طلاق بالاتفاق

الفصل الأول كان الجو خانقًا على نحوٍ لا يُحتمل، حتى بدا الهواء نفسه وكأنه يشتعل. وقف يوسف في منتصف الصالة مرتديًا بدلته الرسمية، وقد التصق القماش بجسده من شدة الحر، بينما كان التكييف المعطل يضيف إلى توتره توترًا آخر. كان يمسك بملفٍ بين يديه بإحكام، كأنه يستعد لمعركة لا لعقد قران. مسح العرق المتجمع على جبينه، وزفر بضيق. قال المأذون وهو يلوّح بطرف عمامته محاولًا تهوية نفسه: ـ "يا ابني العروسة فين؟ إحنا هنتشوي كده!" أجابت أم يوسف بابتسامة مطمئنة: ـ "اصبر يا شيخنا... البت ليلى دقيقة في مواعيدها. تلاقيها بتنقذ حد ولا حاجة... أصلها دكتورة." تمتم يوسف وهو يقلب عينيه نحو السقف: ـ "ما هي لو نقذت كل الناس... مين هينقذني أنا من الجوازة دي والحر ده؟ هفطس يا ناس!" في تلك اللحظة، دوّى طرقٌ خفيف على الباب. خبطتان فقط. التفت الجميع. انفتح الباب، ودخلت ليلى بخطوات سريعة، تحمل حقيبتها الطبية على كتفها، بينما كانت خصلات شعرها قد التصقت بجانب وجهها من أثر الإرهاق. قالت وهي تلتقط أنفاسها: ـ "آسفة... كان فيه ست ضغطها وصل لـ٢٠٠. كنت أسيبها تموت وآجي أتجوز يعني؟" رمقها يوسف بنظرة ساخرة وقال: ـ "لا طبعًا يا دكتورة... اتفضلي ارتاحي الأول من الحر ده." لم يستغرق عقد القران سوى دقائق معدودة. أنهى المأذون مهمته ورحل مسرعًا، وكأنه يهرب هو الآخر من الحرارة. أطلقت أم يوسف زغرودة وحيدة خافتة، ثم غادرت. وأخيرًا... أُغلق الباب. ساد الصمت. وقف يوسف بجوار الباب، بينما اتجهت ليلى نحو السفرة، تضع حقيبتها فوق أحد المقاعد. تبادل الاثنان نظرة قصيرة. ثم أخرج يوسف عدة أوراق من جيبه ومدّها نحوها. ـ "طيب... خلصنا من الرسميات. اتفضلي، ده العقد اللي بيني وبينك." أخذت الأوراق منه وهي تعقد حاجبيها. ـ "عقد إيه تاني؟ مش كفاية القسيمة؟" هز رأسه بثبات. ـ "لا. ده عقد اتفاق." بدأت تقرأ البنود بسرعة: 1- الطلاق بعد ستة أشهر. 2- لكل طرف غرفته الخاصة. 3- أمام الناس نتصرف كزوجين سعيدين. 4- من يقع في الحب أولًا يدفع مليون جنيه. رفعت رأسها ببطء، ثم نظرت إليه وكأنها تشك في سلامة قواه العقلية. ـ "مليون جنيه؟! إنت فاكر نفسك توم كروز؟" ارتسمت ابتسامة مستفزة على شفتيه. ـ "طب زودي كمان... اللي يقع في الحب الأول يتنازل عن الشقة والعربية." وضعت الورقة على الطاولة وقالت بثقة: ـ "موافقة. وزود كمان كليته الشمال عشان تبقى الخسارة بجد." ضحك يوسف وهو يشير إليها بإصبعه. ـ "اتفقنا... عشان لما أكسب أحط الكلية في برطمان عندي في الشغل." وقّعا العقد. يوسف السرجاني د. ليلى رفعت أعاد يوسف الأوراق إلى الملف، ثم قال: ـ "مبروك يا مدام. ست شهور بالظبط... عديهم على إيدك." أجابت فورًا: ـ "١٨٢ يوم. حسبت الويك إند كمان. أنا دكتورة... بحسب الجرعة بالسنتي." هز رأسه بإعجاب ساخر. ـ "عظمة... يلا ورايا." قادها إلى غرفتها. فتح الباب وأشار بيده إلى الداخل. ـ "أوضتك آخر الطرقة يمين. الحيطة الرمادي دي خط أحمر... ممنوع التعليق عليها." دخلت ليلى الغرفة وأخذت تتأملها. كانت مرتبة بصورة مبالغ فيها، خالية تقريبًا من أي لمسة حياة. شهقت وهي تنظر حولها. ـ "يا ساتر! إيه الكآبة دي؟ حاسة إني دخلت مستشفى." عقد يوسف ذراعيه أمام صدره. ـ "ده اسمه ستايل هادي." ضحكت بسخرية. ـ "ده يجيب الضغط. هعلق شهادتي هنا." ـ "على جثتي." ـــ بعد قليل... كان يوسف في المطبخ يعد قهوته المعتادة. دخلت ليلى وهي تضع كيس أدوية فوق الرخامة. ما إن رآه حتى انتفض. ـ "شيلي الزفت ده!" استدارت نحوه بدهشة. ـ "إيه؟!" أشار إلى الرخامة بقلق حقيقي. ـ "الرخامة دي غالية." حدقت فيه لثوانٍ. ـ "ده دوا ضغط يا بني آدم!" ـ "حطيه في درج التلاجة." تنهدت باستسلام مصطنع. ـ "حاضر يا سعادة البيه." ثم أضافت بنبرة مستفزة: ـ "في أوامر تانية؟" رفع إصبعه يعدّد: ـ "المواعين ما تباتش... والتلاجة أنا اللي برتبها." وضعت يديها على خصرها. ـ "إنت عايز زوجة ولا خدامة بكاتالوج؟" في منتصف الليل... عادت ليلى من المناوبة مرهقة. كان الإرهاق ظاهرًا في عينيها وخطواتها البطيئة. لكنها توقفت فجأة عندما وجدت يوسف جالسًا على الأرض وسط عشرات عينات السيراميك. رمشت عدة مرات. ـ "إنت بتعمل إيه؟ بتحضر عفريت؟" رفع رأسه دون أن يلتفت بالكامل. ـ "بختار سيراميك حمام." ـ "الساعة ١٢؟" ـ "أنا بشتغل بالليل." وبينما كانت تمر بجواره... اصطدم قدمها بإحدى العينات. ـ "آآه!" قفز يوسف واقفًا. ـ "حاسبي! دي المتر بألف جنيه!" أمسكت إصبع قدمها وهي تتألم. ـ "صباعي كان هيتقطع وإنت خايف على السيراميك؟!" ـ "ما تبصي قدامك!" ـ "وإنت ما تحطش الزفت ده في نص الصالة!" وقفا متقابلين. هي تتألم. وهو متضايق. ثم قال فجأة: ـ "على فكرة... الزعيق بيبوظ طاقة المكان." حدقت فيه غير مصدقة. ـ "والله؟ والطاقة السلبية كلها طالعة منك ومن السيراميك بتاعك يا جحش!" كاد يرد بعصبية، لكنه لمح الاحمرار في إصبعها. تنهد واستسلم. اقترب قليلًا. ـ "هاتي رجلك أشوف." تراجعت خطوة. ـ "خايف على إيه؟ على الباركيه؟" ـ "لا... خايف ألبس مصيبة لو جرالك حاجة." تفحص إصبعها سريعًا. ثم قال: ـ "كويس. مجرد خبطة." اعتدل واقفًا. ـ "حطي تلج." استدارت نحو غرفتها وهي تتمتم: ـ "شكرًا يا دكتور يوسف." وأغلقت الباب خلفها بعنف. ظل يوسف واقفًا للحظة. ثم نظر إلى عينات السيراميك المبعثرة وقال مخاطبًا إياها: ـ "معلش يا حبايبي... هي همجية شوية بس هتتعود عليكم. كان يوسف جالسًا أمام حاسوبه المحمول، غارقًا في مراجعة بعض الرسومات الهندسية. لم يكن يسمع سوى صوت لوحة المفاتيح وصمت الليل الثقيل. فجأة... وصلته كحة من غرفة ليلى. رفع رأسه قليلًا. ثم جاءت كحة ثانية. وثالثة. متتابعة وعنيفة. قبل أن يسمع صوت ارتطام حاد أعقبه تحطم زجاج. تجمد في مكانه لثانية. ثم نهض بسرعة واتجه إلى غرفتها. طرق الباب بقوة. ـ "ليلى؟" لا رد. طرق مرة أخرى. ـ "ليلى!" ظل الصمت مخيمًا. أمسك المقبض وفتحه دون تفكير. وجدها جالسة على السرير، ظهرها مستند إلى الحائط الرمادي، ووجهها محتقن بالاحمرار. كانت دموعها تملأ عينيها بينما تناثرت شظايا كوب زجاجي مكسور على الأرض بجوارها. اقترب بخطوات سريعة وقد انعقد حاجباه قلقًا. ـ "مالك؟ في إيه؟" رفعت رأسها بصعوبة. كان صوتها مبحوحًا ومتقطعًا. ـ "شرقت... والكوباية وقعت مني." زفر يوسف بارتياح خفيف. ثم التقط حقيبتها الطبية من فوق الكومود. ـ "الدوا فين؟" أشارت بيد مرتجفة نحو الحقيبة. ـ "الأزرق... بتاع الكحة." ظل يقلب بين الأدوية حتى وجده. فتح الزجاجة وأعطاها الجرعة، ثم أسرع إلى المطبخ وعاد بكوب ماء. شربت ببطء. وبعد دقائق بدأت أنفاسها تنتظم قليلًا. أغمضت عينيها وأسندت رأسها إلى الحائط. أما يوسف فظل واقفًا للحظات لا يعرف ماذا يفعل. حك مؤخرة رأسه بتوتر قبل أن يسأل: ـ "إنتِ كويسة؟" فتحت عينًا واحدة ونظرت إليه. ـ "لا." سحب كرسيًا من جانب الغرفة وجلس بعيدًا عنها مسافة آمنة. ـ "طب عايزة إيه؟" أجابت دون أن تفتح عينيها: ـ "عايزاك تمشي." رفع حاجبيه. ـ "مش همشي." ثم أضاف بجدية مصطنعة: ـ "لو موتي دلوقتي هلبس أنا فيكي." خرجت منها ضحكة صغيرة رغم تعبها. ـ "طول عمرك ندل." ارتخت ملامحه قليلًا. وساد بينهما صمت قصير. نهض يوسف فجأة وغادر الغرفة. نظرت ليلى إلى الباب باستغراب. لكنه عاد بعد دقيقة واحدة فقط. وفي يده شريط بنادول. وضعه بجوارها على السرير. ـ "عارف إنك مش مصدعة." ثم هز كتفيه. ـ "بس البنادول ده بينفع لما الواحد يبقى متضايق. خديه احتياطي." فتحت عينيها بالكامل هذه المرة. ونظرت إليه مطولًا. ـ "وإنت مالك؟ مش شغلك على فكرة." أجاب وهو يتجنب النظر إليها: ـ "لا... شغلي." عقد ذراعيه أمام صدره وأضاف: ـ "العقد بيقول نعيش مع بعض. والعيشة يعني لو حد تعب التاني يساعده." توقف لحظة ثم أكمل: ـ "ده بند جديد ألفته حالًا." ابتسمت رغمًا عنها. ـ "كداب أوي." أشار بيده نحو الباب. ـ "خلاص. خلصنا." استدار وغادر الغرفة. وقبل أن يغلق الباب خلفه... سمع صوتها يناديه بهدوء: ـ "يوسف..." توقف دون أن يلتفت. ـ "شكرًا." ظل صامتًا لثانية. ثم أغلق الباب بهدوء هذه المرة. في صباح اليوم التالي... تسللت رائحة القهوة إلى أنحاء الشقة. خرجت ليلى من غرفتها لتجد يوسف جالسًا على طاولة السفرة، وأمام كل منهما مجّ قهوة. رفع عينيه إليها للحظة قصيرة. ـ "صباح الخير." جلست مقابله. ـ "صباح النور." أشار إلى المج الموجود أمامها. ـ "القهوة سادة عشان الضغط." نظرت إليه باستغراب خفيف. ثم أخفت ابتسامتها سريعًا. ارتشفت رشفة صغيرة قبل أن تسأله: ـ "واللوحة اللي باظت إمبارح؟" تنهد يوسف بأسى مبالغ فيه. ـ "عملت غيرها." ثم أشار إليها بإصبعه. ـ "وخصمت الستة آلاف جنيه من غرامتك المستقبلية." رفعت حاجبًا باستنكار. ـ "غرامة إيه؟" ارتسمت على وجهه ابتسامة مشاكسة. ـ "غرامة إنك عيطتي وأنا اتأثرت." توقف لحظة. ثم أكمل بجدية زائفة: ـ "وده معناه إننا وقعنا في الحب." وأشار إلى نفسه. ـ "يبقى عليا مليون جنيه." شرقت ليلى بالقهوة وكادت تسعل. ـ "إنت اتجننت؟!" انفجر يوسف ضاحكًا لأول مرة منذ زواجهما. ـ "بهزر." ثم أضاف وهو يشير إلى المج: ـ "اشربي قهوتك بعيد عن أي لوح ولا أي حاجة قابلة للكسر." هزت رأسها وهي تضحك رغمًا عنها. ـ "ماشي يا يوسف..." ثم ضيقت عينيها محذرة: ـ "بس لو هزارك ده قلب جد... هتدفع المليون وكليتك." أومأ برأسه بكل جدية. ـ "موافق." ساد الصمت بعدها. لكن لم يكن ذلك الصمت المتوتر الذي ملأ الشقة في يومهما الأول. جلسا يحتسيان القهوة معًا. ولأول مرة منذ دخلا هذا البيت... لم تعد الجدران الرمادية تبدو كئيبة إلى هذا الحد. الفصل الثاني خرجت ليلى من غرفتها وهي تفرك إحدى عينيها بنعاس واضح. كان شعرها منكوشًا على نحوٍ مضحك، وكعكتها الشهيرة مائلة إلى جانب رأسها كأنها خاضت معركة أثناء النوم. ارتدت بيجامة قطنية مزينة بدباديب صغيرة، بينما كانت تحمل مج القهوة الخاص بها المكتوب عليه: Keep Calm I'm a Pharmacist توقفت عند مدخل الصالة، تتأمل يوسف الواقف أمام النافذة ممسكًا بشريط القياس. تثاءبت طويلًا وقالت: ـ "صباح الخير... إنت بتعمل إيه من الفجر؟ بتبني حيطة؟" أجاب دون أن يرفع عينيه عن القياسات: ـ "صباح النور. بقيس الشباك عشان الستاير. هتتركب النهارده." ارتشفت رشفة من القهوة. ـ "ستاير؟ حلو. أخيرًا هنستر نفسنا. أنا بحس إني قاعدة في فاترينة عرض والعمارة اللي قصادنا كلها بتتفرج علينا." استدار نحوها وقال بجدية كاملة: ـ "أيوه. ستارة بلاك أوت. سودا. تقيلة. تمنع النور مية في المية." توقفت القهوة في منتصف الطريق إلى فمها. ـ "نعم؟!" أشار إلى الشباك. ـ "عشان أعرف أنام الضهر." حدقت فيه وكأنه اعترف بجر\يمة. ـ "سودا؟! هنعيش في كهف؟" ـ "أنا بشتغل بالليل يا ليلى. والنور بيعملي صداع نصفي." رفعت إصبعها تحاضر فيه كأنها داخل محاضرة جامعية. ـ "والشمس اللي ربنا خلقها؟ والفيتامين د؟ والبكتيريا اللي بتموت؟ نموت من الكساح عشان جنابك تنام؟" رد ببرود: ـ "الفيتامين د خديه حبوب." ثم أضاف: ـ "أنا عايز ضلمة. ضلمة كحل." شهقت باستنكار. ـ "وأنا عايزة شيفون أبيض. يدخل نور وهوا. عشان البيت مايبقاش ثلاجة موتى." ـ "الشيفون بيدخل نور." ـ "والبلاك أوت بيجيب اكتئاب." ـ "أنا محتاج أنام." ـ "وأنا محتاجة أعيش." عقد يوسف ذراعيه أمام صدره. ـ "خلاص. مفيش ستاير." هزت كتفيها. ـ "ماشي. بس لما الجيران يصورونا وإحنا بنتخانق ماتزعلش." عاد كل منهما للنظر فيما بيده. هو ينظر إلى شريط القياس. وهي تنظر إلى القهوة. وكأن المفاوضات الدولية قد فشلت رسميًا. بعد ساعة... رن جرس الباب. دخل عامل الستاير وهو يحمل رزمًا ضخمة من القماش. ـ "أستاذ يوسف؟ الستاير وصلت." أشار يوسف فورًا. ـ "حط الأسود هنا." وفي اللحظة نفسها قالت ليلى: ـ "لا. الأبيض هنا." تجمد العامل في مكانه. نظر إلى يوسف. ثم إلى ليلى. ثم عاد ينظر إلى يوسف. ـ "يا أساتذة... ريحوني. أركب أنهي؟" وفي اللحظة نفسها: ـ "الأسود!" ـ "الأبيض!" تنهد الرجل بحسرة. ـ "لا إله إلا الله." ثم حك رأسه مفكرًا. ـ "طب ما تركبوا الاتنين فوق بعض؟" ساد الصمت. ـ "إزاي؟" ـ "الأسود جوه... والأبيض بره. اللي عايز ضلمة يقفل الأسود. واللي عايز نور يفتحه." نظر يوسف إلى الفكرة بعين المهندس. ـ "مقبولة هندسيًا." ابتسمت ليلى. ـ "وأنا موافقة... مؤقتًا." ثم أشارت إليه محذرة. ـ "بس لو صحيت لقيت الأوضة كحل هولع في الستارة السودا." رفع حاجبًا واحدًا. ـ "ولو صحيت لقيت الشمس ضاربة في عيني هقص الشيفون بالمقص." أما العامل فتمتم وهو يبدأ التركيب: ـ "يا رب صبرني." ما إن أُغلقت ستارة البلاك أوت حتى غاصت الغرفة في ظلام كامل. اتسعت عينا ليلى. ـ "يا نهار إسود!" ثم استدارت حول نفسها. ـ "دي مقبرة مش أوضة!" أما يوسف فأغمض عينيه مستمتعًا. ـ "الله..." تنهد بارتياح. ـ "أخيرًا." ثم رُكب الشيفون الأبيض أمامها. فخفّ الظلام وتحسن الوضع قليلًا. أشار يوسف إلى النتيجة النهائية. ـ "كده عندنا حل وسط." ـ "حل وسط إيه؟" ـ "بالنهار نفتح الأسود ونسيب الأبيض." ـ "وبعدين؟" ـ "ولما أنام أقفل الأسود." ضيقت عينيها. ـ "وأنا اللي هفتح وأقفل؟" ـ "لا. أنا أقفل وإنتِ تفتحي." ـ "ده جواز ولا شركة مقاولات؟" في ظهر اليوم نفسه... كانت الشمس تغمر الصالة بضوء دافئ جميل. أما يوسف فخرج من مكتبه بعينين حمراوين وملامح شخص لم ينم منذ أيام. توقف فجأة. نظر إلى الضوء. ثم صرخ: ـ "ليلى!" خرجت من المطبخ وهي تنشف يديها. ـ "نعم؟" ـ "اقفلي الزفت النور ده!" رفعت حاجبيها. ـ "الساعة اتنين الضهر!" ـ "وأنا بني آدم بنام الضهر!" ـ "والبني آدمين التانيين صاحيين!" لوّح بيده معترضًا. ـ "عقد الاتفاق. بند الراحة. البند الفرعي 3.2." ضحكت بسخرية. ـ "مفيش بند بيقول نحول الشقة لقبر." زفر بعصبية. ثم جذب الستارة السوداء. اختفى الضوء. ـ "يوسف! أنا بقطع سلطة!" ـ "ولعي نور." ـ "وليه أولع نور وربنا منزل الشمس؟" ـ "عشان عندي صداع." فتحت الستارة. عاد الضوء. أغلقها. فتحتها. أغلقها. فتحتها. حتى بدت الستارة وكأنها تشاركهما الخناقة. وأخيرًا قالت: ـ "إنت عيل صغير!" ـ "وإنتِ مستفزة!" وفي أثناء جذبها للستارة للمرة الأخيرة... انزلقت قدمها فوق بقعة ماء صغيرة. ـ "آآه!" اختفى الغضب من وجه يوسف فورًا. اندفع نحوها. وأمسك ذراعها قبل أن ترتطم بالأرض بثوانٍ. ساد الصمت. توقفت الدنيا حولهما للحظة. كانت قريبة منه جدًا. أقرب مما ينبغي. إصابعه ملتفة حول ذراعها. وأنفاسهما متداخلة. أما قلب يوسف فكان يدق بعنف من أثر الخضة. وربما لسبب آخر. نظر إليها بقلق حقيقي. ـ "إنتِ كويسة؟" ابتلعت ريقها بصعوبة. ـ "أيوه..." ثم أضافت بسرعة: ـ "سيب دراعي." تركها فورًا كأنه تذكر فجأة أنه يمسكها. وتراجع خطوة كاملة للخلف. ـ "كنتي هتتكسري." ثم أشار إلى الشبشب. ـ "البسي حاجة عدلة." عدلت كعكة شعرها مرتبكة. ـ "ما إنت اللي قلبت الشقة ضلمة." تنهد باستسلام. ـ "خلاص." ثم أشار نحو الستارة. ـ "خلي الشيفون مفتوح." توقفت. ـ "بجد؟" ـ "آه." ثم أضاف وهو يتحرك نحو غرفته: ـ "هنام في أوضتي وأمري لله." ورزع الباب خلفه. بقيت ليلى واقفة في مكانها عدة ثوانٍ. تنظر إلى الباب المغلق. ثم إلى ذراعها. ورفعت يدها تلمس المكان الذي أمسكها منه. وتمتمت: ـ "غبي..." صمتت لحظة. ـ "وتنك." ثم أكملت وهي تحاول منع ابتسامتها: ـ "وإيده تقيلة." لكنها لم تقل إن قلبه كان يدق بسرعة مثل قلبها تمامًا. كانت ليلى جالسة في الصالة، وقد فتحت حاسوبها المحمول تتابع أحد الكورسات الإلكترونية استعدادًا لامتحان الفارما. كانت الستارة الشيفون مسدلة، بينما بقيت ستارة البلاك أوت مفتوحة، فتسلل الضوء الأصفر القادم من أعمدة الشارع إلى الداخل، فارضًا جوًا رومانسيًا لم يقصده أحد منهما. خرج يوسف من مكتبه مرهقًا، وعيناه محمرتان من السهر. لمحها جالسة أمام الحاسوب فتوقف قليلًا. يوسف: "سهرانة؟" ليلى، من دون أن ترفع عينيها عن الشاشة: "أيوه. بذاكر. ورايا امتحان فارما." توجه يوسف إلى المطبخ، وأعد كوبين من النسكافيه، ثم عاد ووضع أحدهما أمامها على الطاولة. نظرت ليلى إلى الكوب ثم إليه باستغراب. ليلى: "إيه ده؟" يوسف: "نسكافيه. عشان السهر. من غير سكر. عشان الضغط." ليلى: "ميرسي... بس ليه؟" جلس على الكنبة البعيدة وقال بجدية مصطنعة: يوسف: "عشان... عشان لو نمتي وإحنا متخانقين الطاقة السلبية هتزيد في البيت. ده بند جديد." ضحكت ليلى رغمًا عنها. ليلى: "إنت بتألف بنود على مزاجك؟" يوسف: "العقد عقدي وأنا حر فيه." في ليلة أخرى، كان يوسف نائمًا على الكنبة في الصالة بعد أن تعطل مكيف غرفته. أغلق ستارة البلاك أوت بالكامل، حتى غاص المكان في ظلام حالك. في الثالثة فجرًا تقريبًا، تلقت ليلى اتصالًا عاجلًا من الصيدلية. كانت هناك حالة طارئة تتطلب حضورها فورًا. نهضت مسرعة، ارتدت ملابسها على عجل، ثم خرجت إلى الصالة لتأخذ حقيبتها. كان الظلام كثيفًا إلى حد أنها لم تعد ترى شيئًا. اصطدمت أولًا بالطاولة. "أوووف." ثم واصلت طريقها لتصطدم بساق يوسف. انتفض يوسف من نومه مذعورًا. يوسف: "مين؟! حرامي؟!" ليلى: "بس! بس ده أنا! رايحة شغل!" اعتدل جالسًا وهو يفرك عينيه. يوسف: "شغل إيه الساعة 3؟! والنور مطفي ليه؟!" ليلى: "حالة طارئة! والستارة بتاعتك المقرف مضلمة الدنيا مش شايفة!" نهض وفتح الإضاءة. يوسف: "ما تولعي النور يا بنتي!" ليلى: "ماردتش أصحيك!" يوسف: "ما إنتي صحيتيني بخبطك! كنتي هتكسري رجلي!" تأملها للحظة. كان شعرها منكوشًا، وملامحها ما تزال غارقة في النعاس، لكنها مستعدة للخروج لإنقاذ شخص لا تعرفه. قال فجأة: يوسف: "استني." دخل المطبخ وعاد بكوب حراري مملوء بالنسكافيه الساخن. يوسف: "خدي ده. عشان تفوقي." أخذته وهي تنظر إليه باستغراب. ليلى: "شكراً... بس..." يوسف: "بس إيه؟ امشي قبل ما الحالة تموت. يلا." خرجت، فأغلق الباب خلفها وأسند ظهره إليه. ثم نظر إلى ستارة البلاك أوت. ولأول مرة شعر أنها سخيفة فعلًا. فتحها نصف فتحة، حتى إذا عادت قبل الشروق لا تتعثر في الظلام مرة أخرى. عادت ليلى بعد ساعات، منهكة لكنها سعيدة. لقد نجحت في إنقاذ الرجل. دخلت الشقة بهدوء، فوجدت يوسف ما يزال نائمًا على الكنبة، بينما تسلل ضوء الفجر الأبيض من خلال الفتحة الصغيرة في الستارة وسقط على وجهه. تناولت البطانية الخفيفة الموضوعة على الكرسي، ثم غطته بها برفق كي لا يبرد بسبب المكيف. وأثناء ذلك لامست أصابعها خده مصادفة. كان خشنًا بفعل اللحية. سحبت يدها بسرعة. فتح يوسف عينًا واحدة على أثر الحركة. يوسف: "رجعتي؟" ارتبكت قليلًا. ليلى: "أيوه... آسفة صحيتك." يوسف: "الراجل عاش؟" ابتسمت بتعب. ليلى: "أيوه... عاش." أغمض عينيه من جديد وارتسمت على شفتيه ابتسامة صغيرة. يوسف: "جدعة يا دكتورة." ثم عاد إلى النوم. بقيت ليلى واقفة تنظر إليه لثوانٍ. "جدعة يا دكتورة." قالها هذه المرة بلا سخرية، ولا مزاح. دخلت المطبخ وأعدت لنفسها قهوة. ثم نظرت إلى الستارة. وأغلقت البلاك أوت بالكامل. وتمتمت: "عشان الباشمهندس ينام ساعتين كمان من غير شمس." استيقظ يوسف بعد ذلك بساعات، ليجد الصالة غارقة في الظلام. اعتدل فجأة. يوسف: "ليلى! النور!" خرجت من غرفتها مستغربة. ليلى: "إيه؟ في إيه؟" أشار إلى الستارة. يوسف: "قافلاها ليه؟ الساعة 1 الضهر!" عقدت ذراعيها أمام صدرها. ليلى: "عشان سعادتك تنام. مش إنت بتقول الضلمة علاج؟ اتفضل اتعالج." نظر إليها، ثم إلى الستارة، ثم انفجر ضاحكًا. كانت تلك أول ضحكة حقيقية تخرج منه منذ زواجهما. يوسف: "يا شيخة... قومي افتحيها. صدعتيني." فتحت ليلى الستارة، فاندفع الضوء إلى الصالة. أغمض يوسف عينيه متأثرًا بالسطوع. يوسف: "أيوه كده. اتعميت. شكراً." ليلى: "العفو. ده واجبي..." وقبل أن تكمل، قال: يوسف: "بصي... عشان نخلص من الخناقة دي. هنعمل حاجة." أحضر سلمًا من البلكونة. ليلى: "هتعمل إيه؟ هتنتحر من الشباك؟" يوسف: "لا. هعلق حاجة." صعد إلى السلم وأخرج علبة صغيرة. ليلى: "إيه دي؟" يوسف: "موتور. موتور ستارة كهربا. بريموت." وخلال دقائق كان قد ركبه فوق الستارة. نزل بعدها وأخرج جهازي تحكم صغيرين. أعطاها الأبيض واحتفظ بالأسود. يوسف: "الأسود بتاعي. بيقفل البلاك أوت. والأبيض بتاعك. بيفتحها. من غير ما نتخانق، ومن غير ما نشد. دوسي على زرار، والستارة تفتح وتقفل لوحدها." حدقت فيه بدهشة. ليلى: "إنت... إنت جبته إمتى ده؟" يوسف: "طلبته أونلاين إمبارح بعد ما كنتي هتموتي وتقعي. قولت بدل ما نكسر بعض، نكهرب الستارة." ليلى: "وسايبني أتخانق معاك من الصبح ليه؟!" يوسف: "عشان بحب أشوفك وإنتي متعصبة. شكلك يضحك." فقذفته بالمخدة. ليلى: "يا باااارد!" أمسكها وهو يضحك. يوسف: "خلاص خلاص! جربي الريموت." وبدآ يضغطان الأزرار كالأطفال. تُغلق. تُفتح. تُغلق. تُفتح. حتى كادت ليلى تسقط من الضحك. ليلى: "بس! بس دوخت!" يوسف، ضاغطًا مرة أخرى: "آخر مرة... آخر مرة أصلها حلوة أوي." غرقت الغرفة في الظلام. وساد الصمت. ليلى: "يوسف... افتح النور." جاء صوته من العتمة. يوسف: "ليه؟ خايفة؟" ليلى: "لا... بس... مش شايفاك." ساد صمت قصير. ثم قال: يوسف: "وأنا مش شايفك برضو. بس سامع صوتك. وسامع ضحكتك من شوية." تسارع نبض قلبها. ليلى: "طب افتح بقى عشان..." ضغط يوسف على الريموت الأبيض. فانفتحت الستارة وعاد الضوء إلى الصالة. وجدته واقفًا بالقرب منها أكثر مما ينبغي. يوسف: "عشان إيه؟" ابتلعت ريقها. ليلى: "عشان... عشان أشوف هضربك بالمخدة فين." ضحك وتراجع خطوة. يوسف: "يا ساتر." ثم وضع الريموت الأبيض في يدها. يوسف: "خليه معاكي. ده سلا\حك الجديد. بس ماتفتحيهاش عليا وأنا نايم." لامست أصابعه أصابعها لثانية واحدة. ليلى: "موعدكش. لو صحيت لقيتك مقفلها هصحيك بالريموت في دماغك." غادرت إلى غرفتها. أما هو فبقي واقفًا ممسكًا بالريموت الأسود، وعلى وجهه ابتسامة لم يحاول إخفاءها. وقبل أن تنام، نظرت ليلى إلى الريموت الأبيض الموضوع فوق الكومودينو. أمسكته، ثم نظرت نحو باب غرفته. راودتها فكرة أن تضغط الزر وتفتح الستارة عليه لتوقظه. لكنها هزت رأسها قائلة: "لا. خليه ينام. بكرة نكمل خناق." وضعت الريموت بجوارها واستسلمت للنوم. وفي غرفته، كان يوسف لا يزال مستيقظًا، يتأمل الريموت الأسود بين يديه. ثم تمتم لنفسه: "مليون جنيه... والله شكلي هدفعهم قريب." وابتسم قبل أن يغفو. نوفيلا طلاق بالاتفاق الفصل الثالث والرابع هاجر عبدالحليم كانت رائحة الزيت الساخن تملأ المطبخ الصغير، وصوت الطقطقة المتواصلة يتردد في أرجاء الشقة كأن معركةً صغيرة تدور فوق سطح البوتاجاز. وقفت ليلى أمام النار بكامل تركيزها. كانت ترتدي بيجامة مزينة ببطاريق صغيرة، بينما جمعت شعرها في كعكة مهزوزة أعلى رأسها، وربطت المريلة الصفراء حول خصرها بإحكام. في يدها شوكة تقلب بها شرائح البانيه، وفي الأخرى طبق تنتظر فيه الدفعة التالية. في تلك اللحظة، انفتح باب الشقة. دخل يوسف بخطوات متعبة بعد يومٍ طويل في الموقع. كان الغبار الأبيض يغطي ملابسه وكتفيه، وحتى أطراف شعره لم تسلم من التراب. ما إن أغلق الباب خلفه حتى وصلته الرائحة. توقف في مكانه فجأة، ثم رفع رأسه نحو المطبخ باستنكار. يوسف: "يا ساتر... إيه ريحة القنبلة دي؟!" لم تلتفت ليلى إليه، واكتفت بقلب قطعة البانيه داخل الزيت. ليلى: "دي ريحة بانيه يا باشمهندس. أكل بني آدمين طبيعيين... مش أكل الجرايد والخضار اللي بتاكله." زفر يوسف بضيق، ووضع متعلقاته جانبًا، ثم اتجه نحو المطبخ. وقف عند الباب وهو ينظر إلى الطاسة كمن اكتشف كارثة وطنية. يوسف: "بتقلي إيه؟ بانيه؟ في الزيت؟ في مطبخي؟" رفعت ليلى حاجبًا واحدًا دون أن تنظر إليه. ليلى: "أيوه في مطبخك، وفي الزيت، وفي بيتي. عندك مانع؟" فتح كفيه بعدم تصديق. يوسف: "طبعًا عندي! الزيت ده بيطرطش! هيبوظ الرخام الكرارة ويلزق في دواليب الخشب الأرو!" هزت رأسها في ملل وهي تقلب البانيه. ليلى: "ما تقلقش. أنا دكتورة وبعرف أتعامل مع السوائل المتطايرة." ثم أشارت إلى الغطاء الموضوع فوق الطاسة. ليلى: "وبعدين حاطة غطا أهو." وكأن القدر كان ينتظر تلك الجملة تحديدًا. قفزت نقطة زيت كبيرة من تحت الغطاء، وحلقت في الهواء لثانية واحدة قبل أن تستقر على الحائط خلف البوتاجاز. الحائط الذي أمضى يوسف أسبوعًا كاملًا يتابع دهانه واختيار درجته بنفسه. تجمدت ملامحه. ثم اتسعت عيناه ببطء. يوسف: "ليلى..." التفتت إليه باستغراب. ليلى: "نعم؟" رفع إصبعه نحو الحائط. كانت يده ترتجف فعلًا. يوسف: "شايفة النقطة دي؟" نظرت إلى حيث يشير. ليلى: "أيوه. نقطة زيت." ابتلع ريقه بصعوبة. وجاء صوته منخفضًا بشكلٍ أخطر من الصراخ. يوسف: "دي مش نقطة... دي بصمة عار على تاريخي المهني." حدقت فيه لحظة، ثم انفجرت ضاحكة. أما هو فظل ينظر إلى البقعة وكأنه يشاهد انهيار برج كامل أمام عينيه. اقتربت من الحائط وهي لا تزال تضحك. ليلى: "يا سلام؟ طول العمر؟ طب بص." التقطت فوطة مبللة من جوار الحوض ورفعتها نحو الحائط. وفي الثانية التالية قفز يوسف من مكانه. يوسف: "لااااا! ماتلمسيهاش!" توقفت يدها في الهواء. ليلى: "إيه؟!" يوسف: "هتبوظيها أكتر! هتوسعي البقعة!" نظرت إليه ثم إلى الفوطة ثم إليه مرة أخرى. ليلى: "طب أعمل إيه؟ أعلق عليها برواز؟" خطف الفوطة من يدها بسرعة. ثم وقف أمام الحائط يتأمل البقعة بحزنٍ حقيقي. يوسف: "إنتِ... إنتِ بوظتي الحيطة." زفرت ليلى بقوة. ليلى: "يوسف ما تكبرش الموضوع. دي نقطة زيت مش جر\يمة قت\ل." رفع رأسه نحوها. يوسف: "إنتِ عارفة عشان أدهن الحيطة دي تاني لازم أجيب النقاش ويصنفر ويدي وشين؟ واللون عمره ما هيطلع نفس الدرجة مية في المية؟" نفد صبرها أخيرًا. ألقت الشوكة داخل الحوض بصوتٍ مرتفع. ليلى: "خلاص! أنا آسفة إني بجوع! وآسفة إني بحاول أعمل أكل في البيت!" كانت نبرتها ترتفع أكثر مع كل كلمة. ليلى: "بعد كده هطلب دليفري وآكل خس زي الأرانب عشان الدهان بتاعك ميتوسخش!" رد فورًا دون تفكير. يوسف: "ياريت! الخس مابيطرطش زيت أصلًا!" ساد الصمت. ثانية... ثانيتان... ثم أغلقت ليلى النار بعنف. التفتت نحو الطاسة. كان البانيه قد احترق. حدقت فيه للحظة قبل أن تضحك ضحكة قصيرة ساخرة. ليلى: "الأكل اتحرق. مبسوط؟" نظر إلى البانيه الأسود. ثم إلى البقعة. ثم إليها. يوسف: "أيوه. عشان تتعلمي إن المطبخ ده له قوانين." نزعت المريلة بعصبية وألقتها فوق الطاولة. ليلى: "قوانين؟!" تقدمت نحوه خطوة. ليلى: "هدفع تمن الدهان. عشرة آلاف؟ عشرين ألف؟ خدهم واخلص." شد يوسف فكه. يوسف: "الموضوع مش فلوس يا ليلى." ليلى: "أمال إيه؟" يوسف: "الموضوع تقدير. ده بيتي." تغيرت ملامحها فورًا. واختفت السخرية من وجهها. ليلى: "وده بيتي أنا كمان." أشارت إلى الأرض حولها. ليلى: "بقالي ست شهور عايشة هنا. يعني بيتي غصب عنك. ومن حقي أقلي بانيه فيه." تبادل الاثنان النظرات لثوانٍ طويلة. ثم استدارت فجأة وغادرت المطبخ. وفي اللحظة التالية دوى صوت الباب وهو يُغلق خلفها بعنف. بقي يوسف وحده. نظر إلى البانيه المحترق. ثم إلى المريلة الملقاة على الطاولة. ثم إلى بقعة الزيت الصغيرة. ومرر يده فوق وجهه بإرهاق. يوسف (بهمس): "غبية... ومستفزة... ومبتسمعش الكلام." لكن الغريب... أنه لم يكن غاضبًا كما ادعى. طرق يوسف باب غرفتها بخفة، وحين لم يصله رد، دفع الباب قليلًا وأطل برأسه إلى الداخل. كانت ليلى جالسة فوق السرير، تضم ساقيها إلى صدرها، وعيناها معلقتان بشاشة الحاسوب المحمول أمامها. بدا مسلسلها التركي أهم من العالم كله. وفي يدها كيس شيبسي مفتوح تأكل منه بغيظ واضح. توقف يوسف عند الباب، وحدق في الكيس بدهشة. ـ "ليلى... إنتِ بتاكلي شيبسي؟" أجابته من غير أن ترفع عينيها عن الشاشة: ـ "أيوه. الشيبسي مابيطرطش زيت. آمن على الرخام. أقدر آكله عادي." زفر يوسف ودخل خطوتين إلى الغرفة. ـ "طب... إنتِ كويسة؟" رفعت عينيها إليه أخيرًا، ثم قالت ببرود متعمد: ـ "أنا زي الفل. طالما بعيدة عن المطبخ، وعن الدهان، وعنك." عقد حاجبيه وقال: ـ "بلاش تقلبيها دراما. أنا كنت خايف على الشقة." استدارت نحوه بالكامل، وقد اشتعلت عيناها بالاعتراض. ـ "أنا جيت أعمل بانيه... وحضرتك بوظت الأكلة وبوظت اليوم." ساد الصمت بينهما للحظة. وقعت عيناه على كيس الشيبسي، فحاول تلطيف الأجواء. ـ "طب... تحبي أطلبلك بيتزا؟" هزت رأسها نفيًا. ـ "لا. البيتزا فيها صلصة. والصلصة بتبقع. هكمل أكل في الشيبسي." مرر يوسف يده في شعره بتوتر. ـ "خلاص... براحتك." أجابته سريعًا: ـ "هجيبلك نقاش على حسابي بكرة. ارتحت؟" هز رأسه باستسلام. ـ "ماشي. شكرًا." ثم خرج وأغلق الباب خلفه بهدوء. ما إن اختفى حتى ألقت ليلى كيس الشيبسي جانبًا، وعقدت ذراعيها أمام صدرها. ـ "بارد... وتنك... ومابيحسش." في المساء، كان يوسف جالسًا في الصالة أمام حاسوبه المحمول، يراجع بعض الملفات بينما يتناول شطيرة جبن رومي. خرجت ليلى من غرفتها بعد أن بدلت ملابسها، وكانت ترتدي ملابس منزلية مريحة، ويبدو أنها انتهت للتو من الاستحمام. في يدها علبة صغيرة. رفع يوسف رأسه نحوها. ـ "خير؟" تقدمت منه بثقة حتى وقفت أمامه مباشرة. ـ "افتح بوقك." رمش عدة مرات باستغراب. ـ "نعم؟ ليه؟ هتسمميني؟" ابتسمت بخبث. ـ "أيوه. هفتح بوقك وأحطلك سم. افتح بقولك." أغلق فمه فورًا وهز رأسه. ـ "مش فاتح. قولي عايزة إيه." فتحت العلبة وأخرجت منها حقنة ممتلئة بسائل أصفر. تجمد يوسف في مكانه. ـ "ده فيتامين ب12. وشك أصفر زي اللمونة من قلة الأكل والشغل. لازم تاخده." اتسعت عيناه في رعب حقيقي، وتراجع بجسده إلى الخلف. ـ "حقنة؟! نعم؟! ليه؟! أنا كويس!" وضعت يدًا على خصرها وقالت بلهجة الطبيبة الواثقة: ـ "لا مش كويس. عينك حمرا، وتحت عينك إسود، ووشك بهتان. افتح دراعك." انتفض واقفًا. ـ "يا ليلى أنا بخاف من الحقن! من وأنا صغير!" رفعت الحقنة في الهواء مهددة. ـ "يلا يا شاطر. مش هتوجع." ـ "لا! مستحيل!" ثم أشار إلى الحقنة بذعر. ـ "حطيها في العصير وأنا أشربها!" انفجرت ضاحكة. ـ "دي حقنة عضل يا ذكي! مش دوا شرب!" بعد دقائق قليلة، كان يوسف يركض نحو غرفته بأقصى سرعة، بينما تطارده ليلى وهي تلوح بالحقنة وتكاد تختنق من الضحك. ـ "يا مجنونة! ابعدي عني! هطلب البوليس!" ـ "البوليس مش هينفعك! أنا معايا ترخيص مزاولة مهنة!" وصل إلى غرفته وأغلق الباب بالمفتاح بسرعة. استند بظهره إلى الباب وهو يلهث. ـ "مش فاتح!" جاءها صوته من الداخل. ـ "روحي ادي الحقنة لنفسك!" أسندت هي الأخرى ظهرها إلى الباب من الخارج. ـ "فاكر نفسك هتهرب؟ هحطلك منوم في القهوة بكرة وأديهالك وإنت نايم!" ـ "لو عملتي كده هرفع عليكي قض\ية شروع في قت\ل!" ضحكت بصوت عالٍ. ـ "وأنا هرفع عليك قض\ية إهمال في صحتك!" ظل هو متشبثًا بالباب من الداخل وقلبه يدق بعنف، بينما كانت هي تضحك حتى دمعت عيناها. وأخيرًا قالت بنبرة أهدأ: ـ "خلاص يا يوسف... بهزر. مش هديهالك بالعافية. بس لازم تاخد فيتامين. هجيبلك حبوب." تنفس الصعداء فورًا. ـ "أيوه كده... نتفاهم." لوحت له بإصبعها محذرة. ـ "بس لو وشك ماتحسنش خلال 3 أيام، هجيب سرنجة 10 سم." ثم استدارت وغادرت. أما هو ففتح الباب قليلًا ليتأكد من رحيلها، ثم أغلقه مجددًا وتمدد فوق السرير. وابتسامة صغيرة تتسلل إلى شفتيه. ـ "مجنونة... ومرعبة. بس دمها خفيف." استيقظت ليلى مبكرًا على غير عادتها. أعدّت فنجان قهوة وجلست في المطبخ الهادئ تحتسيه ببطء، بينما تتسلل أشعة الصباح الذهبية عبر النافذة. بعد دقائق، ظهر يوسف عند باب المطبخ. كان يبدو وكأنه خرج لتوه من المعركة مع النوم؛ شعره منكوش، وعيناه نصف مغمضتين. ما إن رآها حتى ابتسم ابتسامة صغيرة وقال: ـ "صباح الخير." رفعت ليلى رأسها عن فنجانها، وبادلته الابتسامة. ـ "صباح النور. نمت كويس؟" جلس على الكرسي المقابل لها وهو يتمطى. ـ "أيوه. الحمد لله محدش إداني حقنة وأنا نايم." انفجرت ضاحكة وهزت رأسها. ـ "لا ماتخافش. بس جبتلك ده." مدّت يدها خلفها وأخرجت علبة صغيرة، ثم وضعتها أمامه على الطاولة. نظر إليها بحذر قبل أن يلتقطها. كانت علبة فيتامين ب12، أقراص تُؤخذ تحت اللسان. ارتخت ملامحه فورًا. ـ "ماشي. هاخده. شكرًا... يا دكتورة." رفعت حاجبًا بمشاكسة. ـ "العفو... يا باشمهندس." فتح العلبة يتفحصها، ثم رفع رأسه نحو الحائط الذي ما زالت بقعة الزيت تزينه. وأشار إليه قائلًا: ـ "على فكرة... كلمت النقاش. جاي بكرة." اعتدلت ليلى في جلستها فورًا. ـ "وأنا هحاسب. ده وعد." لوّح بيده معترضًا. ـ "لا خلاص. مش لازم." تردد قليلًا ثم أضاف: ـ "البقعة صغيرة. هحط قدامها تابلوه ومحدش هيشوفها." حدقت فيه باستغراب واضح. ـ "بجد؟ مش هتدهنها؟" ابتسم يوسف وهز كتفيه ببساطة. ـ "أصل... فكرت فيها. إنتِ عندك حق. ده بيت. والبيت لازم يتعاش فيه. لو فضلت خايف على كل حيطة وكل ركن، هنعيش في متحف... مش في بيت." سكتت ليلى. لم يكن يتحدث عن الحائط فقط. وكانت تعرف ذلك. شعرت بشيء دافئ يتحرك داخلها، فخفضت عينيها إلى فنجان القهوة حتى لا يلاحظ تأثرها. لكن يوسف قطع الصمت فجأة. ـ "بس... عندي شرط." رفعت رأسها نحوه. ـ "عارفة. إيه هو؟" مال بجسده للأمام وقال بجدية مصطنعة: ـ "لما تيجي تقلي بانيه تاني، حطي الشفاط. وغطي الطاسة كويس. و..." توقف لحظة. ـ "وممكن تنادي عليا أقف جنبك؟ عشان لو الزيت طرطش ألحقك." رغمًا عنها، تسللت ابتسامة صغيرة إلى شفتيها. ـ "ماشي. موافقة. بس بشرط." ـ "إيه؟" أشارت إليه بإصبعها. ـ "تاكل معايا. ماتقرفش وتقعد تقول الزيت وحش ومضر للصحة والكلام الفاكس ده." ضحك يوسف. ـ "موافق. بس لو جالي حموضة، إنتِ المسؤولة." ـ "اتفقنا." في المساء، كانت ليلى تقف في المطبخ مرتدية مريلتها الصفراء المفضلة، منهمكة في تتبيل شرائح البانيه. أما يوسف فكان يقف إلى جوارها مرتديًا تيشيرت منزليًا بسيطًا، ممسكًا بغطاء الحلة الكبير بكلتا يديه وكأنه درع حربي يستعد للمعركة. التفتت إليه وهي تكتم ضحكتها. ـ "جاهز؟" شد قبضته على الغطاء. ـ "جاهز. أول ما تحطي البانيه هغطي الطاسة فورًا." هزت رأسها. ـ "تمام. ثلاثة... اتنين... واحد!" وضعت أول قطعة في الزيت. فانطلق صوت القلي عاليًا: "تشششششش!" قفز يوسف في مكانه، وأطبق الغطاء فوق الطاسة بسرعة البرق. ـ "غطي! غطي!" انحنت ليلى من شدة الضحك. ـ "إنت بتحارب؟! اهدى! دي طاسة مش قنبلة!" أجابها وهو ما يزال متحفزًا: ـ "في فرق يعني؟ الاتنين بيطرطشوا!" مر الوقت وهما واقفان جنبًا إلى جنب. كانت هي تقلب البانيه بخفة وخبرة، بينما يقف هو مستعدًا للتدخل في أي لحظة. التفتت إليه فجأة. ـ "على فكرة... شكلك مضحك أوي وإنت ماسك الغطا كده." نظر إليها مبتسمًا. ـ "وإنتِ شكلك ألذ وإنتِ بتطبخي. ماكنتش أعرف إنك شاطرة." شعرت بحرارة خفيفة تتسلل إلى وجنتيها. فأخفضت عينيها نحو الطاسة بسرعة. ـ "على قدي. بس بعرف أقلي كويس." ابتسم بخبث. ـ "وبتعرفي تدي حقن ترعب البدن." رفعت رأسها فورًا. ـ "وأنت بتعرف تخاف من الحقن زي العيال بالظبط." تنهد يوسف مستسلمًا. ـ "ماشي ماشي... إحنا خالصين واحدة بواحدة." بعد دقائق، أخرجت ليلى البانيه من الزيت. كان ذهبي اللون وشهيًا بشكل يفتح الشهية. وضعته في طبق أمام يوسف وقالت بثقة: ـ "دوق." التقط قطعة صغيرة، ونفخ فيها قبل أن يتذوقها. راقبته ليلى بترقب واضح. ـ "إيه؟ وحش؟" رفع رأسه ببطء. ثم اتسعت عيناه بدهشة حقيقية. ـ "لا... ده حلو أوي." توقف لحظة ثم أضاف: ـ "أحلى من أكل أمي." شهقت ليلى. ـ "بجد؟!" هز رأسه مؤكدًا. ـ "بجد. بس ماتقوليلهاش." انفجرت ضاحكة من قلبها. ضحكة صافية جعلت المطبخ كله يبدو أكثر دفئًا. وفي نهاية اليوم، كان يوسف يقف أمام الحوض يغسل الأطباق وهو يصفر بلحن خافت. رفع رأسه مصادفة نحو بقعة الزيت على الحائط. تأملها لثوانٍ. ثم ابتسم. لأول مرة... لم تعد تبدو له بقعة مزعجة. بل ذكرى جميلة. الساعة العاشرة صباحًا. كانت ليلى قد استيقظت منذ فترة، بينما كان يوسف يقف أعلى السلم الصغير يثبت لوحة ديكورية على الحائط. ارتدى ملابس العمل المنزلية، وقد انشغل تمامًا فيما يفعله. رفعت ليلى رأسها نحوه وقالت بابتسامة خفيفة: ليلى: "صباح الخير... بتعمل إيه يا سبايدر مان؟" أجابها دون أن يلتفت إليها، وعيناه مثبتتان على المسمار: يوسف: "صباح النور. بركب تابلوه. إوعي تهزي السلم." تقدمت ببطء نحو الكنبة الجلدية البيج الموضوعة في الصالة. مررت أصابعها على أحد الأركان ثم عقدت حاجبيها. ليلى: "الكنبة دي... حساها متربة." التفت إليها يوسف فجأة وكأنها وجهت إليه إهانة شخصية. يوسف: "نعم؟! متربة؟! دي أنا ماسحها بإيدي إمبارح! دي جلد طبيعي يا ليلى!" أشارت إلى نقطة صغيرة على ظهر الكنبة. ليلى: "لا، متربة. بص هنا." انحنى يوسف من فوق السلم محاولًا رؤية ما تشير إليه. يوسف: "فين؟! دي مش تراب أصلًا... ده انعكاس ضوء!" هزت كتفيها بعدم اقتناع. ليلى: "أنا عندي وسواس نضافة، ومقدرش أقعد على حاجة حاسة إنها متربة." ثم التقطت بخاخة الكحول من فوق الطاولة. وقعت عين يوسف على البخاخة فتغيرت ملامحه فورًا. يوسف: "ليلى... إنتِ هتعملي إيه؟" ليلى: "هرش كحول. الكحول بيعقم." اتسعت عيناه بذعر حقيقي. يوسف: "لااا! إوعي! الجلد الطبيعي لو جه عليه كحول هيتبهدل! هتبوظي الكنبة!" ليلى: "هو أنا هولع فيها؟ دي مجرد رشة." يوسف: "الرشة دي كفاية تدمر الجلد! في منظف مخصوص ليها." رفعت حاجبًا باستغراب. ليلى: "منظف مخصوص لكنبة؟" يوسف: "أيوة، وفي الدولاب. استني أجيبه." نظرت إلى الكنبة، ثم إلى البخاخة، ثم عادت تنظر إليه. ليلى: "بص... يا أرشها دلوقتي يا مش قاعدة عليها." يوسف: "استني دقيقة واحدة بس!" لكنها لم تنتظر. ضغطت على البخاخة، فانطلقت رشة كبيرة استقرت على نصف المقعد تقريبًا. تجمد يوسف في مكانه لثانية كاملة. ثم شهق وكأنه شاهد كارثة. يوسف: "يا مصيبتي!" نزل من فوق السلم بسرعة وأسرع نحو الكنبة. انحنى فوقها يتفحص البقعة المبللة وكأنها مريض في غرفة العمليات. يوسف: "إنتِ رشيتي كحول على جلد إيطالي؟! إنتِ مجنونة؟!" وقفت أمامه واضعة يديها على خصرها. ليلى: "أيوة رشيت. أهو بيلمع وبقى نضيف." رفع يوسف يده إلى رأسه في انهيار. يوسف: "الجلد ده ممكن يتشقق ويبوظ! بوظتي الكنبة يا ليلى!" لوحت بيدها بلا مبالاة. ليلى: "يووه! ما تكبرش الموضوع. لو باظت هجيب غيرها." ضحك يوسف ضحكة قصيرة غير مصدقة. يوسف: "هتجيبي غيرها منين؟ دي مش علبة بنادول!" ليلى: "في الآخر دي كنبة يا يوسف." أشار إليها بعصبية ثم إلى الكنبة. يوسف: "بالنسبة لك كنبة. بالنسبة لي حاجة دفعت فيها دم قلبي!" ساد الصمت لثوانٍ. ثم قالت ليلى بصوت أبرد من السابق: ليلى: "تمام... فهمت." رفع يوسف حاجبيه. ليلى: "الكنبة أغلى مني." اتسعت عيناه وهو يدرك كيف فهمت كلامه، لكنه لم يجد ردًا سريعًا. استدارت هي على الفور واتجهت نحو غرفتها. يوسف: "ليلى... استني، أنا مقصدتش—" لكن الباب أُغلق بقوة قبل أن يكمل جملته. وقف يوسف في منتصف الصالة ينظر إلى الباب المغلق، ثم إلى الكنبة المبللة أمامه. زفر بضيق، وهز رأسه وهو يتمتم: "عنيدة... ومتهورة... ومابتسمعش الكلام." ثم مرر يده بحذر فوق الجلد محاولًا إنقاذ ما يمكن إنقاذه، بينما ظل صدى الباب المغلق يتردد في أرجاء الشقة. جلس يوسف في الصالة أمام حاسوبه المحمول، محاولًا الانشغال بالعمل، لكنه لم يكن قادرًا على التركيز. كانت عيناه تنحرفان كل بضع دقائق نحو الكنبة الجلدية. جفت بقعة الكحول منذ ساعات، لكنها ما زالت واضحة في نظره، وكأنها إعلان دائم عن الكارثة التي يتوقعها. كان مقتنعًا أن الجلد سيبدأ بالتشقق في أي لحظة. خرجت ليلى من المطبخ تحمل طبقين. في أحدهما سندوتشات جبنة رومي بالخيار، وفي الآخر سندوتشات حلاوة بالقشطة. تقدمت نحوه ووضعت طبق الجبنة أمامه على الطاولة. رفع يوسف عينيه عن الشاشة ونظر إلى الطبق، ثم إليها. يوسف: "إيه ده؟" ليلى: "عشا. جبنة رومي." عقد حاجبيه. يوسف: "أيوه... ليه؟" جلست على الكنبة المقابلة له، وسحبت إحدى السندوتشات من طبقها قبل أن تجيب. ليلى: "عشان إنت شكلك مأكلتش من الصبح. ووشك أصفر تاني. ومش عايزاك تموت وتسيبلي الكنبة المقشرة دي لوحدي." اختفت الجدية من ملامحه للحظة، وخطف سندوتشًا من الطبق. يوسف: "شكرًا. بس على فكرة... أنا مش زعلان منك." هزت رأسها وهي تمضغ لقمتها. ليلى: "لا زعلان. باين على وشك." ابتسم ابتسامة صغيرة، ثم نظر إلى السندوتش بين يديه. يوسف: "طب... وإنتِ؟ زعلانة؟" انخفضت ابتسامتها قليلًا. ليلى: "أيوه. عشان قلتلي الكنبة أغلى من بني آدمين." ساد الصمت بينهما. وضع يوسف السندوتش ببطء على الطبق، ثم شبك أصابعه ببعضها. يوسف: "أنا... أنا ماقصدش كده يا ليلى. الكنبة دي جبتها بفلوس أول شغلانة كبيرة عملتها لوحدي بعد ما أبويا مات. كانت حلم بالنسبة لي. فلما رشيتي عليها حسيت إنك بترشي على تعبي." توقفت ليلى عن الأكل تمامًا. رفعت عينيها إليه في دهشة. كانت تلك أول مرة تسمعه يتحدث عن شيء شخصي بهذا الصدق. ليلى: "يوسف... أنا ماكنتش أعرف." تنهدت وأخفضت السندوتش من يدها. ليلى: "آسفة. والله ما كنت أقصد أضايقك. أنا بس... عندي وسواس نضافة فعلًا. بحس التراب بيخنقني." رفع رأسه ونظر إليها بهدوء. يوسف: "عارف." ثم أضاف بابتسامة خفيفة: يوسف: "وأنا آسف إني قلت الكنبة أغلى. إنتِ... إنتِ مش أرخص من الكنبة." انفجرت ضاحكة. ليلى: "شكرًا على المجاملة اللي تشل دي." أشار إلى طبق الحلاوة. يوسف: "العفو. كلي حلاوة." جلسا يأكلان في هدوء لبعض الوقت. ثم قالت ليلى وهي تنظر إلى الكنبة: ليلى: "على فكرة... الجلد مقشرش." رفع يوسف إصبعه محذرًا. يوسف: "لسه. هيقشر بكرة الصبح." دحرجت عينيها بسخرية. ليلى: "طب لو قشر... هجيبلك واحدة جديدة. بوعدك." هز رأسه فورًا. يوسف: "مش عايز جديدة. عايز دي." بعد فترة... كانت ليلى تقف في المطبخ أمام قدر كبير من الماء المغلي، تجهز المكرونة. في تلك اللحظة دخل يوسف من باب الشقة يحمل كيس مشتريات، وبدت آثار التعب واضحة على وجهه وملابسه. يوسف: "يا ليلى! جبتي المنظف بتاع الجلد؟" ردت من المطبخ دون أن تلتفت. ليلى: "أيوه! حطيته على الترابيزة في الصالة." اتجه يوسف إلى الصالة. فوق الطاولة كانت هناك زجاجتان متشابهتان بشكل لافت. إحداهما بلاستيكية شفافة تحتوي سائلًا أصفر ومكتوب عليها: "منظف جلد". والأخرى زجاجية تحتوي سائلًا أصفر أيضًا ومكتوب عليها: "فيتامين د – شرب". وقف يتأملهما لثوانٍ. يوسف: "ليلى! أنهي واحدة المنظف؟" جاءه صوتها من المطبخ: ليلى: "الشفافة! البلاستيك! التانية دوا!" أخذ الزجاجة البلاستيكية فورًا. اقترب من الكنبة، ووضع بعض السائل على قطعة قماش نظيفة، ثم بدأ يمسح البقعة بحركات حذرة. يوسف: "يا رب... يا رب مايقشرش..." بعد دقائق خرجت ليلى من المطبخ وهي تمسح يديها بمنشفة صغيرة. ليلى: "ها؟ عملت إيه؟" يوسف: "مش عارف. مستني أشوف النتيجة. بس ريحة المنظف غريبة شوية." اقتربت منه. ليلى: "غريبة إزاي؟" يوسف: "ريحة برتقان." تجمدت للحظة. ثم أخذت القماشة من يده وشمتها. تغير لون وجهها فجأة. ليلى: "يوسف..." يوسف: "نعم؟" ليلى: "دي مش ريحة منظف." يوسف: "أومال ريحة إيه؟" انتزعت الزجاجة من يده بسرعة، وقرأت الملصق مرة أخرى. ثم فتحت عينيها على اتساعهما. ليلى: "يا خراب بيتك!" قفز واقفًا. يوسف: "إيه؟!" لوحت بالزجاجة أمام وجهه. ليلى: "ده فيتامين د بتاعي!" اتسمر مكانه. يوسف: "نعم؟! يعني أنا دهنت الكنبة بفيتامين د؟!" وضعت يدها على جبهتها. ليلى: "أيوه! والكنبة دلوقتي صحتها أحسن مني ومنك." يوسف: "طب والمنظف فين؟!" جرت نحو الطاولة وأمسكت الزجاجة الأخرى. ليلى: "أهو! ده المنظف! أنا اتلخبطت!" فتح يوسف فمه بصدمة. يوسف: "إنتِ إزاي تتلخبطي؟! إنتِ دكتورة!" استدارت إليه فورًا. ليلى: "وإنت إزاي ماتفرقش بين دوا ومنظف؟! إنت مهندس!" يوسف: "أنا مالي؟! إنتِ اللي كاتبة على الاتنين!" ليلى: "ما إنت لو كنت سألتني كويس!" يوسف: "أنا سألتك فعلًا!" التفت الاثنان نحو الكنبة. كانت المنطقة التي مسحها يوسف أكثر لمعانًا من بقية الجلد. اقتربا في الوقت نفسه. يوسف: "بصي..." ليلى: "بتلمع." يوسف: "أوي." وضعت يدها على فمها تحاول منع ضحكتها. ليلى: "الكنبة خدت جرعة فيتامين د. هتطلع لها عضلات دلوقتي." انفجر يوسف ضاحكًا. يوسف: "تفتكري الجلد هيبوظ؟" تفحصت ليلى المكان جيدًا. ليلى: "بالعكس... شكله أحسن." اتسعت عيناه. يوسف: "يعني أنا... صلحتها؟" هزت رأسها بجدية مصطنعة. ليلى: "أيوه يا يوسف. عالجت الكنبة بالغلط." جلس على الأرض أمام الكنبة فجأة، وبدأ يضحك بصوت مرتفع. يوسف: "أنا دهنت كنبة بستين ألف جنيه بفيتامين د! أنا مجنون رسمي!" جلست بجواره على الأرض، وأسندت ظهرها إلى الكنبة. ليلى: "وأنا الدكتورة اللي لخبطت بين الدوا والمنظف. هيسحبوا مني الترخيص." استمر ضحكهما عدة دقائق. ثم مسح يوسف دموعه وقال: يوسف: "والله شكلها بقى أحلى." ابتسمت ليلى بانتصار. ليلى: "على فكرة... الجلد مقشرش." ربت يوسف على الكنبة بحنان. يوسف: "عارف." ليلى: "يبقى كده واحد صفر لصالحي." أشار إليها بإصبعه. يوسف: "في أحلامك." نهضت من مكانها ومدت له يدها. ليلى: "يلا يا باشمهندس. المكرونة هتبرد." نظر إلى يدها لحظة، ثم أمسكها ونهض. يوسف: "حاضر يا دكتورة." وغادرا الصالة معًا، بينما بقيت الكنبة في مكانها تلمع بهدوء، وكأنها المنتصر الحقيقي في تلك المعركة كلها. طلاق بالاتفاق الفصل الخامس هاجر عبدالحليم ضوء الصباح الباهت يتسلل من خلف زجاج الشرفة فيرسم مربعات ذهبية على ارضية الصالة الخشبية ساد المكان توتر صامت لم يقطعه سوى صوت يوسف وهو يدور حول نفسه وقف في منتصف الصالة قامته مشدودة كوتر القوس كان يرتدي قميص ابيض مكوي باتقان لا يسمح بطية واحدة وبنطلون اسود يلتصق بساقيه شعره مدهون بالجل وممشط للخلف بعناية مبالغ فيها قبضت يده على الموبايل بقوة حتى برزت عروق كفه وعيناه متسعتان من القلق همس لنفسه بصوت مرتفع وجبينه مقطب يا رب يا رب العميل ده يمضي العقد النهاردة دي اكبر صفقة في حياتي فيلا 700 متر في التجمع تشطيب سوبر الترا لوكس لو طارت مني هولع في نفسي بجد انفرج باب المطبخ بهدوء ظهرت ليلى كانت تسير على اطراف اصابعها كي لا تفزعه ترتدي سكراب طبي بلون النبيذ الغامق وشعرها مرفوع في كحكة فوضوية اعلى راسها في يدها اليمنى مج خزفي يتصاعد منه بخار الشاي باللبن