دموع السيف ٥ هايدى الصعيدى
بعد شويه رجع حسين وفضل مع دموع ساعتين بيراضي فيها وحطلها المرهم واللزق وسمع منها كل الي حصل و غمضة عنيها ونامت من غير كلام حسين فضل قاعد جمبها لحد العصر مستنيها تقوم عشان يطمن عليها … وفي الوقت دا كانت ندا خلصت شغل وطبعا راحت علي دموع على طول عشان تعرف مجتش ليه الشغل انهارده.. واول ما خبطت وفتحلها حسين وشافها نفخ وقال
: هي كده كملت هو اليوم كان نقصك انتي كمان
ندى بابتسامه سمجه
: الله يسلمك يا حسين باشا طبعا هتفضل ادخل امال انا جايه ليه
5
قالتها ببرود وتخطتته ودخلت الشقه حسين رزع الباب وراه ومسك الفون ورن ع اجواز اخواته
: خمس دقايق ولقيكم تحت عند امي
والا وربي هرتكب جناايه انهاردة
اما ندي اول ما شافت منظر دموع جريت عليها بخضه
: ايه يا بت اللي عمل فيكي كده… هو مد ايده عليكي تاني اللي ما يتسما وديني لوريه
: لا لا استنى و اهدي بس مش حسين والله اللي عمل فيا كده…اقعدي وانا هحكيلك اللي حصل..
حسين سمعهم وبعصبيه فتح باب الشقه ونزل ورزع الباب وراه
قعدت دموع تحكي لندي اللي حصل بالتفاصيل وندي اتجننت وصوتها عالي وقعدت تشتم وتسب فيهم وسيف ضحك علي طريقتها وقال في عقله دي فعلا الي كانت هتسلك مع جوز العقارب مش دموع وهو سامعها من الشقه التانيه الي كل شباك فيها ف وشه شباك من شقة سيف …
ندي وقفت بغضب : وديني ما هاسبهم يا انا يا هما ريا وسكينه ولاد الكلب انتي ازاي محبستهمش ونيمتيهم علي البورش ولاد الوسخه دول
5
دموع مسكت ايدها : اقعدي بالله مش قادرة اقف ومش قادرة اتخانق ومش قادرة اتكلم اصلا وبغصه ..بصي خديني ف حضنك وبس
هو ده كل الي انا محتجاله دلوقتي
ندي الدموع لمعة ف عنيها وحضنت صحبتها بحزن وهي بتدعي من قلبها ربنا يهون عليها …
نزل حسين وخبط علي امه وفتحت له وهي عمله نفسها زعلانه : ايه لسه فاكر ان ليك ام تسأل فيها بعد ما رضيت السنيورة
حسين بغضب : اماااااه شغل التلت ورقات ده فكك منه انا عرفت كل الي حصل ف بلاش نلف وندور علي بعض ومسمعتش منها بس لا ده انا كماان شوفت بعيني…. و سيبكككككك من ده كلو انا مراتي لو غلطت ليها راجل
يترد عليه مش يروحوا هما يضربوها كأنها متجوزة سوسن بس وديني الي هتعتب باب شقتي تاني لكون قاطع رجلها ومحدش يدخل فيكم وانتي اولهم ف حياتي تاني كفااية اوي الي انتو عملتوه ..
5
