دموع السيف ٤ هايدى الصعيدى
وخدت السلم جري واول ما وصلت قدام الشقه خدت نفس عميق ورنت الجرس وهي وقفه وكلها حماس ان سيلفر هو اللي يفتحلها ولكن اختفت ابتسمتها بأحباط لما لقت حد تاني بيفتحلها والي كان فارس اللي اول ما فتح وعينه جت في عنيها قلبه اتنفض و تنح وجمله واحده بس خرجت منه وهو بيكلها بعنيه
1
: ايه الحاره اللي كلها حريم تحل من على حبل المشنقه دي…و بيقولوا مصر مفهاش نووي..
3
سيف من وراه : مالك يلاه متنح كده ليه
فارس بخفوت وهو بيميل عليه : متنح بس… يسطا ده انا قلبي وقف.
1
سيف كتم الضحكه وقرب يشوف مين
واول ما ندى شفته الضحكه والانبهار الشديد شقوا وشها سيف ابتسم وفارس تاهه في جمال الضحكه ام غمزات وشفايف تتاكل
: احيييييه دا طلع سيلفر بجد
: ايه الحاره اللي كلها عرفاني دي
قالها سيف بابتسامه وف نفس الوقت خرجت دموع من شقتها لما سمعت صوت ندى
ندا بصتلها وهي بتقول
: ايه دا يا دموع متفقناش على كده دا طلع احلى من الصور… كملت وهي بتتريق علي دموع ..مبعرفش اشوف حد احلى من حسين بس هو حلو الصراحه ..ده حلو جدا ياختي
سيف ابتسم وهو بيعض ع شفته بيكتم الضحكه وفارس اتغاظ لأنها مخدتش بلها منه أصلاً وكأنه مش واقف ودموع كانت في نص هدومها من كلام صحبتها
ندي من تبريقت دموع استوعبت هي قالت ايه و حمحمت بأحراج وقالت
: والله نورت نورت يا استاذ سيف ولا اقول سيلفر
سيف بابتسامه ودوده
: اللي يريحك ي انسه
: ندي اسمي ندي والله انا لسه مش مصدقه… عايزه اقولك انا ودموع من اشد المعجبين بيك وبفنونك مبنخرجش من ع الصفحه بتعتك حرفيا
سيف ضحك تاني على كلامها وفارس لسه متنح عليها لدرجة انه ندى واخيرا خدت بالها وكلمته بجديه
: مالك يا حبيبي فيك حاجه
: يا ديني حبيبي حته واحده… انا ضعت خلاص
3
قالها بسهتنه وندى رفعت الحاجب بس سيف انقذ الموقف بسرعه وقال قبل ما ندى ترد
: طب ما تفضلوا يا جماعه هنفضل وقفين ع الباب كده كتير
: لا مرسي مش عايزين نعطلكم
قالتها دموع وهي بتسحب ندي نحيتها
ندى قبل ما تدخل
: استني بس يا دموع انا كنت سامعه ان ياسمين هنا كمان ممكن تروح تندهلها يا كوكو
: خخخخ كوكو
3
قالها فارس بصوت واطي محدش سمعه غير سيف اللي كتم ضحكته وزقه لجوه وقال
: ثواني انا هندهالك
ثواني وحضرت ياسمين اللي سلمت عليها بترحاب شديد لان ندى ودموع من اقرب الناس ليها في الشركه وعلى طول قعدتها معاهم… دخلوا كلهم شقة دموع اللي عملتلهم عصير فرش وطلعت لهم من الكيك اللي عملاه
