اتجوزت مرات اخويا

داليا. انا خلاص عدتى خلصت يا حماتى وهروح عند امى واخد ابنى معايا بقى هتوحشونى قوى
منيرة ليه يا بنتى خليكى معانا احنا قصرنا معاكى فى حاجه بس تمشى ليه.
داليا. لا بس الحق ميزعلش وانا حقى اعيش يا حجوجه انا صغيرة وحلوة والعمر قدامى وعايزة اتجوز بصراحه كدا
منيرة بصدمه ايه تتجوزى هو انتى لحقتى يا بنتى دا انتى معداش على موت جوزك سنه دا انتى يدوب بقالك اربع شهور
داليا.. وعشر ايام اربع شهور وعشر ايام يعنى عدتى خلصت خلاص اشوف نفسى انا بقى وانا مش هنساكى هبقى اخليكى تكلمى حفيدك فى التليفون متقلقيش
منيرة بس يا بنتى دا اللى بقيلى من محمود ابوس ايدك سيبيهولى متخديهوش منى اتجوزى بس سيبيلى الولد انا هربيه
داليا.. ايه اسيبلك ابنى بتاع اى لا طبعا بس خلاص فى حل حلو ويقعدنى معاكو على طول مش بس سنه اقولهولك
منيرة اى اى حاجه انتى عيزاها اعملهالك بس الولد يفضل معانا
داليا اعملى زى كل الناس ما بتعمل وجوزينى اخوه نصار
منيرة بصدمه ايه
داليا ايه هو انا اول واحده جوزها يموت وتتجوز اخوه
منيرة.. لا بس نصار متجوز وبيحب مراتو
داليا الشرع حلل اربعه ومراتو لازم تفهم انو هيتجوز عشان ابن اخوه ميبعدش عنكم.. يا يربى ابن اخوه اليتيم يا يرضى مراتو بقى او ميقولهاش يمشيها بيتها ونتجوز ويبقى الجواز بينا احنا التلاته بس انا راضيه
منيرة.. بس دا موضوع عاوز وقت مش خبط لزق كدا يا بنتى
داليا.. ماشى هديكى النهاردة فكرى فيه ورديلى بكرة لو متجوزناش همشى بالاذن يا حماتى
ودخلت اوضتها وقالت عملت اللى فى دماغى برضو وهتجوزك يا نصار اللى كان مانعك عنى خلاص

