مرات أخو جوزي بصت للديك الرومي اللي وزنه عشرة كيلو اللي قعدت خمس ساعات أجهزه وقالت بتريقة شكله ناشف أنا مكنتش حتى قلعت البالطو وبعدها بشوية حماتي اتنهدت وقالت اهو هنقضي بيه وخلاص بعد سبع سنين بحاول أخليهم يحبوني زهقت شيلت الصينية وقلت بهدوء لو مش عاجبكم هاخده أوديه عند أمي جوزي نادى اسمي وكان مستني إني أقف بس لأول مرة في جوازنا سبت عشا عيلة جوزي في عيد الشكر ومشيت وسبته واقف هناك اللي حصل بعدها بتلات ساعات خلاني أفهم إني كنت بحاول أرضي الناس الغلط طول الوقت الديك ده شكله ناشف أوي كانت أول جملة قالتها مرات أخو جوزي لما وصلت بيت أهل جوزي يوم عيد الشكر لا سلام ولا أهلا ولا حتى تعالى أساعدك انتقاد على طول كنت لسه لابسة البالطو وبحاول أمسك صينية الشوي الكبيرة اللي داخلة بيها كنت قاعدة خمس ساعات بجهز الديك وقعدت أربعين دقيقة سايقة بيه عبر البلد ولفاه بتلات فوط تخينة عشان يفضل سخن قلت بأدب ده لسه متقطعش متقدريش تعرفي غير لما تقطعيه ادتني ضحكة صفرا ورجعت ترص السفرة فضلت واقفة مستنية حد يقولي شكرا على المجهود اللي عملته محدش قال عندي أربعة وتلاتين سنة بشتغل أخصائية علاج طبيعي ومتجوزة بقالى سبع سنين عندي ابن عنده أربع سنين وطول فترة جوازي كنت بحاول أموت نفسي عشان أبقى مقبولة في عيلة جوزي أهله ساكنين في بيت طوب شكله حلو ببلكونة واسعة وأخته محامية ناجحة ودايما عندها كلام ذكي بس يسم البدن من بره شكلهم عيلة دافية ومحترمة بس إني أكون مرات ابنهم كان مرهق جدا حماتي بتنتقد كل حاجة ساعات ركنت العربية قريب من الجنينة بتاعتها ساعات جزمة ابني مش مناسبة مرة قالتلي كده عادي إن شكلي كان أحلى وشعري قصير كل ما أشتكي لجوزي كان بيرد نفس الرد هي ماما كده بتتكلم متاخديش الموضوع شخصي حاولت ماخدوش شخصي بس سبع سنين انتقادات صغيرة خلتني أتهد حتة حتة بقيت مقتنعة إن لو طبخت أحسن أو جبت هدايا أحلى أو حاولت أكتر ممكن أخيرا يقدروني من سنتين حمايا قال إنه مفتقد فطيرة اللحمة بتاعة أمه دورت على الوصفة المكتوبة بخط إيدها عند قرايبهم وجبت مكونات مخصوصة وقعدت أسابيع أتمرن على العجينة لما قدمتها أخيرا حمايا خد حتة واحدة قال محتاجة قرنفل أكتر ومكملش طبقته حماتي اتهمتني إني جايبة العجينة جاهزة من بره قلتلها أنا اللي عاملاها مصدقتنيش عدت كلامي مرتين وحسيت إني عبيطة روحت البيت اليوم ده بدل ما أبقى فخورة باللي عملته قعدت أفكر إزاي أحسن الوصفة ورغم كل ده فضلت أحاول قبل عيد الشكر بأسبوع جوزي سألني ممكن أعمل الديك قال فرن ماما بايظ ممكن انتي تعملي الطبق الرئيسي وافقت على طول كنت طلبت ديك اتنين وعشرين رطل يعني عشرة كيلو من عند جزار عشان مكنش بيدخل التلاجة اضطريت أحطه في محلول في آيس بوكس كبير في الجراج ابني كان عيان الأسبوع اللي قبله وكنت متأخرة في الشغل كنت مهدودة قبل حتى ما ييجي عيد الشكر ومع ذلك صحيت الساعة خمسة الصبح تبلت الديك وراقبت الفرن وسقيته كل أربعين دقيقة