زواج من اجل ذنب نيفين عبد السلام
الحلقة الثالثة
اقتنعت سمر بأنها تلخص المحاضرات وتوزعها على المكتبات
وفى يوم وهى قاعدة بتلخص تليفونها رن ردت على التليفون واتفاجأت بأختها بتصرخ فى التليفون
الحقينا ياسمر
سمر بخضه: فى ايه عاليا
عاليا بعياط: ماما ياسمر
سمر بخضة اكتر: مالها ماما فى ايه
عاليا: معرفش مرة واحدة وقعت على الارض وجريت على ام احمد جارتنا ووأخدت ماما ورحنا بيها
على المستشفى
سمر: ماشى أنا جاية وقفلت التليفون وبدأت تلم فى حاجاتها وتلبس بسرعة وتدعى ربنا أنه ينجى امها
لانها مالهاش حد غيرها وبعد حوالى ساعتين وصلت سمر المستشفى وهى بتجرى سالت احد الممرضين
لوسمحتوا أمى جات من حوالى ساعتين وقالت أسم أمها هى فين
احد الممرضين: أهاا هو فى حالة واحدة جات من شويه وهى فى العناية دلوقتى
سمر: بلهفة فين العناية
الممرضه: الدور الرابع
سمر شكرت الممرضة واخدت السلالم جرى لحد ما وصلت وشافت اختها بتعيط وواقفه معاها جارتهم
سمر وهى بتحاول تاخد نفسها: ماما فين ايه اللى حصل
عاليا بعياط وهى بتحضن اختها: مش عارفة هى شدت مع على فى الكلام وبعد شوية قالت مش قادرة تاخد
نفسها وبعد كده وقعت فجريت على خالتى ام احمد وطلبنا الإسعاف وجينا على هنا ومن ساعتها وهى جواه
ام احمد : اهدوا يابنات ان شاء الله خير
وهنا خرج الدكتور من عندها فالكل جرى عليه
سمر: خير يادكتور
الدكتور: خير ان شاء الله انتى تقربلها أيه
سمر: أنا بنتها وشاورت على عليا ودى كمان بنتها هى ماما عندها أيه
الدكتور،: للاسف الست الولدة بتعانى من مشاكل فى القلب وواضح انها اتعرضت لأزمة وصلتها لجلطة على القلب
سمر وهى غير مستوعبة اللى حصل: يعنى ايه
الدكتور: يعنى ندعى ربنا يعدى الكام ساعة الجايبن دول على خير وبعد كده نقرر وعن اذنكم
سمر وهى مازالت مصدومة فامهم بالنسبه ليهم كل شى فى الدنيا فاقت على كلام عاليا
عاليا : سمر انا مش فاهمة الدكتور قال ايه
سمروهى مصدمة :ادعيلها ماما محتاجة دعوتنا
ام احمد: ادعولها يابنتى وتعالوا نمشى
سمر: لا شكرا ياخالتى حضرتك تقدرى تمشى لكن احنا لا
أم احمد: يابنتى وقفتكم مش هتغبرحاجة انتوا تروحوا تستريحوا والصبح تيجوا
بعد محاولات وقفت سمر بعد ماشافت اختها تعبانة فقررت تمشى علشان خاطر اختها وبعدين علشان
تفهم ايه اللى حصل بين مامتها واخوها
وفعلا مشيوا واول ماوصلوا البيت
سمر: عاليا ممكن بقى تحكيلى ايه اللى حصل ووصل ماما لكده
عاليا: ماما اتخانقت هى وعلى وساب البيت ومشى
سمر: أنتى قولتلى الكلام ده قبل كده أنا عايزة اعرف سبب الخناقة
عاليا: المدرس بتاع الانجليزى اللى بيدى على درس اتصل على ماما وقالها أنه على بقالوا تلات
حصص مش بيروح وكمان النهارده مجاش و مدفعش فلوس الحصص اللى قبل كده وماما قالتلوا ازاى
ده كل مرة بينزل فى ميعاد الدرس والنهارده نزل وقال رايح الدرس وبعدين الفلوس وخدها منها من زمان
