دموع السيف ٤ هايدى الصعيدى

وفضلو ندي ودموع هارين ياسمين اسأله عن سيف وعن حياته وياسمين بتجوبهم وكل شويه تضحكهم لما تحكلهم مغامره من مغامراته مع الستات لما كان لسه واصل فرنسا جديد وهما مش قادرين يبطلوا ضحك لحد ما قطع عليهم القاعده الحلوه دي دخول حسين اللي اول ما دخل قال بصوت عالي

: دمووووع… حطيلي الغدا ع ما اخد دش ولا معملتيش وانتي قاعده بتتسهري

هو عارف انه مش وقت غدا بس اي تلاكيك

البنات اتخضوا من صوته وخصوصا ياسمين اللي مش متعوده على الجو دا

جريت عليه دموع وقالت له بصوت واطي

: معلش يا حبيبي انا لسه محضرتيش الغدا صبر نفسك بأي حاجه عقبال ما البنات تمشي وهحضرلك الغدا بسرعه…ثواني انا عامله كيك وعصير هجبلك

مسكها حسين من اديها جامد وهو بيقول بصوت عالي

: كيك ميت مره اقولك عيشي عيشة اهلك يا روووح امك و متنسيش نفسك واصلك ولا تنسي الحارة الي انت عايشه فيها الي كلها اوضة وصاله من قصور ولاد الزواد الي انتي تعرفيهم

وبص لياسمين من فوق لتحت وكأنه بيقولها انه قصده عليها بكلامه وكمل بنفس الزعيق

: حسي على دمك انا طلع عين ميتيني ف الورشة عايز ارجع الاقي لقمة اسد بيها جوعي وانتي يا ام مخ زنخ بتقوليلي كيك وشاي خخخخ احاااا
3

دموع.. الدموع اتحجرت في عنيها بسبب الاحراج اللي هي فيه قدام البنات وبقت مسكه في طرف الروب بتاعها وبصه في الأرض ووشها احمر دم من كتر الكسره والاحراج

ياسمين اتنفضت اول ما سمعت صوته والفاظه

وقامت وقفه مره واحده وهي بتقول لندي اللي شكلها مش مستغرب وقاعده حاطه رجل على رجل وبتاكل كيك

: ايه الهمجيه دي

ندا بابتسامه سمجه

: اقعدي اقعدي يا بسكوته انتي لسه شوفتي حاجه

: لا يا قلبي مش عايزه اشوف اكتر من كده كفايه عليا اللي شوفته وسمعته

قالتها وهي بتاخد شنطتها وبتستعد للرحيل وبصت لندي وقالت

: مش هتيجي معايا

: لا يا حبيبتي انا متعوده على الكلام دا مقدرش اسبها معاه وهو كده دا طور هايج ممكن يكسرها في اي لحظه

: يلهوي كمان بيضربها لا لا انا ماشيه مش قادرة استحمل الهمجيه دي

: بالسلامه يا بسكوته

قالتها ندى وهي بتحدفلها بوسه في الهوه

وخرجت ياسمين بسرعه وهي حاطه اديها على قلبها وعنيها مبرقه بسبب صوت زعيق حسين اللي لسه مستمر

رنت جرس باب شقتهم فتحتلها مها اللي اتخضت اول ما شافتها بالمنظر دا

: ايه يا بنتي مالك وشك مخطوف كده ليه