يا وعد

اسمراااني عيونه سمرااا واد جدع راضي و رجوووله فهلوي يفهمها طايره يدخل القلب بسهوووله. ياوعد يابتاعه عيونه سمرا ورجوله تعالي يختي ساعديني. كنت بطبل على الطرابيزه وأنا بغني ومزاجي رايق سمعت ماما بتنادي عليا بصوت عالي وفصلتني من المزاج العالي الي أنا فيه حاضر ياست الكل جايه أهو. رحت بسرعه على المطبخ قبل الشبشب ميوصل قبلي وقفت قدامها أخد منها اطباق السحور وحطتهم على الطربيزهلاقيت بابا جاي من الاوضه وماسك السبحه بأبتسامه بشوشه بيكلمني بغمزه كدا تسيبي امك شغاله طول النهار وعماله تغني اسمراني ومش اسمراني.! ياحج أنا عملت اي بس دي هي الي قالت والله محد محضر السحور غيري ازعلها ها.! لا يختي واقعدي كلي يا أم لسانين. والله أنا مظلو مه في البيت دا قلتها وأنا بحط اللقمه في بوقي وباكل خلصنا وخدت كوبايه الشاي بتاعتي البلكونه اشربها وقفت شويه وبعدين دخلت اتوضيت علشان اجهز للفجر صليت وبعدين نمت الصبح لبست ونزلت علشان الحق شغليوصلت لمكان شغلي لاقيت واحد واقف قدام الاسانسير وباصص على السهم الي بيطلع وينزل فضل واقف والاسانسير فتح وهو واقف متحركش اتعصبت من بروده يا أخ متوسع عايزه أطلع. !! الټفت بسرعه وبص حواليه ملقاش حد واتأكد إني بكلمو هو أيوه أنت وسع عايزه أدخل.! شاور على نفسو وهو مصډوم ومعرفش ليه يعني.! يعم وسع خليني اتكل على الله.! عديت من جنبو وركبت الاسانسير ووصلت لدور الشركه دخلت وحطيت شنطتي على المكتب وبدأت أفتح الملفات الي لازم اخلصها شفيق ودي الملفات دول الأرشيف الله يكرمك تؤمري يا أستاذه الله يخليك. شفيق خد الملفات ومشي وأنا بدأت اشتغل على الجديد بعد فتره برفع عيني لاقيت واقف في نهايه المكان الواسع الي فيه مكاتب كتير لموظفين غيري بشكل منسق واقف نفس الشخص بيبصلي بعيون واسعه اتنهدت بضيق وفضل واقف يجي ربع ساعه لاقيت شفيق معدي قلتلو بضيق شفيق مين الشخص دا وازاي واقف كدا ومحدش كلمو الټفت شفيق مكان نظري وبص على المكان رجع بصلي تاني وقالي بإستغراب فين دا يا أستاذه وعد أنا مش شايف حد. ! ضحكت بتوتر وأنا بقول جرا اي ياشفيق الراجل الي واقف هناك دا مالك الصيام أثر عليك ولا اي. يا استاذه مفيش حد هناك في اييي!! هو في اي هما مش بيتسلسلوا في رمضان ولا ايي.!!! قلت كلامي بصوت واطي ودعكت عيني جامد ورجعت بصيت في نفس المكان مكنش موجود بلعت ريقي وأنا بتعيذ بالله من الشيطان خلاص ياشفيق شكلي غلطت بس عايزه اي حاجه يا استاذه اعملها. لا خلاص روح. مشي شفيق وحاولت الهي نفسي بالشغل لحد ما الساعه جت أربعه جهرت حاجتي ونزلت من الشركه ركبت المواصلات وتهيألي ظهر نفس الشخص قاعد قدامي بس طنشت وصلت البيت ودخلت اوضتي كنت واقفه قدام الدولاب بطلع هدوم اتلفت لاقيتو في وشي صړخت جامد من الخضه يالهواااااااي ماما دخلت على صوتي مړعوبه بصتلي بتقولي بصوت رايح في اي حصل اي اي الصويت دا. انتو ازاي تخلو راجل غريب يخش اوضتي وقفت