محل فساتين
المصممة سألت بنتها سؤال واحد بس
قالت لها
انتي كويسة
العروسة قالت لا
مش كويسة
الفستان اتقطع على جسمي
والمديرة شدته بايديها
واللولي وقع على الأرض
وهي بتقولي انتي بوظتيه وهتدفعي 9 آلاف
مامتها سكتت ثانيتين
وبعدين قالت
روحي البيت
متعيطيش في الشارع
أنا جاية
العروسة روحت هي وصاحبتها المحامية
قعدوا في البيت
الايصال أبو 9 آلاف محطوط على الترابيزة
وصورة الفستان المقطوع على تليفون صاحبتها
والعروسة لابسة هدومها العادية بس حاسة انها عريانة
كأن حد قلعها ڠصب عنها في نص الصالة
بعد ساعتين
الباب خبط
مامتها دخلت
ست عندها 57 سنة شيك وطويلة وايديها كلها علامات ابر
من 40 سنة خياطة
دخلت شايلة شنطة كبيرة جلد
فيها مقص ومازورة ودبابيس
حطت الشنطة
بصت لبنتها
قالت لها وريني الايصال
العروسة ادتهولها
قريته
مدفوع تحت احتجاج .. المديرة
شدت الفستان
رفعت عينيها
قالت لصاحبة بنتها
انتي محامية
صورتي
قالت أيوه صورت الفيديو وصورت الفستان وهو مقطوع وصورت الايصال
قالت لها ابعتيلي كل حاجة
وبعدين بصت لبنتها
قالت لها قومي
قومي البسي حاجة حلوة
العروسة قالت ليه
قالت لها عشان هنرجع المحل
العروسة قالت مش هرجع
قالت لها مش انتي اللي هترجعي
أنا اللي هرجع
بس عايزاكي معايا
العروسة قالت يا ماما أنا تعبت
قالت لها عارفة
بس انتي قلتي هيبقوا 12
فاكرة
لو اللي حصل مع ال 11 حصل معاكي هيبقوا 12
دلوقتي بقوا 12
ولازم نروح نقفل العدد ده
لبسوا ونزلوا
الساعة كانت 9 الصبح تاني يوم
محل فساتين الفرح الفاخر لسه بيفتح
الورد الأبيض الفريش محطوط
السجادة العاجي مفروشة
النجف منور
ومديرة المحل واقفة بتشرب قهوة وبتبص في الموبايل
الباب اتفتح
دخلت ست سمرا شيك جدا
لابسة بدلة كريمي
ومعاها
بنتها اللي كانت هناك امبارح
ومعاها صاحبتها المحامية
المديرة أول ما شافت العروسة ضحكت
قالت ايه ده رجعتي تاني
مش قلتلك مترجعيش
المصممة بصتلها
قالت لها انتي المديرة
قالت أيوه
قالت لها أنا صاحبة الفستان اللي قطعتيه امبارح
المديرة ضحكت أكتر
قالت صاحبة الفستان
الفستان ده بتاع المحل
قالت لها لا
الفستان ده أنا اللي مصممماه
أنا اللي مخيطة كل لولية فيه بايدي
وأنا اللي مسمية الماجنوليا على اسم شجرة أمي
المديرة سكتت
بصت للست
قالت لها انتي مين
المصممة طلعت كارت
حطته على الكاونتر
مكتوب عليه
بيت أزياء الماجنوليا
المؤسسة والمديرة الإبداعية
المديرة وشها اتخطف
قالت انتي
انتي المصممة
قالت أيوه
أنا اللي نص المحل بتاعكم مفروش بفساتيني
أنا اللي عقودي معاكم فيها البند الرابع
احترام كل عروسة
فاكراه
ولا عمرك قريتيه
المديرة
بلعت ريقها
قالت أنا مكنتش أعرف انها بنتك
المصممة قالت ولو مكنتش بنتي
كنتي هتقطعي الفستان
