دموع السيف ٥ هايدى الصعيدى

: ماشى يا حسين بقا بتطردنا احنا وامك عشان خاطر المحروسه… منغير ما تعرف حتى عملت ايه

امه : حصره عليك يا دكري… سحرتلك بنت حسنيه خلتك علي اخر الزمن تطرد امك واخواتك
5

: ماشى يا خويا سيبنهالك انت ومراتك وحسبي الله ونعم الوكيل

فضلوا يبرطموا لحد ما خرجو ورزعوا باب الشقه وراهم وهو مش راضي يرد عليهم وكلن بيبصلهم بغضب لحد ما خرجوا ونظراتوا اتغيرت وهو بيبص لدموع بحزن وتعاطف معاها دموع اللي كانت بصاله بصدمه واول ما قرب منها وحط اديه عليها راحت زقه اديه وهي بتقول بقهر

: هو دا اللي قدرت عليه…طردتهم وبس كده وخلصت الحكايه

: اهدى يا دموع انا عارف ان معاكي حق.. بس صدقيني انا مش هسكت انا هخلي كل وحده فيهم جوزها يحاسبها

قالها وهو يحاول يقرب منها راحت دموع زقاه تاني وهي بتقول.

: لا والله!!!؟؟؟… وانا هستفاد ايه لما كل واحده جوزها يتخانق معاها فين حقي اللي هيبقا جهه

: يعني عايزه ايه يا دموع مش فاهممم.. عايزني امسك في اخواتي وامي اعجنهم قدامك عشان ترتاحي وحقك يبقا جهه

دموع وهي رايحه اتجاه باب الشقه

: لا خلي عنك انا هعرف اجيب حقي كويس… وديني لبيتهم في الحجز الليلادي… انا هنزل دلوقتي بحالتي دي أعملهم محضر في القسم

: استهدي بالله بس يا دموع قسم ايه ومحضر ايه من امتى واحنا بتوع الكلام دا… اهدى بس يا بت الناس وانا هنفذلك كل اللي انتي عايزاه

وقفت دموع قدامه بصتله في عينه وقالت

: اخواتك وامك ميدخلوش الشقه دي تاني طول ما انا عايشه ولا يتدخلوا ف حياتنا تاني ولا تسمعلهم ولا لينا علاقة بيهم تاني يا كده يا اما هنزل اعمل المحضر واللي يحصل يحصل حتى لو هطلق فيها
5

حسين بصلها لقها في وضع مش هتبقل في النقاش ومش هتقابل تنفذ غير اللي في دمغها وبصراحه هي معاها حق

: ماشى يا دموع انا هعملك كل اللي انتي عايزاه بس اهدى وادخلي خدي دش دافي عقبال ما اوصل الصيدليه اجبلك مرهم للكدمات دي ولازق طبي عشان الجروح اللي في جسمك … وبالمره وانا طالع هعدي على امي ابلغها بالكلمتين دول اللي اتفقنا عليهم
5

اومأت دموع ودخلت الحمام وهي لسه دموعها على وشها وكمان بسبب جسمها المتكسر

ونزل حسين… وكل دا وسيف كان واقف من اول الموضوع وكان مبسوط اوي وبيشجعها في سره لما قالت هتنزل تعمل محضر بس رجع اتعصب لما لقا انه عرف يسكتها ويخليها تتراجع وتعصب اوي من دموع وقفل الشباك ودخل
5