ماما تستوعب الي بقولو بأستغراب راجل غريب اي انتي بتقولي اي يابت. الراجل دا يماما انتي اټجننتي يابت مفيش حد في الأوضه غيرنا يالهوي انتي اتلبستي يابت ياما قلتلك بطلي تتفرجي على افلام الړعب بتاعتك دي ومفيش سمعان كلام اديكي اتهبلتي. انتي بتقولي اي ياماما بس.! ياشيخه بلا ماما بلا نيله طلعت وقفلت الباب وراها وسبتني استوعب انها سابتني مع راجل غريب دي مشيت.!! شاورت عليها وهو هز راسو بأكيد بصتلو بأستيعاب ولسه هصوت راح قايل بسرعه بطلي ص يخ هيقولو عليكي محدش يقدر يشوفني ولا يسمعني غيرك. أعوذ بالله اتصرف لا تأذينا ولا نأذيك هوف بصلي بملل مستني اخلص كلاميبعد مخلص بصلي خلاص.! وبعدين اي هوف دي العفريت هيتبخر من هوف دي هيطير.! امال اي هما بيعملو كدا في المسلسل ايدا انا بتناقش معاك ليه هو اي الي بيحصل دا! حاولت اخرج بسرعه وقفني وقالي ارجوكي انتي الوحيده الي شوفتيني ولازم تساعديني اساعد مين! أنا عارفه اساعد نفسي اي الهم دا ياربي حتي لما يطلعلي مصباح علاء الدين يكون هو الي عايز مني مساعده. يا انسه اسمعيني بس أنا بني آدم عادي زيي زيك زيك زيي اي. ! أمال محدش شايفك ليه لابس طاقيه الاخفا.! أنا في غيبوبه في المستشفى ولاقتني بره جسمي في يوم وليله مش مصدقه اقدر اوديكي المستشفى توديني فين وأنا اي يضمنلي إن الي بتقولو دا حقيقه خلاص بصي هقولك اسم المستشفى والعنوان وبعدين اسمك اي هروح ادلل على كل العيانين. ! اسمي يحيى يحيى علوان. ماشي هروح ولو بس ملقتش حد هناك ولا شفت وشك هقرا عليك قرآن يصرفك. ياستي متروحي بقى اتكلم بضيق وكأنو هو الي عايز يخلص مني مش العكس.!عجايب عفاريت اخر زمن بصحيح مش عارفه اي الي عملتو دا أنا سمعت كلام عفريت أنا بس الي شيفاه معقول اتج. . .. ننت.! دا أنا لسه في عز شبابي لازم اروح اكشف أنا اسأل بالمره على دكتور ليا اه مهو مش معقول.! وصلت قدام المستشفى الي قالي عليها فتحت بوقي من حجمها الكبير جدا وباين عليها نضيفه أوي دخلت ووصلت الاستقبال لو سمحتي في حد هنا محجوز بأسم يحيى علوان. ! اه يفندم قسم العنايه المبني بي الدور السادس شمالي شكرا مشيت وأنا بحاول أستوعب فعلا في حد أسمو يحيى علوان.! وعنايه.! يعني فعلا غيبوبه ذي مقال رحت وطلعت وصلت لرقم الاوضه وبصيت من الازاز من بره لاقيت جسم شاب رياضي وحاطط قناع تنفس بس مش باين ملامحه فتحت باب الأوضه براحه وأنا ببص في كل حته ودخلت قفلتو ورايا صوت جهاز القلب كان المسموع وريحه المعقمات كتيره قربت وعيني وسعت وأنا شيفاه قدامي بس عيونه مقفوله ووشو شاحب كل رده فعلو نفس خارج ونفس داخل وصوت جهاز القلب الي بيعد دقات قلبو فجأه الباب اتفتح بقوه وصوت واحده ووراها كذا شخص انتي مين. !