منعـ,ـطف خـ,ـطـ,ـر ٢٩ ملك ابراهيم
رواية منعطف خطر بقلمي ملك إبراهيم.
في أوضة العروسة.
كانت زينة واقفة قدام المرايا بفستان فرحها الأبيض، الفستان اللي حلمت بيه من وهي صغيرة، بس النهاردة كان تقيل على قلبها.
وشها حزين، وعينيها فيها نظرة تايهة.
قلبها بيدق بخوف، ودموعها محبوسة بالعافية.
مكانتش تتخيل أبدًا إن يوم فرحها يبقى كده…
المفروض تكون أسعد واحدة، ده اليوم اللي دعت من قلبها سنين عشان يتحقق حلمها وتتجوز معتصم ،
بس مش قادرة تفرح…
يمكن عشان الجوازة دي مش بالشكل اللي كانت بتحلم بيه،
يمكن لأنها جات غصب مش اختيار.
الباب اتفتح فجأة، ودخلت زينب وهي بتزغرط بصوت عالي،
ضحكة مزيفة على وشها، وسعادة باينة إنها متعمدة تفرّجها لزينة.
الزغاريد ملّت الأوضة، وكل البنات خرجوا وسابوهم لوحدهم.
زينب قربت منها، وقالت وهي بتضحك: ألف مبروك يا عروسة… المأذون وصل تحت، والشهود هيطلعوا ورايا ياخدوا رأيك.
زينة ما ردتش،
بصتلها في المرايا، وعينيها بتلمع بغضب وسكوتها كان بيصرخ.
زينب قربت أكتر، وقفت وراها، وبصت لانعـ,ـكاسهم في المرايا، وقالت بنبرة فيها تحدي: شكلك بيقول إنك زعـ,ـلانة مني…
مع إن أنا اللي ساعدتك تتجوزي اللي قلبك رايده!
زينة لفت لها وبصتلها بحدة،
كلامها طلع من قلبها: عمري ما اتمنيت أتجوزه بالطريقة دي!
زينب ردت بسخرية وهي بتتحرك قدامها، بتحاول تخبي ألمها بالبرود: مش مهم الطريقة… المهم إن جوزي مش هيكون لحد غيري.
زينة رفعت حواجبها بدهشة، وقالت: وانتي فاكرة إنه مش هيفكر يتجوز تاني؟
أنا مش آخر بنت في الدنيا…
هيلاقي ألف غيري يتجوزها.
ردت زينب بعناد، وعنيها فيها نار: حتى لو لقى مليون… برضه هلاقي الطريقة اللي أبوظ بيها الجوازة!
زينة قربت منها، مستغربة: طب وليه من الأول؟
ما تقوليله إنك رافضة إنه يتجوز عليكي وخلاص!
زينب سكتت ثواني، وبعدين ردت…
صوتها اتكسر، والدموع بدأت تلمع في عنيها: ما أنا لو قلتله إني رافضة…
هيطلقني، ويتجوز برضه.
ممدوح قلبه متعلق بالعيال، ونفسه يخلف، ومش هيصبر عليا أكتر من كده.
قعدت على طرف السـ,ـرير، وكملت وهي بتحاول تتحكم في نفسها: لو اعترضت… هيشوفني أنانية، ويرميني في الشارع، ويتجوز، ويخلف،
وأنا؟
أعيش منبوذة، لوحدي…
سكتت لحظة، وبعدين قالت بحسرة دفينة: إنتي متعرفيش إحساس الست لما تحس إنها مش قادرة تسعد جوزها…