وقست حرارته كنت عايزة كل حاجة تبقى مظبوطة على ما حملنا الديك في العربية يدوب لحقت أجهز نفسي بس كنت فخورة بيه جلده متحمر وجميل والمطبخ كله ريحته حلوة قلت أكيد المرة دي مش هيلاقوا حاجة ينتقدوها وبعدين مرات أخو جوزي فتحت بقها شكله ناشف بلعت خيبة الأمل بتاعتي جوزي كان بيفتح النبيت ومش واخد باله من التوتر فكرت نفسي معملش مشهد بعدها بعشر دقايق حماتي دخلت المطبخ بصت للديك وميلت راسها واتنهدت بخيبة أمل قالت اهو هيمشي حاله وخلاص بصتلها قعدت ساعات أطبخ أهم حاجة في عشا عيد الشكر بتاعها محدش شكرني وفوق ده كله بيتعاملوا معايا كأني خذلتهم في العادي كنت هعتذر كنت هشرح طريقة الطبخ أو أوعد إن السنة الجاية هعمل أحسن بس حاجة جوايا أخيرا اتغيرت قلت بهدوء لو هيمشي حاله وخلاص يبقى أخده مكان تاني أحسن حماتي كشرت قالت بتقولي ايه قلتلها أمي عندها ضيوف النهاردة وأكيد هتقدر ديك طازة معمول حالا مرات أخو جوزي بصت جوزي بطل يفتح النبيت وبعدين مسكت الصينية حماتي بصتلي كأني مش مصدقة قالت انتي بجد هتاخدي عشا عيد الشكر بتاعنا شيلت الديك التقيل قلت أنا اللي اشتريته وجهزته وطبخته لو محدش عايزه هلاقي اللي عايزه جوزي قال اسمي بتحذير عرفت النبرة دي معناها المفروض أهدى ومحرجش عيلته سبع سنين النبرة دي كانت بتجيب نتيجة بس خلاص شيلت الديك وخرجت من باب الشقة حمايا كان بيشرب سېجارة في البلكونة ومبصليش حتى دراعي كان بيترعش وانا نازلة السلم بس قدرت أحط الصينية في الكرسي اللي ورا وبعدين ركبت العربية لحظة قعدت أبص للبيت حتة مني كانت مستنية جوزي يجري ورايا يعتذر يقولي خليكي بس الباب فضل مقفول جوزي فضل جوه مع عيلته وديك عيد الشكر بتاعهم ماشي معايا دورت العربية لأول مرة من سبع سنين مش هقضي عيد تاني وأنا عاملة نفسي مش موجوعة من إهانتهم وانا سايقة ناحية شقة أمي الموبايل بدأ يتهز اسم جوزي بينور على الشاشة مردتش معرفش عيلته هتقدم ايه في عيد الشكر بس لأول مرة حل مشكلتهم مش هيبقى مسؤوليتي أنا وعندي احساس إنهم مش هيقدروا الحقيقة دي زي ما أنا قدرتها مردتش على الموبايل وهو عمال يرن رن مرة واتنين وعشرة وبعدين رسايل ورا بعض انتي بتهزري ارجعي حالا انتي أحرجتيني قدام أهلي انتي عارفة الديك ده كان أهم حاجة مردتش برضه كنت سايقة والديك ورا ريحته مالية العربية وريحته حلوة ومتحمر وجميل وشكله ناشف قال يعني وصلت عند أمي أمي ست كبيرة قاعدة لوحدها من ساعة أبويا ما ماټ وكانت عاملة عشا صغير على قدها هي وجارتنا اللي جوزها مسافر وابنها أول ما لمحة نيوز فتحت الباب وشافتني شايلة الصينية اللي عايزة اتنين يشيلوها وشايلة البالطو ووشي مقلوب قالت مالك يا بنتي في ايه قلتلها مفيش جبتلكم عشا عيد الشكر قالت عشا ايه انتي مش المفروض عند أهل جوزك قلتلها كان المفروض دخلت الصينية المطبخ وحطيتها على الرخامة جارتنا قالت الله ده ريحته تقلب الدنيا انتي اللي عاملاه قلت آه قعدت فيه خمس ساعات من خمسة الصبح أمي قربت