الجزء الاول كتب كتابك النهارده علي جوز اختك الله يرحمها ... وقبل أي اعتراض انا مش هسمح بالرفض انا مش مستعد حفيدتي تتربي مع ناس غريبه بصيت لبابا بذهول وانا مبرقه وقومت مره واحده وانا بزعق من غير وعي نعم جوز اختي ازاي انت متخيل الموضوع انت متخيل انت بتقول ايه ايه التخريف ده و.... وقبل ما اكمل جملتي لقيت كف نازل علي خدي من بابا اللي بصلي پغضب وهو بيزعق في وشي اخرسي قليله الادب حطيت ايدي علي خدي بصدممه لأن بابا اول مره يضړبني دموعي نزلت وانا ببصله وبهز راسي بهستريه انا استحاله اعمل كده استحاله اخون اختي ازاي هعمل كده ازاي اتجوز جوزها اللي مش بشوفه غير اخويا ! قربت مني ماما بدموع اختك ماټت ياريمان افهمي بقي اختك ماټت خلاص هويت راسي بهستريه ودموع اكبر لا لا انا مش موافقه مش هتجوز جوزها مش هعمل كده مش هقدر صدقيني مش هقدر اعمل كده هتخيلها في كل وقت هعيش حياتي كلها حاسه انها شيفاني حرام عليكم حرام عليكم تعملوا فيا كده خليه يتجوز اي حد تاني بس انا لا ارجوكي ياماما ارجوكي انا لا كنت بتكلم بهستريه شديده وانا بعيط وبوزع نظراتي بين بابا وماما اللي كانوا بيبصولي بحزن وشفقه قربت من بابا وانا بوطي ابو س أيده ارجوك يابابا ارجوك بلاش انا عشان خاطري والغريبه أنه بصلي بجمود غير عادته وكانت لاول مره في حياته يقسي عليا بالشكل ده وكأن قلبه اتحول لحجر ! رفع رأسه لفوق وهو بيقول بهدوء ونبره كلها إصرار اعملي حسابك ياريمان كتب كتابك علي بدر النهارده قال جملته وسابني ومشي وانا قاعده علي الارض بذهول اتحول لشرود وكأني في دوامه بتلف بيا قربت مني ماما وهي بتلمس علي شعري بحنان ارضي بنصيبك يابنتي يمكن يكون خير ليكي نفضت ايديها من علي رأسي وانا بقوم واصړخ في وشها خير هو ايه اللي خير جوازي من جوز اختي خير حرماني من اني اعيش قصه حب واتخطب واتجوز بأراتي ده اسمه خير !! انتوا متخيلين انتوا بتعملوا فيا ايه انتوا بتحرموني من أبسط حقوقي بتحرموني اعيش حياه طبيعيه مجرد جوازه عشان اربي بنت اختي وأحبها واحافظ عليها ومش مهم انا أولع انا مش مهم شعوري مش مهم حياتي اللي باظت وقفت كلام وانا ببصلها وبقول بنبره كلها كره لكن من ورا قلبي انا استحاله اسامحكم ابدا قولت كلامي وجريت علي أوضتي وقفلت الباب پغضب اول ما قفلت الباب حطيت ايدي علي قلبي اللي كان بيدق بسرعه رهيبه سندت ظهري عليه وانا بقعد علي الارض وبضم ركبتي لصدري مكنتش قادره استوعب اللي بيحصل يعني ايه اتجوز جوز اختي ازاي اقدر اتخيل حياتي مع شخص مش بشوفه غير اخ وبس ازاي هعيش معاه حياه طبيعيه وكأننا اتنين بنحب بعض !! ليه يحرموني من أبسط حقوقي اني احب واتحب واتجوز شخص من اختياري انا اعيش معاه حياه طبيعيه احب فيه براحتي اعبرله بمشاعري براحتي ومبقاش حاسه ان في حد بيراقبني حتي لو كان الحد ده مېت ليه اتجوز جواز مصلحه ! ليه احس نفسي بقدم خدمه عشان حد بحبه لكن الشخص ده في المقابل مش هيقدملي اي خدمات ليه ادفن نفسي اخدت نفس طويل وانا بتشنج وصوت عياطي واصل لبرا فتحت الفون بتاعي وانا بضغط علي رقم يمكن يقدر يساعدني زي ما كل مره يساعدني بعد شويه لقيته بيرد بصوته