المدرس قالها هو ده اللى حصل وكمان فى زميالوا شافوه فى كافيهات مشبوهة مع صحبه وليد انا قولت
اقول لحضرتك عشان تلحقوا لان على شخصيته وتربيته غير وليد وبعد ماقفل مع ماما شوية وجاه على
وماما سالت كنت فين قالها كنت فى الدرس فماما قالتلوا انت كداب قالها لا انا مش كداب قالتلوا انت
كداب المدرس اتصال وقال انك مروحتش الدرس وكمان ماخدش فلوس الحصص انت بتعمل ايه
بالفلوس قالها اه مروحتش والفلوس صرفتها قالتلوا مبتروحش ليه والفلوس صرفتها فى ايه بدأ يزعق
ويقول لماما عايزانى اروح الدرس ليه علشان ادخل الكلية وبعد كده
استغل علشان اصرف على نفسى احنا اللى زينا مينفعش يتعلموا علشان احنا فقرا انت أنتى شايفة بنتك
اللى بتشتغل وهى بتدرس دى بتجى مرة كل شهر علشان توفر المواصلات اما بالنسبة الفلوس صرفتها
علشان ابقى زى زى صحابى انت مش بتشوفى بيصرفوا كام حرام ليه بابا معملش زى ابو وليد كان
زمانه بقى معانا فلوس حرام وبعد ماخلص كلامه ماما ضر,بته بالقلم على وشه فقالها انت بتضر,بينى
والله ماانا قاعدلك فى البيت وساب البيت ومشى وفى الاخر بعد مامشى على ماما قعدت على الكرسى
وبعدها لقتها مش قادرة تاخد نفسها ووقعت على الارض ف خبطت على خالتى ام احمد وراحت بينا
على المستشفى واتصلت بيك
سمر وهى مذهولة من الكلام: وهو البيه فين
عاليا: حاولت اكلمه تليفونه مقفول انا خايفة على ماما أوى أنا عايزها تخف وتخرج من المستشفى
سمر وهى بتحضن اختها : ان شاء الله ادخلى انت استريحى وغيرى هدومك وانا هحضرلك لقمة تاكليها
دخلت عاليا اوضتها وسابت سمر تفكر فى حالهم وحالة والداتها وبتقول لنفسها لو والداتها جرى ليها
حاجة هيكون مصيرهم ايه ساعتها لازم تتخلى عن حلمها علشان خاطر اختها وهما مالهومش حد غير
مامتها يارب اشفيها يارب وبدأت فى عمل اكل لاختها فهى لازم تتماسك علشان اختها وبعده أتصلت
بالمستشفى واطمنت على ماماتها
وبعد شويه خرجت سمر شيله صينينة عليها الاكل وندت على عاليا علشان تاكل خرجت عاليا
سمر: تعالى يا حبيبتى علشان تاكلى
عاليا: ماليش نفس انا خايفة على ماما
سمربتحاول تدارى دموعها: متخافيش ماما ان شاء الله هتبقى كويسة وبعدين أنا بصراحة جعانه وعايزة اكل يلا
وفعلا بدأ ياكلوا لكن فى الحقيقة سمر كانت بتحاول تبان قوية علشان اختها وعملت نفسها بتاكل ادام
اختها لكن فى الحقيقة كانت سرحانه فى حالة مامتها والمصاريف وحالتهم هتمشى ازاى فاقت من
سرحانها على صوت عاليا وهى بتقول انا خلاص شعبت
سمر: انت شبعت ياحبيبتى
عاليا: اه الحمد لله بس انتى مااكلتيش حاجة
سمر: لا انا اكلت ويلا ادخلى نامى علشان الصبح نروح عند ماما
عاليا: حاضر بس ممكن طلب
سمر: خير
عاليا: انا متعودة انام فى حضن ماما فممكن تاخدينى فى حضنك
سمر: وهى بتحضن اختها بس كده طبعا يلا