وازاي تدخلي هنا كدا.!! الټفت لاقتها بنت في نفس عمري تقريبا بهدوم غاليه وتسريحه شعر مرفوعه وكعب عالي ووشها ڠضبان كحال الباقي. جاوبي انتي مين. صوت المرادي لشخص كبير في السن يوصل للخمسين وتوالت الاسئله الي بتتمحور حول أنا مين. من واحد للتاني فجاه ظهر هو جنبي مسكت دماغي بالعافيه علشان مبصلوش ويتقال علي قوللهم إنك خطيبتي.! نعممم.!! كلهم بصو بأستغراب وسكتو فجأه عيني وسعت وأنا بفهم إن صوتي كان عالي قالي بنفاذ صبر قوللهم إنك خطيبتي علشان تنقذي نفسك بدل ميسلموكي للشرطه اا اانا أنا انا ماتخلصي هتمأمأي كتير يووووه بقى اي انتي في اي! قالت البنت بتعجب وهى شيفاني بكلم نفسي طبيعي اي حد مكانها هيقول كدا رديت بسرعه أنا خطيبته لحظة صمت عمت على المكان وضحكت بسخريه وهى بتقول انتي اټجننتي جيا تقولي على خطيبي إنو خطيبك. يخربيتك.! همسه خرجت من الموقف الي حطني فيه لاقيتو بيقولي أنا حطيت خاتم في جيب شنطتك الي ورا طلعيه قوللهم دا خاتم خطوبتنا ومكنش بيحبك وكان مقرر ينهي كل شيئ يوم وحصل الي حصل. حطيت ايدي في ظهر الشنطه ووقع في ايدي دبله دهب فيها فصوص صغيره متوزعه بالتساوي دا خاتم خطوبتنا وقرر يوم الحاډث ينهي علاقته بيكي بس للأسف خصل الي حصل. اتقدم الراجل بيتكلم بنظره حنين وهو بيبص للخاتم وليا وأنا مستغربه من كل الي بيحصل وازاي ورطت نفسي في كل دا هو اداكي دا. معقول. معني كدا إن كلامك حق يحيى مش هيدي الخاتم دا إلا لشخص بيحبه حقيقي عمي انت بتقول اي. خلاص يا شاهندا.! يحيى اختارها شريكه حياته يعني كل شيئ قسمه ونصيب. خلص كلامو وعينو متسمره تبص على الخاتم والبنت دي مشيت پغضب كبير مهتمتش وأنا بفكر ازاي اخلص من الي انا فيه دا لاقيت شاب كان متعصب من شويه ملامحو بقت هاديه وقالي يبقي انتي عارفه يحيى كان رايح فين يومها ممكن نعرف بلعت ريقي بتشتت وسمعتو بيقول جنبي قوللهم إني كنت رايح بيت السيده كان رايح بيت السيده كان الراجل الكبير هيقع بس الشاب مسكو ولاقيتو دمع وبيقول بصوت حزين مبيروحش هناك الا لما يكون الحزن ملا قلبو ياحبيبي. طب استأذن علشان ماما هتقلق عليا كدا واشوفكم في وقت تاني طب استني انتي ساكنه فين. كان صوت الشاب ملاحقني ومقدرش يمشي ورايا علشان ماسك التاني وأنا جريت حرفيا لحد مطلعت بره المستشفى وركبت علشان أروح وصلت البيت على اذان المغرب لاقيت ماما وشها كلو ضيق كنتي فين ياهانم عايزه تنزلي مش تتنيلي تقولي اي ملكيش كبير لاقيت بابا وراها ووشو هدي بعد القلق الي سببتو ليهم قلت بتوتر أنا اسفه بجد احتاجوني في الشغل ادتهم روق ورجعت خلاص يا زينب غلطه ومش هتكررها تاني قالها بابا بعد مبصلي بعتاب لاني مش متعوده انزل من غير مقولهم وسببتلهم قلق كبير خصوصا بعد الي حصل قدام ماما قبل ما اختفي من البيت. الليل جه والشارع واصوات الأطفال اللعب فضلت اشغل نفسي بالزحمه وأنا في البلكونة انتبهت لحد قاعد جنبي بصيت براحه لاقيتو هو يووه بقى ياجدع انت عايز مني اي حل عني بقى. مقدرش زي مقولتلك محدش يقدر يشوفني ويسمعني غيرك عارفه بص روح دور أكيد هتلاقي ملقتش أنا بقالي ست شهور بدور متخيلا لحظه أنت في غيبوبة من ست شهور. اه