ويدها اليسرى تطوق المج كأنها تدفئ قلبها به توقفت على بعد خطوتين منه ومالت براسها جانبا عيناها الدافئتان تراقبانه بفضول بتكلم مين على الصبح انتفض يوسف كمن لدغه شيء استدار بجسده كله نحوها ضيق عينيه ومرر كفه بعصبية على مؤخرة عنقه مابكلمش حد بكلم ربنا عندي اجتماع مع عميل مجنون كمان ساعة اقتربت منه خطوة اخرى رفعت المج الى شفتيها لكنها توقفت قبل ان تشرب مجنون ازاي صوتها كان هادئ لكن حاجبيها كانا معقودين باهتمام حقي اطلق يوسف زفيرا طويلا محملا بالضيق فرك قفاه باصابعه حتى احمرت بشرته اسمه مدحت بيه راجل 55 سنة مليونير عنده مصنع رخام المشكلة ان دماغه دماغه متركبة غلط كل طلباته عكس المنطق عايز الحمام الرئيسي كله مرايات السقف الحيطة الارض حتى البانيو عايزه مرايات شهقت ليلى ارتد كتفاها للخلف والمج كاد ان ينزلق من يدها سعلت بقوة نعم ليه هيفتح كوافير عيناها اتسعتا بصدمة طفولية شبك يوسف ذراعيه على صدره دفاعا زاوية فمه ارتجفت بسخرية مرة بيقول عشان يحس انه محاوط نفسه بنفسه وان ده بيديله طاقة وانا كمهندس شايف ان ده هيجيبله انهيار عصبي وممكن يتلبس بعد اول دش تركت ليلى المج على رخامة المطبخ بحركة سريعة تقدمت منه ووقفت امامه مباشرة طب ما ترفض ضحك ضحكة قصيرة بلا روح ورمش بعينيه بسرعة ارفض دي فيلا باربعة مليون جنيه تشطيب لو خدت المشروع ده هسدد كل ديوني واشتري مكتب واخلص من اقساط الشقة دي مستحيل ارفض ساد الصمت لحظة راقبته ليلى وهو يهرش في لحيته بتوتر وعيناه تهربان من نظراتها لانت ملامحها فجأة خفضت صوتها طب عايزني اجي معاك تجمد رفع راسه بحدة كأنها صفعته تيجي فين الاجتماع قالتها وهي تعقد ذراعيها على صدرها ظهرها مستقيم اتسعت عيناه بغضب مصطنع لوح بيده في الهواء انتي مجنونة ده اجتماع شغل مش لعبة لم تتراجع بل رفعت ذقنها بكبرياء طبيبة تعتاد مواجهة الموت وانا مش بلعب انا دكتورة وبعرف اقنع الناس كل يوم بقنع عيان انه ياخد دوا طعمه وحش ده اسهل تراجع خطوة للخلف مسح وجهه بكفه ليلى العميل ده لو عرف اننا متجوزين صوري هيطير مني هيفكرني نصاب ابتسمت ابتسامة جانبية ماكرة خطت خطوة نحوه ومين قال هنقوله صوري هنمثل ساعة واحدة اننا زوجين طبيعيين وانا الباشمهندسة شريكتك في المكتب وانا اصلا شكلي يدي على مهندسة مسحها بنظرة بطيئة من راسها الى قدميها السكراب النبيتي الكحكة النظارة زم شفتيه انتي شكلك يدي على دكتورة في مستشفى المجانين انفجرت التقطت فوطة المطبخ وقذفتها بكل قوتها شكرا يا ذوق خلاص مش جاية اتصرف لوحدك التقط الفوطة في الهواء قبل ان تصيب انفه ضحك رغما عنه استني استني اسند يده على خصره تنفس بعمق عيناه تتوسلانها دون ان ينطق طب موافق بس بشروط فردت ذراعيها قول عد على اصابعه بصرامة 1 ماتتكلميش الا لما اغمزلك 2 ماتقوليش اي مصطلح طبي 3 لو الدنيا باظت الغرامة عليكي مليون جنيه مدت يدها فورا دون تردد موافقة بس بشرط ايه رفع حاجبا بشك لو المشروع رسي علينا بسببي ليا 10 من الارباح عيناها لمعتا بطمع مرح صاح نعم ليه هتعملي ايه يعني هستخدم سلا\ح الانوثة والطاقة الايجابية ده سلا\ح فتاك يلا وافق ماشي 5 8 6 واخرسي صافحته بقوة وكفها الصغير اختفى في كفه الكبير اتفقنا 6 ترك يدها بسرعة كأنها نار يخربيتك قلبتيها صفقة دفعته بيدها على كتفه ما هو انت اللي معلمني يلا روح البس بدلة عدلة عشان شكلك يقرف كان مكتب مدحت بيه مقبرة من الرخام الاسود المكتب والجدران والارضية وحتى سلة المهملات كان الرجل يعبد الرخام جلس مدحت بيه رجل في الخامسة والخمسين اصلع الراس بدلته السوداء تلمع وساعته الذهبية تصرخ بالمال وجهه مكشر وفكه مشدود جلس يوسف امامه ظهره لم يلمس ظهر الكرسي فتح اللاب توب باصابع مرتجفة قليلا الى جواره جلست ليلى كانت قد تحولت بليزر بيج رسمي بنطلون اسود شعرها ملموم باحكام لا تخرج منه شعرة واحدة ونظارة طبية ذات اطار رفيع جلست ووضعت ساق فوق ساق وظهرها مستقيم كمسطرة كانت الباشمهندسة الاستشارية بكل تفصيلة بدأ يوسف صوته كان ثابتا لكن حلقه كان جافا يا مدحت بيه التصميم زي ما حضرتك طلبت بس عندي تحفظ صغير على نقطة الحمام المرايات ضرب مدحت على المكتب الرخامي بقبضته ارتجت الطاولة مفيش تحفظات يا باشمهندس انا قلت مرايات يعني مرايات انا بحب اشوف نفسي من كل زاوية ده بيديني ثقة باور ابتلع يوسف ريقه نظر بسرعة الى ليلى من تحت رموشه رمش بعينه اليمنى رمشة واحدة سريعة يائسة استقامت ليلى في جلستها رفعت ظهرها سنتيمتر واحد وضعت يدها على الطاولة وابتسمت ابتسامة واثقة هادئة تنزع السلا\ح من اليد مدحت بيه بعد اذن حضرتك ممكن اتدخل فحصها مدحت بنظرة شكاكة من اعلى الى اسفل انتي مين اسرع يوسف دي دي المهندسة ليلى مراتي وشريكتي في المكتب متخصصة في طاقة المكان طاقة رفع حاجبه اومأت ليلى براسها بثقة خبيرة ايوه يا فندم علم الطاقة الصيني وانا واخدة فيه دبلومة من سنغافورة في داخله كان يوسف يصرخ دبلومة سنغافورة يا كدابة يا ليلى انحنى مدحت للام اهتمامه اشتعل وايه بقى ده وقفت ليلى مشت في المكتب بخطوات بطيئة واثقة يداها خلف ظهرها ده علم يا فندم بيقول ان كل حاجة في البيت ليها طاقة المراية سلا\ح ذو حدين لو اتحطت غلط بتعكس الطاقة السلبية وتضاعفها يعني ايه توقفت وضعت يدها على صدرها يعني يا مدحت بيه تخيل حضرتك داخل تاخد دش متضايق من الشغل هتبص في المراية هتشوف واحد متضايق المراية اللي في السقف هتعكس المتضايق ده واللي في الحيطة هتعكسه واللي في الارض هتعكسه في لحظة هيبقى عندك مية نسخة منك متضايقة محاوطينك في اوضة اربعة في اربعة الطاقة السلبية هتضاعف مية مرة حضرتك ممكن تخرج من الحمام تجيلك جلطة شحب وجه مدحت يده ارتجفت جلطة في سره فكر يوسف يا بنت اللعيبة جابت منين الكلام ده اكملت ليلى بنفس الثقة ايوه يا فندم الحمام اكتر مكان فيه طاقة صرف المرايات هتحبس الطاقة دي ده غير ان المرايات الكتير بتجيب كوابيس والناس اللي بتنام وهي شايفة نفسها في المراية ارواحها بتتوه وضع مدحت يده على قلبه ارواح بتتوه اعوذ بالله تدخل يوسف بسرعة يا فندم المدام ليلى تقصد البعد النفسي احنا خايفين على راحة حضرتك مسك مدحت راسه يا نهار اسود وانا اللي كنت فاكر المرايات هتديني باور طلعت هتجيبلي جلطة وكوابيس وارواح تايهة جلست ليلى وبشكل عفوي تماما وضعت يدها فوق يد يوسف على الطاولة لمسة خفيفة دافئة لتقول انا معاك اتسعت عينا يوسف تيار كهربائي سرى في ذراعه لكنه تماسك ابتسم ايوه يا فندم انا كنت خايف على حضرتك بعد دقيقة صمت قال مدحت طب اعمل ايه مالت ليلى للام هنعمل لحضرتك حمام ملكي رخام امبيرادور بيج من مصنع حضرتك مع لمسات دهبي ومراية واحدة بس كبيرة فخمة ده هيدي فخامة وطاقة ايجابية وراحة نفسية لمعت عينا مدحت رخام امبيرادور من مصنعي انقض يوسف على الفرصة ايوه يا فندم وهناخده بسعر التكلفة هدية منا لحضرتك ضرب مدحت المكتب ضربة النصر خلاص اقتنعت الله ينور عليكي يا باشمهندسة انتي انقذتيني من مصيبة العقد النهاردة ومراتك دي كنز حافظ عليها كان يوسف يقود السيارة يداه تشدان على المقود حتى ابيضت مفاصله صامت كسرت ليلى الصمت فكت الكحكة فانسدل شعرها على كتفيها ما تقول حاجة انت ساكت ليه ركن السيارة فجأة التفت اليها بعنف انتي انتي ايه اللي عملتيه ده دبلومة من سنغافورة ارواح تايهة جلطة انتي جبتي الكلام ده منين ضحكت وهي تغطي فمها بيدها خجلا من مسلسل تركي كان فيه واحدة دجالة بتقول كده حفظت الكلمتين وقولتهم نعم يعني انتي كدبتي على الراجل هزت كتفيها بلا مبالاة ايوه كدبت بس كدبة بيضا انقذتلك المشروع وانقذت الراجل من انه يعيش في حمام كله مرايات انت مش كنت عايز تقنعه انا اقنعته حدق فيها عشر ثوان كاملة ثم انفجر ضاحكا ضحك حتى دمعت عيناه ومال بجبهته على المقود يا مجنونة يا بنت المجانين اقسم بالله انتي نصباية ماشية على رجلين مسحت دمعة الضحك شوفت بقى قولتلك سلا\ح الانوثة فتاك ها استاهل ال6 هدأ فجأة نظر اليها نظرة طويلة عميقة بلا مزاح ليلى شكرا بجد من غيرك كان المشروع طار وانا كنت هضيع خجلت عضت على شفتها السفلى ونظرت من النافذة العفو احنا احنا شركاء مش كده ايوه شركاء سكت ثانية صوته انخفض طلعتي بتنفعي رفعت راسها بسرعة نعم بقولك طلعتي بتنفعي شاطرة ومخك نضيف وضع قلبها طلعتي بتنفعي من يوسف السرجاني المغرور كانت شهادة تقدير اغلى من الملايين في المساء كانت المائدة مملوءة ستيك وجمبري وسلطة خرجت ليلى من غرفتها كانت ترتدي بيجامة قطنية واسعة وشعرها منسدل ايه ده كله عيناها مستغربتان سحب يوسف الكرسي لها احتفال بمناسبة انك طلعتي شريكة شاطرة اثناء الاكل قال مدحت بيه قال عليكي كنز وقالي حافظ عليها وقال ايه تاني قالي انتي وش السعد عليا شرقت بالبيبسي نعم هو قال كده ايوه وضعت الكوب نظرت في عينيه مباشرة يوسف انت بتعاكسني ولا ايه اعاكسك انا لا طبعا انا بنقل كلام مدحت بيه سكتوا بس لو ماكانش فيه عقد كنت هتقول اني وش السعد عليك برضو وقف فجأة كرسيه احدث صوتا ليلى الاكل برد قومي هاتي الحلو فيه حلو ايوه ايس كريم بس ماتسأليش اسئلة غبية تاني ضحكت وهي تذهب جبان وانا مالي انا خايف على المليون جنيه في اليوم التالي رن هاتف يوسف الو باشمهندس يوسف معاك كريم