دموع السيف ٥ هايدى الصعيدى
دموع ضحكت برقه سيحت الي قاعد بيدخن وباله معاها
: اعملي اي حاجه يا ندي مش شرط عصير يعني
ندي شغلت الكاتيل عشان تعمل نسكافيه وبسخرية
: احمدي ربنا يا دودو سابوا الشاي والسكر عااالم اوباش
دموع ابتسمت بهدوء وهي مرتاحه نفسياً وبتشم ريحة الشقة براحه ..
……
تحت عند حسين طلع بعصبيه وقفل الباب وراه بعد ما نفض رايا وسكينه علقه هيفضلوا شهر يتعالجوا منها وهو بيقفل الحزام وخبط ف مالك الي دخلت من باب العمار عشان تطلع لدموع وبلمت مكانها
وتاهت ف ملامحة الرجوليه الخشنه وعروق ايديه ورقبته النفرين من القميص المتشمر وزرايرة المفتوحه وفتحت فمها بزهول ..
6
حسين بخشونه ونرفزة : هتفضلي متنحه كده كتيير اوعي من وشي عايز اطلع
ملك قفلت فمها بصدمه وبلعت ريقها بتوتر وبقت تروح كده حسين يروح كده وفضلت يمين وشمال كل ما حسين يروح اتجاه هي تروح قدامه ..
حسين بعصبيه : انت يا بت اهمدي ف مكاان قرفتيني اوووعي كده
وزحها بايده علي جامب وخرج يدب ف الارض وملك حطت ايدها علي قلبها بخوف وطلعت الدور التالت زي ما ندي وصفت لها وخبطت علي باب الشقه بتوتر
فتحت لها ندي وسلمت عليها ودخلوا مع بعض لدموع الي استقبلتها بالاحضان
ندي بستغراب : ماالك يا بت مش علي بعضيك ليه
ملك بخوف : قبلت واحد وانا دخله كان حلو موت لحد ما فتح بوقه من بعديها عينك ما تشوف الا النور غسلني.. غشيم غشومية تخوف .
1
دموع حطت ايدها على وشها بخجل وندي ضحكت بسخرية : لا ده حسين باشا الطرنش بتاعنا وزوج المرحومه
1
وهي بتشاور علي دموع
دموع بحنق : اخص عليكي يا ندي حسين طرنش
1
ندي بنرفزة : وبالنسبه للمرحومه دي مزعلتكيش وبعدين انا فعلا غلطانه ده مش طرنش ده بلاعة عمومي دي بتقولك غسلها وهو ميعرفهاش اصلا
دموع ضحكت : حقك عليا انا يا كوكو هو بس متنرفز حبتين
ندي تمتمت بسخرية وسكتت هتعمل ايه صحبتها ف عالم موازي اصلا .
قعدو البنات يدردشوا مع بعض لحد ما فتحوا موضوع طلاق ملك ..
دموع بهدوء : بس انا حبة اقولك مش معني انك مطلقه ان حياتك تقف علي كده انتي لسه صغيرة وزي القمر وقدامك المستقبل طويل ..وكتير يتمنوكي يا لوكه
ملك بحزن : انا مش علي كتير ولا قليل يا دموع انا نفسيتي ادمرت وكرهت كل الرجاله بعد اللي شوفته انا كنت بتعذب وبتهان وبتضرب وبعاني مع راجل مريض اكبر مني بعمر وكل دا وانا يدوبك عندي ١٨ سنه وف الاخر طلعت انا المعيوبة وانا الي مش بخلف ورماني زي الكلبه لما اعترضت علي كلامه وقلتله العيب منك مش مني انا كشفت كذا مره روح انت اكشف وراني الويل وهو بيقولي انتي بتقوليلي اني مش راجل يعني
