دموع السيف ٤ هايدى الصعيدى

: لا سيبك مني خالص دلوقتي عندي ليكي خبر هيجننك مش هتصدقيه

ندى اتعدلت في سريرها وقالت

: لا بقولك ايه من غير مقدمات ادخلي في الموضوع على طول انتي عارفه فضولي

دموع بنفس الحماس

: توقعي مين طلع ساكن في الشقه اللي قصادي

ندى وهي بتدلك في شعرها

: شقة ايه!؟ هي مش الشقه دي مهجوره من يجي عشرين سنه

: ايوه ما هو أصحابها رجعوا وتوقعي طلعوا مين

: قولي يا ختي على طول انا لسه صاحيه ومخي واقف ومش قادره افكر

: مش هتصدقي… اخو ياسمين الالفي

ندى بنتباه : بتهزري… ياسمين الألفي الي تبعنا بنت سالم بيه ؟!

: ايوه والله

: بس ازاي انا اعرف ان معندهاش غير اخ واحد صغير ومظنش خالص حد في مستواهم يكون عنده شقه في حارتنا الموبؤة دي

ضحكت دموع على كلامها و قالتلها

: انا هفهمك ماهو مش اخوها الصغير لاء واحد تاني ابن مرات ابوها واخو اخوها الصغير وهي بتعتبره زي اخوها..وخدي بقا الكبيره اخوها دا طلع سيلفر الرسام المشهور في فرنسا اللي متبعينوه انا وانتي على الانستا

ندى وقفت مره واحده وفتحت بقها من الصدمه

: احلفففففي بالله كده… لا لا مش مصدقه بقا سيلفر الرسام المشهور طلع جارك طب ازاي… انا كنت فكراه اجنبي طلع مصري وجارك دا ايه احلام العصر دي

: ايوه والله واسمه الحقيقي سيف كمان.. سيف القاضي

: يبختك يا دموع الحظ لعب معاكي عقبالي انا كمان يارب واصحى الصبح الاقي براد بيت ساكن في الشقه اللي قصادي واسمه الحقيقي علاء عبد الراضي .
1

دموع فطست من الضحك وندى ضحكت معها وبعدين جريت على الحمام تغسل وشها وهي بتقول

: طيب يلا اقفلي اقفلي انا جايلك لازم اشوفه بنفسي عشان اشوف مز كده فعلاً في الحقيقه وطول بعرض زي ما بيطلع في الصور ولا فلتر و فوتوشوب

دموع برومانسيه : انتي عارفه مش بشوف حد احلى من حسين بس بصراحه هو حلو فعلا زي الصور
4

وقفلت معاها دموع وهي لسه بتضحك على كلامها و جنونها وراحت تبص على القط بتاعها

عند ندي خرجت بسرعه من الحمام بعد ما غسلت وشها من الغسول بتاعها وغسلت سنانها وجريت على دولابها سحبت بنطلون جنز تلجي وتيشرت ابيض لبستهم بسرعه وسرحت شعرها البني الناعم على السريع



وطلعت تجري على برا وهي خارجه من الباب قالت لمامتها انها رايحه لدموع في حاجه مهمه بخصوص الشغل

وفي خلال دقيقتين كان بتدخل مدخل عمارة دموع اللي بعديهم بعمرتين على طول