ودخلوا الاوضة فضلت سمر اخده عاليا فى حضنها لحد ماراحت فى النوم وقامت من جمبها واول
ماخرجت جريت على أوضة مامتها فضلت تعيط على حالهم فهى عارفة كويس ان مرض مامتها
هيحتاج فلوس كتير مش قادرة تفكر هتجيب منين وبعد شوية مسحت دموعها وقررت تتوضا وتصلى
وتدعى ربنا فعلا عملت كده وبعد ما خلصت صلاة دخلت اطمنت على أختها
لقتها نايمة وبعد كده افتكرت اخوها حاولت تكلمه فى التليفون لكن التليفون مغلق قررت انها تستناه
وفضلت تقرأ فى كتاب الله لحد ما سمعت صوت الباب بيتفتح بالمفتاح وعلى بيدخل
سمر: انت شرفت
على: انتى هنا أيه اللى جابك
سمر: كنت فين
على : كنت مخنوق شوية علشان كده خرجت وقفلت التليفون
سمر: مخنوق من ايه
على: أسألى ماما
سمر: انا بسالك انت
على: لا هى محكتلكيش انها ضر,بتنى بالقلم
سمر: لا مقلتش علشان امك فى المستشفى
على بصدمة: مستشفى ايه اللي حصل
سمر: بعد ماض,ربتك اغمى عليها وعاليا نقلتها المستشفى مع جارتنا وجارتنا هى اللى نقلتها المستشفى
علشان راجل البيت مكنش موجود
على: طب طمنينى على ماما
سمر: ماما جتلها أزمة قلبية وفى العناية
على بدأ يعيط :انا السبب
سمر: خلاص اللى حصل حصل المهم دلوقتى انها تقوم بسلامة لازم تعرف اننا اغلى حاجة عندها بدليل
انها مستحملتش انها تض,ربك أنا عارفة ياعلى اننا ممكن نكون اقل من ناس كتير بس ربنا عوضنا بام
زى امنا ست حافظت علينا بعد ابوك مات وربت واستحملت كتير وبابا الله يرحمه مش ساب لينا فلوس
بس ساب لينا اللى احسن من الفلوس ساب لينا سمعة وسيرة الكل بيحلف بيه تفتكر ده كله مش عوض
من ربنا قولى كنت هتعمل ايه لو بابا كان مرتشى ولا حرامى كنت هتقدر تمشى وسط الناس راسك
مرفعه كده انت لازم تكون فخور بابوك اللى رباك بالحلال فاهمنى .. انا مستنية اليوم إللى تدخل فىه
الجامعة وتشيل معايا الحمل اوعى تفتكر انك علشان مش بتشتغل انت مش سند وحماية تبقى عبيط انت
سندنا كلنا
على حس بغلطه : انا اسف
سمر: مش ليا لماما لما تقوم بسلامة
على: تفتكرى هتسمحانى
سمر: مفيش ام بتزعل من ولادها يلا ادخل نام والصبح نروح لماما نطمن عليها
على وهو بيحضن أخته: ربنا يخليكى لينا
سمر: ويخليك لينا انتى كمان انت راجل البيت ده
ولما النهار طلع لبسوا راحوا لمامتهم المستشفى
سمر: روحوا انتو وانا هسال الدكتور وحصلكم
وفعلا سالت سمر عن الدكتور وسالتوا عن حالة مامتها
الدكتور: الحمد لله نقدر نقول إن الأزمة عدت على خير
سمر: يعنى ايه
الدكتور: بس ياانسة للاسف الحالة تعبانة هى محتاجة عملية قسطرة علشان نعرف نحدد هى محتاجة
عملية قلب مفتوح ولالا
سمر: لدرجاتى
الدكتور: بس نصيحة منى شوفى مستشفى كويسة تعمل فيها القسطرة وانا هتكتبلها على خروج كمان
يومين والدواء ده تاخدوه بانتظام عن اذنك
خرج الدكتور وساب سمر مش قادرة تتحرك من الصدمة فوالداتها الاهى كل شئ فى الدنيا ممكن تروح
