كشماء

مر الوقت ببطىء شديد

وصل ركن بسيارته الى داخل المنزل
لينزل من السياره
ويفتح الباب المجاور لكشماء لينحنى ليحملها لظنه أنها نائمه
لكن فتحت عيناها عندما شعرت بيده تقترب من جسدها
لتفيق قائله هتعمل أيه
ليرد ركن هشيلك أدخلك جوه
لتبتعد عن يديه قائله لأ شكراً أنا هقدر أمشى على رجلى متخافش دى قرصه بسيطه بس أوعى أنت من قدامى خلينى أنزل
ليتنحى جانباً
لتنزل كشماء من السياره وتنزل لتشعر بألم بساقها المصابه ولكن تحملته فهو بالنسبه لألم المهانه التى تشعر بها قليل
ليقترب ركن منها ويلف يده حول خصرها قائلاً خلينى أسندك
لتنفض يده عنها قائله بحزم قولت لك شكراً أنا أقدر أمشى
ليقول ركن تمام براحتك هجيب الدوا من العربيه وأرجع
لتسير كشماء وهى تعرج الى أن دخلت الى داخل المنزل
لتجد بأستقبالها فى بهو المنزل نجلاء وشيماء اللتان نظرتا الى كشماء شامتتان كم تمنتا أن كان قتلها ذالك الثعبان لكن قالت نجلاء حمد لله على سلامتك أبقى بعد كده خدى حذرك الطريق صحراوى
لتقول كشماء شكراً على نصحيتك يا مرات خالى
لتنظر كشماء الى شيماء قائله مفيش سلامتك
لترد شيماء لأ أزاى ألف سلامة عليكي
لتقول كشماء شكراً عن أذنكم مش قادره أقف على رجلى ماما فين
لترد نجلاء فى أوضة الضيوف مع الحاج أبراهيم وعلى وأيبو وكامليا وكمان حماتك
لتتركهم وتدخل الى غرفة الضيوف
لتنهض كريمه سريعاً عندما رأتها لتتجه أليها وتقوم بضمها قائله أيه الى حصلك وأزاى أنا معرفش والغبية خبت عليا
لتضم كشماء نفسها لوالداتها كأنها تستمد منها القوه
لتضمها كريمه وتمسد على ظهرها بحنان
ليدخل ركن خلفها يحمل بيده كيسا به أدويه
لتقف كامليا قائله بمزح وهى تقترب من كشماء قائله واضح كده أن ركن أهتم بيكى اليومين الى فاتوا كويس
لتنظر الى كريمه قائله أطمنتى مش قولت لك دى بسبع أرواح أنا هروح بقى علشان أنا كنت،جايه أطمن عليها لما أتصلت عليا وقالت أنها فى الطريق
تعالى معايا يا كشماء أغيرلك على رجلك وأشوف الجرح قبل ما ممشى من هنا.
لتقول كريمه خدونى معاكم
لتذهبن معا بعد أن أطمئن الجميع على كشماء
ليقول ركن أنا عندى شغل هروح مع عمى على المصنع محتاج شوية معلومات مهمه عن المواد الخام الى لازمنا يلا يا عمى..
….ـــــــ،،
صعدت كامليا وكشماء وكريمه معا الى غرفة كشماء
لتقول كريمه بقلق ليه متصلتيش عليا وقولتى لى أن التعبان لدعك
لترد كشماء صدقنى يا كرمله اللدغه مش خطيره وكمان يظهر كامليا طلعت بتفهم وبعتت أسم المصل صحيح وأخدته وبقيت كويسه قدامك أهو
لتقول كامليا بقولكم أيه جو حوارات الأم وبنتها دا ماليش فيه أنا مأكلتش الفطير الصبح وخليته للغدا خلينى أشوف الجرح الى فى رجلك وامشى وأنتم براحتكم بقى
لتجلس كشماء على الفراش وتمد ساقها
لتقوم بكشف ساقها
لتقوم كامليا بفحصه ووضع ضماد أخر
لتقف مبتسمه قائله لأ الجرح مش كبير وكمان واضح أن كان فى أهتمام بتضميده بس بلاش تدوسى على رجلك كتير علشان ميرجعش يفتح تانى
همشى انا بقى الفطير ينادينى
باى يا كرمله أشوفك فى البيت بقى ولا ناويه تباتى هنا براحتك
لتبتسم كريمه قائله لأ رجعالك أستنينى
لتبتسم كامليا قائله ليه يا كرمله فى حاجه مهمه ولا أيه
لترد كريمه بوعيد هتعرفى أما أرجع
لتبتسم كامليا قائله ماهى قدامك زى القرد أهى أنا مكنتش عايزه أقلقك سماح بقى يا كرمله وهسيبلك حتة فطيره
لتذهب وتتركهم كامليا
لتنظر كريمه لكشماء قائله قولى لى مالك من ساعة ما كلمتنينى فى التليفون وأنا حاسه أن فى حاجه مضيقاكى
لترد كشماء بمراوغه مفيش حاجه بس أنا لقيت أكتر من أتصال منك ليا فأتصلت عليكى
لتنظر كريمه لها بتمعن قائله قولى لى مالك
لترد كشماء مفيش حاجه بس انا تعبانه من قرصة التعبان وعايزه أنام
هاخد العلاج دلوقتى وأكيد هحس براحه متقلقيش عليا
بس يا ريت تسيبتى أنام لأن واضح أن طلوعى فى الشمس أثر عليا
لتقول كريمه هسيبك النهارده بس هكون هنا بكره وأما أتصل عليكى فى أى وقت تردى عليا
لتقول كشماء طيب سيبنى بقى أنام وبلاش تحقيق
وياريت تقفلى البلكونه قبل ما تخرجى
لتتجه كريمه تغلق البلكونه والستائر وتغادر الغرفه وهى تشعر أن هناك ما يضايق كشماء لكن لو ضغطت عليها الأن لن تخبرها عليها الأنتظار الاهم أنها بخير.