قلوب حائرة ٢ج٢ روز آمين
تأففت ليالي واعتدلت بجلستها وتحدثت قائلة بنبرة مُحبطة:
-وعاوزاني أعمل إيه يا سيلا، أصرخ وأعترض وأطلب من بباكي يطلقها ؟
واسترسلت مُبررة بتأثر:
-وحتي لو فقدت إتزاني وإتجننت وطلبت منه ده، تفتكري ياسين هيسمع كلامي ويطلقها ولا حتي يبطل يحبها ويفضلها عليا؟
واسترسلت مبررة:
-كل اللي هيحصل إن الكُل هيبص لي علي إني ست فاضية وغيارة وبتاعت مشاكل
صاحت الفتاة بنبرة رافضة:
-حضرتك اللي وصلتي نفسك للنقطة دي بسلبيتك معاهم وتقبُلك الذلـ.ـيل للوضع ده، وكمان تعاملك مع اللي إسمها مليكة دي بطريقة عادية
زفرت بضيق وأردفت بنبرة إستسلامية:
-صدقيني يا بنتي كل ده ولا كان هيفرق مع بباكي، ياسين راجل قوي ومشاعرة جامدة ومافيش مخلوق يقدر يجبره علي حاجة هو مش عاوزها، فأحسن حاجة عملتها هو إني تقبلت الأمر الواقع وتعايشت معاه
ثم وضعت ساق فوق الأخري وتنفست براحة وتحدثت مفسرة:
-وصدقيني، أنا بتصرفي ده كسبت راحتي وقدرت أخد كُل اللي أنا عوزاه وأكتر كمان من ياسين
وأشارت بيـ.ـدها قائلة بتفاخر :
-وزي ما أنتِ شايفة، ياسين مديني حُرية التصرف وأي حاجة بحتاجها بتكون تحت أمري في نفس اللحظة، بخرج براحتي وبعمل Shopping زي ما أنا عاوزة
وأكملت بكامل الرضا وهذا يرجع إلي شخصيتها الأنوية:
– وأنا مش محتاجة منه أكتر من كدة
رمقت الفتاة والدتها بنظرة إشمئزاز من تفكيرها الذلـ.ـيل الخاضع والعقيم ،ثم سألتها بنبرة جادة:
-هو ليه حضرتك مافكرتيش تجيبي بيبي زيها؟
إتسعت عيناها وأطلقت ضحكات عالية متتالية، بالكاد إستطاعت إيقافها وهتفت مفسرة عندما وجدت بوادر الغضـ.ـب علي ملامح وجه إبنتها :
– بيبي إيه اللي عوزاني أجيبه وأنا في السن ده يا سيلا؟
يا بنتي أنا لا سني ولا لياقتي بقوا يسمحوا لي بالحمل، وحتي لو يسمحوا، أنا إيه اللي يخليني أضحي بجمالي وشكل جـ.ـسمي علشان أخلف بيبي ييجي يقلب لي حياتي كُلها
وأكملت بنبرة صادقة:
– صدقيني يا أيسل، أنا أقلمت نفسي علي وضعي الجديد وتقبلته وقدرت أتخطي غيرتي اللي كانت بتقـ.ـتلني أول ما ياسين إتجوز مليكة، واللي ساعدني إني اقدر أتخطي الحكاية هي إني مش حابسة نفسي جوة دايرة ياسين، أنا عايشة حياتي اللي بحبها وياسين مساعدني علي كدة
واسترسلت براحة وهدوء:
– ياسين مش حارمني من أي حاجة بحتاج لها وعارف إنها بتسعدني، ده غير إنه إتغير معايا جداً من وقت ما جينا ألمانيا، والوقت اللي بييجي فيه بيخرجني ويسهرني ويحـ.ـسسني إني ملكة، هعوز إيه أنا أكتر من كدة؟