ممكن رقم المدام ليلى اكلمها تغير وجه يوسف وقف فجأة وبدأ يلف حول المكتب رقمها ليه عشان استشيرها اصلي هتجوز قريب جف صوت يوسف والله يا استاذ كريم المدام ليلى بتاخد خمسة الاف جنيه في الساعة اغلق الخط ورمى الهاتف على المكتب دخلت ليلى ايه الارقام دي كلها مفيش واحد اسمه كريم عايزك في شغل طب كويس فين المشكلة المشكلة انه كان مايص وعايز رقمك وانت اديتهوله لا طبعا قولتله بخمسة الاف جنيه في الساعة ضحكت 5000 جنيه ليه عشان يبطل يتصل اقتربت منه وقفت قريبة جدا نظرت في عينيه يوسف انت غيران تراجع للخلف نعم اغير انا عليكي ده انا بيني وبينك عقد ومليون جنيه غرامة اغير ليه عشان عشان انا مراتك قدام الناس وهو ماينفعش يكلم مراتك ابتلع ريقه ايوه بالضبط عشان عشان المظاهر مش اكتر ابتسمت بانتصار ماشي يا يوسف عشان المظاهر في منتصف الليل وجد يوسف ليلى نائمة على الاريكة الحاسوب على بطنها جلب بطانية خفيفة غطاها برفق شديد اطراف اصابعه بالكاد تلمس كتفها وهو يغطيها امسكت يده وهي نائمة ماما متسيبنيش تجمد قلبه انقبض وجعا جلس على الارض بجانبها ترك يده في يدها مش هسيبك نامي هدأت ظل جالسا ساعة يراقبها طلعتي بتنفعي في الشغل وفي البيت وفي كل حاجة بس بس ياريت ماكنتيش بتنفعي اوي كده عشان عشان شكلي هخسر المليون جنيه وقلبي سحب يده بهدوء ودخل غرفته ونام وهو يبتسم طلاق بالاتفاق الفصل السادس هاجر عبدالحليم استسلم يوسف للنوم على اريكة الصالة تمدد بكامل جسده يرتدي تريننج قطني رمادي وحضن مخدة كبيرة كدرع كانت الغرفة مظلمة تماما والستارة البلاك اوت مسدلة باحكام فلا شعاع ضوء واحد يخترقها وفي الغرفة المقابلة كانت ليلى مستيقظة للتو جلست على طرف سريرها ترتدي بيجامة قطنية مطبوع عليها ارانب صغيرة في يدها كوب نسكافيه يتصاعد منه البخار وابهامها يقلب في شاشة موبايلها بلا تركيز وفجأة رن جرس الباب مرة ثم مرتين ثم ثلاث متوالية بعصبية كأن شخصا يوشك ان يكسره انتفض يوسف من على الاريكة سقطت المخدة من يده ايه حريقة زلزال عيناه واسعتان بالرعب خرجت ليلى من غرفتها تجري شعرها منكوش وكوبها يرتجف في يدها في ايه صوتها مخنوق بالفزع جاء صوت من خلف الباب صوت نسائي قوي افتح يا يوسف يا حبي دي انا ماما ومعايا منال وسامح تجمد الاثنان نظر يوسف الى ليلى ونظرت ليلى الى يوسف عيناهما تقولان كلمة واحدة نعم ابتلع يوسف ريقه همس برعب امي هنا دلوقتي ليه ضيقت ليلى عينيها ومين منال وسامح دول فرك يوسف راسه بيديه منال بنت خالتي اللي كانت خطيبتي زمان وجوزها سامح صرخت ليلى بصوت مكتوم يا نهار اسود خطيبتك القديمة جاية بيتي بيتنا بيتنا اهدي وبعدين مش بيتي ده بيتنا صوري قال وهو يلوح بيديه بعصبية عاد الصوت من خلف الباب يوسف ليه مش بتفتح انتو نايمين للضهر عيب جر يوسف ليلى من ذراعها اقترب وجهه من وجهها بصي اسمعي امي لو دخلت ولقتنا كل واحد في اوضة هتفضحنا وهتقلب الدنيا وهتشك وهتجيب الماذون تطلقنا دلوقتي حالا والمليون جنيه هتضيع مننا فتحت ليلى فمها بصدمة طب اعمل ايه انام في حضنك مثلا اتسعت عينا يوسف ايوه لا مش قصدي قصدي نمثل قدامها بس لمدة ساعتين بس لحد ما تمشي لوحت ليلى بيدها ساعتين دي لو دخلت مش هتمشي قبل المغرب يبقى عشر ساعات اتصرفي غيري البيجامة دي حطي روج اعملي اي حاجة كان يشد في شعره روج على الصبح انت عبيط لم ينتظر فتح الباب بعنف وهو يزعق خلاص خلاص تعالي يا ماما نورتوا دخلت الحاجة نادية سيدة خمسينية تحمل كيسين كبار عبايتها السوداء مطرزة وابتسامتها ابتسامة من كسب الحرب خلفها دخلت منال ثمانية وعشرون عاما فستانها احمر ضيق ومكياجها كامل الساعة التاسعة صباحا وشعرها مفرود بعناية تمسك بذراع زوجها سامح ثلاثون عاما قميص وبنطلون ملامحه طيبة وعيناه زائغتان بارتباك قالت منال بصوت ناعم مستفز وهي تمسح المكان بنظراتها اييه ده يا يوسف دي شقتك واو دي تحفة مش زي شقة شقتنا خالص دي اوسع كتير تم سامح الله يسامحك يا منال وقفت الحاجة نادية امام ليلى مسحتها بنظرة من راسها الى قدميها صباح الخير يا ليلى يا بنتي ايه لسه صاحية بلعت ليلى ريقها ابتسمت ابتسامة متكلفة صباح النور يا طنط اصل كنا سهرانين بنتفرج على فيلم رفعت منال حاجبا واحدا فيلم للصبح يا حلاوة كح يوسف بقوة ايوه ايوه كنا بنتفرج على فيلم وثائقي عن الديكور امرت الحاجة نادية طب يلا يا ليلى يا حبيبتي ادخلي غيري هدومك مايصحش تقابلي الضيوف بالبيجامة وانتي عروسة هزت ليلى راسها بسرعة حاضر يا طنط وهربت الى غرفتها ظلت منال تدور في الصالة توقفت امام الاريكة الجلد الله الكنبة دي جلد طبيعي دي غالية اوي يوسف طول عمره ذوقه عالي اه اه شكرا قال يوسف وهو يمسح عرق جبينه مررت منال يدها على الجلد وطرية انت بتهتم بالحاجة يا يوسف مش زي ناس ونظرت لسامح باحتقار يا بنتي ما انا قولتلك نجيب جلد اسكت انت خرجت ليلى بعد دقيقتين بنطلون جينز بلوزة بيضاء بسيطة وشعرها في كحكة سريعة وجهها خال من المكياج مسحتها منال بنظرة باردة ازيك يا ليلى اخيرا شوفناكي يوسف كان مخبيكي علينا اهلا يا منال ازيك انت ابتسمت ليلى ابتسامة صفراء قالت الحاجة نادية يلا يا ولاد الفطار جاهز انا جبت فطير وعسل وقشطة يوسف بيحب الفطار ده جلسوا جميعا على المائدة يلا يا ليلى اقعدي جنب جوزك مالك واقفة بعيد كده تقدمت ليلى جلست على الكرسي بينها وبين يوسف ثلاثون سنتيمتر من الهواء البارد دفعت الحاجة نادية الكرسي قربي شوية يا بنتي انتو مكسوفين ولا ايه انتو متجوزين زحفت بالكرسي حتى التصق كتف ليلى بكتف يوسف اتسعت عينا الاثنين تجمدا صفقت منال يا خلاثي شوفوا الحب سامح عمره ما قعدني جنبه كده ما انتي اللي بتقولي الدنيا حر ومش بتحبي حد يلزق فيكي بعد الفطار يوسف خد سامح فرجه على مكتبك عنده شقة جديدة وعايز يعملها قام يوسف وسامح اول ما اختفيا التفتت منال لليلى بقولك ايه يا ليلى ما توريني الشقة يوسف دايما كان يقولي انه هيعمل شقة وهم عايزة اشوف الذوق في سرها جمد قلب ليلى يا مصيبتي هتشوف الاوض المنفصلة وهنروح في داهية دخلتا المطبخ فتحت منال الثلاجة ايه ده ليه الدوا كله عليه ستيكرات زرقا اه ده نظام عشان عشان مانتلخبطش انا دكتورة وبحب النظام مم طب والرف ده ليه فاضي عشان عشان يوسف عامل دايت ده الرف بتاعه دايت يوسف ده كان بياكل الاخضر واليابس الناس بتتغير خرجتا الى الطرقة فتحت منال باب غرفة يوسف سرير كبير مرتب دولاب مكتب لا اثر لانوثة الله دي اوضة يوسف زي ما هي نفس اللحاف الكحلي بتاعه من ايام الخطوبة اه ما هو بيحب حاجته طب انتي فين انا انا فتحت الباب المجاور غرفة ليلى سرير تسريحة دولاب مفتوح تظهر منه السكرابات صمتت منال نظرت من غرفة الى اخرى ثم الى ليلى ايه ده انتو نايمين منفصلين وقع قلب ليلى في قدميها لا ايه لا طبعا احنا احنا دي اوضة اللبس وانا بحب انام في التكييف وهو بيحب المروحة ف اوقات بنبدل مم بتبدلوا ماشي اقتربت منها وخفضت صوتها بس قوليل بقه انتو اتجوزتوا ليه اصلا يوسف عمره ما كان بتاع جواز وانتي انتي شكلك مش طايقاه اصلا ارتبكت ليلى نظرت الى الارض احنا احنا اتجوزنا عشان عشان بنحب بعض بسيطة ضحكت منال اه طبعا باين باين اوي وخرجت سندت ليلى ظهرها على الحائط يا رب لو عرفت الحقيقة هتفضحنا في الصالة بقولك ايه يا يوسف انا هبات معاكم النهاردة وحشتني القعدة معاكم وهبات في اوضتك القديمة شهق يوسف نعم هتباتي ايوه فيها ايه عايزة اصحى الصبح افطر معاكم وبالمرة اشوفكم وانتو بتصحوا من النوم نفسي اشوف يوسف وهو نايم جنب مراته تدخلت ليلى يا طنط بس الشقة صغيرة و بس ولا كلمة انا هبات هنا وانتو هتناموا في اوضتكم اوضة العرسان اللي فيها السرير الكبير سامع يا يوسف نظر يوسف الى ليلى برعب ونظرت ليلى اليه بذعر حاضر يا ماما اللي تشوفيه اثناء المغادرة همست منال في اذن ليلى تصبحي على خير يا ليلى وماتنسيش الاوض المنفصلة بتبان وجوازة المصلحة بتبان اكتر وغمزت لها امك قصدي امي هتبات هنا وانا هنام فين في اوضتي جنبي نعم مستحيل عندك حل تاني طب طب هنعمل ايه هننام وبيننا مخدات سور ومين اللي هينام على الارض محدش السرير واسع يوسف انا مش مرتاحة ولا انا بس مفيش حل ساعة واحدة بس لحد ما امي تنام وبعدين هروح انام في الصالة كان السرير الكبير في الوسط جلس يوسف على الطرف الايمن ظهره ملتصق بالحائط وجلست ليلى على الطرف الايسر كادت ان تسقط من الحافة وفي المنتصف خمس مخدات مرصوصة بالطول تشكل سور الصين العظيم يوسف انت صاحي ايوه صاحي حد يعرف ينام في التوتر ده طب امك لو دخلت فجأة مش هتدخل انا قفلت الباب بالترباس طب افرض ليلى نامي ماشي تصبح على خير وانتي من اهله مرت عشر دقائق يوسف نعم انا سقعانة التكييف عالي خدي بطانية ماهي قصيرة مش جايبة رجلي طب اعملك ايه لا خليك مكانك خلاص خلاص هستحمل تقلب يوسف سقطت مخدة من المنتصف على الارض يوسف المخدة وقعت رجعها مش طايلها هقع من على السرير طب خلاص خليها بس ماتقربش مش هقرب نامي بقى فجأة طرقة واحدة على الباب يوسف يا حبي انتو كويسين انتفضا معا ايوه يا ماما كويسين بنام طب افتحوا الباب جبتلكم مية عشان لو عطشتوا بالليل همست ليلى برعب يخربيتك هتدخل طب اعمل ايه مثل بسرعة ازاح يوسف ثلاث مخدات على الارض في ثانية