منها والسبب الفلوس تعمل أيه وهتحلها ازاى هى عارفة كويس أنها لو فكرت فى علاج على نفقة الدولة
ممكن تستنى كتير عشان تاخد دورها ف دعت ربنا أنه يحلها وراحت أطمنت على مامتها
الحلقة الرابعة
خرجت سمر من عند الدكتور وهى مش عارفة تعمل ايه ولا تتصرف ازاى فقررت تروح تطمن على
أمها واول مادخلت الاوضة حاولت تدارى قلقها على امها واخواتها
سمر: ازيك ياست الكل
شادية بتعب: الحمد لله كل الا يجيبوه ربنا كويس
سمر: يارب ديما
شادية المهم الدكتور قاللك ايه
سمر: مفيش
شادية بصت لابنتها وشاقتها قلقانه: سمر قولى الحقيقة
سمر تبلصها وتبتسم : قال إن ضغطك عالى شوية وهو اللى عمل كده وانك المفروض ترتاحى
شادية: طب أنا عايزة اخرج من هنا مانتى عارفة عارفة مش بحب اروح لدكاتره خالص أجى أقعدفى
مستشفى على أخرأيامى
سمر بزعل : بعد الشر عليكى يأمى
شادية : يبقا أطلع من المستشفى النهاردة عشان لو قعدت يوم تانى حسه انى هيجرالى حاجة ..مش برتاح
ياسمرفى قعدة المستشفيات
سمر: بعد الشر ومتقوليش على نفسك الكلام ده وان شاء الله هتخرجى بس الدكتور يقول
شادية بضيق: يابنتى انا قولتلك مش بحب القاعدة فى المستشفى
على: خلاص بقه ياست الكل ارتاحى شوية
شادية ودت وشها الناحية التانية
على قام يبوس أيدها: انا اسف حقك عليا
شادية شدت أيدها بعيد وبزعل : أنت عاليت صوتك عليا
على: طب يارب امو,ت عشان زعلتك منى
شادية قلبها أتقبض وبخضه : بعد الشر عليك أوعى تقول كده تانى
على: يعنى خلاص مش زعلانة منى
سمر: ماانا قولتلك مفيش ام بتزعل من عيالها
عاليا: خلاص بقى
شادية: انا مش زعلانة منك انا زعلت علشان ايدى اتمدت عليك
على: ولا يهمك قومى انتى بالسلامة وأضر,بينى كل شوية
الكل ضحك على كلام على
سمر: المهم انت عاملة ايه دلوقتى حاسة بحاجة
الام: الحمدلله بس مش عارفة اخد نفسى كويسة
سمر: معلش الدكتور قال يومين مع العلاج وإن شاء الله هتبقى كويسة وكلها يومين نطمن عليكى
وتخرجى
أما على الجانب الآخر فى الكلية
نهى : ايه ياجماعة هى سمر مجاتش
دينا: لا لسه حتى انا شوفت سهى من شوية
احمد: طب مسالتهاش ليه
دينا: ما انت عارف ان مش بحب البنت ده ومش يستريح ليها
نهى: خلاص انا هكلم سمر اشوفها وطلعت تليفونها وحاولت تتصل بيها وبعد شوية ردت
نهى: الو ازيك سمر
سمر: الحمد لله يانهى
نهى: فينك يابنتى مجتيش ليه
سمر: معلش ظروف طارئة حصلت فى البيت
نهى: ليه ايه اللى حصل
سمر: ماما تعبت وراحت المستشفى وجتلها ذبحة صدرية
نهى: طب وهى عاملة ايه دلوقتى
سمر: – أحسن دلوقتى
نهى: طب انت مش محتاجة حاجة
سمر: ربنا يخليكى ليا يانهى
نهى: طب لو احتجتى حاجة كلمينا
سمر: حاضر لو احتجت حاجة هقولك أنتى زى أختى يانهى مع السلامة ياسهى عشان اطمن على ماما
نهى: مع سلامة
وبعد مانهى قفلت مع سمر بدأت علامات الضيق والزعل عليها
دينا: مالك يابنتى فى ايه
