خالد وجميله
بني آدم.
قالتله بزعيق ودموعها نازلة زي المطر، حب ايه؟ انت دمرتني، انت زيهم؟ لا انت أوحش، أبوي على الأقل كان بياخد فلوس، انت خدت قلبي وضحكت عليا. وسابته وجريت على بيت أبوها، سابت الفستان والصور وكل حاجة.
عمران لما شاف بنته مڼهارة وداخلة بټعيط، ولما خالد راح وراها وحكاله كل حاجة قدامه من غير ما يخبي، عمران اټصدم، وشه جاب ألوان وقال، ممدوح؟ انت ابن ممدوح؟ ممدوح أخويا؟ أنا ظلمته، أنا طول السنين دي ضميري بيوجعني كل يوم، كنت فاكر هعرف أصلح اللي عملته لما أجوز بنتي لراجل كويس ويتقي ربنا فيها، طلعت بلبسها في مصېبة تانية بسبب عمايلي السودة.
خالد واقف مصډوم، جميلة بصت لأبوها وقالتله يعني انت فعلا عملت كده؟ يعني انت فعلا خدت فلوس الراجل وسبت عياله يتشردوا؟ عمران بكى، بكى بجد زي العيل الصغير وقال أيوه، طمعت وخنته، وربنا انتقم مني وخلاني أعيش خاېف طول عمري وماليش حد يحبني بجد.
هنا خالد فهم إن دايرة الاڼتقام عمرها ما بتخلص. لو كمل، هيخسر جميلة، هيخسر نفسه، وهيبقى نسخة من عمران اللي كرهه طول عمره. الاڼتقام كان عامل زي السم، بېقت/ل اللي شايله قبل اللي رايحله.
مسك الورق والتوكيل اللي كان هيدمر بيه عمران وقطعه قدامه حتت صغيرة، قال لعمران أنا مش هاخد حاجة، حق أبويا عند ربنا، وحق أمي رجع لما شافتني برجع بني آدم، بس بنتك مالهاش ذنب. وبص لجميلة وقالها أنا عارف إني ماستاهلكيش، وأنا مستعد أطلقك لو ده هيريحك، بس لو تديني فرصة واحدة بس، هقضي عمري كله أصلح اللي كسرته، هبقى الراجل اللي تستاهليه بجد.
جميلة سكتت كتير، الدموع نازلة، بس شافت في عينه ندم حقيقي، شافت خالد اللي حبها بجد، مش خالد المنتقم. القلب كان بيقولها سامحي والعقل بيقولها لا. قالتله
امشي دلوقتي يا خالد، امشي وسبني أفكر، سبني ألم اللي اتكسر جوايا.
خالد مشي، وقعد أسبوع ماينامش، لا بياكل ولا بيشرب، قاعد في شقتهم لوحده بيبص لهدومها وبيشم ريحتها في المخدة، حاسس إن الشقة فاضية من غير ضحكتها. شيماء ونورا بقوا يزوروه كل يوم ويقولوله اصبر يا بني، الحب الحقيقي بيحتاج وقت عشان يغفر. حتى عمران بقى يتصل بيه ويقوله سيبها براحتها، أنا اللي هصلح كل حاجة.
لحد ما في يوم الباب خبط خبطة خفيفة، فتح لقى جميلة واقفة، لابسة عباية بسيطة، شنطتها في إيدها، وعينيها لسه وارمة بس بتبتسم ابتسامة صغيرة فيها أمل.
