زوجتى العمياء نورهان لبيب ٢
رأفت :لما تيجى المستشفى هتعرف كل حاجة أرجوك ما تتأخرش
بعد أن أغلق رأفت مع صالح توجهت كلا من صفية وسلمى يستفسران عن ما حدث لجاسر
صفية ببكاء:ابنى ماله يا صالح وبيعمل إيه فى المستشفى حد جراله حاجه طمنى أرجوك
صالح بحزن:جاسر دلوقتى فى غرفة العمليات ومحتاجنا كلنا نكون معاه
صفيه :خدنى ليه حالا يا صالح أرجوك انا عايزه ابنى خدنى لأبنى أنا قلبى مش مطمن
صالح:خلاص يلا أحنا لازم نكون هناك دلوقتى
تحرك الجميع خارجين من القصر متوجهين حيث مشفاهم الخاص وكلا منهم يدعوا فى داخله ان تكون
الأوضاع كلها بخير فالقلب منفطر غير مطمئن
=================================
فى قصر الصياد
كان مروان يجلس يتابع أعماله بأهتمام وتركيز حتى أتت تلك القطه السياميه وقاطعت تركيزه وهى تحاول أن تجذب انتباهه ولكنه يمثل عدم الإنتباه لها
ظلت تحمحم ولكن لا حياة لمن تنادى مما اغضبها بشده فتحولت من قطعه وديعه لقطه شرسة وهذا
هو ما يريده
رهف بغضب:بقالى ساعتين قاعده جنبك وأنت إيه البعيد ما عندوش دم ما بيحسش ده لو كان لوح تلج كان داب بس شكلك بتهرب منى ومجبتش ليا
إللى قولت ليك عليه
مروان وهو يمسك قميسه ويسحبه ويبسق به تقليدا لحركه شعبيه تفعلها النساء مما اجج
غضب رهف وأصابها بالذهول
مروان بخضه مزيفه:سلاما قولا من رب رحيم إيه ده بيطلعوا منين دول
رهف وهى تضيق عيناها:قصدك إيه بكلام ده أنى عفريته هو إيه إللى بيطلعوا منين دول انطق
مروان بتسرع:قصدى زربينك يا حبيبتى
رهف بزهول:زربينى… زربين لما تلهفك يا بعيد فين الحاجه إللى قولتلك عليها فين الشوكلاته
مروان بخوف مزيف:أهي أهي يا سطا برعى بس أنت أهدى علينا شوية
أخذت رهف من مروان الشنطه التى بها الشيكولاته
ثم ربعت رجليها ووضعت الشيكولاتة بحضنها وبدأت تأكل بنهم شديد تحت نظرات مروان المتقززه
منها ومن طريقة أكلها
مروان بقرف:إيه الاقرف ده يا مفجوعة أنتى
رهف والطعام فى فمها:مفجوعه مفجوعه ملكش دعوه أنت بيا
كاد مروان ان يتحدث ولكن قطع حديثة رنين هاتفه فوجده عمه صالح هو من يطلبه فى الهاتف فرد عليه
مروان بأبتسامه:الو يا عمى عامل إيه
صالح بحزن :الحقنى يا مروان جاسر إبن عمك فى المستشفى وأنا رايحله ومفيش حد معايا تعالى يا بنى أنا مليش حد غيركم
مروان بخوف:ما تخفش يا عمى مسافة السكة وهكون عندك