نهى: مامت سمر تعبانة ودخلت المستشفى وعندها ذبحة صدريه
احمد: لاحول ولاقوة الا بالله طيب وهى عاملة ايه دلوقتى
نهى: بتقول الحمد لله
دينا: طب احنا لازم نقف جمبها اكيد هى محتاجة فلوس
نهى: ماانا سالتها ادامكم وهى قالت لا
احمد: طب مااحنا عارفين انها هترفض بس لازم نقف جمبها
نهى: خلاص تيجى نروحلها ونديها مبلغ
دينا: افرضى رفضت
احمد: احنا لازم نصر
نهى: طب يلا بينا
وفعلا طلعوا من الكلية وركبوا العربية وراحوا عند سمر
أما عند سمر فى المستشفى فبعد ماطمنت على والداتها ونامت سابت عاليا جمبها وخرجت هى وعلى
على: مالك ياسمر شكلك مش مظبوط
سمر: ابدا مفيش
على: انت ليه مصره انك تعاملينى على أنى عيل
سمر: ابدا ياسيدى انا هقولك اللى حصل وحكت لاخوها كل اللى الدكتور قاله
على: طب وبعدين
سمر: أن شاء الله هشوف ليها حل لم انزل مصر هشوف العلاج على نفقة الدولة
على: طب ده مش بياخد وقت
سمر: ان شاء الله لا
وبعد شوية وصلوا أصحابها الى المستشفى بعد ماتكلمو معاها وعرفوا مكان المستشفى
سمر: تعبتوا نفسكم ليه
نهى:ايه اللى انت بتقوليه ده
دينا: المهم طنط عاملة ايه دلوقتى
احمد: ايه الكلام ده احنا اخوات
سمر: طبعا هى الحمد لله
نهى: طب ممكن ندخل نطمن عليها
سمر: اه طبعا
ودخلوا الاوضة علشان يسلموا على والداتها
سمر: ماما دول اصحابى من الكلية جايين يطمنوا عليكم دى نهى ودى دينا وده احمد
نهى واحمد ودينا: ازيك يا طنط حمد لله على سلامتك
الام: الله يسلمكم ياولاد تعبتوا نفسكم ليه
نهى: تعب ايه ياطنط انت متعرفيش سمر غالية عندنا
دينا: وبعدين حضرتك غالية عندنا
وبعد ماطمنوا على والداتها وخرجوا بره الاوضة
نهى: ايه اللى حصل
سمر: مفيش زى ماحكتلك فى التليفون
نهى: ماشى بس ماقولتيش السبب
احمد: مش مهم السبب يانهى يمكن حاجة خاصة
سمر: لا والله بس السبب انها هى والاستاذ على شدوا مع بعض
دينا: طب وبعدين
سمر: ولا اقبلنا تعبت جامد وبعد كده حصل اللى حصل
نهى: المهم هتعملى ايه
سمر: مش عارفة اطمن عليها الاول وبعدين انزل اشوف موضوع العملية
نهى: أن شاء الله ربنا يسهلك الأمور
سمر: يارب
نهى اخدت سمر على جنب: بص وطلعت ظرف من شنطتها خد ده
سمر: ايه ده
نهى: ده مبلغ بسيط كده
سمر: لا والله معايا
نهى: وماله خلى ده معاكى محدش عارف الظروف لو محتاجتيش ابقى رجعيهم
سمر لسه هتعترض
نهى: خلاص بقى احنا اخوات
سمر وهى بتحضنها : ربنا يخليكم ليا
نهى: طب يلا نرجع لاحمد ودينا
ورجعوا لاحمد ودينا وقفوا مع بعض شوية وبعد كده مشوا كلهم وبعدين سمر طلعت الظرف من جيبها
وحمدت ربنا أن أصحابها فكروا فى كده لانها مكنش معاه فلوس كفاية علشان تعرف تكمل تمن العلاج
الحمد لله ودخلت عند مامتها تطمن عليها
بقلم نيفين عبد السلام (روايات ولاء يحيى )
وعدى يومين وخرجت شادية مع سمر لبيتها
سمر: نورتى البيت ياست الكل
