دموع السيف ٦ هايدى الصعيدى

: متقلقيش يا أمي دلوقتي الدكتور يطلع ويطمنا

: كلمت اخواتك انا خايفه يسمعوا الخبر من برا مع ان تميم خد كل الإجراءات اللازمة بس الاخبار بتتسرب

: كلمتهم متقلقيش وجايين في الطريق

وقبل ما يخلص جملته كان وصل فارس وياسمين اللي جريوا على امهم حضنوها وياسمين انهارت هي ومها في البكاء اول ما حضنو بعض

وتميم في اللحظه دي مقدرش يشيل عينه من على ياسمين… وقلبه وجعه عليها كان نفسه في اللحظه دي يخدها في حضنه ويواسيها لكن ما باليد حيله تنهد بهم وقلب مكسور ومتالم بسبب بكاها ونزل يجبلها مايه او عصير بعد ما شفها قعدت علي الكرسي بتعب وحزن
5

طلع الدكتور اللي كلهم جريوا عليه بلهفه

مهما بلهفه وقلق : خير يا دكتور طمنا الله يخليك

الدكتور بابتسامه هاديه : خير يا جماعه متقلقوش… سالم بيه صحته زي الفل.. واحنا عملنا ليه شوية فحوصات وطمنا..
ضغط وسكر ورسم قلب وتحليل دم فحص شامل والموضوع كله.. الضغط والسكر مش مظبوطين بسبب شوية ارهاق ولخبطه ف الاكل خلت السكر عالي..وطت الضغط

الفرحه هلت على وشوشهم لما سمعوا كلام الدكتور و فارس حضن سيف وهو بيشكر ربنا ونفس الوضع مع ياسمين ومهاا

مهما بابتسامه واسعه : يعني هو كويس صح نقدر نشوفه

الدكتور ببتسامه : ايوة يا مدام مها اتفضلوا هو بخير

دخلت مها ووراه فارس ..سيف قرب من ياسمين ومسك ايدها : تعاالي يا حببتي متخفيش

ياسمين بغصه : خايفه الدكتور يكون بيطمنها بطلب من بابا خايفه يكون فيه حاجه ومداري علينا مش هقدر اخسرة يا سيف صدقني

سيف خدها ف حضنه : اهدي يا بابا متخفيش انا هاخد الفحوصات و وديها لدكتور تاني يطمنا لو ده هيريحك

تميم جاب الماية والعصير وشفها ف حضن سيف وتصلب مكانه وقلبه وجعه من المنظر والدم غلي في عروقه وجز على سنانه وهو بيقول

: طبعا هو ده الي يليق بمقامك يا ياسمين هانم
5

ورما المايه والعصير ف سلة الزباله وطلع بعصبيه وهو مش طايق سيف .

ياسمين اومأت بهدوء ومسحت وشها

: شكرا شكرا بجد يا سيف ع وقفتك معانا

سيف ابتسم بخفوت

: متقوليش كده تاني انتوا عيلتي

ودخل هو وياسمين شاف مها مسكه ايد سالم وهو تلاشي يدخل معاهم ف الاول عشان تاخد راحتها وفارس نايم جمبه زي الاطفال

ياسمين جريت عليه بلهفه وهي بتبوس ايده الي ع كتف فارس

: الف سلامه عليك يا بابا سلمتك يا غالي… كده برضو تخضني عليك كده