بقلم نرمين حمدى ٢
عتمان بخوف: الواد جراله حاجه
فريده بتمثيل: اوعي تقولي انه جراله حاجه يايونس دا انا بقالي كتير مستنيه يجي والنبي رد عليا قولي انه كويس
سيف: ياجماعه في ايه كل الي هاممكم الواد ومش فارجه معاكم غرام
جليله بتطبطب علي كتف يونس: متجلجش ياولدي مرتك وولدك هيبجو بخير ان شاء الله
يونس كان باين عليه التعب ومش راضي يتكلم ولا كلمه قعد علي الكرسي وايده علي وجهه
لحد مالدكتوره خرجت
فريده بداخله بتتنطط من الفرحه
ورد خرجت برا الغرفه مستحملتش تشوف غرام في الحاله دي وسيف شافها وخرج وراها لقاها قاعده في وبتعيط
سيف: في ايه ياورد
ورد بتمسح دموعها بسرعه: هاا مفيش حاجه
سيف: مفيش ازاي
ورد: بصراحه انا غرام صعبانه عليا اوي ويونس ميستاهلش كل دا
سيف: الله يكون في عونهم ويصبرهم
ورد: انا مش قادره اقعد هنا بجد ممكن تروحني
سيف: ماشي يلا
*****
الدكتوره دخلت: انا متأسفه جدا ليكي يامدام غرام مقدرناش نلحق ابنك بس ان شاء الله مشكلتك مطولش وتقدري تجيبي غيره
يونس حط ايده علي راسه بتعب فهو مكانش عايز يقولها انها مش هتقدر تخلف تاني
غرام باستغراب: تتحل مشكلتي!! مشكله اي يادكتوره
عتمان: مفيش مفيش يابتي هي بس الدكتوره جصدها ربنا يعوض عليكم
غرام بتبصلهم كلهم: هو انا هقدر اخلف تاني
الدكتوره باستغراب ازاي مقلولهاش بس سكتت وخرجت
يونس بينزل ايده: ايوا هتجدري ان شاء الله
غرام: طيب بصلي وقولي كدا يايونس انت مبتبصليش ليه
يونس: خلاص بجي ياغرام انا مش عارف اتلم علي اعصابي
غرام بعياط: يعني اي انا خلاص كدا عمري مهبقي ام لييييييي ياربي انا عملت اي استاهل عليه كل دا
همس: اهدي ياغرام كل مشكله وليها حل ياحبيبتي
غرام بزعل: الحمدلله علي كل حال
بعد حوالي نص ساعه اخدو غرام وروحو وغرام طول الطريق باصه للشباك ومتكلمتش
يونس: غرام انا مش هاممني تخلفي او لا المهم انك تفضلي معايا
غرام مبتكلمش بتعيط بس
يونس: انا عارف ان الموضوع صعب عليكي انك تستحمليه بس دا جدر ومكتوب وانا راضي والله
غرام بصتله وعنيها مليانه دموع وارتمت برأسها في حضنه ومتكلمتش يونس عرف انها مش محتاجه تتكلم علي قد ممحتاجه تفضل في حضنه وهي ساكته وبتعيط فسكت وركز في الطريق
****
عدت ايام كتير وغرام مش قادره تتخطي الموضوع ويونس فضل جنبها وبيواسي ويمثل الجمود قدامها لدرجه انها حست انه مش فارق معاه ابنه وهو اصلا من جواه بيم\وت في الدقيقه ميت مره
