دموع السيف ٢ هايدى الصعيدى

سامية وهي بتاخد نفسها : يلا المطبخ ده عايزاه بيلمع ومش هتستحمي غير لما ينضف وعشان تريحي دماغك ابوكي بايت ف الشغل النهاردة يعني يا انا يا انتي يا بت الكلب يا شرم***
8

دموع وقفت بقهر وهي مش طيقه ريحتها ولا ريحة المطبخ الزفرة : حتي لو جاي مش هتفرق كتير ماهو بقا لعبه في ايدك

ساميه بسخرية : كويس انك عارفه يا بنت الوسخه خافي ع نفسك بقا بدل ما البسك مصيبه ومشي
معايا بحاضر ونعم يا روح امك احسنلك

وتفت علي وشها وخرجت

دموع مسحت وشها وهي بطنها مقلوبة وكرهت اليوم الي تولدت فيه كل ما تتحرك جسمها ينشر عليها من الوجع والبرد وهدومها المبلوله من ماية الموعين وكل يوم ف نفس المعاناه مع اب سلبي ولا بيصد ولا بيرد ومرات اب متجبره

بعد حوالي ساعه خلصت دموع ودخلت تستحمي لقتها فصله فيشة السخان والماية متلجه ف عز الشتاء استحمت بيها مضطرة مش طايقه نفسها خلصت وطلعت لمة كتابها
المتقطع بقهر ودموعها نزله وف بالها

: يا رب خلصني
من الهم ده يا رب انا بعاني بقالي خمس سنين
من ساعة موت امي واخواتي كل واحده سابت
تعلمها وهربت لحياة اوسخ واذل بس علي رأيهم
نار جوزي ولا جنة سامية يا رب خليك معايا

وعدت الايام ودموع ف نفس المعاناه لحد ما وصلت لتلته ثانوي بالعافيه من مرات ابوها الي كل شوية تلعب ف دماغه عشان يقعدها من المدرسه وهي تقومها مناحه عشان ابوها ميوفقش لحد ما في يوم

كانت واقفه دموع تحت رجلين ابوها وبتعيط بحرقه وهي بتترجاه

: عشان خاطري يا بابا عشان خاطري ونبي ما تقعدني مالمدرسه دا انا خلاص كلها كام شهر ودخله الامتحانات .. ونبي بلاش تقعدني في اهم سنه في حياتي عشان خاطر ربنا بلاش ابوس رجلك

زقها الاب برجله وهو بيزعق بصوت عالي بعد ما سامية لعبة ف دماغه وقالتله شوفت بنتك وقفه فى البلكونه بتلاغي ابن الجيران

: بقولك ايه يا بت انا قولت كلمتي وخلاص انتي اصلا كان المفروض تبطلي من اعدادي زيك زي اخواتك كل واحده فيهم خدت الاعداديه وترزعت في البيت لحد ما جها نصبها وانتي عشان اصغرهم دلعتك حبتين وخليتك تكملي علام سنتين زياده عن خواتك بس كفياكي لحد كده هتخدي ايه يختي من العلام مسيرك في الاخر لبيت جوزك وعيالك.. وانتي اصلا جايلك عريس ومش اي عريس دا من مصر وعنده ورشة دوكو ومعاه دبلون صنايع يعني مافيش احسن من كده… ام عمر جارتنا اللي في البيت اللي قصدنا يبقا ابن اختها وهي اللي قالت لامه عليكي وهيجوه كمان يومين عشان يشوفكي ..