ولمست الجلد بتاعه وقالت متحمر زي الدهب ايه اللي خلاكي تسيبيه وتمشي حكيتلها قلتلها أول كلمة سمعتها شكله ناشف وانا لسه بالبالطو وتاني كلمة اهو هيمشي حاله وخلاص أمي سكتت شوية وبعدين قالت ياه بقالك سبع سنين بتجري ورا رضاهم قلتلها خلاص تعبت قالتلي طب جوزك فين قلتلها جوه معاهم سايبني أخرج بالديك ومجاش ورايا أمي قالت طب اقعدي قعدنا احنا التلاتة نقطع الديك أول ما قطعناه العصارة نزلت منه واللحمة طرية وبتدوب جارتنا قالت ناشف ايه ده ده عمره ما يبقى ناشف ده دايب دوب أمي داقت حتة وقالت تسلم ايدك يا بنتي ده أحلى ديك أكلته في حياتي عيطت عيطت عشان بقالي سبع سنين مستنية كلمة تسلم ايدك ومحدش قالها وامبارح بس لما خدت الديك ومشيت أول مرة حد يقولي تسلم ايدك قعدنا كلنا أنا وأمي وجارتنا وابنها الصغير وابني اللي كنت سايباه عند أمي الصبح قبل ما أروح بيت أهل جوزي ابني قال الله يا ماما الديك ده كبير أوي قلتله آه يا حبيبي كله ليك أكلنا وضحكنا وشغلنا أغاني والموبايل لسه بيرن جوزي وبعدين حماتي وبعدين مرات أخو جوزي مردتش على حد بعدها بتلات ساعات زي ما القصة بتقول الساعة كانت داخلة على خمسة المغرب الباب خبط فتحت لقيت جوزي شكله متلخبط ووشه أحمر من البرد قال لي ممكن أدخل أمي بصتلي قلتلها دخليه دخل وقعد على الكرسي وبص للصينية اللي فاضل فيها نص الديك قال لي انتي عارفة اللي حصل بعد ما مشيتي قلتله لا ومش عايزة أعرف قال لي لا لازم تعرفي قال بعد ما مشيتي أمي دخلت المطبخ لقت مفيش طبق رئيسي كانت عاملة شوية رز وشوية سلطة بس كانت معتمدة عليكي في الديك مرات أخويا قالت خلاص نطلب أكل من بره أمي قالت لا مينفعش عيد الشكر من غير ديك اتصلت بجوزي وقالتله مراتك بوظت العيد جوزي سكت وبعدين قال أنا اللي بقيت قاعد في النص أبويا قال كلمتين قال الراجل اللي مننا قال بنت الناس جايبة الديك من خمسة الصبح وانتو أول كلمة تقولوهالها شكله ناشف ما طبيعي تمشي بيقول أول مرة أشوف حمايا بيتكلم حماتي سكتت مرات أخويا قالت هي حساسة زيادة حمايا قال لا انتو اللي لسانكم طويل بقالكم سبع سنين أنا كنت قاعدة بسمع قال لي وبعدين أبويا قام لبس الجاكيت وقال أنا رايح أتعشى عند أختي ومشي أمي فضلت ټعيط وتقول العيد باظ وأنا قمت ومشيت ورا أبويا قلتله مش هقدر أقعد في مكان واحدة تعبت وجابت الأكل ومشيتوها بكلمة قال لي يعني انتي سبت العيلة يوم العيد قلتله أيوه عشان انتو سبتوها الأول جوزي بيحكي وعينه في الأرض قال لي أنا عرفت إني غلطت لما ناديت اسمك بالنبرة دي كل مرة كنت بعمل كده وكنتي بتسكتي المرة دي لما مسكتيش عرفت إني كنت باجي عليكي كتير قلتله بقالك سبع سنين بتقولي ماما كده بتتكلم متاخديش الموضوع شخصي سبع سنين وانا كل مرة باركن غلط وشعري غلط وجزمة ابني غلط وطبيخي ناقص ملح وانت كل مرة تقولي معلش قال لي عندك حق قلتله انت عارف أنا ليه فضلت سبع سنين أحاول عشان كنت فاكرة لو حبوني هيحبوك انت كمان أكتر وبيتنا هيبقى