دموع السيف ٩ هايدى الصعيدى

تميم اتشجع بعد كلام سيف وبعد اخر موقف بنهم وحب ياخد خطوه اتجاهها وبقا يستغل اي فرصه عشان يلمحلها بحبه… وطبعا عايش اسعد لاحظات حياته لانه حاسس انها بقت حسه بيه وان في حاجه في قلبها اتجاهه

…..

اما الاستاذ حسين

بقاله اسبوع منيم دموع في العسل ولا فف علي صحبتها ملك اللي بيعرف منها كل كبيره وصغيره عن دموع

فلاش باااك

حسين كان قاعد ماسك تليفونه بيقلب في و فجأه لقا أستوري ملك ظاهر عنده على الوتساب
اتعدل وهو بيقول بابتسامه لعوبه

: الله.. دي سجلت الرقم.. دا شكله كلامك صح ياض يا مجدي

حسين مضيعش وقت و دخل على الاستوري دي اللي كانت عباره عن اغنيه حزينه وملك حطه عليها قلب مكسور 💔

حسين سرح شويه بتفكير وبعدين ابتسم بخبث وبعتلها

: ايه بس اللي مزعلك ي كتكوته

ع الجهه التانيه ملك اول ما شافت الرساله

قلبها دق مره واحده بسرعه شديده وجسمها سخن

ومسكت الفون بأيد ببترعش وكتبت وهي بتحاول تسيطر على نفسها و مشاعرها

: ولا حاجه يا استاذ حسين شوية مخنوقة شوية

حسين بنحنه : لو حبه تفضفي عن الي خنقك كده انا موجود.. وبلاش استاذ حسين دي.. اعتبرني اخوكي الكبير.. اللي عمره ما هيطلع سرك برا

ملك ابتسمت بهبل وحسين كان حاسس بيها وبهبلها اللي استغله أسوأ استغلال وفضل يجر معاها كلام لاحد ما بقا مبيعديش يوم عليهم مش بيتكلموا فيه مع بعض… ملك تعلقت اوي بيه ومبقتش تخبي عنه أي حاجه بتحصل في يومها

وهو كان بيستغل دا بكل خبث ويعمل نفسه بيدردش معاها ويفضل يسألها عن اخبار دموع وندي وهي الهبله كانت بتحكي على نياتها كل حاجه بيعملوها او بيتكلموا
فيها ندى ودموع قدمها..

كانت بتحكي عادي مش قصدها تفتن عليهم هو اللي كان بيسحب الكلام منها بالطريقه

و دا كان الوضع بينهم الي الان

باااااك

………

في الوقت الحالي

انهارده يوم الحفله اللي دموع وندى بيستعدوا ليها بقالهم كذه يوم بعد ما ندي اقنعتها تروح من وراه حسين وانه مش هيعرف وبعدين هي نزله الشغل وفعل الحفلة تبع الشغل يعني مكدبتش عليه ..وطبعا الاستعدادات دي كلها والكلام كان كله بيبقا في بيت ندى عشان استاذ حسين ميحسش بحاجه

ندي وهي نزله الصبح ومسكه الفساتين

ملك : ايه الشنط دي ي ندي

ندي بستعجال : دي فساتين عشان ريحين حفله مهمه انهاردة بعد الشغل انا ودموع يلا بااي اتأخرت ي كوكو