دموع السيف ٤ هايدى الصعيدى

دموع انا اسفه يعني ممكن تعملي انتي القهوة احسن مش بعرف واتكسفت ارفض له اول طلب يطلبه مني

دموع ابتسمت بهدوء : اسفه ايه بس يا بنتي من عنيا حاضر وبعدين ازاي اخوكي وازاي اول طلب وغير كده اسمأكم مختلفه انتي الالفي وهو القاضي زي ما قال

ياسمين : اولا متقعديش مع ندي كتير عشان الفضول مضر بالصحه ههههه ثانيا بقا ..بصيي يا ستي سيف ابن ماما مها من زوجها الي اتوفي

بعد كده اتجوزت بابا سالم وانا عندي يمكن 8 سنين وهي الي ربتني ومشفتش ف حنانها ولا طيبة قلبها عشان كده بقولها يا ماما وفارس يبقا اخويه واخوه سيف وانا اعتبرته اخويه برضو فهمتي

دموع وهي بتقلب ف القهوة : اما قصة عبره بصحيح هههه اااه صح بمناسبة ندي لو عرفت انك هنا هتيجي جري

ياسمين بضحكه : هي سكنه هنا برضو

دموع : اه انا وهي هنا مع بعض من ساعة ما تجوزت وجيت من بلدنا وهي معايا مفرقتنيش ابدا

ياسمين بتسأل : انتي متجوزه من امته يا دودو

دموع : تقريبا متجوزه من 8 سنين يا قلبي

ورفعة فنجان القهوة وصبته ف نفس الوقت الي قرب فيه سيف وشافها وهي بتحضرله قهوته وكان فرحان اوووي وفرحته اطفت لما سمعها بتقول متجوزة
من 8 سنين ..وفتكر اثر الضرب ع جسمها وجز على سنانه بغضب ..

ياسمين خدت القهوة ولفت شافت سيف وقف قدمهم بفك متصلب وبتوتر : مالك يا سيف

سيف : هاا لا مفيش يا حببتي عايز مايه بس

دموع خدت كاس من المطبخ وملته مايه من البراد الصغير وحطتها جمب القهوة

سيف برسميه : شكرا يا مدام دموع تعبناكي

دموع : ولا تعب ولا حاجه يلا همشي انا بقا.. و بجد مبسوطه اني اتعرفت عليكم يلا باي نتقابل
بكرا في الشركه ي ياسمين… وع فكرة انا عايزة
اخد امضتك يا سيلفر

سيف بابتسامه بسيطه : تحت امرك في اي وقت يا استاذة دموع

دموع اومأت وشورت بايدها بعد ما وصلوا معاها عند الباب وجريت علي شقتها الي نسيها مفتوحه ودخلت تطمن على مشاكس القط بتاعها

اول ما دخلت سمعت التليفون بيرن وفصل ومسكته لقت ندى رنه عليها مرتين لسه ريحه ترن عليها راحت ندي متصله تاني ردت عليها دموع بابتسامه بشوشه

: ايوه يا ندوش معلش الفون كان بعيد عني

ندى وهي بتتاوب : ولا يهمك يا قلبي انا اصلا كنت متصله عشان اقولك معلشي كنت نمت امبارح لما رنيتي عليا.. خير كنتي عايزني في حاجه

دموع وشها بهت لما افتكرت كانت عايزها في ايه لكن سرعان ما نفضت دماغها وردت بحماس وابتسمتها رجعتلها