بقلم نرمين حمدى ١
عتمان: ليه هو اتفاج عيال ولا ايه سبيه يعمل الي يعمله في الاخر الواد ليكي ويونس كمان ليكي وانا مش هسمح واصل انه يكمل معاها
فريده: طيب تقدر تقولي اخدها وراحوا علي فين دا حتي بتصل بيه بيديني مغلق
عتمان: فريده انا مش عاوز وجع دماغ جولتلك يونس والواد ليكي وانا عند كلمتي ليتركها ويذهب
***
زين كان راجع من الشغل وقرر انه يتغدي في مطعم
لينزل من سيارته ويتجه ناحيه المطعم ولسه هيقعد ليجد ورد مع واحد في المطعم ليتجهه ناحيتها بغضب
زين بغضب: اطلبلكم اتنين ليمون ولا طلبتوا
ورد بصدمه: زين!!
الشاب: مين دا ياورد
زين بغضب: دا الي هيساوي وشك بالاسفلت يار*وح امك
ورد: زين اهدي انت فاهم غلط والله
لم تكمل كلماته لتجد القلم نازل علي وشها: انتي تسكتي خالص مسمعش صوتك
الشاب: مين حضرتك عشان تكلمها كدا وازاي اصلا تضربها
زين ضربه هو كمان بالقلم ومسكه من قميصه: جبل متفكر في حاجه مش بتعتك فكر الاول هي تخص مين
الشاب اخد القلم والكلمتين وجري
ورد بخوف: والله انت فاهم غلط استني عليا وهفهمك
زين بغضب: ع العربيه يلاااااااا
ورد: حاضر
ورد من الخوف ركبت من ورا ومركبتش جنبه
زين: وانا السواج بتاع جنابك ولا اي
ورد: لا مش هطلع قدام إلا لما تهدي
زين خبط علي العربيه بقوه: بتتتتت متعصبنيش
ورد: يازين والله هو الي اصر عليا وربنا
زين: وانت اي ملكيش رأي اي حد يصر عليكي تروحي معاه كديه دا كويس بجي انه مأصرش عليكي تروحي معاه البيت
ورد: اي الي بتقوله دا اكيد لا بس هو حب يشكرني علي كشكول المحاضرات الي اخده مني
زين بغضب اكثر: كماااااااان كل دا وانا ولا دريان طيب اعملي حسابك من هنيه ورايح رجلك متخطيش برا السرايا يعني مفيش جامعه تاني غير عالامتحانات وبس
ورد: لا يازين والنبي مينفعش محضرش
زين: نفسك ميطلعش لحد منوصل
*****
عند يونس وغرام
يونس كان بياخد شاور
وأدهم اتصل علي غرام
غرام: اي يازفت
أدهم: فين الفلوس
غرام: معايا بس مش هقدر اديهوملك
أدهم: دا الي هو ازاي يعني
غرام: يونس جابني مكان معرفش فين وقافل بالمفتاح مش هعرف اخرج
أدهم: لا ياختي اتصرفي مليش فيه تهبي وتغطسي والفلوس تكون عندي انهارده
غرام: يابني ادم افهم مش هعرف اخرج مش هعرف
أدهم: عارفه الطريق توصفيهولي واجيلك انا
غرام: تجيلي ازاي يعني وهو موجود انت عايز تفضحني
أدهم: وانا مالي كل واحد يشيل شلته
