دموع السيف ٥ هايدى الصعيدى

دموع بضحكه : الصورة دي كنا في الملاهي وكان جيبلي غزل بنات

ملك شافت الصورة وهو حضنها بتملك وحاطت رجل ع رجل ودموع بتبصله بحب وغصب عنها اتحصرت علي وردة شبابها
الي اتقطفت ف عمر بدري لسه مكملتش العشرين مع راجل قد ابوها موتها بالحياة

ندي وقفت : طب يلا بقا يا كوكو نشوف خالتك احسن زمانها خلصت الغدا لوحديها

ملك اومأت وهي لسه بتقلب ف صور دموع وحسين ..

ودموع مبتسمه لها بحب مفكره انها خرجتها من المود متعرفش انها دخلتها عالم الاوهام ..

وسمعوا باب الشقه اتفتح وحسين داخل بيتنحنح ندي ودموع وقفوا وملك قامت منفوضه وتوترت لما سمعت صوته وحست بيه بيقرب ..

دموع بهدوء : تعالي يا حسين سلم علي ملك بنت خالة ندي

حسين رما المفتاح ع جمب : اهلا وسهلا

وبص ع ملك بتهكم : سبحان الله دي بنت خالتك ازاي

ندي ببرود : قصدك ايه يا حسين

حسين : قصدي ايه اللي جاب الهبل لخبث الافاعي

ندي اتخصرت والحاجب اترفع: افاااااعي

حسين بسخرية : بالظبط اهو هو ده عليكي نور

ودخل اوضته ..

ندي بنرفزة اومأت : ماشي ماشي يا حسين يلاا يا ست الهبله خالتك زمانها خلصت المحشي انا جوعت يلا بدل ما ارتكب جناايه ف ابن الافعي الي دخل

ملك ضحكت هي ودموع : تصدقي وانا كمان جعاانه اووي

ندي وهي معاها ع باب الشقه : ابعتلك محشي

دموع : تؤتؤ ماليش نفس اكل محشي ..اممم نفسي ف بيتزا

ندي : خشي نامي يا دموع علي اساس اني سيحس باشا هيجبلك بيتزا
5

ملك : وليه لاء تطلب منه وهو اكيد مش هيتأخر مع دودو القمر

دموع حضنته : حببتي حببتي ..

ودعتهم من ع الباب وندي حضنتها وبخفوت قالتلها

: انا سبتك تعيشي نفسك الوهم وتضحكي علي نفسك بالكلام وهعمل نفسي مصدقة حوديت الف ليله وليله بس على الاقل زي ما كنتي بينتي لها اني الحياة وردي كان لازم تعرفيها ان كل العلاقات فيها
مشاكل وشد وجزب اه مش زي حياتها
بس عشان منصعبهاش عليها .

دموع دخلت وهي بتفكر في كلام ندي ولمت الكبايات مكان ما كانو قعدين بشرود ونضفت وراهم ..

حسين دخل عندها المطبخ : اعمليلي لقمة اكلها

دموع اومأت بشرود ووقفت تحضر عشا خفيف وهي مش عايزة تبين لحسين انها مرضية وان رضها مش بسهولة الدور ده زي ما هو متوقع ..

حطت لحسين العشا وسبته ودخلت تاخد شور دافي عشان تخفف اللآم جسمها بسبب الضرب ..

سيف سمع دموع وهي ع الباب وبتقول انها نفسها ف بيتزا وكان لسه راجع من عند يوسف وبيخلع الشوز بتاعه وراه الباب