صعيدى علمنى الحب ٣٢
توأم وساميه خطفت البنت التانيه
بدر: ايوه
شاكر: واتأكدت من الكلام ده
بدر: شوفت الممرضه وضغطت عليها واعترفت بكل حاجه
شاكر: وساميه لما كان في ايدها تخطف ماخطفتش الاتنين ليه
بدر: يعني مش عارفها عشان تحرق قلبي العمر كله عليها عشان مايبقاش في ايدي حاجه اعملها
شاكر: طب ما هي اتمسكت ماعرفتش مكانها
بدر: روحت ليها بس مارضيتش تريحني اترجيتها تقولي الحقيقه وفين بنتي بس كانت بتضحك وهيا شايفه المي …
بيرجع شاكر من ذكرياته ويونس مركز مع كلامه…
يونس: يعني كل الإثبات كان الفيديو والممرضه طب ملا ممكن تبقي لعبه برضو من ساميه ليه لأ علي العموم في تحاليل هاتثبت الكلام ده مع ان انا لحد الأن شايف الموضوع فيه حاجه غريبه
______________________
بسمه كانت ماشيه مع مصطفي
بسمه: انا اسفه علي اللي حصلك بسببي
مصطفي: لا ولايهمك عمر الشقي بقي هو ممكن اسألك سؤال
بسمه: ايوه طبعا اتفضل
مصطفي: هو ايه الكلام اللي كنتي بتقوليه علي قبر عمي بدر ده ازاي ابوكي
بسمه: لسه عارفه النهارده انه ابوي
مصطفي: اصل هو ماعندوش الا روح تبقي بنته
بسمه: انا توأمها
مصطفي: ازاي وانتي معايا في نفس الكليه
بسمه: انا اجلت سنتين
مصطفي: ايوه يعني انتي دلوقتي بنت عمي حلو اوي
بسمه: ايه اللي حلو
مصطفي بابتسامه: طلعنا قرايب يعني والموضوع كبير بس اكيد هافهمه يعني انا ورايا ايه
______________________
في بيت ميرا
الباب بيخبط بتفتح ميرا
خالد بقلق: انتي كويسه
ميرا: ايوه الحمد لله
خالد: انتي ازاي تروحي وانتي عارفه انك في خطر
ميرا: ماتقلقش يا خالد خلاص الخطر راح
خالد: اكيد لعبه منه
ميرا: خلاص عبد الغني مات يا خالد
خالد : دي لعبه عاملاها جديده
ميرا: لأ انا شوفت كل حاجه بعنيا
______________________
بيقعد يونس في الجنينه الخلفيه بيفكر في كل كلام ابوه
يونس بتفكير: معقول هيا اخت روح وعلوان هيستفاد ايه يكذب مش هيستفاد حاجه لأ يستفاد انه يدخل بينا واحده مانعرفش عنها حاجه مش ممكن تكون جايه لنيه تانيه
بيدخل يونس من الباب بيلاقي بسمه ومعاها مصطفي
يونس بيقرب منها
بسمه: انت يونس
مصطفي بابتسامه: ايوه
يونس: تعالي يا بسمه عاوز اتكلم معاكي شويه
______________________
في الليل …
روح كانت واقفه قدام صورة بدر
روح: شايف يا بدر عرفت اني ماليش حد غيرك حتي يونس سابني عارفه غلطت بس انا محتاجه ليه عاوزني اعمل ايه لما اعرف ان امي عايشه انا زي الغريق متعلق
بقشه انا حاسه اني ضايعه من غير ضهر وسند فراقك عامل شرخ كبير في قلبي شرخ في حياتي مش عارفه اتعافي منه
