بقلم نرمين حمدى ٢

غرام: الصور متصوره في البيت يعني هيطلع حد مننا مش غريب

غرام بمناسبه الارقام وكدا بتفتكر ادهم: يونس هو ادهم جاب رقمك منين

يونس: مهو الي وصل رقمي لادهم نفسه الي صور ورد وزين دا احنا بيتلعب بينا الكوره

غرام: انا مش مطمنه

يونس: اطمني هعرف مين وساعتها مش هرحم الي خلفو*ه

ادعو لفريده عشان هتتنفخ قريب😂

الخامسة والعشرون

عدت الايام وزين بيحاول يصالح همس بس هي منشفه دماغها

وورد وسيف بيحاولو يتأقلموا مع الوضع الجديد وغرام ويونس في دنيا ما يعلم بيها إلا ربنا

****

همس كانت في المطبخ بتعمل قهوه فدخلت عليها فريده

فريده بخبث: والله انا ياهمس كل يوم بتعلم منك حاجه جديده

همس: حاجه اي دي يافريده

فريده: اصل يعني ما شاء الله عليكي جوزك لسه خاينك اقصد يعني كدب عليكي وانتي واقفه تعمليله قهوه يوووه بقي انا همشي لحسن لو قعدت لساني هيقول حاجات كتير

همس: استني يافريده قولي كل الي عندك

فريده بخبث: لا لا انا مش عايزاكي تكرهي زين خلاص الي فات مات

همس: يافريده قولي بقي انا مش مستحمله

فريده: يوه ياهمس يارتني مجيت ياربي… بصراحه كدا ورد وزين بيحبوا بعض من زمان اوي حتي بعد متجوزك لسه بيحبها اصل بصراحه كدا بشوفه يبصلها وعينه هتطلع عليها بس يلا معلش نصيبك كدا ياهمس

همس سابت القهوه واتضايقت جدا وكانت طالعه علي فوق فوق بس فريده مسكتها: انا مقولتلكيش حاجه تمام عشان انا مبحبش المشاكل ياهمس
عند يونس

كان قاعد في الشقه الي اخد غرام فيها وبيفتكر كل ذكرياتهم لدرجه انه بيقعد ينادي عليها ويتخيلها حواليه عقله لدلوقتي مش مستوعب الي حصل كان قاعد علي الارض وفارد رجليه وفجأه بيدأ ينزل منه دموع: ياااارب يارب خدني عندها الدنيا من غيرها سود*ه والله

********

ورد كانت قاعده علي السرير بتعيط وسيف دخل وقعد جنبها وبيجذب راسها ناحيه صدره

سيف: كفايه ياورد

ورد بعياط: يونس فين ياسيف

سيف: سيبي يونس في الي هو فيه دلوجتي

ورد بتطلع من حضنه: والنبي ياسيف عشان خاطري عايزه اطمن عليه

سيف بيمسح علي شعرها: ااا انا معرفش هو فين بس اكيد محتاج يجعد مع نفسه شويه الي حصل مش سهل يتجبله ياورد

ورد: الي حصل كان صعب علينا كلنا وحرام يفضل قاعد لوحده اسبوع منعرفش عنه حاجه وانا متأكده انك تعرف مكانه ياسيف

سيف: حتي لو اعرف مش هجول عشان هو مش عايز حد يعرف مكانه كل الي احدره اجولهولك انه محتاج يبعد عن الناس ويجعد مع نفسه