خطه زوجه

صرخت نور و هي بتقول: اكتشفت ده دلوقتي و انا بفستان الفرح و في قلب القاعة.

و بصت على حبيبة اللي كانت وافقة و هي حاسة بانتصار، و قالت بانهيار: انتي مبسوطة كده بعد ما خربتي الفرح و كسرتي فرحتي

حبيبة بكل هدوء: و انتي عملتي ايه؟ لما وافقتي تجوزي راجل متجوز و مخلف ،و خدي بالك أنا مقولتش جريتي وراءه أو لعبتي عليه علشان أنا مقتنع أن مفيش ست بتلعب على راجل اصل هو مش عيل صغير، بس انتي غلطانة انك قبلتي تجوزي راجل متجوز، و علشان اريحك انا همشي أنا و ولادي، و انتي براحتك مع ياسر.

مشيت حبيبة مع ولادها و ياسر جري وراهم و قال: انا هجي معاكي

و بص على نور و قال: انتي مرفوضة من الشركة..

و مسك ايد مراته و مشي مع حبيبة اللي سالت: انت كتبت الكتاب

ياسر: لا ،مفيش واحدة هتكون مراتك غيري

خرجوا من القاعة،و قالت حبيبة: اوعي تكون فاكر اني هسامحك بسهولة كده.

ياسر: أنا تحت امرك في كل حاجه

أحمد: بس احنا كمان زعلانين..

ياسر: و اللي يرضيكوا يا حبايب بابا،انا هعملوا.

محمد: زود المصروف

ياسر: حصل..

احمد: و نسافر الساحل في الويك أند

ياسر بنفاذ صبر: حصل

ركبوا العربية و سال : و انتي يا حبيبة

حبيبة: خد عندك، هتزود مصروف البيت ،و الخادمة هتاخد شهرين إجازة و انت اللي هتقوم بشغل البيت، و كمان تحضير الاكل .

ياسر: شغل البيت ماشي، أما أنا مليش في الطبخ

ضحكت و قالت: ده مش كل حاجه ،اصبر افكر في عقاب

ضربته في كتفه و قالت : علشان تبقي تفكر تجوز عليا تاني يا ابو العيال .

ياسر بندم حقيقي: انا اسف ،كنت غبي و فهمت متأخر اني فرطت فيكي

حبيبة: سيب كل حاجه في وقته، و على فكرة أنا معرفتش حد من اهلي و لا أهلك ،نقفل على الموضوع

ياسر: كتر خيرك يا حبيبة .

حبيبة: و دلوقتي خدنا نتعشي في مطعم غالي يللي كنت عريس

ياسر: من عيوني و حقك عليا يا حبيبة،انا ندمان

ابتسمت من غير رد

ياسر لما حس أن ممكن حبيبة تروح منه ندم و عرف أنه كان غلطان

و بعد ما كانت هتبقي ليلة تعيسة على حبيبة و ولادها بقت ليلة سعيدة و ياسر اعتذر ليهم مليون مرة
////
بعد شهور ،كان لسه ياسر يتعاقب أنه كان هتجوز

قاعدة حبيبة قدم التلفزيون و ولادها يلعبوا حواليها

رن التلفيون و كانت امها، فتحت الخط و قالت: وحشتني يا ماما

نوال: بذمتك وحشتك لو كده كنتي جيتي شوفتني.