حلويات وإنه يوم مميز إني عملت كل حاجة لوحدي عشان أنت عارف دا كان بالنسبالي إنجاز وأنا أسجل أي حاجة خدت مني مجهود
ادخل هات الكاميرا هتلاقيها متعلقة في درفة المطبخ من فوق اللي قصاد البوتاجاز أكيد أنت ماشوفتهاش عشان لونها أسود زي لون درفة المطبخ وأنا كنت حاطاها قبلها بيوم بالليل لما كنت بجهز الحاجة لعزومة أختك وجوزها وخلينا نشوف الازازة دي جت منين
راح دخل المطبخ يجيبها وفعلا فتحوها وشافوا اللي وكانت أخته هي اللي بتحط الإزازة ورا البوتاجاز
عمرو : رهف اللي حطتها، معنى كدا هي اللي بعتت الفيديو من رقم مجهول بس ليه أنا مابقتش فاهم حاجة
نادره بنفس : أنا مصدقة اللي شوفته
عمرو : قومي معايا نروح ونفهم إيه الحكاية
وبالفعل نزلوا وراحوا لها
وصلوا عند البيت خبط عمرو عليها راحت تفتح وقالت : أنتم مش اتطلقتوا؟ جايين مع بعض ليه؟