لحظة تاني أنت شكلك من عيله كدا مقتدره اي بيت السيده دا دا بيت والدتي الله يرحمها قالها بصوت حزين فسكت شويه وأنا ببص عليه وبدقق في ملامحو قمحي بدقن مترتبه وسيم منكرش عينو سودا وشعرو ناعم واسود بردك ضحكت ڠصب عني لاقيتو ضيق حواجبه وبصلي بأستغراب في اي. ! لا ولا حاجه اصلي افتكرت حاجه كدا وشه وقالي اي الحاجة دي. اصلي افتكرت اغنيه حسين الجسمي اسمراني عيونه سودا واد جدع راضي ورجوووله وفتحت في الضحك وأنا مش فاهمه مالي لاقيتو ابتسم بهدوء وهو باصصلي تافهه. شهقت وأنا بقولو انت .! ! أنا دي صفه فيكي عادي اتكلم وكأنه بيقول حاجه بديهيه ضيقت عيني وأنا بقوله أهبل عينه وسعت وهو بيقول انتي .! أنا دي صفه فيك عادي قلتها بيبديهيه زيه بالضبط لحظه صمت قبل منضحك احنا الإتنين جامد قولي بقى اي حكايتك. سكت شويه وكأنه بيحاول يرتب الكلام الي هيقوله أنا يحيى علوان والدي الي شفتيه انهارده في المستشفى والي كان معاه أخويا مراد اما البنت كانت شاهندا خطيبتي. ايوووه خطيبتك ليه بقى خلتني اقول إني خطيبتك وهى خطيبتك.! علشان خا.. . . نتني. سكت وملقتش اي كلمه اقولها من لاقيته كمل كلامه وبيقول هى تبقى قريبتي يوم سمعتها بتتكلم هى وصديق ليا عن ازاي تاخد مني اكبر قدر من الفلوس وبعدها تفسخ الخطوبه بأي مشكله ويتجوزو هما. علشان كدا رحت بيت السيده في يومها. ! كملت كلامه وأنا بفتكر حديث والده وهو بيقول إنه بيروح لما يكون حزين هناك وافق براسه على كلامي طب أنا اقدر اساعدك ازاي.! عايزك تمثلي إنك خطيبتي زي مقولت وبكدا مش هتقدر تاخد اي فلوس من فلوسي الفتره دي لو طلبت من بابا أنت ازاي واثق فيا كدا. ربنا حطك في طريقي وخلاكي الوحيده الي أشوفك فأكيدهثق في ربنا حبيبي علشان مش هيأذيني ابدا دا اختبار ليا وأكيد ليكي واتمنى ننجح فيه. ابتسمت بهدوء من كلامه هو هادي وواثق إن كل الي ربنا بيعمله خير ليه على رغم الاختبار الصعب روح بره جسد مش عارف هيرجع امته همشي أنا دلوقتي وهرجع الصبح متقلقيش وخدي راحتك أنا باجي لما بتشوفيني مش بخفي نفسي ولا بتعدي خصوصيه. وافقت براسي على كلامه واستغربت اد اي مراعي من كلامه اتنهدت وملقتهوش جنبي صليت الفجر ونمت والصبح رحت شغلي كالعاده مسكت الخاتم وأنا قاعده على مكتبي بفكر في الي حصلي والاختبار الصعب إلي أنا فيه وكلام والد يحيى عن أهمية الخاتم دا في حياته لاقيت شفيق الفراش قدامي حطيت الخاتم في جيبي علطول المدير عايزك يا استاذه وعد. حاضر ياشفيق. رحت مكتب المدير وخبطت ودخلت وقعدت قدامه ازيك ياوعد الحمدلله تمام جه طلب بنقلك لمجموعة شركات علوان للتجاره والمقاولات نعم.! صوتي علي ڠصب عني بعدها تداركت نفسي وأنا بفكر في الداهيه دي. على رغم إنك اكفأ موظفيني بس علوان رشدان صديقي المقرب وطلبك بالأسم تشتغلي في مجموعته وأنا بضمنلك بمستوي شركته العالي وانتي طموحه وهيهمك أكيد العرض. أنا يعني طب هنقل امته. دلوقتي استلمي ورقك من