اخويا عزم خطيبته علي فرحي
قلبي اللي كان فرحان بأحمد، وكلام أمي وأختي اللي خلاني أشك في كل حاجة.وبعدها ماما دخلت الأوضة وقالت: — بكرة تكلميه وتقوليله كل حاجة نصيب، ونرجعله حاجته، وإحنا مش هنخليكي تضيعي عمرك مع واحد زي ده.قلت لها: — بس يا ماما، أدي له فرصة نتكلم!صرخت في وشي: — فرصة إيه؟
! إنتِ هتستني لحد ما تتجوزيه وتخلفي منه وتعيشي طول عمرك محرومة؟!في اللحظة دي، مسكت موبايلي وفتحت شات أحمد، وكتبت له: «أحمد، أنا حاسة إننا مش مناسبين لبعض، والأفضل ننهي الخطوبة بهدوء.»
فضلت باصة للرسالة، وإيدي بتترعش، ومش قادرة أدوس إرسال.
وفجأة، لقيت مكالمة داخلة من أحمد!رديت وأنا بحاول أخفي عياطي، فقال لي: — إزيك يا سارة؟ إنتِ نمتي ولا لسه؟قلت له بصوت مكسور: — لسه.سكت شوية، وبعدين قال: — مالك؟ صوتك متغير ليه؟ إنتِ بتعيطي؟حاولت أتهرب وقلت: — لا، مفيش حاجة.
قال بجدية: — سارة، أنا عارفك كويس، وإنتِ لما بتزعلي صوتك بيتغير. حصل حاجة بعد ما روحتي؟بصيت لماما لقيتها واقفة عند الباب بتشاورلي إني أقفل.لكن قبل ما أتكلم، أحمد قال جملة خلت قلبي يقف مكانه:
— بصي يا سارة، أنا كنت ناوي أقولك على موضوع مهم بكرة، بس واضح إن في حاجة حصلت، ولازم تعرفي الحقيقة من دلوقتي.قلت له بقلق: — حقيقة إيه يا أحمد؟ إنت خوفتني!رد بصوت هادي: — الخاتم اللي لبستهولك النهارده، إنتِ تعرفي تمنه كام؟قلت له: — لا، ومش فارق معايا تمنه أصلًا.
قلت له: — لا، ومش فارق معايا تمنه أصلًا.قال: — طب لو عرفتِ إن تمنه مش هو الحاجة الوحيدة اللي مخبيها عنك، هتفضلي شايفاني بنفس الطريقة؟اتسمرت مكاني، وماما وأختي قربوا مني عشان يسمعوا المكالمة.قلت له: — إنت تقصد إيه؟ في إيه يا أحمد؟!
سكت ثواني، وبعدها قال: — بكرة الصبح هاجي أنا وأبويا عندكم، ومعايا حاجة لازم مامتك وأختك يشوفوها بنفسهم… وبعدها إنتِ اللي هتقرري تكملي معايا ولا تفسخي الخطوبة.وقفل المكالمة!بصيت لماما، لقيتها بتقول بثقة: — أهو اتكشف على حقيقته! أكيد عرف إنك هتفسخي الخطوبة وبيحاول يخوفك.
لكن الغريب إن أختي منى كانت ساكتة، ووشها اتغير، وعينيها فضلت معلقة بالخاتم اللي في إيدي.وفجأة، قالت بصوت واطي: — سارة… هو أحمد يعرف إنك فتحتي شنطتك قدامي؟استغربت وقلت لها: — أيوه، ما إيه علاقة ده بالموضوع؟بصتلي بخوف وقالت: — طب والخاتم… إنتِ متأكدة إنه هو اللي جابهولك؟
