بقلم نرمين حمدى ١
عتمان: اهلا مين انت
أدهم: انا خطيب غرام وابن عمها الي حضرتك عايز تجوزها ليونس بيه
عتمان: خطيبها! هي مخطوبه صابر مجليش كديه
أدهم: خاف يجولك كدا يابيه غرام بتحبني وانا بحبها وهي مش عايزه تتجوز يونس بيه وهي جالتلي اجي لحضرتك وهتتفهم الوضع
يونس كان نازل علي السلم وسمع الكلام ديه ليغلي الدم في عروقه فكيف تجرؤ تلك الفتاه علي رفض يونس النمر الي كل البنات بتتمني بس نظره منه حتي لو بالغلط
يونس بغضب لأدهم: انت هتجول ايه انت انا يتجلي لاء ومن مين بت جنايني اتهبلت في نفوخ الي جابو*ك ولا ايه
عتمان: يوووونس بزيادك كديه
أدهم: يايونس بيه البنات كتير وألف من تتمني التراب الي بتمشي عليه بس غرام بتحبني انا
يونس بهدوء مرعب: اممم خليك هنيه نازلك تاني
يونس طلع فوق وغير هدومه ونزل
يونس: تعال معايا
أدهم: علي فين يايونس بيه
يونس: علي بيت العروسه الليله هتشهد انت علي جوازنا
أدهم: لا لا يايونس بيه ابوس يدك جوله ياعتمان بيه
عتمان: استني هنيه يعني دلوجتي هتتجوزها!!!…. سيبها انت اصلا مكنتش موافج
يونس بعند: اسيبها!! يمين بالله لاتجوزها وتبجي توريني هتتجرء تجولي انا لا كيف
يونس بياخد ادهم غصب عنه وبياخد رجالته ويتجه لبيت غرام
**
عند بيت غرام
صابر: جولتيله يروح لييييييي دا يومنا مش معدي انهارده
غرام: مش عايزاااااه هي عافيه
وفجأه الباب بيخبط ليفتح صابر ويجد…
الثانية
غرام: مش عايزاااااه هي عافيه
وفجأه الباب بيخبط وهما بيتكلموا ليفتح صابر الباب وبصدمه: يونس بيه!!! ا ا ا اتفضل ااتفضل
يونس بيدخل وبيرمي ادهم قدامه
ورجالته برا
ليجلس يونس ويحط رجل علي رجل ويسند بيده علي الكنبه وهو ينظر لغرام المصدومه: ايه ياصابر سمعت كلام معجبنيش
صابر بسرعه: كل الكلام الي سمعته اعتبره محصلش يايونس بيه واحنا علي اتفاقنا
غرام بتبص لابوها الي اترعب اول مشافه ويونس مراقب نظرات الخذلان الي في عيون غرام ومبسوط
يونس بخبث: اسمع الكلام دا منها
غرام: عايز تسمع!… انا بقي مش موافقه وقلبي وعقلي مع أدهم وعمرهم مهيكونوا ليك هتقبل انك تتجوز واحده قلبها مع واحد تاني يايونس بيه
ليضربها صابر قلم جامد وتبكي غرام بشده
يونس انبسط من القلم: جليل عليكي الجلم وبعدين انا مالي ومال جلبك… جلبك دا هحطه تحت رجلي ملهوش مكان غير كديه يلا يلا يامولانا اكتب