انت اتجننت هتشوفنا مفيش وقت زحف بسرعة وشد البطانية عليهما الاثنين نامي اعملي نفسك نايمة وحضنيني نعم احضن مين بقولك احضنيني بسرعة قبل ما تدخل دي امي وممكن تفتح الباب كان الرعب يسيطر على ليلى استدارت بسرعة وحضنت يوسف ذراعها على صدره وراسها على كتفه تخشب جسد يوسف افتحي الباب يا ماما ادخلي فتحت الحاجة نادية الباب راتهما كانا نائمين في حضن بعضهما تحت البطانية ابتسمت ابتسامة رضا يا حبايبي ربنا يحميكم اسفة صحيتكم واغلقت الباب بهدوء ساد صمت مطبق كانت ليلى لا تزال في حضن يوسف تسمع دقات قلبه سريعة جدا وكان يوسف يشعر بانفاسها على رقبته متخشب لا يستطيع الحركة مشيت ايوه مشيت طب ممكن ممكن تسيبني اه اسف ابتعدت عنه بسرعة متر كامل اعادا بناء سور المخدات تصبح على خير وانتي من اهله في الصباح استيقظت ليلى نظرت بجانبها السرير فارغ قفزت مفزوعة الى الصالة كان يوسف جالسا يمسك فنجان قهوة يوسف انت روحت فين امي مشيت الفجر جالها تليفون خالتي تعبت وقالتلي اسلم عليكي مشيت بجد ايوه وقبل ما تمشي قالتلي كلمة قالت ايه قالتلي حافظ على ليلى يا يوسف البت دي بتحبك بجد تجمدت ليلى مكانها وقلبها قلبها سقط من مكانه نوفيلا طلاق بالاتفاق الخاتمة هاجر عبدالحليم كانت ليلى جالسة في الصالة ظهرها مرتخ من التعب ترتدي سكراب ابيض وعلامات الشيفت الطويل لا تزال على وجهها شعرها مرفوع في كحكة مهزوزة وفي يدها طبق فيه سندوتش جبنة لم تلمسه التلفاز يعمل بصوت خافت على مسلسل تركي وفي الداخل كان صوت يوسف يعلو من مكتبه الباب مفتوح ووجهه محمر من الغضب وهو يصرخ في الهاتف يا بني ادم افهم الرخام ده فرز تاني انا قولت فرز اول لو ركبته هولع فيك وفي الموقع رن هاتف ليلى فجأة رقم غريب رفعته بتردد الو الو دكتورة ليلى معاكي كريم انا كنت كلمت الباشمهندس يوسف بخصوص فيلا الشيخ زايد فاكرة اتسعت عينا ليلى وهي تتذكر ايوه اهلا استاذ كريم خير والله يا دكتورة كنت عايز استشيرك اصل خطيبتي مصممة تعمل اوضة النوم كلها اسود وانا خايف من الطاقة السلبية مدحت بيه قالي انك خبيرة فقولت اكلمك مباشر لو ينفع نتقابل في اي كافيه 10 دقايق بس اخد رايك وماتقلقيش الاستشارة مدفوعة طبعا 5000 زي ما الباشمهندس قال توقف يوسف فجأة في الطرقة سمع اسم كريم تجمد مكانه رفعت ليلى عينيها راته واقفا متسمرا خفضت صوتها استاذ كريم الموضوع مش مستاهل مقابلة الاسود في اوضة النوم بيزود الاكتئاب خليها رمادي غامق نصيحتي ببلاش يا سلام على ذوقك طب ممكن ممكن نتقابل برضو عشان في تفاصيل تانية في الفيلا وانا هكون ممتن جدا انا معجب بذكائك من ساعة ما مدحت بيه حكالي عنك شدت ليلى على الهاتف لو في حاجة تانية كلم الباشمهندس يوسف هو المسؤول عن اذنك واغلقت الخط انقض يوسف على الصالة كالعاصفة مين ده انتفضت ليلى يخربيتك خضتني ده كريم بتاع الفيلا وعايز ايه قبضته كانت مشدودة بيسأل على الوان اوضة النوم وبيقولك نتقابل في كافيه ليه صوته ارتفع عادي استشارة انت صوتك عالي ليه ما تهدى اهدى واحد بيقولك معجب بذكائك وعايز يقابلك واهدى وضعت ليلى الطبق بغضب اولا هو قال معجب بذكائي مش بشكلي ثانيا انا رفضت ثالثا انت مالك اصلا خطا يوسف خطوة مالي مالي ازاي انتي مراتي وقفت ليلى صوري مراتك صوري وفيه عقد والعقد مفيهوش بند يمنعني اكلم عملاء لا فيه بند مستتر اسمه بند الغيرة لسه مألفه حالا اه يعني انت غيران بقى لا مش غيران متغاظ فيه فرق اغير ليه عشان ايه ده انا بيني وبينك مليون جنيه غرامة طب طالما مش غيران يبقى مالكش دعوة لما يتصل تاني هرد عليه واقابله واخد ال5000 جنيه حقي على جثتي لو قابلتيه هعتبر انك خالفتي العقد وهاخد المليون جنيه بامارة ايه فين البند اللي بيقول كده البند البند البند بيقول ممنوع الخروج مع رجالة غريبة وريني البند ده في في الملحق السري اللي ماضيناه بالحبر السري يوسف انت بتخرف انت بتتلكك وانتي بتستفزيني التقطت ليلى حقيبتها بقولك ايه انا خارجة رايحة الصيدلية عندي شيفت اضافي ورزعت الباب خلفها ظل يوسف واقفا ضرب المخدة بقبضته غبية ومستفزة و همس لنفسه وانا مالي فعلا ما تولع تقابل مين ما تقابل مش فارقة لكن قلبه كان يصرخ فارقة فارقة اوي مرت الدقائق ثقيلة كان يوسف يجلس ينظر الى الساعة كل دقيقتين ليلى لم تعد بعد رن هاتفه اسمها الو انتي فين صوته كان مرعوبا يوسف انا في المستشفى سقط قلبه مستشفى ليه حصلك ايه ماحصليش حاجة بس كريم عمل حادثة بالعربية وهو في الطوارئ وعرفوا من موبايله ان اخر رقم كلمني انا فكلموني عشان اجي انا هنا من ساعة حادثة وايه اللي وداكي هناك مش قولتي رايحة الصيدلية ما انا كنت في الصيدلية ولما كلموني مقدرتش ماروحش ده واجبي كدكتورة وبعدين هو جاي المستشفى على اسمي على اسمك ليه ان شاء الله كاتبك في الوصية سكتت ليلى ثم قالت بصوت مكسور انت بني ادم اناني انا غلطانة اني كلمتك واغلقت الخط ليلى ليلى رمى الهاتف يا غبي يا حيوان الراجل بيموت وهي هناك بتساعده وانت بتقولها يولع شد شعره ارتدى جاكيته ونزل جريا اقتحم يوسف الطوارئ بعينيه تبحثان بجنون راها ليلى رفعت وجهها عيناها حمراوان تجاهلته جلس بجانبها انتي كويسة كويسة وكريم في العمليات كسر في الحوض ونزيف بس هتعدي ان شاء الله سكت ثم همس ليلى انا انا اسف على اللي قولته في التليفون انا كنت متغاظ وغبي وحمار عارفة طب ليه ماقولتليش انك رايحة المستشفى عشان عارفة رد فعلك وكنت عارفة انك هتخانق وماكانش وقته عندك حق انا انا فعلا غيران وغبي رفعت عينيها اليه اعترفت اخيرا ايوه انا بغير عليكي من كريم ومن الهوا اللي بيطير شعرك ارتحتي ارتجف قلبها طب والعقد والمليون جنيه يولع العقد ويولع المليون جنيه انا مش هطيق اشوفك مع حد تاني حتى لو هدفع عمري كله مش مليون بس نزلت دموعها رغما عنها يوسف امسك يدها بس انتي كمان غلطانة ماينفعش تروحي تقابلي راجل غريب من غير ما تقوليلي حتى لو صوري ياستي احنا في وش الناس متجوزين والناس بتتكلم انا ماكنتش هقابله انا رفضت وانت مسمعتش حكمت عليا وخلاص عشان بحبك واللي بيحب بيغير وبيتجنن وبيقول كلام اهبل شهقت انت قولت ايه انا انا نادته ممرضة دكتورة ليلى الاستاذ كريم فاق وعايز يشكرك قفزت ليلى جاية حالا ونظرت اليه الكلام ده هنكمله في البيت ظل يوسف واضعا وجهه بين يديه يا دي المصيبة قولتها قولتها بلساني المليون جنيه طاروا وكليتي الشمال طارت وانا طرت معاهم ياخرابي لكنه كان يبتسم عادا الى الشقة صمت ثقيل في السيارة وصمت اثقل في الشقة انا داخلة انام تصبح على خير استني تعالي البلكونة عايز اتكلم معاكي خرجا الهواء كان خفيفا والنيل يلمع بعيدا سند يوسف على السور بصي انا قولت كلمة في المستشفى وكنت اقصدها اي كلمة بحبك انا بحبك يا ليلى من امتى معرفش يمكن من خناقة البانيه يمكن من خناقة الستارة يمكن من اول ما شوفتك بالبيجامة الارانب بس اللي اعرفه اني بحبك وغيرت اليوم ده تثبت سالت دموعها يوسف اخرج العقد من جيبه كان مطويا العقد ده يولع ومزقه نصفين يوسف انت بتعمل ايه ده فيه شرط جزائي ما خلاص انا اللي وقعت في الحب الاول يعني انا اللي هدفع مليون جنيه والشقة والعربية وكليتي الشمال كلهم ليكي مبروك كسبتي الرهان انت مجنون هتديلي كل ده ايوه تقبلي تكملي معايا بجد مش 6 شهور على طول سكتت الدموع تغرق وجهها انا انا كمان بحبك يا يوسف يا غبي يا تنك يا بتاع الجرايج شهق بجد بجد بس انا كمان وقعت يعني انا كمان المفروض ادفع احنا الاتنين خسرنا الرهان يبقى يبقى مفيش حد هيدفع لحد يعني ايه يعني يعني نتجوز بجد من غير عقود ومن غير شروط ومن غير مليون جنيه بس احنا متجوزين اصلا ايوه بس المرة دي المرة دي هتبقى امضاء على حب اقترب منها يوسف استنى قبل اي حاجة عندي شرط واحد اخير ايه توعدني توعدني انك مش هتزعقلي تاني لو قليت بانيه ضحك اوعدك بس انتي توعديني ماترشيش كحول على الكنبة تاني اوعدك بس بشرط تاني خلاص مفيش شروط خلصنا شدها الى حضنه في البداية تصلبت ثم استسلمت دفنت وجهها في قميصه كان نفسي في الحضن ده من زمان اوي وانا كان نفسي اقولك بحبك من زمان اوي من غير خوف من العقد الزفت ده وقفا في البلكونة يحتضنان بعضهما طب وال6 بتوعي في المشروع نعم انتي لسه فاكرة طبعا الحب حاجة والبيزنس حاجة هات ال6 يا بنت اللعيبة ماشي يا ستي ال6 بتوعك والمكتب كله بتاعك وانا بتاعك وانا بتاعتك خلاص خلاص وقبلها كانت قبلة حقيقية اول قبلة بجد بلا تمثيل وبلا عقود وبلا خوف من مليون جنيه بعد ايام جاءت الحاجة نادية فتح يوسف الباب وليلى في حضنه يتفرجان على فيلم ايه ده يا ماما احنا متجوزين ايوه يا طنط متجوزين وبنحب بعض موت طب الحمد لله كنت خايفة تكونوا بتتخانقوا اصلكم في الاول ماكنتوش طايقين بعض نظر الاثنان لبعضهما وضحكا لا يا ماما خلاص بطلنا خناق بقينا بنتخانق على مين بيحب التاني اكتر وانا اللي بكسب طبعا في احلامك انا اللي بحبك اكتر يا حبايبي ربنا يسعدكم يلا قوموا حضروا الغدا انا جعانة وليلى اعمليلنا بانيه يوسف بيحبه من ايدك غمز يوسف لليلى شوفتي حتى ماما عرفت ان البانيه بتاعك حلو طب يلا قوم امسكلي الغطا عشان الحرب هتبدأ امرك يا فندم ودخلا المطبخ معا يتخانقان ويضحكان ويحبان بعضهما تمت بحمد الله. بقلم هاجر عبدالحليم.