مش حب عادى ٢٦ ملك ابراهيم

فجأة سمعوا صوت خبط على الباب..

عرفوا على طول انها أكيد رباب.

رحيم فتح الباب ولقاها رباب فعلا..

واقفه قدامه وعيونها جوه الغرفة وقالت: جدي وابويا تحت عايزنك عشان تروحوا الأرض تخلصوا الموضوع اللي قالولك عليه إمبارح.

رحيم هز راسه وقالها: قوليلهم انا نازل دلوقتي.

ودخل وقفل الباب.

رباب ض.ربت في الأرض برجليها بغيظ وهمست: كنت عايزه اشوفها لابسه ايه! اكيد هدوم العيانين بتاعها!

رحيم لما قفل الباب..

حبيبة سألته بدهشة: انت مش هتروح المكتب النهاردة ؟

رد رحيم: لأ.. عمي طلب مني اروح معاه النهاردة الأرض عشان عايز يرجع كل الأراضي اللي كان واخدها بالغصب من الناس.. شكل اللي حصل لـ أنس آثر فيه وقرر يرجع للناس حقوقهم.

حبيبة بصت لـ رحيم بإبتسامة وقالت: ربنا يقدرك على فعل الخير يا حبيبي.

رحيم ابتسم لها ومسك ايديها وهو بيبص له بحب وقال: انا هروح مع عمي اخلص موضوع الارض دا.. وانتي تخلصي الامتحان بتاعك.. وهخ.طفك يومين بعيد عن القصر هنا.. ايه رأيك.

حبيبة هزت راسها بخجل وقالت: موافقة.

رواية مش حب عادي بقلمي ملك إبراهيم.

قدام قصر الجبالي..

كان في عربية واقفة بتراقب القصر من بعيد..

جواها قـ،ـنـ،ـاص محترف ومعاه سـ،ـلاحـ،ـه ومستعد.

وقاعد جنبه شكري مدير اعمال سيف المنصوري.

اتصل سيف علي مدير اعماله وهو بيزعق في التليفون بغضب: خلصت ولا لسه؟

رد شكري بتوتر: يا باشا احنا قدام القصر من ليلة إمبارح.. لسه مخرجش.

اتكلم سيف بتهديد: انا مش هقبل أي أعذار يا شكري.. لو مخلصتش عليه المرادي.. انت عارف انا اقدر اعمل فيك ايه..

عايز اسمع كلمة البقاء لله في ابن الجبالي.

رد شكري: هيحصل يا سيف بيه.. وصدقني مش هيعدي منها المرادي… بقلمي ملك إبراهيم.

… يتبع

معلش يا حبايبي البارت صغير شويه برضه اعذروني الفترة دي لحد ما الامتحانات تخلص على خير ان شاء الله.. لأني مش عايزة اوقف الرواية.. وبإذن الله نفضل مكملين♥️♥️

تفاعل حلو بقى على الحلقة متنسوش لايك وتعليقات كتير ارفعوا البارت😍💪