دموع السيف ٤ هايدى الصعيدى

[email protected]مايو 19, 2026

288

دخلت ياسمين بسرعه وقعدت على الكرسي وسط اخوتها وهي بتقول

: دا انسان مش طبيعي دا متخلف انا مش عارفه ازاي واحده زي دموع دي عايشه مع الهمجي دا.. دا انا في دقيقتين بس اترعبت منه ومن منظره

مها بحب وهي بتبطبطب عليها

: طب اهدي وحكلنا في ايه عشان نفهم

: مافيش يا ماما كنا قاعدين انا ودموع وياسمين ومبسوطين وبنتكلم وبنضحك فجأه دخل جوز دموع وندهه عليها بصوت عالي و قالها تحضرله الغدا فا تقريباً دموع مكنتش لسه جاهزت راح مزعق فيها قدمنا وبهدلها وقال الفاظ مش كويسه وكمان ندى بتقولي انه احتمال يمد ايده عليها كمان بسبب حاجه تافهه زي دي… وشهقت و هي بتكمل.. .. وصحيح يا مامي دا كمان طلع صوت غريب من منخيره خضني اوي

: يابن الجزمه دا انا هروح افشخه
2

قالها فارس لما هب من مكانه بعد ما سمع جملتها الاخيره مسكه سيف وقال

: اقعد يلاه هتروح تقوله ايه بتشخر قدام اختي ليه

: تتحرق اختي انا رايح ادافع عن دموع
3

سيف ضربه على قفاه ومهما وياسمين ضحكوا

سيف بجديه : اقعد يا اذكي اخواتك مالناش دعوه… ايه هتروح تقوله بتزعق لمراتك ليه الف واحد ف الحارة دي هيقولك هي اللي اكيد غلطانه محدش هنا بيغلط الراجل فكك دي قضيه خسرانه

وقعد سيف وهو بيغلي من جوه بس مش عايز يبين وبيقول في عقله

: بتشخر لوحده زي دموع يابن الكلب… دا انت معاك واحده المفروض تتحط في متحف و يتفرجوا عليها من بعيد…..وزفر بخنقه وهو بيمسح وشه…. استغفر الله العظيم يارب..

وقفت مها وهي بتقول

: يلا بقا يا ولاد خلصنا كل اللي ورانا مش هنمشي بقا ولا ايه زمان بابا قاعد في البيت لوحده زهقان انتوا ناسيين ان النهارده الجمعه

ياسمين : روحي انتي يا ماما وانا وفارس هنيجي وراكي

: ماشى يا حبيبتي متتأخروش

مشيت مها مع السواق والخدم ف نفس العربية الي جت بيها وفارس نزل مع ياسمين بعد ما ودعو سيف

……

فارس وقف تحت العمارة وركب المكنة بتعته ومد لياسمين الخوذة عشان تلبسها وركبت وراه ..

واحد من اللي قعدين علي القهوة

: مش كبيرة عليك المكنة ديي فرفور سبهلنا احنا نركبها

وضحك بصوت عالي هو وصاحبه على كلامه القذر المبطن

فارس نزل بغضب بعد ما فهم قصده كويس

: تركبها ده انا اركبك انت والي يتشددلك يا حيلتها