دموع السيف ٧ هايدى الصعيدى

قالها بستعجال وهو بيفتح باب الفيلا وخرج

: طب سوق براحه الدنيا مش هطير وبعدين مصحتكش عشان محدش مصدق انك هتنزل الشغل فعلا

فارس بضحك : والله عيب عليكي يا غاليه.. يلا سلام

خلص كلامه و جري على جراج الفيلا خرج المكنه بتاعه ونطلق بيه متجها للشركه

ومها هزت راسها بيأس من عمايله وطيشه ودعتله ربنا يهديه ويصلح حاله

………..

بعد نص ساعه كان داخل الشركه والكل بيبصله ويبتسمله برسميه فكرينوه جاي في زياره عاديه… وهو عينه على الكل وبلع ريقه وهو بيبص حوليه كلهم لبسين بدل واطقم رسميه وهو الوحيد اللي لابس لبس كاجول وسطيهم.
5

: ايه الخنقه دي.. انا ايه اللي جابني هنا … بس كله يهون لجل العيون

قال الاخيره بابتسامه جذابه وهو بيفتكر عيون ندى

……..

دقايق وكان بيدخل مكتب سيف علي طول منغير حتى ميخبط على طول دخل وهو بيقول

: طبعا انا لو حلفتلك ع المصحف اني كنت ظابط المنبه ع الساعه ٨ ومسمعتوش مش هتصدقي

: وهتسمعه ازاي وانت نايم وش الصبح

: ادا انت شفتني؟

: اترزع… مش محتاج اشوفك هو انا لسه هعرفك..وبقولك ايه الشغل دا مش هينفع معايا اتعدل وتلم كده وظبط

: مالك يا برووو حامي كده ليه مكنوش ساعتين تلاته اللي اتأخرتهم.. كمل هو بيقعد وبيحط رجل على رجل…..وبعدين دا انا حتى ابن صاحب الشركه يعني اتأخر برحتي
1

:فاااارس… مش هنبه عليك تاني الساعه تمانية بالدقيقه تبقا هنا كل يوم.. وبقا شوفلك بدله
… وكبر شوية يا كوكو هاه

فارس وهو بيظبط في شعره من غير اهتمام بكلام سيف

: طيب طيب هحاول… بس بلاش كوكو دي

سيف وهو بيمسك سماعة التليفون

: انا عارف ايه هيخليك تلتزم وتيجي من الفجر….. ايوه أبعتيلي الانسه ندى عثمان علي مكتبي

فارس انتبه بكل حواسه و عنيه برقت وتعدل بسرعة

سيف بصله وبتسم له بسخرية و الباب خبط بعد شويه وسمح سيف للطارق بالدخول واللي كانت ندى اللي اول ما شافها فارس عنيه لمعت ببريق وجبها من اول شعر راسها لحد رجليها بإعجاب شديد وهو بيقول في عقله

( يخربيت منحنياتك)

وعض على شفته

ندى بابتسامه رقيقه : ازيك يا مستر سيف ..عامل ايه يا كوكو

سيف كتم ضحكته وفارس بصلها بقرف

سيف : ازيك يا استاذة ندى…..كوكو بيه هيداوم معانا من انهارده وهيكون تحت تدريبك
5

ندي وفارس الاتنين فتحه بقهم بصدمه بس كل واحد كانت صدمته مختلفه