بقلم نرمين حمدى ١
يونس زقها بعيد: متسيبك من كلام الافلام الي عيشالي فيها دي انتي بالنسبالي ولا حاجه يعني بمجرد ممهمتك تخلص هنيه هنسي اسمك اصلا
غرام اتصدمت من كلامه: وكل الي فات دا كان ايه كلامك ليا وانا عمري مهأذيكي وانا سيبتها وجيتلك وووو كل دا كان كدب
يونس ببرود: مجرد تسليه انا في الاول وفي الاخر راجل ومعايا واحده لوحدينا انا معتبر نفسي متجوز من فريده بس وجوازي منك كان عشانها والواد برضاكي او غصب عنك هيتكب باسمها
غرام بتقع في الارض من صدمتها وبتفضل تعيط ويونس سابها وخرج
****
في المساء يونس بات مع فريده ومفكرش يعدي علي غرام حتي…
تاني يوم الصبح كان البيت كله مشغول في تجهيزات فرح زين
وغرام كانت نايمه مكانها علي الارض ليخبط الباب وبتكون جليله
غرام بتقوم مصدعه من كتر العياط وبتفتح الباب وهي عيونها حمر
جليله: يامري مالك ياغرام عيونك حمر كديه ليه كنك كنتي هتبكي
غرام بتهرب: لا لا ياعمه انا كويسه بس ناموسه دخلت في عيني
جليله بشك: ماشي يابتي يلا اصحي وفوجي كديه عشان تساعدو نعيمه في تحضير الاكل مش هتجدر تخلص كل دا وحديها
غرام: حاضر من عنيا هغسل وشي ونازله علطول
***
تحت الكل مشغولين
والاغاني شغاله والكل مبسوط
اما في المخزن بقي الرجاله بدأو في المهمه وقربوا من أدهم وانهو المهمه: الحقونييييييي
الثامنة عشر
اما في المخزن بقي الرجاله بدأو في المهمه وقربوا من أدهم مستغلين صوت الاغاني والدوشه
أدهم بتعب: انتو هتعملوا اي ابعدوا عني
لحد متمت المهمه وادهم باأعلي صوت: الحقووووووني
***
عتمان: اجهز يازين عشان تروح تودي عروستك الكوافير
زين بضيق: ماشي ماشي
اما عن ورد فحابسه نفسها في الاوضه ومش عايزه تنزل وتشوف كل التجهيزات الي المفروض تبقي ليها هي
لتخبط عليها جليله وتدخل: ايه ياورد انتي عايشه في البيت ديه وحديكي ولا ايه جومي ساعدي البنات تحت
ورد بزعل: حاضر ياماما نازله اهو
بعد وقت قليل سيف وصل(ابن عمهم اتجوز وعاش في القاهره وبعدها بسنتين مراته اتوفت وسابتله بنوته ذي القمر اسمها دارين عندها 6سنين)
سيف سلم عليهم كلهم
جليله: كيفك ياسيف ياولدي
سيف: زين يامرت عمي انتو عاملين ايه
عتمان: زنين ياولدي روح غير هدومك وارتاح كديه وخلي البت الجمر دي معايا
يونس شالها: جايبه الحلاوه دي من فين
سيف بهزار: مني
ليقاطعهم نزول زين كان لابس تيشرت اسود وبنطلون اسود وكوتشي ابيض
