بقلم نرمين حمدى ٢
همس بزعل: لا متقلقش صدمتي فيك تخليني متجوزش طول عمري
زين: طيب اديني فرصه اخيره والله انا بحبك انتي وعاوز اكمل معاكي بجيت حياتي عشان خاطري اديني فرصه انا عارف اني ظلمتك اني مجولتلكيش من الاول بس ورد دي صفحه واتجفلت ومش هفتحها تاني سواء كملت معاكي او لا
همس: وانا مليش اني احاسبك علي حاجه قبل جوازنا ومزعلتش انك مقولتليش انا ليا بالي شوفته في الصوره ودا كان بعد جوازنا للاسف يازين انت بتحاول تنساها بيا لكن انت لسه بتحبها
همس اخدت شنطتها وكانت نازله
زين قفل الباب بالمفتاح: مفيش مرواح لحته
همس بعياط: زين لو سمحت كفايه لحد كدا
زين: جولت مفيش مرواح في حته
همس: يعني هتجبرني اعيش معاك غصب عني
زين: ايوا هجبرك
******
في المساء حضر المؤذون عشان كتب كتاب سيف علي ورد
فريده الفرحه مش سيعاها اخيرا هتبعد ورد عن زين ومش هيبقوا لبعض ابدا
المؤذون: بارك الله لكما وبارك عليكما وجمع بينكما في خير
سيف مضايق جدا لانه بيتجوز واحده في قلبها واحد تاني وهو مكانش عايز يتجوز من الاساس
بس بيوافق احتراما لجدو وليونس
عتمان: تعالي ياسيف عايزك
سيف بضيق: ايه ياجدي
عتمان: انا عارف انك مضايق ومش زنبك تتجوز واحده مش بتحبك ولا بتحبها بس ياولدي دي بت عمك وانا مش هلاجي حد يخاف عليها كدك وغير كديه بتك دارين متعلجه بورد وانت هتبجي مطمن عليها وانت في شغلك
سيف: الي تشوفه
********
سيف وورد طلعوا لاوضتهم ومعاهم دارين
ورد بخجل: انا اسفه
سيف وهو يعطيها ظهره: وهيعمل ايه الاسف
ورد: انا عارفه انك اتورطت فيا وانت مش طايق تبص في وشي بعد الي شوفته وحقك علفكره انا مش هلومك بصراحه انا استاهل كل الي يجرالي انا كنت انانيه مفكرتش غير في نفسي وبس
سيف بضيق: ممنهوش فايده الكلام ده انتي هتعيشي معايا معززه مكرمه بس نلغي اي حجوج بينا
ورد: الي تشوفه
سيف: تصبحي علي خير نامي انتي علي السرير
ورد راحت نامت علي السرير ودارين سابت بباها وراحت جنب ورد
وورد اخدتها في حضنها ونامت سيف بقي باصص عليهم ومبتسم
******
عند يونس وغرام
يونس قاعد علي الكنبه متعصب وبيحرق في سجا*ير
غرام بتاخد منه السجا*ره وتطفيها: كفايه مش كدا
يونس: الاتنين دول حرجوا دمي
غرام: معلش والحمدلله اهو الموضوع اتحل وسيف طيب وهيحافظ علي ورد
يونس: بس هو مين الي بعت الصور دي وجاب ارقامنا كلنا منين