شادية: ربنا مايحرمنى منك
عاليا: وانا ماليش دعوة حلوة
شادية: انت ليكى كل حاجة حلوة
سمر: يلا عاليا نسيب ماما تستريح ونروح نحضر الغداء ليها
شادية: اومال على فين
على: انا هنا ياست الكل
شادية: تعاله عايزاك
سمربصت ل عاليا: يلا يا استاذة اقدامى
خرجت سمر وعاليا من الاوضة بعد سمر ماوصت على أنه ميزعلش امه
على: خير ياست الكل
شادية: مش عايزاك تزعل منى علشان انى مديت ايدى عليك
على: ولا يهمك انا كمان غلطان قولتلك كلام مايصحش اقوله انا آسف
شادية: اوعدنى انك تتغير وتركز فى مذاكرتك وتقطع علاقتك بالولد اللى اسمه وليد
على وهو بيبوس أيدها حاضرياست الكل اسيبك تستريحى شوية
خرج على من الاوضة
وبعد شويه كانت سمر وعاليا جهزوا الغداء ودخلوا يصحوا أمهم
سمر: يلا اصحى يا ست الكل
شادية: انا صاحية يا حبيبتى
سمر: طب يلا انا عملتلك شوية شوربة ومعهم حتة فرخة صغيرة
شادية: تعبتى نفسك ليه
سمر: تعبك راحة يلا علشان تاخدى الدواء وبدأت سمر فى اطعام أمها وبعد كده اداتها الدواء يلا بقى
ارتحى شوية
شادية: انا زهقت من النوم ايه رايك اطلع اقعد معاكم فى الصالة
سمر: الدكتور قال بلاش مجهود
شادية: يابنتى هقوم امشى نفسى وبعدين انا هريح على الكنبة
خرجت شادية مستنده على سمر واول ماعاليا شافتها
عاليا بتصفيق : ههه ماما جات نورتى
شادية: يابكاشة
عاليا: ايوه كده ربنا ما يحرمنا منك
شادية: ولا منكم اومال على فين
سمر: خرج عنده درس
وبعد شوية وصل على البيت
على: فعلا الصالة منورة وباقى شقة ضلمة
شادية: كنت فين يا حبيبى
على: كنت فى درس ولو مش مصدقانى اتصلى بالمدرس
شادية: لا ياحبيبى مصدقك يلا خلى اختك تحضرلك الاكل
على: ياريت
وعدى اسبوع وبعد ماسمر اطمنت على أمها قررت ترجع الجامعة علشان الدراسة وكمان موضوع العلاج
وفعلا رجعت المدينة واول ما دخلت اوضتها شافت سهى
سهى: ايه يابنتى الغيبه دى كلها
سمر: يعنى انتى كنت سالتى أصلا
سهى: ماانت عارفة ظروف شغلى المهم ايه اللى حصل
سمرحكت ليها كل حاجة تخص تعب مامتها
سهى: طب وبعدين
سمر: مش عارفة
سهى: اللى انا أعرفه أن موضوع العلاج على نفقة الدولة بياخد وقت وكمان مصاريف العلاج
سمر: ان شاء الله ربنا يسهل ولو على المصاريف انا بشتغل
سهى: يابنتى شغلك ده بيجيب ملاميم والدوا غالى أنا عندى الحل
سمر: ايه هو يافالحة
سهى: تيجى تشتغلى معايا ايه رايك
سمر: مستحيل طبعا
سهى: ليه يعنى
سمر: ازاى والمدينة والسهر
سهى: اولا محدش هيعرف ثانيا احنا هنسيب المدينة وناجر شقة
سمر: لا يلا ننام
سهى: فكرى
وفعلا ناموا وجاه الصبح وصحيت سمر من النوم اتوضت وصلت ودعيت ربنا أنه يسهل امورها
وخرجت لمكان لجان القومسيون الطبى وبعد لف كتير حست انها هتحتاج لف كتير ولازم وجود مامتها
معاها وكمان ممكن الدور يكون بعيد فقررت انها تدور فى مستشفى خاصة لقتها مكلفة والمصاريف كتير أوى عليها