هادي بس طلع العكس كل ما أجي على نفسي انت بتيجي عليا أكتر سكت وبعدين قال لي طب هترجعي معايا قلتله أرجع فين مفيش ديك خلاص نصه اتاكل هنا قال لي مش قصدي الديك قصدي ترجعي معايا البيت قلتله لا أنا هبات عند أمي الليلة وابني هيبات معايا وانت روح صالح أهلك ولو عايز عشا اطلب دليفري قال لي طب والديك قلتله الديك ده اللي قلتو عليه ناشف ويمشي حاله أهو اتاكل كله واتقال عليه تسلم ايدك أول مرة من سبع سنين بص للطبق وقال فعلا شكله مش ناشف خالص ده شكله حلو أوي قلتله عشان لما حد يعمل حاجة بحب بتبان قعد شوية وبعدين قام قال لي أنا هروح بس عايزك تعرفي إني لأول مرة حسيت إني كنت سايبك لوحدك بقالك كتير قلتله لسه بدري عشان تحس بس كويس إنك حسيت مشي بعد ما مشي أمي قالتلي برافو يا بنتي أنا كنت خاېفة تضعفي وترجعي معاه بنفس الديك قلتلها لا خلاص اللي يشوف تعب خمس ساعات ويقول ناشف قبل ما يدوق ميستاهلش ياكل منه تاني يوم الصبح جوزي بعتلي رسالة طويلة قال إنه اتكلم مع أهله وقالهم بعد كده أي كلمة هتقال لمراتي هتتقال باحترام يا إما مش هنيجي تاني وإن حماتي عيطت وقالت مكنتش أقصد ومرات أخو جوزي بعتتلي رسالة قالت أنا آسفة مكنتش أعرف إنك تعبتي أوي كده مردتش في ساعتها سبتهم يومين وبعد يومين روحت البيت لقيت جوزي جايب ورد وابني بيجري عليا وجوزي قال لي كل سنة وانتي طيبة يا ست أحلى ديك في الدنيا ضحكت قلتله مش كل سنة بقى كفاية ديك واحد في العمر ومن ساعتها بقيت أروح عند أهل جوزي بس بمزاجي أعمل اللي أقدر عليه وبس واللي مش عاجبه يقوم هو يعمل وبطلت أستنى كلمة شكرا من حد مش شايف تعبي عشان اللي شايف تعبي بجد هو اللي قال لي تسلم ايدك أول ما داق حتى لو كان ديك وزنه عشرة كيلو واتقال عليه ناشف قبل ما يتقطع بعد ما رجعت البيت كنت فاكرة إن الموضوع خلص على وردة وكلمتين حلوين بس الحقيقة إن اللي انكسر في سبع سنين مش بيتصلح في يومين أول جمعة بعد عيد الشكر حماتي عزمتني أنا وجوزي وابني على الغدا جوزي قالي روحي عشان خاطري أمي عايزة تصالحك لبست ابني وروحت وأنا شايلة كيكة صغيرة عملتها في البيت دخلت البيت لقيتها عاملة سفرة كبيرة بس أول ما شافتني قالت ايه ده انتي جايبة كيكة جاهزة قلتلها لا أنا اللي عاملاها بصتلي كده وقالت آه زي الديك اللي عملتيه فهمت إنها لسه زي ما هي مفيش حاجة اتغيرت قعدنا ناكل وابني بيلعب في الأرض وقع كوباية مية حماتي قالت بصوت عالي هو انتي مش بتعلمي ابنك يمسك الحاجة عدل قبل كده كنت هتكسف وأقوم ألم المية وأعتذر المرة دي قلت بهدوء ده طفل عنده أربع سنين بيوقع عادي وسبت المية مكانها لحد ما هي قامت مسحتها مرات أخو جوزي كانت قاعدة وبتبصلي كأني واحدة جديدة قالتلي بصراحة انتي اتغيرتي أوي بعد موضوع الديك قلتلها لا أنا متغيرتش أنا رجعت لطبيعتي اللي كنت ناسياها أنا كنت طول الوقت بقول حاضر ونعم عشان أرضيكم دلوقتي بقول اللي يريحني سكتت بعد الغدا حمايا ناداني في البلكونة قال لي تسلم