مش حب عادى ٣٧ ملك ابراهيم

والد حبيبة فتح عنيه بصدمة وهو مش مصدق العرض المغري ده بالنسبه له.
رواية مش حب عادي بقلمي ملك إبراهيم.
في الصيدلية اللي ميادة بتشتغل فيها.
كانت واقفه مضايقه من الصبح وهي عماله تبعت رسايل لـ أنس عشان يرجعلها شنطتها وهو مش بيرد.

الدكتور صاحب الصيدلية كان مركز معاها وملاحظ انها واقفه مضايقه من الصبح
قرب منها وسألها: خير يا ميادة؟ شكلك مضايقه النهاردة ؟

ميادة سابت التليفون من أيديها وبصت للدكتور بتوتر وقالت: مفيش حاجة يا دكتور.. انا كنت بحاول اتصل على حبيبة بنت خالتي.

الدكتور ابتسم وقال: طب انا كنت عايز اتكلم معاكي في موضوع شخصي.. كل ما بحاول اتكلم معاكي فيه بكون متردد لاني خايف ترفضي.

ميادة بصت له بدهشة: موضوع ايه يا دكتور خير؟

في اللحظة دي كان أنس داخل الصيدلية عشان يرجعلها شنطتها..
شافها واقفه قدام الدكتور وبيتكلموا مع بعض.

الدكتور وهو بيبص لـ ميادة بأعجاب: انا عايز اجي اقابل والدتك واطلب ايدك للجواز.. ايه رأيك؟… بقلمي ملك إبراهيم.
… يتبع
قلبي عندك يا أنس😱 زفتتك هتتخطف منك💔😂
تفتكروا ايه هيكون رد فعل أنس وزفتته بتتخطب قدام عينه 😂
لو لقيت تفاعل حلو على البارت الهدية هنزل هدايا آكتر 🎁💪 عايزة اجمد تفاعل ومتنسوش تكتبوا رأيكم في التعليقات 😍