الإداره وهو مستنيكي بالتوفيق ياوعد. شكرا جدا لحضرتك. قمت ومشيت من الشركه بعد مخدت ملفي وأنا بفكر ياتري الي عملتو تهور ولا الصح.!! عملتي الصح. حطيت أيدي على صدـ,,ـــري من الخضه اي ياعم انت اي الخضه دي أنا عملت اي انتي الي سرحانه بقولك عملتي الصح هيعجبك الشغل متقلقيش. اما نشوف الي هببته في حياتي دا. وصلت الشركة كانت كبيره جدا انبهرت بالرقي والفخامه حقيقي اتولد جوايا رهبه معرفش مبررها أي.! وقفت قدام سكرتارية وشكلهم عندهم اكتر من واحده لو سمحتي أنا عندي معاد مع علوان رشادان. بصتلي بتقيم اتضايقت منه ولاقتها بتقول بعمليه اسم حضرتك. ابتسمت بهدوء وكمل وهو بيطلب عصير وقهوه وحط السماعه يحيى أكيد مش هيأتمن حد على مكانه زيك ياوعد علشان كدا أنتي هتكوني إيه مكان مين. وافقي ياوعد مټخافيش أنا معاكي. صوته جه من جنبي بصيت جنبي راح برقلي بصي قدامك عايزه يقول عليكي مجنو. . . نه. بصيت قدامي بسرعه وقلت بس أنا مقدرش على مسؤليه كبيره كدا أكيد يحيى كان ليه شغل كبير في المجموعة ومقدرش اخاطر بيه وبيكم وغير كدا اخوه يقدر يحل مكانه. ابتسم علوان وهو بيقول كان اختياره سليم حقيقي بصي ياوعد مراد ليه شغل كمان في الشركه ومش هين وميقدرش يمسك مكانين وإحنا ويحيى أكيد كان هيأيد قرارنا المكان دا ليكي ياوعد. بلعت ريقي أنا متأكده إن هو وأخوه يقدرو يحلو مكانه لحد مايفوق بس ليه الإصرار مش عارفه وافقت وأمر حد من الموظفين باخدني مكتبي الجديد الي هو مكتب يحيى علوان الاستغراب كان مالي وش الشاب بس سكت وخدني المكتب دا مكتب يحيى يا أستاذه وعد أكيد هتحافظي عليه ذي مهو حافظ عليه سنين أكيد. قلتها بخفوت وأنا ببص على المكتب كبير بأثاث راقي أسود شكلو بيحب اللون الأسود جدا ازاز عملاق بواجه تبين المباني التانيه بأطلاله مهيبه طلع الموظف وقربت من المكتب بصيت على اطارات الصور كان صوره يحيى وهو مراهق مع ست جميله جدا وفرحانين من لمعه عينهم واطار لصوره يحيى مع اخوه مراد. اتنهدت وأنا بقعد على الكرسي لما سمعت باب المكتب بيفتح والسكرتيره الخاصه بيحيى دخلت حطت ملفات قدامي وقالت بأحترام. دي ملفات الأستاذ علوان قال اوصلهالك. تمام شكرا. خرجت وظهر يحيى وقعد على الكرسي الي قدام المكتب ورفع رجله على الطربيزه قدامه بيقول بأرتياحيه دي صفقه أرض هيكون فيها واحد اسمه المبلغ المطلوب فضل يتكلم وأنا مركزه وبفتح الملفات وبمشي ذي مقال فعلا جه أشخاص واتفقو معايا وقلت على كل الي عايز يقوله يحيى الصفقه تمت والده فرح جدا وقال نفس الكلمه كان اختياره سليم حقيقي. عدت الأيام وخلص رمضان وعدا تلت شهور وعرفت بابا وماما إني اترقيت لشركه علوان رشدان الكبيره وفرحو بالخبر جدا ويحيى مفارقنيش ابدا وكنت بمشي على نهجه حرفيا وبقيت أكثر شده في الشغل ومبستهونش وكأن طبع الشخص الي كان هنا اتنقل ليا بس اي بقيتي برنس. برنس اي يا يحيي باشا بقيت بيئه اوي ضحك أوي وقال من عاشر قوم أربعين