اللي معرفش بيعمل فيا ايه بيلغبطني بيسحرني بيخلي قلبي يرفرف في وكأنه طير الو السلام عليكم رديت بصوت مبحوح و وعليكم من السلام رد بنبره كلها قلق ريمان مال صوتك ! بلعت ريقي وانا بحاول اكون طبيعيه ومبينش ضعفي وقولت بدون مقدمات انا كتب كتابي النهارده يامؤيد نعمممممم قالها بصوت عالي مصډوم وانا بمجرد ما قولت جملتي اڼفجرت في العياط مكنتش قادره اقول حرف زياده كنت كل اللي بعمله اني بعيط مكنتش سامعه بيقول ايه كان بيحاول يهديني بكل الطرق بس انا مش سامعه كنت حاسه اني قلبي هيقف من كتر الحزن اللي جوايا وآخيرا وبعد وقت طويل هديت واتكلمت بصوتي اللي مكانش طالع من كتر العياط انا مش عايزه اتجوز يامؤيد مش عايزه اتجوز بدر اتنهد بحيره وهو بيجز علي أسنانه يعني ايه ابوكي يجوزك جوز اختك عشان ايه عشان حفيدته طب وانتي ! ومره واحده نبره صوته بقت عاليه انتي تولعي حياتك تولع احلامك تولع مشاعرك لشخص تاني تولع ايه الكلام ده هو ازاي قدر يعمل كده ايه الانانيه ديه غمضت عيني وانا بسمح كل حرف وكأنه سکينه بتغرز في قلبي ومره واحده برقت لما سمعته بيقولي بهدوء مريب تتجوزيني ياريمان ا ايه ا ازاي ! اهربي من البيت وهتجوزك بس مش جواز رسمي دقات قلبي علت وانا بتنفس بسرعه ق قصدك ايه رد عليا بغموض هنتجوز دلوقتي عرفي وبعد كده هنشوف هنعمل ايه المهم تبقي مراتي النهارده ودلوقتي يتبع .... الجزء التاني بقلمي ايمان شلبي سمعت كلامه اللي كان بمثابه صدممه ليا وفقدت النطق وانا بسمعه بيكمل كلامه وبيحاول يقنعني بالجواز منه من ورا اهلي وعرفي كان بيقترح اقتراح لو وافقت بيه هيكسرني قبل ما يكسرهم ويحط رأسهم في الطين وسط الناس ! كنت بترعش ودموعي نازله علي خدي وانا مش قادره اسمع حرف زياده رميت الفون علي الارض وحطيت ايدي علي ودني وكأني بحاول امنع أي صوت حوليا كنت بعيط بحرقه في الحقيقه عمري ما كنت اتخيل الشخص الوحيد اللي حبيته اللي خططت مستقبلي معاه الشخص الوحيد اللي قلبي ارتاحله اللي روحي راحتله الشخص الوحيد اللي كنت شيفاه سندي يطلع كده ! عمري ما كنت اتخيل يطلع ضعيف اوي بالشكل ده ! ده حتي مفكرش يحاول عشاني مفكرش يقولي حلول تحفظ كرامتي قال اسهل قرار ممكن اي حد ياخده في موقفي عشان يهرب من جوازه تانيه ليه الاهانه ديه ! ليه محدش بيحبني ليه محدش بيتمسك بيا ليه محدش بيحاول عشاني ليه كل ما افتح قلبي لحد يطلع اسوء من اللي قبله ليه مفيش شخص واحد ما بين كل اللي موجودين يحبني الحب الحقيقي الحب اللي بسمع عنه في الافلام والروايات الحب الاسطوري بتاع زمان هو انا وحشه ولا ساذجه ولا بحلم بأحلام استحاله تتحقق لأنها موجوده في الروايات والافلام بس بس انا طول عمري اسمع عن الحب طول عمري اشوف قصص حب حقيقيه علي أرض الواقع طول عمري اشوف شباب مخلصه شباب بتحب اللي معاها بتعافربتتعب بتواجه مشاكل العالم بقلب من حديد وكل ده عشان اللي بيحبوهم وانا كمان استاهل الحب زيهم استاهل احس اني حاجه غاليه استاهل احس اني حلم لشخص ما اخدت نفس طويل وانا بمسح دموعي وباخد الفون من الأرض وبرد علي مؤيد اللي مبطلش رن الو ريمان انتي كويسه !! اتنهدت وانا ببص بكره وكأنه
