دموع السيف ٦ هايدى الصعيدى

على حالتها كان نفسه يطلع يحضنها ويطيب خاطرها ويمسح دموعها برقة ..

وفضل متابعها بشرود وهو بيشرب فنجان القهوة الي كان هيفور منه ولحقه ف اخر للحظه بعد ما سمع صوت شهقتها ..

دموع حطت الاكل علي صنية وحطتها قدام حسين الي قاعد يتفرج علي قناة رقص شرقي ..

حسين قرب من الاكل : حريم نصحة بصحيح مش الهبله اللي عندي

دموع حطت الاكل وجت تدخل الحمام سمعته وعضت علي شفتها غصب عنها مش بتعرف ترقص ولما عرضت عليه تنزل الچيم عشان تتعلم رقص شرقي مرضيش ورفض رفض قاطع

حسين بصوت عالي : ما تيجي تاكلي

دموع بخفوت : شبعانه بالهنا والشفا

حسين وهو بيمدغ الاكل : اللي ياكل علي ضرسة ي دمووع

دموع طنشته ودخلت خدت شور وطلعت نضفت من وراه ودخلت نامت علي السرير وراحت ف النوم بعد الصداع الي كانت حساه

حسين زق صنية الاكل بعد ما دخلت الحمام ومسح وشه بعنف : مبقتش عارف اتعامل معاك ي دموع اااخ ي تري
هشوف منك ايه تاني بسبب وعد وعدته ليكي انا
لو اتغيرت عليكي ف عشان انا مبقتش عارف اتقبل
الي وصلتي ليه

فلاش بااك

حسين كان قاعد قدام الورشة وبيخلص شغل دخل عليه سواق مكرباص بالعربية بتاعته نزل وهو بيسحب نفس من سجارة : زيت العربية دي حسين

حسين : خلصانه خمسه هخلص الي ف ايدي ي باتع

بعد خمس دقايق السواق : متنجز ي حسسسسين اله انت هتعيش دور صاحب الاعمال ليه

حسين بخشونه : انت بتتكلم كده ليه ياض ي عر *

السواق : انا عر* مش فاضل غير جوز الست الي يتكلم

حسين : انا جوز الست ي بن اللبو*

السواق : اه ي ك**ك لما تبقا قاعد جمب امك والمدام تنزل تصرف عليكم تبقا جوز الست الي بتطلع بالمحزق
والملزق وانت زي الخروف

ونزلو ضرب ف بعض والناس حجزت بنهم بالعافيه بعد ما كان حسين هيموت السواق ف ايده ..

حسين قفل الورشة وطلع قعد ع القهوة بغضب ودمه هيتحرق ..وف باله وبعدين انا هفضل كده كتير
سمعت وسخ الودان من اهل بيتي مش فاضل
غير الاشكال العرة ي دموع كل ده عشان
وعد وعدتو ليكي هطول بالي عليكي لحد
امته انا لو بضربك ف من الي بسمعه ولو
قسيت عليكي ف عشان انا مكنتش متوقع
منك القسوة ي دموع هطول بالي معاكي
للاخر لحد ما اشوف هتيجي منك وتختاريني
وتختاري بيتك ولا هتختاري شغلك ومستقبلك
وروح فتح باب الشقه وعرف انها مستنياه
ابتسم من غير نفس وهو مش عارف يقبلها
ع نفسه ..