أحببته رغما عنى هالة احمد

_ نورتي بيتك يا قمرر رقيه _ متشكره جداا عن اذنك وسبتو ومشيت حازم فنفسو _ يخرابي علي الجمال هو في كداا وبعد ساعتين خلصت الحفله وسلمو علي رقيه وكلو مشا ورقيه طلعت ترتاح رقيه وهي بتنام علي السرير _ كان يوم متعب بشكل وسمعت خبط علي الباب رقيه بتعب _ اتفضل مليكه بضحك _ ممكن اقعد معاكي شويه رقيه وهي بتتعدل _ طبعا يا صغنن تعالي مليكه راحت قعدت جنبها وقعدت تحكي معها كتيرر مليكه _ يونس بقا يا ستي يبقا ابن عمو حسين الكبير وهو الابن الوحيد ليه عمو محمد عندو بنت وولد حازم ده بقا يبقا بتاع بنات وصايع جدااا وكل شويه عمو يتخاانق معاه علشان مش متحمل مسؤليت اي حاجه وكل شويه يقع في مشكله ويونس وادهم يطلعوه منها من غير ما ابوه يعرف علشان عمو محمد تعبان اصلا بنتو بقا بتدرس في اميريكا اسمها تاليا بس ډمها تقيل اوي هترجع بعد شهر علي ما اظن رقيه _ اممم عموما ملناش دعوه ربنا يخليهم لبعض مليكه بضحك _ سيبك انتي بقا من ده كلو هتيجي ننزل بكره نعمل شوبينج ونلف شويه وكده يعني رقيه _ عيوني يا صغنن قلبي مليكه بتوتر _ ممكن اطلب منك طلب رقيه _ طبعا يا عيوني مليكه _ ممكن انام جنبك انهارده رقيه بضحك وهي بتاخدها في حضنها _ انهارده وكل يوم يا حبيبتي مليكه بفرحه _ بجد رقيه _ بجد يا عيوني ياله بقا

ننام مليكه _ ياله رقيه خدتها في حضنها ونامو بكل ارتياح ورقيه فرحانه
من جواها انها لقت اخت ليها تهتم بيهاا وتحبها تاني يوم _ دخلت دولت عليهم لقتهم نايمين ورقيه واخده مليكه في حضنها ونايمين نوم عميق جداا دولت بدموع _ يا حبايبي علي جمالكم ربنا يخليكم ليا ياارب وراحت تصحيهم بهدوء _ ياله يا حبايب ماما علشان نفطر مليكه بنوم وهي بتشد علي حضڼ رقيه _ بس يا ماما سبينا ننام كمان شويه دولت بضحك _ ياله يا بت منك ليها قومو بطلو كسل رقيه ببتسامه _ صباح الخير يا ماما دولت _ صباح الفل يا قلب ماما ياله قومو البسو وانزلو علشان الفطار جاهز رقيه _ حاضر دولت _ وصحي البت دي انتي رقيه بضحك _ حاضر هصحيها انا دولت طلعت وسبتهم رقيه بنبره كلها حنان _ ياله يا نور عيني علشان منتاخرش عليهم مليكه فتحت عين واحده _ هننزل نعمل شوبينج رقيه بضحك _ اه هننزل امال لو مقومتيش علشان نفطر معاهم مش هنروح في اي مكان مليكه وهي بتقوم بسرعه _ لااااا خلاص قومت اهو رقيه بضحك عليها _ ياله علي اوضتك خدي شاور والبسي هدومك مليكه بفرحه _ حااضر رقيه قامت تاخد شاور وطلعت