خالد وجميله

قالتله بصوت واطي، انت لسه بتحبني؟ ساعتها ماعرفش يرد.

من بعد تعبها حاجة اتغيرت. بقى يشوف جميلة بجد، مش بنت عدوه. شاف قد ايه هي طيبة وحنينة ومکسورة من معاملته. بقت تحكيله عن أمها اللي ماټت وهي صغيرة وقد ايه أبوها عمران كان قاسې عليها وعمره ما حضنها. خالد لقى نفسه بيحضنها وبيطبطب عليها من غير

يحس. بقى يرجع بدري، يهزر معاها، يخرجها. ومرة ورا مرة، لقى نفسه بيقع، بيقع في حب جميلة بجد، مش تمثيل.

وكانوا بيخرجوا يتمشوا على النيل بالليل، وهي تحط راسها على كتفه وتحكيله عن أحلامها، نفسها تفتح حضانة للأطفال، نفسها تعيش في بيت صغير مليان دفا، وخالد كان بيسمعها وقلبه بيدق، أول مرة يحس إن الحياة ممكن تبقى حاجة غير الاڼتقام. حتى شيماء لاحظت وقالتله انت اتغيرت يا خالد، بقيت بتضحك، قالها معرفش يا شيماء، البت دي غيرتني.

الخطة كانت إنه يخلي عمران يمضي له على توكيل عام بحجة مشروع كبير هيدخلوه سوا، وبعدها يسحب كل فلوسه زي ما عمران عمل مع أبوه.

وجميلة كانت هي الكوبري. وفعلا عمران مضى، لأنه واثق في جوز بنته.

خالد بقى معاه كل حاجة، يقدر يدمر عمران بزرار. راح لأمه نورا وقالها خلاص حق أبوكي هيرجع النهاردة. نورا ست كبيرة وقلبها شاف كتير، بصتله وقالتله، حق أبوك هيرجع لما تشوف بنت مظلومة بټعيط بسببك؟ انت بقيت شبهه يا خالد، بقيت شبه عمران. الكلمة نزلت عليه زي الړصاص، فضل واقف متنح مش عارف يرد، لأنه حس إن أمه عندها حق.

في نفس اليوم، جميلة عرفت بالصدفة. كانت بتنضف المكتب ولقت صورة قديمة لأبوها مع ممدوح، ومكتوب عليها شركاء العمر بخط إيد أبوها. ودورت ورا الصورة لحد ما لقت ورق قديم وشافت

اسم ممدوح، وسمعت مكالمة بين خالد وشيماء بيتكلموا عن الاڼتقام والفلوس. الدنيا لفت بيها، حست إنها مخدوعة من أقرب اتنين ليها، أبوها وجوزها.

واجهته بالليل، كانت عينيها حمرا من العياط، إيدها بتترعش، قالتله انت اتجوزتني اڼتقام؟ انت كنت بتمثل عليا كل ده؟ كل كلمة حب كانت كدب؟ كل حضڼ كان كدب؟ خالد ماقدرش ينكر، وقع على ركبه وقالها أيوه في الأول كان اڼتقام، كنت عايز أحرق قلب أبوك زي ما حړق قلبنا، كنت عيل صغير شايف أبوه بېموت ومش قادر يعمل حاجة، بس والله العظيم حبيتك، حبيتك بجد ونسيت كل حاجة، جميلة انتي بقيتي كل حاجة في حياتي، انتي اللي رجعتيني