يووم. قصدك إني بيئه.! قلتها وأنا بشاور على نفسي باب المكتب خبط وسمحت للي بره يدخل أستاذ مصطفى طالب يقابل حضرتك. لاحظت يحيى الي بصلها بعين احمرت فجأه سمحتلها ودخل فعلا شخص بنيته توازي بنيه يحيى الرياضيه بملامح حاده اهلا بأستاذه وعد اهلا اتفضل. قعد قدامي ويحيى فضل واقف بيبصلو پغضب وضيق أنا مصطفى صديق يحيى المقرب وحبيت اجي اطمن إن الي قاعد في مكان يحيى يستحق المكان فعلا ولا لا أنا يهمني يحيى دا أخويا. رجعت بضهري لورا وأنا بلعب القلم الي في أيدي ورفعت حاجبي وقلتله ببرود اتمنى تكون لاقتنا عند حسن ظنك يا أستاذ مصطفى أكيد طبعا واحده بذكائك أطمن إن الشركه كلها تبقي في ايدها. تمام في حاجه تانيه.! رجعت بضهري لورا وأنا بلعب القلم الي في أيدي ورفعت حاجبي وقلتله ببرود اتمنى تكون لاقتنا عند حسن ظنك يا أستاذ مصطفى أكيد طبعا واحده بذكائك أطمن إن الشركه كلها تبقي في ايدها. تمام في حاجه تانيه. ! بصلي فتره وقام يقفل زرار جاكيت للبدله لا ابدا انا كدا اطمنت باي مشي وبصيت ليحيى الي عينه على الباب قلتلو بهدوء هو مش كدا. ايوه قالها بأختصار وقعد على الكرسي للدرجادي كنت بتحبها.! أنا مكنتش بحبها اصلا أنا مبحبش الغدر فهما صديقي المقرب جت منو وضيع عشره سنين علشان ست وخلاني في الوضع دا. سكت وأنا صعبان عليا الي حصله من ناس وثق فيهم دقايق ولاقيت باب المكتب بيفتح بهمجيه يا استاذه شاهندا مينفعش كدا.! والله يا أستاذه وعد حاولت امنعها معرفتش. شاورت للسكرتيره إن مفيش مشكله طلعت وقفلت الباب وراها بصيت بهدوء للي واقفه بوش باين اد اي بتحبني خير يا استاذه شاهندا خير انتي مين اصلا علشان تقعدي على المكتب دا. ! واحده زيك متسواش جنيه تقعد على مكتب يحيى علوان استاذه شاهندا احترمي مكتب الشخص الي انتي فيه لو انتي معندكيش ذره احترام قوليلي وأنا اعلمك ازاي تتأدبي ولسانك يحترم الي قدامه علشان مفرجش عليكي الشركه وبره. قلتها بصوت عالي جدا وضغطي علي من اسلوبها المهين ليا ويحيى كان مبسوط أوي اني دافعت عن نفسي عينها بقت كلها وقالت بثقه عملتها مره وطلعت ذي الشعره من العجين ودلوقتي كمان هعملها ومش هيحصلي حاجه. في ثانيه كانت طلعت ايدها من شنطتها الي كانت حطاها فيها من وقت ما دخلت ومحستش غير بحاجه ده معدتي وعيني وسعت من ويحيى شدت نفس الحاجه الي حطتها فيا وطلعت من المكتب وقفلت الباب وراها بهدوء وقعت على الأرض بتنفس بصعوبه ويحيى بيحاول يكتم والغريب وضغط عليه من غير ميتخطاني ذي الأول وصړخ بقوه حاولت اتكلم بهمس متخافش متخافش لا ياوعد لا علشان خاطر ربنا لا. دموعه نزلت بقوه من عينه وطيفه بقى ينغبش يروح ويجي وخد باله باب المكتب اتفتح وسمعت صړيخ السكرتيره واصوات كتير دخلت في بعض ومحستش بأي حاجه بعدها فتحت عيني بأرهاق وقفلتها سمعت صوت بيقول. متقلقوش هى هتفضل تفوق وتنام من مفعول البنج حمدلله على سلامتها. شكرا يادكتور. كان صوت علوان رشدان وصوت