حسام شاف شبح
وحطيت الفلاشة في درج هدومي
وبعدين رجعت الصالة
لقيت حسام واقف قدام باب الأوضة
قال
نادية
أنا عايز نتكلم
قلتله
اتكلم
قال
أنا غلطت معاكي
بس مش للدرجة اللي إنتي متخيلاها
قلتله
إنت بتتكلم عن إيه
قال
عن كل حاجة
عن الشغل
عن سلمى
عن سلوى
أنا بصيتله
وقلت
يبقى احكي
حسام قعد على الكرسي
وحط إيده على وشه
وبعدين قال
أنا كنت أعرف سلمى قبل ما تتجوزي
وكان فيه موضوع فلوس
لكن أنا مكنتش السبب في موتها
أنا سكت
هو كمل
سلمى كانت بتضغط عليا
عشان أرجع لها فلوس
وأنا كنت بحاول أحل الموضوع
قلتله
فلوس إيه
قال
فلوس تخص جوزها
قلتله
وإنت كنت بتعمل إيه فيها
سكت
وبعدين قال
أنا كنت شغال معاه
في مشروع
لكن حصلت مشاكل
أنا قربت منه
وقلت
إنت بتكدب عليا
قال
نادية
أنا مش بكدب
قلتله
إنت من يوم ما اتجوزنا وإنت بتخبي حاجات
كل مرة كنت بسألك عن حاجة
كنت بتقوللي مفيش
دلوقتي بقى فيه
حسام سكت
وأنا كملت
أنا عايزة أسمع التسجيلات
قال
مش دلوقتي
قلتله
ليه
قال
عشان الولاد
بصيتله
الولاد ملهومش دعوة
إنت اللي ليك دعوة
إنت اللي لازم تجاوب
حسام قام
وقال
أنا هنام
قلتله
إنت هتنام
بعد اللي حصل ده
قال
أنا تعبان
ضحكت
وقلت
إنت تعبان
أنا اللي تعبانة يا حسام
أنا اللي بقالى شهور مش عارفة أنام
أنا اللي شايلة البيت والولاد
وإنت كنت بتسافر وتقوللي مش من حقك
حسام بصلي
وقال
أنا آسف
قلتله
الاعتذار مش هيحل كل حاجة
هو دخل الأوضة
وأنا فضلت في الصالة
بعد ساعة
سمعت صوت موبايله بيرن
كان سايبه على الترابيزة
بصيت للشاشة
رقم غريب
وبعدين وصلت رسالة
الرسالة كانت قصيرة
لكنها خلتني أحس إن فيه خطر حقيقي
لو نادية سمعت التسجيلات
