رواية لخلود ناجى
هنية : بيقولوا الجنين ما.ت
فضلت قاعد ساكت معرفتش انطق، انا عايز بس تكون هي بخير ….رغم ضيقي منها واني كنت هطلقها هي التانية بس اكتشفت خوفي عليها اكبر من كل حاجة ……
هنية: انت كويسة يا بنتي ؟؟
” كويسة”
وشها كان شاحت وساكتة خالص….
” دعوتك اتحققت يا طنط هالة ، ابتلاني وحرمني من أغلي حاجة”
مفهمتش قصدها ايه ولا سبب دموعها هي وامي …دعوة ايه ….
ـ دعوة ايه اللي تقصديها ؟!
” ماما هنية….مش عايزة اشوف حد غيرك ”
عرفت انها رنت عليا كتير اوي …بس انا كان غصب عني …انا غبت ٣ ساعات أو اكتر فعلا …بس غصب عني ….
هالة بدموع: والله كانت لحظة غض,,ب ورؤي قالتلي كل حاجة وأنها هي اللي عرضت الفكرة … خليها تسامحني يابني
” أنتِ وبنتك دمرتوا حيلتي بما فيه الكفاية ….خلاص كدا يا خالتي حرام عليكم …”
هنية: وانت تفرق ايه عنهم يا نوح ؟! قولي يا بني ، انت كنت جاي تطلق البنت برضوا ، تعرف ليه هي سكتت عشان خافت عليك وعلي أنها تبوظ حياتكم ….طلق عاليا يا نوح وسيبها تعيش حياتها مع حد يعرف يسعدها …انا هفضل معاها …عاليا بنتي يا نوح
اخدت كل الالقاب …عانس ….زوجة تانية….مطلقة … الحقيقة مكنتش هقدر اكمل مع نوح ، تعبت وفقدت الامل هو لسه مطلـ.قنيش بس انا مصرة علي الطلا.ق ، انا خلاص مش فارق معايا كلام الناس ولا نظرتهم ليا ….المهم انا وبس …جمل محنة بتحصل معانا بيكون معاها هدية …وانا هديتي كانت ماما هنية …. نوح مش موافق علي الطلا.ق بس وافق اني ابعد عنه فترة ارتاح …وماما هنية قررت تاخدني بلدها تعرفني علي أهل نوح ….. رؤي سافرت وعايشة قصة حب … غريبة أمتي لحقت دول كلهم وازاي عملت دا في العدة بتاعتها مش فاهمة الحقيقة…..
” ياماما بجد عايزة واحد ”
هنية : استني طيب …. يا واد يا حلو انت ، زرع مين دا ؟!
ــــ” زرع عم رفاعي ….”
ـ رفاعي بن عم جوزي ، واحد يعتبر ….استني اشوف حد فيهم استاذنه…
” اشطا يا هنون”
ـ يا بت انا حمـ,,ــاتك احترمي نفسك
” ولو برضوا….”
عزيز: خالتي ام نوح ازيك ؟؟ يعني واقفة هنا ؟!
ـ عزيز ؟! كبرت يا ولدي …مفيش كنت عايزة اشوف حد فيكم عشان عايزة عود قصب
” عودين بالله يا ماما ”
عزيز بابتسامة: اللي أنتِ عايزاه
هنية بمكر : .تسلم يا ولدي…. يلا يا عاليا يا بنتي … عايزين بس عودين عشان خاطرها
عزيز: حاضر يا خالتي اللي تطلبوها ارجعوا انتوا البيت وانا هخلي حد يجبلكم ….
ـ شكرا يا ولدي ابقي سلملي علي امك لحد ما اشوفها …قولي شكرا للراجل يا بنتي
عاليا ببراءة: شكرا بجد لحضرتك تعبناك معانا
عزيز بثبات وابتسامة: العفو علي ايه ….
هنية: يلا يا عاليا