ايدك على الديك يا بنتي أنا دقته استغربت قلتله دقته فين قال لي ابني جوزك جابلي طبق تاني يوم من عند أمك وقالي دوق يا بابا الديك اللي قالوا عليه ناشف دقته وكان طري وجميل قلتله بجد قال آه وقالي كمان إنك قعدتي من خمسة الصبح تعمليه قلتله أيوه قال لي أنا آسف يا بنتي أنا كنت ساكت طول السنين دي وشايف مراتي وبنتي بيتكلموا عليكي بطريقة وحشة وكنت بقول عشان المركب تمشي بس يوم ما شيلتي الديك ومشيتي عرفت إن المركب كانت ماشية على حسابك انتي بس عيطت أول مرة حمايا يقولي كلمة حلوة قال لي متزعليش منهم هما اتعودوا على كده وانتي اللي عودتيهم إنك تسكتي دلوقتي لما بطلتي تسكتي هيتعودوا ڠصب عنهم رجعت البيت وانا حاسة إن في حد واحد على الأقل فهمني بعدها بشهر كان عيد ميلاد حماتي كل سنة كنت أنا اللي أجيب التورتة وأجيب هدية غالية وأعمل شعرى ومكياج وأروح بدري أساعدها في المطبخ السنة دي جوزي قالي هتعملي ايه قلتله مش هعمل حاجة لو عايزة تروح روح انت وابنك أنا عندي شغل قالي طب والتورتة قلتله خلي بنتها المحامية الشاطرة اللي بتعرف تقول شكله ناشف تجيبها زعل بس راح رجع بالليل قالي أمي كانت زعلانة إنك مجيتيش قلتله كانت زعلانة ولا كانت مستريحة عشان مفيش حد تنتقد لبسه وشعره وجزمة ابنه سكت بعدها باسبوع حماتي اتصلت بيا أول مرة من سبع سنين تتصل بيا لوحدها من غير ما جوزي يكون في النص قالتلي عاملة ايه قلتلها كويسة قالتلي انتي زعلانة مني قلتلها لا مش زعلانة أنا بس بطلت أستنى حب من مكان مفهوش حب قالتلي أنا عمري ما كرهتك أنا بس كنت عايزاكي تبقي أحسن قلتلها أحسن لمين ليكي ولا ليا أنا كنت باجي بلبس اللي انتي عايزاه وأعمل شعري اللي انتي عايزاه وأطبخ اللي انتو عايزينه وبرده مكنش عاجب قالتلي طب نبدأ من جديد قلتلها نبدأ من جديد ازاي قالتلي يعني تيجي تتغدي عندي الجمعة الجاية وأنا هعمل الأكل كله وانتي متعمليش حاجة ضحكت قلتلها ماشي هاجي بس مش هعمل حاجة فعلا ويوم الجمعة روحت لقيتها عاملة فراخ مش ديك قالتلي عشان عارفة إن الديك بتاعك أحلى ديك دقته في حياتي ومش هعرف أعمل زيه كانت أول مرة تقول على حاجة عملتها إنها حلوة قعدنا وكلنا والمرة دي لما ابني وقع الكوباية هي اللي قامت بسرعة وقالت معلش يا حبيبي ولا يهمك بصتلي وضحكت فهمت إنها بتحاول مش بقت ملاك يعني لسه بتنتقد بس بقت بتحاول تمسك لسانها ومرات أخو جوزي بقت لما تشوفني تقولي تسلم ايدك مقدما قبل ما أدوق الأكل حتى عشان خاېفة أقولها هاخده وأمشي وجوزي بطل يقولي ماما كده بتتكلم بقى يقولها قدامي يا ماما لو سمحتي متقوليش كده لمراتي الكلمة دي كانت بالنسبة لي أحلى من تسلم ايدك عشان طول سبع سنين كنت مستنية جوزي يقف جنبي مش يقولي معلش والديك اللي وزنه عشرة كيلو اللي اتقال عليه ناشف علمني درس عمري ما هنساه إن اللي بيستحمل كتير مش طيب اللي بيستحمل كتير بس خاېف يمشي ولما تمشي مرة واحدة الناس كلها هتعرف قيمتك حتى لو بعد ما تمشي بتلات ساعات