مات
دى داليا دكتورة تحاليل نبتدى الحايه من الاول قبل وفاة جوزها جي جوزها محمود وقال بقرحه
اخويا راجع من السفر النهاردة
داليا.. حمدالله على سلامته
محمود هو محضرش الفرح بتاعنا عشان المنحه بتاعته اصلو متفوق جدا جدا فى دراسته
داليا.. اه جد اهو اتعرف عليه بقى
محمود.. اكيد هتحبيه جدا فوق الوصف
يلا اهو جيه تعالى هعرفك عليه هو ومراتو
ونزلو وقال دا دكتور نصار اخويا وحبيبى وابنى كمان
نصار.. حب قلبى بس متقولش ابنى لنكبرك قدام المدام بتاعتك
محمود ياض الكبير كبير مقامو
نصار يا نهار اسوح كدا انت هتصغرنى قدام المدام بتاعتى
نصار ههههه مش بقولك مسخرا
مد ايدو وقال اتشرفت بيكى يا مدام داليا دى نهى مراتى
داليا بصتلو باعجاب بس قالت اهلا وسهلا
نصار شد ايدو وقال.. احم نهى دى داليا مرات محمود
داليا انا دكتورة تحاليل
نصار.. اه اخويا قلى
داليا ومراتك دارسة اى
نهى.. لا مش بشتغل انا مكملتش علام اصلى اهلى ظروفهم الماديه مكنتش قد كدا
نصار مين قال كدا انتى اكبر مافيا فى البلد ورئيسة اجرام وناجحه بجدارة قتلتى فى عينى ستات الارض كلهم
نهى قالت بكسوف.. تؤ اهلك واقفين
محمود.. وحلانجى واونطجى بس وحشنى
وحط ايدو على كتفو ومشى بيه وهو بيقول.. جهزولنا الغدا بقى
واتغدو وكانت داليا قاعده مع اختها فى الاوضه لوحدهم وبتقول..
يا بنت بقولك قمر بصي ممثل من بتوع التلفزيون بتوع هوليود وبوليود حاجه كده ايه قيمه وسيما
اختها يخرب بيتك انتى مش متجوزه يا وليه
داليا. متجوزه ايه حسره عليا انتى اصلك ما شفتيش اخوه وهو جاي بالبدله والنظاره وكارر الشنطه وراه لا وايه مراته فلاحه جايه من تحت الجاموسه اقدار هي تاخد الدكتور وانا دكتورة التحاليل اخذ مدرس
اختها.. مالهم المدرسين بيكسبو والحمد لله ده جوزك الدروس اللي بيديها كفايه بعدين جوزك شكله مش وحش ماله كان عاجبك وكنتى طايرة بيه
داليا.. اصلك ما شفتيش اخوه الدكتور بيني وبينك كده عيني منه
اختها يا فضيحتي عينك من مين يا بنت المهبوشه انتى الراجل متجوز مش عايزين فضايح واخو جوزك يخرب بيتك استعيذى بالله واعقلى
عند نصار كان بيرص هدومو فى الدولاب مراتو قالت..
هو احنا هنمشى امتى
نصار ههه هو احنا لسه جينا عشان نمشى انتى اتضايقتى
نهى.. لا بس متتكلمش مع مرات اخوك كتير بصاتها ليك وترتنى
نصار.. بلاش هبل دى مرات اخويا يعنى اختى بلاش غيرة المجانين دى ونامى انا هنزل اعملى قهوه
ونزل بس لقى داليا هناك كانت بتغسل الكوبيات اللى شربو فيها هى واختها بعد ما اختها روحت اول ما شافته قالت..
اى جاي هنا ليه عايز حاجه
نصار انا هعمل قهوه اعملك معايا
داليا بدلع يالهوى بنفسك لا ارتاح انت انا اعملهالك بعيني
نصار بصلها وقال قاصد يلفت انتباهها.. تسلم عينيك.. يا مرات اخويا هيا بس نهى مراتى تعبت من السفر فريحت شويه وانا دماغي مصدعه شويه فنزلت اعملك كوبايه قهوه معايا ولا هتطلعى لجوزك
بس اتفاجا اما قالت لا اعملى هو انت ايه اللي عجبك في مراتك يعني دكتور زيك ما اخدش دكتورة ليه
نصار بحزم.. انا بحب نهى مراتى هو مش لازم تكون مكمله تعليمها ظروف اهلها منعتها القلب مش مكتوب عليه للمتعلمين فقط عن اذنك
وسابها وطلع اوضته ثاني يوم بالليل كانت داليا قاعده لقيته راجع من الشغل وماسك في ايده علبه اتقدمت عليه وقالت
ازيك يا نصار ايه اللي في ايدك ده
نصار دي هديه لمراتي اصل انا زي النهارده شفتها انا كل يوم في السنه زى دا اجيبلها هديه
داليا.. عيد جوازك
نصار.. لا عيد الجواز ده باخدها ونسهر بره وبنعمل احتفال ده اليوم اللي شفتها فيه
داليا.. لا هو انت بتجيبلها كم هديه في السنه على كده
نصار.. اربعه ولا خمسه على حسب بجيب واحده في عيد ميلادها وواحده في عيد جوازنا وواحده في اليوم اللي شفتها فيه
داليا.. دول ثلاثه بس
نصار.. ما هو لو في مره في السنه او مرتين بنتخانق سوا فبجيبلها هديه عشان اصالحها بيها يلا عن اذنك عشان اطلع لمراتى
وسابها وطلع وهو بيصفر برواق وهى اتنهدت بضيق وقالت
حظوظ ناس ليها السفر والخروجه والهدايه وناس ليها المرمطه مع العيال وحماتها صدق اللى قال ناس عايشه وناس بايشه
منك لله يا جوزى كان فين عقلي لما اخذته كان فين نصار لما اخدت اخوه
واتصلت بجوزها وقالت انت فينك اتاخرت بره ليه
بس جالها صوت واحد غريب بيقول
صاحب التليفون ده عمل حادثه ودخل المستشفى دلوقتي لو تعرفيه ممكن تبلغي حد من اهله
داليا. يا مصيبتي الحقى يا حماتى الحقنى يا نصار
نزل نصار وقال ايه يا مرات اخويا في ايه
داليا.. اخوك عمل حادثه ونقلوه على المستشفى
نصار بصدمه ايه نهار اسود يا رب يا رب
وراحو بسرعه على المستشفى ودخلوا كلهم بس طلع الدكتور وقال..
والله احنا حاولنا كتير عملنا كل اللي علينا بس هو تعبان شويه وما فيش حاجه نعملها هنا تقدروا تاخدوه معاكم البيت ويبقى في متابعه ليه بعد اسبوع لو فضل عايش بس انا بفضل يبقى في

لمحة نيوز