مش حب عادى ٣٦ ملك ابراهيم

أسامة اتحرك من قدامها بكل برود وخرج من القصر.

الست هادية استغربت الطريقة اللي أسامة بيتعامل بيها مع خديجة وسألتها بدهشة: هو جوزك ماله يا خديجة؟

خديجة كانت مقهورة من كلام أسامة وطريقته معاها اللي مبقتش قادرة تستحملها.

عيونها لمعت بالدموع وقالت: انا مبقتش قادرة استحمل أسلوبه ده يا ماما.. دايما بيقلل مني وكلامه كله معايا إهانة وتجريح.

الست هادية قالت بحزن: معلش يا حبيبتي استهدي بالله.. هو بس عشان اتعلم برا وعاش في بلد اجنبيه .. افكاره بقت مختلفه عننا شويه.

ردت خديجة باعتراض: لا يا ماما.. رحيم أخويا هو كمان اتعلم برا.. ودرس القانون في جامعة أكبر من اللي أسامة اتخرج منها.. وعمره ما اتغير ولا افكاره اتغيرت…

وبصت خديجة قدامها بتفكير وقالت بحزن: انا اوقات بحس ان أسامة بيغير من رحيم!

وبصت للست هادية وقالت لها: أسامة بيغير من اي حد يحس انه احسن منه.. ودايما بيقلل من كل الناس عشان يحس ان هو احسن واحد في الدنيا..

نزلت دموع عنيها وقالت بقهرة: دايما بيحسسني ان كل الستات احسن واحلى مني.. دايما بيحسسني ان انا اقل واحدة في الدنيا وهو تكرم وتنازل واتجوزني!

الست هادية قالت بزعل: لا طبعا! هو كان يحلم انه يتجوزك! دا انتي ست البنات.

وبصت الست هادية لـ ليان اللي كانت بتسمع كلامهم وهي زعلانه عشان شايفه دموع مامتها.
قالت الست هادية لـ ليان: ليان يا حبيبتي.. الكلام اللي ماما قالته ده مينفعش تقوليه لـ حد… بقلمي ملك إبراهيم.
… يتبع
ياترى ليان هتسمع الكلام ومش هتقول لحد فعلا😂
انا نفسي اووووي ليان تقول لـ خالو رحيم 😂👊
حبايبي وحشتوني😍
#الحلقة_37 هتنزل هدية النهاردة لو لقيت تفاعل جاااامد🤝
ومنتظرة رأيكم في التعليقات 🌿🌹
الكل يتفاعل على البارت ده بسرعه وصلوه لـ اعلى تفاعل عشان انزل الهدية🎁😍💪